ފުލުހަކާ ދެކޮޅަށް ހުށަޙެޅި ބްލެކްމެއިލްގެ މައްސަލައެއް ބަލަނީ

އާސިމާ ނިޒާރު، މިހާރު

15 އޮކްޓޯބަރ 2019 - 19:00

ފުލުހަކާ ދެކޮޅަށް ހުށަހެޅި ބްލެކްމެއިލްގެ މައްސަލައެއް ފުލުހުންގެ ޕްރޮފެޝަނަލް ސްޓޭންޑާޑް ކޮމާންޑުން ބަލަން ފަށައިފި އެވެ.

ފުލުހުންގެ މީޑިއާ އޮފިޝަލަކު މިއަދު ވިދާޅުވީ އުމުރުން 29 އަހަރުގެ ފިރިހެން ފުލުސް މީހާއާ ދެކޮޅަށް ބްލެކްމެއިލް ކުރުމުގެ މައްސަލައެއް މިދިޔަ އާދިއްތަ ދުވަހު ހުށަހަޅާފައިވާ ކަމަށެވެ. ނަމަވެސް އެ މައްސަލައިގައި އެއްވެސް މީހަކު އަދި ހައްޔަރެއް ނުކުރެ އެވެ. އެކަމަކު، އެ މައްސަލައިގެ ޖިނާއީ ބައިގެ އިތުރުން، އެ ފުލުސް މީހާގެ މައްސަލަ ފުލުހުންގެ ޕްރޮފެޝަނަލް ސްޓޭންޑާޑް ކޮމާންޑުން ވެސް ބަލަމުން އަންނަ ކަމަށް މީޑިއާ އޮފިޝަލް ވިދާޅުވި އެވެ.

އެނގިފައިވާ ގޮތުގައި އެކަމެއް ހިނގީ އދ. ފެންފުށީގަ އެވެ. ނަމަވެސް އޭގެ ދުވަސްކޮޅެއް ފަހުން އޭނާ ވަނީ އެހެން ރަށަކަށް ބަދަލުކޮށްފަ އެވެ. އޭރު ބްލެކްމެއިލްގެ މައްސަލައެއް އުޅޭ ކަމެއް ފުލުހުންނަށް ހުށަހަޅާފައެއް ނުވެ އެވެ.

ފުލުހުންގެ ތަރުޖަމާން އިޒްމިއާ ޒާހިރު ވިދާޅުވީ ޕްރޮފެޝަނަލް ސްޓޭންޑާޑްގެ ތަހުގީގަށް އެ މީހާ މާލެ ގެނައުމުގެ މަސައްކަތް ކުރަމުން އަންނަ ކަމަށެވެ. އެކަމާ ގުޅޭ އިތުރު ތަފްސީލެއް ނުދެއްވަ އެވެ.

"ތަހުގީގުގެ ވަރަށް ކުރީކޮޅު ވީމާ އަދި ބައެއް ކަހަލަ ތަފްސީލު ހާމަކުރަން ދަތި. މައުލޫމާތު ހާމަކުރެވެން އޮތް މިންވަރަކުން ހާމަކުރަމުން ދާނަން،" އިޒްމިއާ ވިދާޅުވި އެވެ.

ފުލުހުން ބްލެކްމެއިލް

6 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

1828

16 October 2019

އާނ ރާއްޖެތެރޭ ފުލުހަކު މާލެ ގެނައުން އެއީ ފަރުބަދައެއް ކެނޑުންހާ އުނދަގޫ ކަމެއްވިއްޔަ. ޕްރޮފެޝަނަލް ސްޓޭންޑާޑް ކޮމާންޑުން ތަހުޤީޤްކޮށް ފިޔަވަޅު އަޅާފައި، އަދި ޖިނާއީ ތަހުޤީޤެއްކޮށް ފިޔަވަޅު އެޅީމައި އެދެވެނީ އެއްކުށައް 02 އަދަބު. ޤާނޫނު އަސާސީގެ 2 ވަނަ ބާބުގެ (އަސާސީ ޙައްޤުތަކާއި މިނިވަންކަަން) 60 ވަނަ މާދާއްގައި 'އެއްކުށަކަށް ދެފަހަރަށް އަދަބު ނުދިނުން' ހިމަނާފައިވޭ.