ޝާޒްލީ: އޭނާ އަންނަނީ ނިއުޒިލެންޑުގައި އަމިއްލަ ވިޔަފާރިއެއް ވެސް ކުރަމުން
12 އޮކްޓޯބަރ 2019 - 16:10
ނިއުޒީލެންޑުގައި މިއަދު ބޭއްވި ކައުންސިލް އިންތިޚާބުގައި ދިވެއްސަކު ވާދަކޮށް، އެ އިންތިޚާބު ކާމިޔާބު ކޮށްފި އެވެ.
ނިއުޒިލޭންޑުގެ ހަޓް ސިޓީ ކައުންސިލަށް އަމިއްލަ ގޮތުން ކުރިމަތިލެއްވި ޝާޒްލީ ރަޝީދާ އެކު، އެ ސިޓީ އަށް 11 ކައުންސިލަރަކު އިންތިޚާބުކޮށްފައި ވެ އެވެ.
އެ ގައުމުގެ 90 އަށް ވުރެ ގިނަ ސިޓީ އަށް ކައުންސިލަރުން އައްޔަން ކުރުމަށް ބޭއްވި އިންތިޚާބު ކާމިޔާބުކުރެވުމާ އެކު، ޝާޒްލީ އޭނާގެ ފޭސްބުކްގައި ވަނީ ވޯޓުދިން އެންމެންނަށް ޝުކުރު އަދާކުރައްވައިފަ އެވެ. އަދި ހަޓް ސިޓީގެ ކަންކަން އިތުރަށް ރަނގަޅު ކުރުމަށް މަސައްކަތް ކުރައްވާނެ ކަމަށް ވިދާޅުވި އެވެ.
ނިއުޒީލެންޑުގެ އަމިއްލަ ވިޔަފާރިއެއް ވެސް ހިންގަވާ ޝާޒްލީ ކުރިން ވިދާޅުވެފައި ވަނީ އޭނާގެ އަމާޒަކީ ހަޓް ސިޓީގައި ވިޔަފާރީގެ ފުރުސަތުތައް ހުޅުވި، އިތުރު އިންވެސްޓްމަންޓްތައް ލިބުން ކަމަށެވެ.
ލައްކަ އަކަށް ވުރެ ގިނަ މީހުން އުޅޭ ސިޓީގައި ވަޒީފާގެ ފުރުސަތުތައް ތަނަވަސްކޮށް ދިނުން ވެސް އޭނާގެ އަމާޒުތަކުގެ ތެރޭގައި ހިމެނޭ ކަމަށް ވިދާޅުވި އެވެ.
ޝާޒްލީ އަކީ ނިއުޒީލެންޑުގައި އާއިލާއާ އެކު ދިރިއުޅުއްވާތާ ވިއްސަކަށް އަހަރު ވެފައިވާ ބޭފުޅެކެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ކަބްޖީ1
14 October 2019
އަހަރެމެންގެ ޕާލަމެންޓުގައިވެސް ދުވަސްކޮޅަކުން ބަންގްލަދޭޝްއަށް ނިސްބަތްވާ ކުދިން ތިބޭނެ. ގިނަ ގައުމުތަކުގެ ކުދިން ތިބުމަކީ ޑައިވަރސިފައިކުރަން ފަސޭހަކަމެއް!
ރިހިރޭ
13 October 2019
ތީ އެހެންވީމާ މިހާރު ނިއުޒިލެންޑް މީހެއްނު. އެހެން ނޫންނަމަ އިންތިޚާބުގައި ވާދަ ނުކުރެވެނެއެއްނު. ދޯ.
ނުވާނެއޭ
13 October 2019
ތިޔާ އިން ކެއްކޭނެ ޑޮންޑޮނެއް ނުހުންނާނެއޭ
ނެތީމޭ
13 October 2019
މަމެންނަށް ކަހިރުވަކެކޭ ވެސް ހީނުވެއޭ ބުނަން މަމެން ނެތީމޭ...
ދަނީ
13 October 2019
އެހެން ދިވެއްސަކަށް ރަނގަޅު ގޮތެއްވަން ވަންޏާ ބައެއް ދިވެހިންގެ ހަމަ ހަޖަމުގެ މައްސަލައެއް އުޅޭ.
ގަރޭ
13 October 2019
އަހަރެމެންނަށް ތިޔަކަން އެހާ މުހިއްމެއް ނޫނެވެ. ކަމެއް ކުރަންޏާ ގައުމަށްވެސް ޚިދުމަތެއް ކޮށްދޭށެވެ.
މާލެސިޓީ
13 October 2019
ޝިފާ ވެސް މި ފަހަރު އެހެން ޤައުމެއްގެ މޭޔަރު ކަމަށް ކުރިމަތި ލާ ނަމަ
ލޮލްލލ
14 October 2019
އާ އޭނަ ރަނގަޅު އެމެރިކާ އަށް ފޮނުވަން. މާލެ ތަރައްގީ ކޮށްލި ގޮތަށް ނިޔުޔޯކް ސީޓީ ވެސް ތަރައްގީ ކޮށްލަން. ގެރެންޓީ އޭނަ ހޮވޭނެ?
އަލީރާޖާ
13 October 2019
ދިވެހިންނަކީ ނިކަން ފާޑެއްގެ ބައެއް. މިރާއްޖޭގައި ބޭރު މީހަކު ކައުންސިލަކަށ ކުރިމަތިލައިގެން ހޮވޭނެ ގޮތެއް ނޯންނާނެ. މިތާ އުޅެއުޅެ މާމަ ކާފަދައިން ލިބުނަސް ޕީއާރުވެސް ރައްޔިތުކަންވެސް ދޭ ގައުމެއް ނުން މިއީ. ޒެނެފޯބިއާ.
ކުޜެންދޫ
13 October 2019
ދެން ބަންގާޅީއަކު ކުރިމަތި ލައިގެން ހޮވުީމަވެސް ކަލެއަކަށް ކަމަކު ނުދާނެ. ހިތަށް އަރާ އެއްޗެއް ކޮމެންޓްގައި ތިލިޔަނީ....
ޝާހިދާ
13 October 2019
މިތާނގަ ގިނަ މީހުން އަޅާއިގަތް ކަމަކީ އޭނަގެ މިހާރުގެ ސިޓިޒަންޝިޕް. އަހަރެންނަށް ހީވަނީ މިވަގުތު ޑަބަލް ސިޓިޒަންޝިޕް އޮތަސް އޭނަ އަކީ ދިވެހި ދެމަފިރިއަކަށް ލިބިފަވާ ދިވެހިލޭ ހެން. ވީމާ މި ފަދަ ކާމިޔާބީ އެއް ލިބުނީތީ އެކަމާ ފަޚްރުވެރިވެ އޭނާގެ އުފަލުގަ ބައިވެރިވެލުން ކީއްތޯ ވާނީ. އަނެކާގެ އުފާ ބަލައިގަތްނަން ގިނަމީހުންނަށް މިމުޖުތަމުއުގަ ވ އުނދަގޫކަން މި ފެންނަނީ.
ވާލުސޮރު
13 October 2019
މަރުހަބާ ޝާޒްލީ، ދިވެހި ދަރިން ފަހުރުވެރި ދުނިޔޭގެ ނަންހިނގާ ކަންކަމުގައި އުޅުމުން އުފާކުރަން. ބަޔަކު މިތަން އަފްގާނިސްތާނާއި ޕާކިސްތާނު ފަދަ ހައިޖާނު ތަނަކަށް ހަދަން އުޅުނަސް އެކަމެއް ނުވާނެ