ކުރީގެ ނައިބު ރައީސް ޖިހާދު: ފްލެޓް ހުސްނުކުރެއްވުމަކީ ދައުލަތުގެ މުދަލެއް ނުހައްގު ގޮތުގައި ބޭނުންކުރެއްވުމަށް ކަމަށް ބަންޑާރަ ނައިބުގެ އޮފީހުން ބުނޭ.
26 ފެބުރުއަރީ 2020 - 12:19
23 comments
ނައިބު ރައީސްކަމުގެ މަގާމުގައި އަބްދުﷲ ޖިހާދު ހުންނެވި ދުވަސްވަރު، އެމަނިކުފާނު ދިރިއުޅުއްވަން ސަރުކާރުން ދޫކުރި ރެހެންދި ފްލެޓު ހުސްނުކުރެއްވި މައްސަލައިގައި އެމަނިކުފާނުގެ އަތުން އެއް މިލިއަން ރުފިޔާ ހޯދަން ދައުލަތުން ދައުވާކޮށްފި އެވެ.
ބަންޑާރަ ނައިބުގެ އޮފީހުން މިއަދު ނެރުނު ނޫސްބަޔާނެއްގައި ބުނީ، ޖިހާދުގެ މައްޗަށް ދައުވާކުރީ، ދައުލަތުގެ މުދަލެއް ނުހައްގު ގޮތުގައި ބޭނުންކުރައްވައި، ނުހައްގު މުއްސަނދިކަން ހޯއްދަވާފައިވާތީ ކަމަށެވެ. ޖިހާދު އަތުން ދައުލަތުން ހޯދަނީ، މިދިޔަ ރިޔާސީ ދައުރު ހަމަވުމަށް ފަހު، އެމަނިކުފާނު ދިރިއުޅުއްވި އެޕާޓްމަންޓުގެ ކުއްޔާއި މެއިންޓަނެންސް ފީ އާއި ޔުޓިލިޓީ ފީ އެވެ.
ބަންޑާރަ ނައިބުގެ އޮފީހުން ބުނިގޮތުގައި، "ރެހެންދި 3" ގެ (2) ފްލެޓް ހުސްކުރަން ޖިހާދަށް އެންގި ނަމަވެސް، އެ އަށް އަމަލު ނުކުރައްވައި، އެއް އަހަރާއި ތިން މަސް ވަންދެން އެމަނިކުފާނު އެ ތަން ބޭނުންކުރެއްވި އެވެ. އެހެންވެ، ގާނޫނީ ހައިސިއްޔަތެއް ނެތި، ދައުލަތުގެ މުދަލެއް ބޭނުންކުރައްވާފައިވާ މުއްދަތަށް ޖިހާދުގެ ކިބައިން ކުލި ހޯދުމުގެ ހައްގު ދައުލަތަށް ލިބިދޭ ކަމަށް އެޓާނީ ޖެނެރަލްގެ އޮފީހުން ބުނެ އެވެ.
ޖިހާދަށް ސަރުކާރުން ދޫކުރި ފްލެޓް ދޫކޮށްލެއްވީ މިދިޔަ ހަފުތާގެ ހޯމަ ދުވަހު ބަންޑާރަ ނައިބުގެ އޮފީހުން ބުންޏެވެ.
ކުރީގެ ރައީސް އަބްދުﷲ ޔާމީންގެ ވެރިކަމުގައި، އެމަނިކުފާނުގެ ނައިބަކަށް ޖިހާދު އައްޔަން ކުރެއްވީ ޖޫން 22، 2016 ގަ އެވެ. އޭގެ ފަހުން، ޔާމީންގެ ރިޔާސީ ދައުރު ނިމެންދެން ނައިބު ރައީސްގެ މަގާމުގައި ޖިހާދު ހުންނެވި އެވެ.
ޖިހާދަކީ، ނައިބު ރައީސްކަމުގެ އިތުރުން ފިނޭންސް މިނިސްޓަރުކަމާއި ރާއްޖޭގެ މަރުކަޒީ ބޭންކް އެމްއެމްއޭގެ ގަވަރުނަރުކަމާއި ފިނޭންސް މިނިސްޓްރީގެ ސްޓޭޓް މިނިސްޓަރުކަން ކުރެއްވި ބޭފުޅެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދު.
26 February 2020
ޖިހާދެއް މިހާދެއް ކިޔާނެކަމެއްނެއް. ނާއިބު ރައީސްއަކަށް ވިތީ ދިރިއުޅުއްވަން ސަރުކާރުން ދެއްވާފަހުރިތަނެއް. ނާއިބުރަޢީސްގެ މަޤާމުން ވަކިވެވަޑައިގަތުމާގުޅިގެން ހުންނެވިފުލެޓާމެދު އަމަލްކުރައްވަންވީ ކޮންގޮތަކަށްތޯ ސަރުކާރުގަ އެއްސެވީމުތޯއެވެ.؟ ތިހާއިހުލާސްތެރި ވެރިއެއްނަމަ މިކަންނުކުރެއްވީ ކީއްވެތޯއެވެ.؟ ޖިހާދުގެއިހުލާތެރިކަން ވަނީފެނިފަ. ޤާނޫނެއް ޤަވާއިދެއްބެލުމެއްނެތި ޔާމީނުސަރުކާރުން ކުރަމުން ގެންދިޔަ ނޭއްގާނީ ހުރިހާކަމަކަށް ހަނު ހުންނެވީ.
ރެހެންދި 3
26 February 2020
ސުބްހާނަﷲ މިވަރުގެ އޮޅުވާލުމެއް އޮޅުވާލާކަށް ހެޔޮނުވާނެ. ޖިހާދު ތި ފްލެޓްގައި ނޫޅޭތާ މިހާރު އަހަރަކަށްވުރެ ގިނަދުވަސް ވެދާނެ. މަށަކީ ރެހެންދި ފްލެޓްގެ 4ވަނަ ބުރީގައި ދިރިއުޅޭ މީހެއް. ތަނެއް ދޮރެއް ބަލާނުލާ މިވަރުގެ ކަމެއް ކޮށް ނިންމާލީމަ އަޖައިބުވެ އަންތަރީސް ވެއްޖެ. ސަރުކާރު މިއޮތީ މުޅިން ވާނުވާގަ.
މޫސަތައްޚާން
26 February 2020
އަބަދުވެސް ނިކަން އަރާމުގަ ބޮޑުމަގާމުގަ އުޅެންބޭނުންވާ މީހެއް
ނާށިގަޑު
26 February 2020
ނާއިބުރައީސްއަށް ޙުންނާނެ ތަނެއްނުދީ ދޮޅުއަހަރު ޖިހާދުކުއްޔަށް އުޅޭ އެޕާޓްމެންޓް ގައި ބަހައްޓާ އެތަނުން ރެހެންދިޔަށް ބަދަލުވާން އެންގީމާ ބަދަލުވީ، އެވެސްހަމަ! ޜެހެންދީންނިކުންނަން އަންގާ ސިކުންތުގައި ނިކުންނަން އެންގިޔަސް މާލޭގައި ގެދޮރު ނުހުންނަ މީހުން ޖެހެނީ ތަނެއްހޯދަންކަން އެގޭނެ! ޢިންސާނީ ހައްގޭކިޔައިގެން މިކިޔަނީ ކީކޭތޯ؟
ތަކުރު2
26 February 2020
މާފަންނުގަ ބޮޑު ގެއެއް އޮވޭ މިބޭފުޅާގެ
ނަޖީ
26 February 2020
ލިބުނު ގެއްލުމޯ ؟ ކޯޓަށް ހުށައަޅާ މިކަންކަމުގެ ފައިސާ ޔޯ ؟
ކޮސްބެ
26 February 2020
ހާދަ ސިޔާސީ ޔޭ ދޯ
ނަގިލި
26 February 2020
ދައުލަތުގެ އެއްޗެއް ބޭނުންނުކުރަން އެންގީމަ އަމިއްލަ މުދާގަނޑެއްހެން ބޭނުންކުރީމަ ކުލި އެކަންޏެއްނޫން އަތުލަންޖެހޭނީ، އެއީ ބޮޑު ޖިނާއީ ކުށެއް، ޖަލަށް ލާންޖެހޭނީ.
ގައިދީޔާމީނަށްފެނޭތަ
26 February 2020
ޖިހާދަށް ޔާމީނުވެސް ދެރަކުރަން ވެގެން ފްލެޓަށް ލީ މިހާރުވެސް ހަމަ ހުންނަވަނީ ނައިބުރައީސެއް ގެންގުލުއްވާލެއް ސަޅިކަން ދެކިބަލަ ހިލާލީގޭގަ އެހުންނަވަނީ ހީލަހީލާ
އިމިގްރޭޝަން މީހާ.
26 February 2020
ޖިހާދު މިއަދު ރާއްޖެއިން ބޭރަށް ފުރައިފި.