ރައީސް ނަޝީދު އެމްޑީޕީ ލީޑާޝިޕް އިންތިހާބުގައި ވޯޓު ލައްވަނީ. -- ފޮޓޯ: ނިޝާން އަލީ/ މިހާރު
23 ނޮވެމްބަރ 2019 - 12:09
30 comments
އިދިކޮޅު ޕީޕީއެމުން ޕާޓީގެ އިންތިޚާބެއްގައި ވޯޓުލާން 200 މީހުން ވެސް ނުނެރެވޭނެ ކަމަށް ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވެއްޖެ އެވެ.
އެމަނިކުފާނު މިހެން ވިދާޅުވީ އިއްޔެ އެމްޑީޕީން ބޭއްވި ލީޑާޝިޕް އިންތިހާބުގައި ވޯޓުލި މީހުންގެ އަދަދު ދަށްކަމަށް ބުނެ އިދިކޮޅުން ކިޔަމުން އަންނަ ފާޑުކިޔުންތަކަށް ރަށްދު ދެއްވުމުގެ ގޮތުންނެވެ.
ތިމާވެއްޓަށް މަސައްކަތްކުރާ އަމިއްލަ ގްރޫޕެއް ކަމަށްވާ "ބެއްޔާ" އިން ޓީ-ޝާޓް ވިއްކުމުގެ ކެމްޕޭން ލޯންޗު ކުރުމަށް މޯލްޑިވިއަންގެ ސީ ޕްލޭން ޓާމިނަލުގައި މިއަދު ބޭއްވި ރަސްމިއްޔާތުގައި ނޫސްވެރިއަކު ސުވާލު ކުރުމުން ނަޝީދު ވިދާޅުވީ އިންތިހާބުގައި ވޯޓުލި މީހުންނަކީ ހުރިހާ އިންތިހާބެއްގައި ވެސް އެ ޕާޓީގެ އިސް ސަފުގައި މަސައްކަތް ކުރާ މެމްބަރުން ކަމަށެވެ. އަދި ވޯޓުލި މިންވަރާ މެދު އެމަނިކުފާނު ހިތްހަމަޖެހިވަޑައިގަންނަވާ ކަމަށް ވެސް ވިދާޅުވި އެވެ.
"ތަރައްގީވެފައިވާ ގައުމުތަކުގައި ސިޔާސީ ޕާޓީތަކުގައި ޖުމްލަކޮށް އުޅޭނީ ވޯޓުގެ އާބާދީގެ ހަތް ޕަސެންޓް. މި ޕާޓީގެ އިންތިހާބުތަކުން މޮޅުކުރުމަށް ހަރަކާތްތެރިވާ 25،000 މީހުން އެތިބީ ހަމަ އެއްވެސް ބަދަލެއް ނައިސް. އަޅުގަނޑު ވާދަވެރިން ކައިރީގައި އަހާލަން ބޭނުންވަނީ ތިޔަ ބޭފުޅުން 200 އެއްހާ މީހުން ނެރުއްވަން ވީ ނޫންތޯއޭ؟" ރައީސް ނަޝީދު ވިދާޅުވި އެވެ.
އިއްޔެ ބޭއްވި އިންތިހާބުގައި އެމްޑީޕީގެ ރައީސްކަމުގެ މަގާމު ނަޝީދު ދިފާއު ކުރެއްވި ނަމަވެސް ވަގުތީ ނަތީޖާ ދައްކާ ގޮތުން އެމަނިކުފާނަށް ލިބިވަޑައިގެންނެވީ 23،369 ވޯޓެވެ. އެ ޕާޓީގައި ވޯޓު ހައްގުވާ 87،439 މީހުން ތިބެ އެވެ.
ރައީސް ނަޝީދު ވިދާޅުވިގޮތުގައި އިލެކްޝަންސް ކޮމިޝަނުގައި އޮންނަ އެ ޕާޓީގެ ދަފްތަރާއި ޕާޓީގައި އޮންނަ ދަފްތަރާ ވެސް ވަރަށް ބޮޑު ފަރަގެއް އެބަހުއްޓެވެ. ޕާޓީގެ ދަފްތަރުގައި 87،000 މެމްބަރުން ތިބި އިރު އިލެކްޝަންސް ކޮމިޝަނުގައި އޮންނަ ދަފްތަރުގައި ތިބީ 50،000 އެއްހާ މެމްބަރުން ކަމަށް ނަޝީދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނާއްޕެ11
24 November 2019
ތިޔަ ޕާޓީގެ ދަފުތަރުގައި ލައްކައެއްވެސް ހަމަކުރެވިދާނެ. އިލެކްޝަންގެ ދަފުތަރުގައި ތިޔަ ޕާޓީއަށް ބައިލައްކަ ހަމަނުވިޔަސް. ޢެހެނީ ތިޔަ ޕާޓީގައި އޮންނަ ދަފުތަރަކީ އޭގައި ޖައްސާ ނަމެއް އުނިކުރާ ދަފުތަރެއް ނޫން. މީގެ ފަސް ހަ އަހަރު ކުރީގައި ނިޔާވެފަ ތިބި މީހުން އަދިވެސް ތިޔަ ދަފުތަރެއްގައި އެބަ އޮތް. ނުވިތާކަށް ޕާޓީ ބަދަލުކޮށް އެހެން ޕާޓީ ތަކުގައި ރަޖިސްޓަރީވެފައިވާ ކިތަންމެ ބަޔަކު ތިޔަ ދަފުތަރަކު އެބައޮތް.
ސިކުނޑި
23 November 2019
ލިބުނު ވޯޓު މަދުވީ މިނިވަން ފިކުރު ޔައުނީ ލާދީނިއްޔަތު ކުރިޔަށް ނެރޭތީ! އަދިވެސްދާނީ ދަށަށް!
ސިކުނޑި
23 November 2019
މައުމޫން ޒަމާނުގަ ފެންނަ ނުފެންނަ ވޯޓުނަގާއިރު ވޯޓުލާ މީހުންގެ އަދަދު މދުވީމާ އޭގެ ސައްހަކަން ގެއްލޭ! މިހާރު މި ޖެހުނީ ކޮންތާކު؟ ތި މަގާމު ހައްގެއް ނުވާނެ. އަލުން ވޯޓަކަށް ދާންޖެހޭނީ!!
ާއުނިމާ
23 November 2019
ބަލަ ތިޔައީ އެންމެ ރިޒޯޓަކުން މުޅި ރާއްޖެ ހިންގާނަމޭ ބުނި މީހާއެއްނު
އެންދެރި
23 November 2019
ކުރީގެ ރައީސް ،މަޖްލިސް ، ޖުޑީސަރ އަދި ޕާޓީގެ ރައީސް އެވެ. ހައްދު ފަހަނަ އަޅާ ފައެވެ. ބާރު ތައް މުށުތެރެއަށްލާފަ އެވެ. ފުރުސަތު ދޭށެވެ.
ޙާލާ
23 November 2019
ހުރިހާތާކަށް އަންނި އަތްބާނާނެ. ދެން މި އޮތީ ވާނެ ހައެތި ވެފަ. އައްޑޫމީހުން އަދިވެސް ހޭއަރާކަށް ނުވޭތަ؟ ސަރުކާރުގަ ނެތް އައްޑު އަށް ނިސްބަތްވާ މިނިސްޓަރަކުވެސް. މަޖިލީހުގެ ރައީސްކަން ދޭނަމޭ ކިތާފައިވެސް އަސްލަމަށް ދިނީދޯކާ.އަންނިވެސް ތާއީދުކުރީ ޝިފާޒާށް. މިމީހުން ދުވަހަކުތެދެއް ނަހަދާނެ.
ރަދީފް
23 November 2019
ކޮންކްރީޓް މެޝިން ، ޖާޑި ، އަދި ފީފާ ބުރި ފަދަ ތަކެތި ހިފައިގެން ނިކުމެ ވޯޓް ހޯދަން އުޅުނުނަމަ 50000 މީހުން ނިކުތީސް.ލަދު ކޮބާ؟؟؟
އޮރިޖިނަލ
23 November 2019
މަގުތައް ފުރާ ޕާޓީން ނެށި ޒަމާނުގެ އޮރިޖިނަލް ބޮނޑިބަތް ކޭ މީހުންގެ ތެރެއިން އޭގެ އަސަރު ނުފިލާ އަދިވެސް 25000 މީހުން ޔަގީނުންވެސް އެބަތިބިކަން އެ ދައްކަނީ.
އޮނަރަބްލް އަފީފު ދީދީ
23 November 2019
އެމްޑީޕީގައިހުރި ދަރަޖައަށް ޑިމޮކްރެޓިކްއުސޫލުއޮތް އެއްވެސްޕާޓީއެއް ރާއްޖޭގައިނެތް. # މިފަހަރުގއިންތިޙާބުގައި "ފެނިގެންދިޔައީ ތަފާތުއެހެންކަހަލަމަންޒަރަކާއި ނަތީޖާއެއްކަން" ޕާޓީގެލީޑަރޝިޕުންޤަބޫލުކޮށް މައްސަލައާއިކުރިމަތިލާންޖެހޭ. # މިސާލަކަށް އައްޑޫފަދަ ތާއަބަދުއެމްޑީޕީގެމަޤުބޫލުކަންބޮޑުތަނެއްގައި އައްޑޫގެމެންބަރަކު އިންތިޙާބުގައިވާދަކުރާން ނިކުމެހުންނަވަނިކޮށް އައްޑޫމީހުން އޭނާހޮވުމަށާއި ވޯޓްހޯދަންމަސައްކަތްނުކުރިސަބަބު ދެނެގަންނާންޖެހޭނެ.
އަސްލު
23 November 2019
ދިހަ ހާހެކޭ ނޫން ބުނީކީ 2،000 ހޭ ބުނީ.