މާލެ-ހުޅުމާލެ ހައިވޭގައި ޓެކްސީތަކެް ދަތުރުކުރަނީ. ޓެކްސީ ކުރުމުގެ ގަވައިދަށް ގެނައި ބަދަލާ މެދު ޑްރައިވަރުން ހިތް ހަމަ ނުޖެހޭ
04 އޯގަސްޓް 2019 - 11:32
222 comments
ޓެކްސީތަކުގައި މީޓަރު ހަރުކުރަން ޖެހޭ ގޮތަށް ހަމަޖައްސައި، މާލެ ސަރަހައްދުގައި ދަތުރަކަށް ނެގޭނެ އެންމެ ބޮޑު އަގަކީ 75ރ. ކަމަށް ހަމަޖެއްސުމުން މުޒާހަރާ އަށް ނުކުންނަން ޓެކްސީ ޑްރައިވަރުން ތައްޔާރުވާން ފަށައިފި އެވެ.
ޓެކްސީ ސެންޓަރަކުން "މިހާރު" އާ ވާހަކަ ދެއްކި މީހަކު ބުނީ ބުދަ ދުވަހު މުޒާހަރާ ކުރުމުގެ އިންތިޒާމްތައް ހަމަޖައްސަމުން އަންނަ ކަމަށެވެ. މުޒާހަރާ ސަރުކާރަށް ޑިމާންޑްކުރަން އުޅެނީ ކޮން ކަންތައްތަކަކަށް ކަމެއް އަދި ސާފެއް ނުވެ އެވެ.
މުޒާހަރާ އަށް ނުކުންނަ ސަބަބާ ބެހޭ ގޮތުން ވާހަކަ ދެއްކި ޑްރައިވަރަކު ބުނީ ޓެކްސީ ޑްރައިވަރުންގެ މައިގަނޑު ތިން ކަންބޮޑުވުމެއް މިފަހަރު އެބަ އޮތް ކަމަށެވެ. އެގޮތުން އެންމެ ބޮޑު ކަމަކީ އޭނާ ބުނި ގޮތުގައި އަލަށް ހުއްދަ ދިން އެޕްލިކޭޝަންތަކާ އެކު، ޓެކްސީ ކުރުމަށް ރަޖިސްޓްރީކޮށްފައި ނެތް އަމިއްލަ ކާރުތަކުގައި ހިދުމަތް ދިނުން އާއްމުވެ، ޓެކްސީތަކަށް ޑިމާންޑް ކުޑަވެދާނެ ކަމުގެ ކަންބޮޑުވުމެވެ. ދެވަނަ ކަމަކީ މާލެ ސަރަހައްދުގައި ނެގޭނެ އެންމެ ބޮޑު އަގުގެ ގޮތުގައި ސަރުކާރުން ކަނޑައެޅި އަގު ކުޑަވުމެވެ.
ޓްރާންސްޕޯޓް މިނިސްޓްރީން ކުރި އިއުލާނުގައި ބުނެފައި ވަނީ މާލެ ސަރަހައްދުގައި ރަޖިސްޓްރީކޮށްގެން ދުއްވާ ހުރިހާ ޓެކްސީއެއްގައި، މޮބައިލް ތިން އެޕްލިކޭޝަނެއް ބޭނުންކުރަން ހުއްދަ ދީފައިވާ ކަމަށެވެ. އެއީ އަވަސް ރައިޑް، ޕިކްމީ އަދި އެއައީ އެވެ. ނަމަވެސް އެ އެޕްލިކޭޝަންތައް ބޭނުންކުރަން ފެށުމަށް މިނިސްޓްރީން ވަނީ ޓެކްސީތަކަށް ދެ މަސް ދުވަހުގެ މުއްދަތެއް ދީފަ އެވެ.
"އަގުތައް ވެސް އަސްލު ކުޑަ، އެކަމަކު އެއަށް ވުރެ ކަންބޮޑުވަނީ މި އެޕްލިކޭޝަންތަކަށް ހުއްދަ ދިނީމާ. އެޕްލިކޭޝަންތައް މެދުވެރިކޮށް މިހާރު ވެސް ޓެކްސީ އެބަކުރޭ ޕްރައިވެޓް ކާރުތަކުގައި. އަޅުގަނޑުމެން މި ތިބެނީ މި ހިދުމަތަށް ރަޖިސްޓްރީކޮށްގެން. ދައްކަން ޖެހޭ ފީތައް ދައްކައި ކުރަންޖެހޭ ހުރިހާ ކަމެއް ކޮށްގެން،" ނަން ނުޖަހަން ޝަރުތުކޮށް ވާހަކަ ދެއްކި ޑްރައިވަރަކު ބުންޏެވެ.
އެހެން ޑްރައިވަރަކު ބުނީ މާލެ އިން ހުޅުމާލެ އަށް އަދި މާލެ އިން އެއާޕޯޓަށް ގޮސް އައިސް ވުމަށް ކަނޑައެޅި އަގު މާ ކުޑަ ކަމަށެވެ. އޭނާ ބުނީ އެ އަގާ މެދު ހިތްހަމަ ނުޖެހެނީ އެއީ ގިނަ ވަގުތުތަކެއް ހޭދަވާ ދަތުރުތަކަކަށް ވާތީ ކަމަށެވެ.
"ހުޅުމާލެ އަށް ނުވަތަ އެއާޕޯޓަށް ގޮސްފައި އަންނަންޏާ މަދުވެގެން ބައިގަޑިއެއްހާ އިރު އެބަ ހޭދަވޭ އެކަމަށް. އެހެންވީމާ 60 ނޫނީ 75 މިއީ ކުޑަ އަގެއް. ދުނިޔޭގެ އެހެން ގައުމުތަކުގައި ވެސް އެކަހަލަ ދަތުރުތަކުގެ އަގު ހަމަ ބޮޑު،" އޭނާ ބުންޏެވެ.
ޓެކްސީ މީޓަރާއެކު ދަތުރުތަކުގެ އަގަށް ގެނައި ބަދަލު
- މާލެ- ހުޅުލެ އަދި ހުޅުލެ- މާލެ: ދަތުރެއްގެ އަގު 60ރ. - ހުޅުމާލެ- ހުޅުލެ އަދި ހުޅުލެ- ހުޅުމާލެ: ދަތުރެއްގެ އަގު 60ރ. - މާލެ- ހުޅުމާލެ އަދި ހުޅުމާލެ- މާލެ: ދަތުރެއްގެ އަގު 75ރ.
ޓްރާންސްޕޯޓު މިނިސްޓަރު އައިޝަތު ނަހުލާ ނެރުއްވި ބަޔާނެއްގައި ވިދާޅުވީ މި ސަރުކާރު ހަވާލުވިއިރު ވެސް ޓެކްސީ ނުލިބުމާއި ޓެކްސީގެ އަގު ބޮޑުވުމަކީ ރައްޔިތުންގެ ވަރަށް ބޮޑު ޝަކުވާއެއް ކަމަށެވެ. އެހެންވެ މަޝްވަރާތަކަށް ފަހު މި ގެނައީ އެންމެންނަށް ވެސް ފައިދާވާނެ ބަދަލެއް ކަމަށް ވިދާޅުވެފައިވެ އެވެ.
"މިކަމުގެ ފަސޭހަ ހުރިހާ ފަރާތްތަކަށް ވެސް ލިބިގެންދާނެ ކަމަށް އުއްމީދުކުރަން،" މިނިސްޓަރު ވިދާޅުވި އެވެ. މާލެ ސަރަހައްދުގައި ޓެކްސީކުރުމުގެ ހުއްދަ 1،200 ޓެކްސީއަކަށް ދީފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ީނުހާ
06 August 2019
ބަލަ ކަލޯ ދުނިޔޭގެ ގައުމު ތަކުގެ ރޭޓުގެ ވާހަކަ ނުދައްކާ. މާލެ އާ ދުނިޔޭގެ ގައުމުތަކާ އެެއްވަރުތަ؟މިހާ ކުޑަ ތަނެއްގަ ތިޔަބުނާހާ ގިނަ ލާރި ނަގާކައް ނުޖެހޭ!!
މުހަންމަދު ަ
05 August 2019
ބަލަ ތެޔޮ އަގު ބޮޑެއް ނުވެޔޭ
ދޮންހިޔަލަ
05 August 2019
އަގުބޮޑުކޮށް ކުރާ ޓެކްސީތަކަށް ނައަރަމާ. ދެން އެޕްލިކޭޝަން ޔޫސްކުރާތީ މިހާރު ވަރަށް ފަސޭހަ، އަގު ހެޔޮކޮށްލިބޭތީ. އަނެއްކާ ޚިދުމަތްވެސް އެޕްލިކޭޝަން މެދުވެރިކޮށް ކުރާ ޓެކްސީތަކުގަ ރަނގަޅު. އަންޒަމާނު ކަރައަށް ވައި އެޅިފަ ތިބޭ ޓެކްސީ މީހުން އަދިވެސް ލާރިއާ ހެދި މޮޔަވެފަ. އަސްލު އެބުނާހާ ގަޑިއެއް ނުނަގާ ހުޅުމާލެދާން. ސަރުކާރުން ވެއްޖެ މިހާރު އަގުހެޔޮކޮށް ޓެކްސީކުރާ މީހުންނަށް ފަސޭހައިން ރަޖިސްޓްރީކުރެވޭ ނިޒާމެއް ޤާއިމްކުރަން. އަގުހެޔޮކޮށް ކޮށްދޭނެ.
އަލީ ހަމީން
05 August 2019
އެކަކުވެސް ޓެކްސީ އަށް ނުގުޅަ ހުއްޓާލަބަލަ...ހަފްތާއެ ނުވަނީސް 5 ރުފިޔާއަށްވެސް ދަތުރުކޮއްދޭން އާދޭސް ކުރާނެ....ނުޖެހެޔ މިވެރިންގެ އަތް ދަށުވެގެން އުޅޭކަށެއް
ބޮޑުމީހާ
05 August 2019
ތި ވަކި ޓެކްސީ ޑްރައިވަރުންގެ މައްސަލައެއްނޫން. ގައުމު މިއޮތީ އެގޮތަށް. އެމީހަކަށް ބާރެއް ލިބޭ ދިމާއަކުން އަގުތަށް އިންތިހާއަށް މަތިކުރަންވީ. ރޯދަ މަހު ފެނުނީ މިރުސް ކިލޯ 1500 ރުފިޔާއަށް އެރިތަން. ޓިއުޝަން ވަކި ކުއްޖަކަށް ނަގަނީ 2000 ރުފިޔާއަށް. އެޕާރޓްމަންޓް ކުލި އަބަދުވެސް ދަނީ މައްޗަށް. ރެގިއުލޭޓް ނުވަންޏާ އަދި މިކަހަލަ އެތައް މަންޒަރެއް ފެންނާނެ. ހުރިހާ ކަމެއްގެ ހައްލަކީ ބޯހިޔާވެހިކަން. ފްލެޓް ކޮމިޓީގެ ހަބަރު ނުވާތާ 11 ވަނަ ހަފްތާ
މަޒް
05 August 2019
ކަލޭމެން ޓެކްސީ ޑްރައިވަރުންވަނީ ހިދުމަތަށް ބޭނުންވާ މީހުން ތާށިކޮއް އަބަދުވެސް ޓެކްސީތަކުގެ އިންތިޒާރުގައި ކަލޭމެން ކިއި އަގަކަށް އެއްބަސްވެ ދަތުރުތަކުގައި ހިދުމަތ
ބޫމް
05 August 2019
1200 ޓެކްސީއޭ؟؟؟ އެކަމަކު މާލެއިން ޓެކްސީއެއް ހޯދުމެކޭ ކަނޑުން މާވަހަރެެއް ހޮވުމެކޭ އެއްވަރު. ވަކި މަގުތަކަށް ދަންޏާ ޚިދުމަތް ދޭކަށް ބޭނުމެއްނުވޭ. ތިމާމެން ވަރެއް ނެތިގެން އުޅޭމީހުން ތިޔަ ޑްރައިވަރުންގެ ތެރޭގައި ގިނައީ. އަދި ޚިދުމަތް ނުދެވޭ އިރު ވެސް ޑިމާންޑް ދަށްވެދާނެތީ މިއުޅެނީ. ބަލަ ޚިދުމަތެއް ނުދެވެޔޭ. މިފަހަރުވެސް މާލެ ގޮސް ބަލިމީހާ ގޮވައިގެން ހޮސްޕިޓަލަށް ދިޔައީ މުޅިންވެސް ޕިކަޕްގަ. ވަކިހިސާބެއްގަ ހުރި ގެޔެއް ވީމާ ކާރު ނުވަންނާތީ.
ބޫސާޅު
05 August 2019
މިހާރު ކލޭމެން ކުރަނީ ޓެކްސީއެއްވެސް ނޫން ބަސްދަފުރެއް. އެހެންވީމާ ހަމަ ކުޑަކުރަންވީ. ތިގެންގުޅޭ ބާ ޓެކްސީތައްވެސް ޓޯކޮށް ތިލަފުއްޓަށް ބެންގޮސް އަންދަންވީ
ގޮބޮޅިއަލީ
05 August 2019
ރައީސް އިބޫ ސޯލިހުއަށް ވެދުން ސަލާމަށްފަހު ދަންނަވަން މާލޭގަ މިއުޅޭ ޓެކްސީ ޑްރައިވަރުންނަކީ ރާއްޖޭގެ ގާނޫނުތަކާ ގަވާއިދުތަކަށް ތަބާވުމަށް އިންކާރުކޮށް ފާޅުގައި ގާނޫނަށް ގޮންޖަހާ އެމީހުން ހިތްހަމަޖެހޭވަރަކަށް މީހުން އަތުން ފައިސާ ނަގަމުންދާ ބައެކެވެ. އަދި މިބައިމީހުންނަކީ ތިމާމެންވަރުގެ ބައެއް ނެތްކަމަށް ދެކެގެން އުޅޭ އަހުލާގީ ސުލޫކީ މިންގަނޑެއްވެސް ހުންނަބައެއް ނޫނެވެ. ވީމާ މިމީހުން މައިތިރިކޮށް ދެއްވުން އެދި އަދަބު އިހުތިރާމާއިއެކު ދަންނަވަން
ކާރު
05 August 2019
ދުނިޔޭގެ އެހެން ގައުމުތަކުގަ އެއާޕޯޓް އޮންނަނީ ވިހި ތިރީސް ކިލޯމީޓަރު ދުރު ހިސާބެއްގަ. 2 ކިލޯމީޓަރަކު ނޫން އިނގޭތޯ