އައްޑު އަށް ރެއިން ފެށިގެން ބޯކޮށް ވާރޭވެހި މަގުތަކުގައި ފެންބޮޑުވެއްޖެ އެވެ.
ބޯކޮށް ވާރޭވެހުމުގެ ސަބަބުން މަގުމަތަކުގައި ފެންބޮޑުވެ، މީހުން ދިރިއުޅޭ ބައެއް ގެތަކަށް ފެން ވަދެފައި ވެ އެވެ. އެމްއެންޑީއެފް ސަދަން ކޮމާންޑުން ފެން ހިންދުމުގެ މަސައްކަތް ވެސް މިހާރު ކުރަމުން އަންނަ އިރު، ފެން ވަން ބައެއް ގެތަކަށް ފެން އިތުރަށް ވަނަނުދިނުމަށް ސިފައިން ވެލި ބަސްތާ ވެސް ޖަހައިދީފައި ވެ އެވެ.
ބޯކޮށް ވާރޭވެހިއްޖެ ނަމަ އައްޑޫގެ އަވަށްތަކުގެ ބައެއް ސަރަހައްދުތަކަކީ ވަރަށް އަވަހަށް ފެންބޮޑުވާ މައްސަލަ ދިމާވާ ތަންތަނެވެ. މި މައްސަލަ އަށް ދާއިމީ ހައްލެއް ހޯދުމުގެ މަސައްކަތްތަކެއް ވެސް އަވަށްތަކުގައި އަންނަނީ ކުރަމުންނެވެ.
Addu City ah boakoh vaarey vehi baeh maguthakugai fen boduvumaai gulhigen MNDF Southern Area ge sifain fen hikkumah kuramundhaa masakkathuge therein. Adhi Hithadhoo ge baeh ge thakah fen vannaathee velibasthaa vanee jahaidheefai. pic.twitter.com/t9JqWOQ6LT
— Maldives National Defence Force (@MNDF_Official) October 12, 2019
މޫސުމާ ބެހޭ އިދާރާ އިން ބުނިގޮތުގައި ރޭ 8:00 އިން ފެށިގެން މިއަދު ހެނދުނު 6:00 އާ ހަމައަށް އައްޑު އަށް 107 މިލިމީޓަރުގެ ވާރޭވެހިފައިވެ އެވެ. އަދި ހެނދުނު 8:00 އާ ހަމައަށް ވަނީ ޔެލޯ އެލާޓް ވެސް ނެރެފަ އެވެ.
އައްޑު އަށް މިހާރު ވެސް ވާރޭވެހެމުންދާ އިރު، މެޓް އޮފީހުން ބުނީ ކުރިއަށް އޮތް 24 ގަޑިއިރު ވެސް އައްޑު އަށް ވިއްސާރަކުރާނެ ކަމަށެވެ.
