މަހްލޫފް (މ) އޭނާގެ މަންމަ ހަދީޖާ އާއި ބައްޕަ ހައްސާންއާ އެކުގައި ފޮޓޯއަކަށް ހުއްޓިގެން.
16 ނޮވެމްބަރ 2019 - 20:09
16 comments
"މަންމާއޭ ތިއީ ރޫހަކީ، ބައްޕާއޭ ތިއީ ޒިންދަގީ"، މިއީ ޔޫތު މިނިސްޓަރު އަހުމަދު މަހްލޫފްގެ މަންމަ ޚަދީޖާ އާއި ބައްޕަ މުހައްމަދު ހައްސާންގެ ކައިވެންޏަށް 40 އަހަރު ފުރުމުގެ މުނާސަބަތުގައި މަހްލޫފް ވަރަށް އަސަރާ އެކު ވިދާޅުވި ލަވައިގެ ފުރަތަމަ އަދި ފަހު ކަޑި އެވެ.
މަހްލޫފް ވިދާޅުވީ، އެއީ ދިވެހިންގެ ތެރޭގައި މަގުބޫލު ކަން ހޯދި ހިންދީ ލަވަ "ތެރެ މުޖުސެ ހެ ޕެހެލޭ" ގެ ކޮޕީއެއް ކަމަށެވެ. މަހްލޫފް ވިދާޅުވި ލަވައިގެ ޅެން ހަދާފައި ވަނީ އައިޝަތު ހުސައިން މަނިކެވެ.
މިދިޔަ ބުރާސްފަތި ދުވަހަކީ ހައްސާން 58، އާއި ޚަދީޖާ 59، ގެ ކައިވެންޏަށް 40 އަހަރު ފުރުނު ދުވެހެވެ. އެ ދުވަސް ފާހަގަ ކުރީ އާއިލާގެ މެމްބަރުންނާއި ބައެއް ރައްޓެހިންނާ އެކު، މާބުލް ހޮޓެލްގަ އެވެ. އެ ކުޑަ ހަފްލާގައި މަހްލޫފް ވިދާޅުވި ލަވަ އިން މައިންބަފައިންނަށް އޮތް ލޯތްބާއި ގަދަރު ހާމަކުރެއްވި އެވެ.
މަހްލޫފް ވިދާޅުވި ލަވަ އާންމުންނަށް އިވިގެން ދިޔައީ އޭނާގެ ފޭސްބުކްގައި މިއަދު ހާމަ ކުރެއްވުމުންނެވެ. އެ ލަވަ ވިދާޅުވި ގޮތް ހިތްގައިމު ކަމުން އެތައް ބައެއްގެ ތައުރީފް މަހްލޫފަށް ލިބުނެވެ.
އެ ލަވައިގައި މަހްލޫފް ވިދާޅުވެފައި ވަނީ މައިންބަފައިންގެ ހިޔާވަހިކަމުގެ ތެރޭގައި ވުމަކީ "އެތައް ހާސް ފަށްފަށުން ޝުކުރު" އަދާކުރާ ކަމެއް ކަމަށެވެ. މައިންބަފައިން މަހްލޫފަށް ދިން ކުލުނާއި ލޯބި ފާހަގަ ކުރައްވައި އޭނާ ވަނީ އަބަދުވެސް އެކުގައިވާން އުންމީދު ކުރާ ކަމަށް ވިދާޅުވެފަ އެވެ.
މި ލަވަ އަށް ތައުރީފް ކުރި ބައެއް މީހުން ބުނީ މަހްލޫފް ލަވަ ވިދާޅުވީ ހިތުގެ އެންމެ އަޑިން ކަމަށާއި ލަވަ ވަރަށް ފުރިހަމަ ކަމަށެވެ. އަދި ގިނަ ބަޔަކު މަހްލޫފްގެ ބައްޕަ އާއި މަންމަ އަށް ހެޔޮ ދުއާ ކުރި އެވެ.
ހަދީޖާ އާއި ހައްސާނުގެ ކައިވެންޏަށް ދެ ކުދިން ލިބިފައިވާ އިރު، އެންމެ ދޮށީ މަހްލޫފެވެ.
މަހްލޫފަކީ އަބަދުވެސް ލަވަ ވިދާޅުވުމަށް ޝައުގުވެރިކަން ހުންނަވާ ބޭފުޅެކެވެ. އޭނާ ވަނީ "ނަޒާރާ ބޭންޑް" އިން މީގެ ކުރިން ދިން ބައެއް ޝޯތަކުގައި ބައިވެރިވެވަޑައިގެން ލަވަ ވިދާޅުވެފަ އެވެ.
މީގެ އިތުރުން، މަހްލޫފް ވިދާޅުވި "އެދިގެން މިރޭ ދާނަމޭ"، "ދާނަމޭ، ދާނަމޭ"، "ވޭނޭ ބާރޭ މިއީ" ފަދަ ލަވަތަކަކީ އާންމުންގެ ތެރޭގައި މިހާރު ވެސް ހިނގާ މަޝްހޫރު ލަވަތަކެކެވެ.
މަހްލޫފް ދާދި ފަހުން ވަނީ ލަވަ ކިޔުންތެރިޔާ ލައިޝާ ޖުނައިދާ އެކީގައި ވެސް ލަވައެއް ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮބާ..ކޮބާ
17 November 2019
ހާދަ ޖޯކަރެވެ.
ކާ މިޔާބުގެ ސިއްރު
17 November 2019
މައިންބަފައިންނަށް އިޙުތިރާ މްކުރާ، އެ މީހުންނަށް އަޅާލާ ދަރިންނަށް ދެދުނިޔެ ބާއްޖަވެރިވާނެ އެވެ. ތުރާތަކާއެކު ވެސް މިނިސްޓަރ މަހްލޫފަށް ކާ މިޔާބާއި، އުފާވެރިކަން ލިބެނީ އެހެންވެގެންކަން ޔަޤީނެވެ. އެ މީހުންގެ ހެޔޮދުޢާގެ ސަބަނުންނެވެ.
ރިނީ
17 November 2019
ކައިވެނީގެ މަތް ގުޅުމުގެ ލާމަސީލު މިސާލެއް. ވަރަށްގިނަ ހެޔޮދުޢާ އަދި މަރުހަބާ. ދިވެހިންގެ އަނގަމަތީ ބަހަކަށް ވަރި އަދި ކައިވެނީގެ ބޭރުން އެތައް ބަޔަކު ޒިނޭ ކުރުން ގިނަދުވަސް ވަރެއްގައި މިޚަބަރަކީ ލިބުނު ކުޑަނަަމަވެސް އުންމީދެއް.
މުފައްކިރު.
17 November 2019
ހުރިހާވެސް ދިރުމަކީ މައިން ބަފައިން. މައިން ބަފައިންގެ އުފަލަށް މަހުލޫފު ތިކުރި މަސައްކަތަކީ ޝުކުރުން ފުރޭ ކަމެއް. ރީތި މިސާލެއް. އެކަމަކު ގައުމުގެ ޙާލަތަށް ވިސްނާ ގައުމު ވެރި ބޭފުޅެއްގެ ހަރުދަނާ ވިސްނުމެއްގެ ތެރެއަށް ވަދެ ރައްޔަތުން އުފުލުމަށް މިސަރުކާރުން ޖައްސާ ތަކުލީފު ތަކާ ދުރަށްގޮސް ދަރިއަށް ނަމޫނާ ދެއްކުން ކީއްތޯ؟
މިގޭ
17 November 2019
މަޖާވާތީ ހަބަރުގައި ޖަހާލީ
ދިވެހިދަރި
17 November 2019
މިނިސްޓަރުގެ މަންމާ ފުޅަށާއި ބައްޕާ ފުޅުގެ ކައިވެންޏަށް މާތް ރަސްކަލާނގެ ހެޔޮރަހުމަތް ލައްވާ ދުޅަހެޔޮ ސިއްޙަތެއް ދެއްވާށި.
ހެހެހެ
17 November 2019
ކައިވެންޏަށް 40 އަހަރު ފުރުމުގެ މުނާސަބަތުގައި މަހްލޫފް ވަރަށް އަސަރާ އެކު ވިދާޅުވި ލަވައިގެ ފުރަތަމަ އަދި ފަހު ކަޑި އެވެ........"މަންމާއޭ ތިއީ ރޫހަކީ، ބައްޕާއޭ ތިއީ ޒިންދަގީ"، މިވެސް ލަވައެއް؟؟
މަހޭ
17 November 2019
މިވެސް ޙަބަރެެއްތައް!
ޝައްފަ
17 November 2019
މަންމާފުޅު ތުރުކުރައްވައިގެން ހުންނެވި ހެދުންކޮޅު ވަރަށް ރީތި ވެފައި މިޒަމާނަށް ފެތޭ، އަދި ވަރަށް ފުރިހަމަ. ދެމަފިރި ކަނބަލުން ވެސް ވަރަށް ދީން ވެރި، މާތް ވައްތަރު ޖަހާ. ތަހްނިޔާ !
އެދިގެންދާނަން
17 November 2019
ގަދަ ގޮލައެއް...