މަތީ ފެންވަރުގެ ފްލެޓް ހިމެނޭ ކުރެހުމެއް: ހުޅުމާލޭގައި އިމާރާތް ކުރަމުން އަންނަ މެދު ފަންތީގެ ފްލެޓްތަކަށް އަންނަ މަހު ހުޅުވާލަން ވަނީ ނިންމާފައި.
15 ޖެނުއަރީ 2020 - 16:12
76 comments
ޗައިނާގެ ކުންފުންޏަކުން ހުޅުމާލޭގެ ދެ ވަނަ ފިޔަވަހީގައި އިމާރާތް ކުރަމުން އަންނަ 1،344 ފްލެޓް ވިއްކަން އަންނަ މަހުގެ ތެރޭގައި ހުޅުވާލަން ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން ނިންމައިފި އެވެ.
ކުރީގެ ރައީސް އަބްދުﷲ ޔާމީންގެ ސަރުކާރުގައި ފެށި މި މަޝްރޫއު ހަވާލުކުރީ ޗައިނާ މެޝިނަރީ އިންޖިނިއަރިން ކޯޕަރޭޝަން (ސީމެކް) އާ އެވެ. މިއީ، ހުޅުމާލޭގެ ފުރަތަމަ ފިޔަވަހީގައި 1،000 ފްލެޓް އަދި އޭގެ ފަހުން ވެސް ހުޅުމާލޭގައި 700 ފްލެޓްގެ މަޝްރޫއަކާއި އަތޮޅުތަކުގައި ވެސް ބޯހިޔާވަހިކަމުގެ ބައެއް މަޝްރޫއުތައް ހިންގި ކުންފުންޏެކެވެ.
ލ. އަތޮޅުގައި ލިންކް ރޯޑުގެ މަޝްރޫއު ވެސް ކުރިއަށް ގެންދިޔައީ އެ ކުންފުނި ހިއްސާވެގެންނެވެ. އެޗްޑީސީގެ މެނޭޖިން ޑިރެކްޓަރު ސުހައިލް އަހުމަދު ވިދާޅުވީ މި ސަރުކާރުން ވެރިކަމާ ހަވާލުވި އިރު އޮތީ ސީމެކުން އަޅަމުން ދިޔަ 1،300 ފްލެޓުގެ މަސައްކަތް ހުއްޓިފައި ކަަމަށެވެ. އެކަމަކު ވާހަކަ ދައްކައިގެން ހައްލުތަކެއް ހޯދައި ފްލެޓްތަކުގެ މަސައްކަތް އަލުން ފަށާފައިވާ ކަމަށް ވިދާޅުވި އެވެ.
"މިޑް ރޭންޖުގެ އެ ފްލެޓްތަކުގެ އަގުތަކެއް އަދި ކަނޑައެއް ނޭޅޭ. އަންނަ ފެބުރުއަރީ ހިސާބުގައި މާކެޓަށް ހުޅުވާލާނަން އަޅުގަނޑުމެން ވިސްނަނީ،" ސުހައިލް ވިދާޅުވި އެވެ.
އެ ފްލެޓްތައް ނިންމޭނެ ކަމަށް ލަފާކޮށްފައި ވަނީ އަންނަ އަހަރުގެ ޖުލައި މަހަށެވެ. ސޯޝަލް ހައުސިންގެ ގޮތުގައި ހުޅުމާލޭގައި އިމާރާތް ކުރަމުން އަންނަ 7،000 ފްލެޓްގެ ތެރެއަށް އިތުރުވެގެންދާ މެދު ފަންތީގެ މި ފްލެޓްތަކަކީ ބޯހިޔާވަހިކަމަށް އަނެއްކާވެސް ލުޔަކަށް ވެގެންދާނެ ކަމަށް އެޗްޑީސީން ދެކެ އެވެ.
ޔާމީންގެ ސަރުކާރުގައި ހުޅުމާލޭގައި އިމާރާތްކުރަން ފެށި 7،000 ފްލެޓް ނިމޭނެ ކަމަށް ލަފާކޮށްފައި ވަނީ މި އަހަރުގެ ފަހުކޮޅެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
100% ދިވެއްސެއް
24 February 2021
2.7 މިލިއަން ގެ ފްލެޓް 20 އަހަރުން 21000/- ރުފިޔާގެ މަހުކުލި ދެއްކީމަ 4 މިލިއަންއަށް މުޅި ޖުމްލަ އަރާ. މީ އިންސާފުތޯ، ނިކަމެތި ދިވްހި ރައްޔިތު މީހާ މިޖެހެނީ އަނެއްކާ ހާލުގަ، ނުވަތަ އަނެއްކާ ބޭންކް ފަދަ ތަންތަނަށް ދަރަނި ވެގެން މިފަދަ ތަންތަން ގަންނަން. 20 އަހަރު ވާއިރު ، ތަން އަމިއްލަ ވާ އިރު ވީރާނާ ވެފަ ހުންނާނީ. ސަރުކާރުން ވެއްޖެ ދިވެހި ރައްޔިތު މީހާއަށް ތާހިރު ގޮތްތަކެއް ހޯދަ ދޭން. ސަލާން ނުޖަހާ، ތަންކޮޅެއް އަބުރު ގޮތް ހޯދައިދޭން
ލިއުން
18 January 2020
ފުލެޓް ލިބޭނެކަމަށް ކުރީސަރުކާރުން ލިއުން ދިނީމަ އެއަށްވެސް ނުބަލާ އަނެއްކާވެސް މުއްސަދިންނަށް ފްލެޓްތައް ވިއްކާލަނީތޯ؟؟؟؟؟؟؟؟
ނޫސްކިޔާމީހާ
17 January 2020
ކީއްތަ ވާނީ ބިންދޫކުރިއްޔާ ބޮދު އަގުގަވެސް ބިންކޮޅު ދޭނަމައޭ ހިތަން އަރާ
ސަރުކާރުބައިވެރިވާވަށްކަން
17 January 2020
ސަރުކާރުން ތަންނުނިމެނީސް ފްލެޓްވިއްކުމުގެ އުސޫލާ ދެކޮޅަށް އެއްޗެއް ބުނާނެ މީހަކު ހަމަ ނެތީތަ؟ ކޮންމެ ސަރުކާރަކުންވެސް ކޮންމެވެސް މޮޅުނަމެއްކިޔާފަ ލާރިނަގާފަ ލިޔުން ހަވާލުކުރަނީ، ތަނެއް ނުލިބޭ. މިހެން ހަދާތާ މިހާރު 12 ވަރަކަށް އަހަރުވެއްޖެ. ނުވިތާކަށް، ސަރުކާރާގުޅިގެން ހަދާ ކުންފުނިތަކުން ލާރިނަގާފަ ފިލަނީ. މީ ހަމަ ފޭރުން. މިކަން މަނާކުރަން ގާނޫނެއް ބޭނުން.
ޙުސް ފޮނި
17 January 2020
ޢަނެެއްކާވެސް މެދު ފަންތީގެ މީހުން ބަލާ ކޮމިޓީއެއް ހަދާ ދެން. ޢޭރުން ހުންނާނީ ބަރާބަރަައް
ާއައްދު
16 January 2020
މާލޭ މީހުންނައް ހުރިހާ މޮޅެއް.... ރާއްޖެ ތެރޭން ޓެކްސް ލާރި މާލެ ނުގެންނާތި .... އޭރުން ހަމަ އޯކޭ....
ކަރީޕައުޑަރ
16 January 2020
ފުލެޓް ދެއްވަނީ އެކަމަކު މިސާލަކައް 7000 ގުނަ 6000= 42000000 42މިލިޔަން ނިކަމެތި ރައްޔަތުންކުރާމަސައްކަތުން ސަރުކާރައް މީރައްޔަތުންނައް ގޯތިނުދީ އެދިގުރާސްތާ 30 އަހަރު ރާވައިގެން މަކަރުވެރިކަމާއެކު ރައްޔަތުން އަޅުވެތިކޮއް ފަސޭހަކަމާއެކު ވޯޓްހޯދަން ހިންގި ޖަރީމާއެއް ބިންނެތިގެންނެއްނޫން ގޯތިނުދެނީ ވިޔަފާރިކުރަން ރައްޔަތުން ނިކަމެތިކުރަން މާރީ ބުރައުން އަޅަންވީމަ ބިންހުރޭ މާލޭގެ ނިކަމެތި ރައްޔިތަކައް ދޭނެ ބިންކޮޅެއްނެއް މީހެއްވާކަމަކީ
ނާސިރާ
16 January 2020
ނިކަމެތި މީހާއަށް ނުޖެހޭ ބިން ކޮޅުކޮޅު ދޭކަށް. ނިކަމެތި މީހާ އަށް ދޭންޖެހޭނީ އަގުހެޔޮކޮށް އޭނާގެ ފެންވަރުން ދިރިއުޅޭނެ ބޯހިޔާ ވައްސެއް. އެތަން ހުންނާން ވާނީވެސް ވެރިރަށަކު ނޫން. އޭނާގެ ތަނަވަސްކަމާއި އެއްވަރު އެހެން ކޮންމެވެސް ރަށެއްގައި. މިސާލަކަށް ލާމް އަތޮޅު ފަދަ އަގުހެޔޮ ދިރިއުޅުމެއް ލިބޭ ހިސާބެއްގައި.
ޕޯޓަބަލް
16 January 2020
މާލޭ މީހަކަށް ބިން ކޮޅެެއް ނުލިބޭތާ 50 އަހަރުވަނީ. ފްލެޓް ބަހާނެ ކަމެއްނެތް ތޮއްޖައްސާކަށް. ހުޅުމާލޭގެ މަގްސަދަކީ މާލޭ މީހުން ގެދޮރުވެރިކުރުން. ދެރައީ ބައެއް ރަށްރަށުގެ މީހުން ތޮއްޖެހެން ބޭނުން ވެގެން ފްލެޓް ބޭނުންވާތީ
ސާމިޙް
16 January 2020
މާލޭ މީހާ ބޭނުން ވަނީ ބޯހިޔާ ވަހިކުރާނެ ބިންކޮޅެއްނޫން. އޭނާ އާއި ކަލޭވެސް ހޯދަން ތިއުލެނީ ކުައްޔަށްދޭނެ ނުވަތަ ފައިސާ ހަދާނެ ބިންކޮޅެއް.
ޚިޖޖ
16 January 2020
ތީނަދޯ ރަށްރަށު މީހުންނަށް އެރަށަކުން ވަޒީފާހަމަޖައްސާ ހިދުމަތްތައް ޤާއިމުކުރަނީ. މާލެވަރު ތަނެއްނެތިގެން ނޫޅެން.
އަލިފުބާ
16 January 2020
ކުރިއަށް މިއޮތް ވޯޓު ކާމިޔާބުކުރަން މިކަހަލަ ކިތަންމެ ވާހަކައެއް ކުއްލިއަކަށް އަދިވެސް ދައްކާނެއެވެ. ނަމަވެސް ވޯޓްލާންވީ ކުލަޔަކަށް ނޫނެވެ. ޤާބިލް ކެނޑިޑޭޓަށެވެ. ވޯޓެއް ގާތްވުމުން ސަރުކާރުތަކުން ޖަހާ މަޅިތަކަށް ރައްޔިތުން ހޭލަންވެއްޖެ.
އައްޔަބޭ
16 January 2020
މިސަރުކާރު އައިއިރު އޮތީ ހުއްޓިފައޭ ކިޔައިގެ ބުހުތާން ދޮގުހަދައިގެން މިސަރުކާރު ކުރިކަމެއްކަން ދައްކަން އެމަސައްކަތްކުރަނީ. މި ސަރުކާރު އައިގޮތަށް އައިސް ގިނަކަންތައްތައް ހުއްޓުވީ. ދެން އަލުން ފެށީ. މީވެސް އެކަހަލަ ކަމެއް.