ގޮތް ނޭނގޭ ފޮއްޓެއް، ޖުމްހޫރީ މައިދާނުގައި ހުރި ޑަސްބިނެއް ކައިރީ ބާއްވާފައި.
11 މާޗް 2020 - 11:53
ޖުމްހޫރީ މައިދާނުގައި ހުރި ޑަސްބިނެއްގެ ކައިރީގައި، ގޮތް ނޭނގޭ ފޮއްޓެއް އޮތުމުން ސިފައިން އެ ފާސްކޮށްފި އެވެ.
އެމްއެންޑީއެފުން ބުނީ ފޮށި ފެނުނީ ގިނަ އަދަދަކަށް މީހުން ޖަމާވާ ސަރަހައްދަކުން ކަމަށް ވާތީ، އާންމުންގެ ސަލާމަތާއި ރައްކާތެރިކަމަށްޓަކައި އެކްސްޕްލޯސިވް އޯޑްނަންސް ޑިސްޕޮސަލް (އީއޯޑީ) އިން ފޮށި ފާސްކުރި އެވެ.
ސިފައިން ބުނީ އެ ފޮށީގައި ނުރައްކާތެރި އެއްވެސް އެއްޗެއް ނެތްކަން، ފާސްކުރުމުން އެނގިފައިވާ ކަމަށެވެ.
ރަތް ކުލައިގެ އެ ފޮށި ފެނުމާ އެކު ސިފައިން މުޅި ސަރަހައްދު ބަންދުކުރި އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ދޮންބެއްޔާ
11 March 2020
ނަސީބަކުން ކަޅުފޮއްޓެއް ނޫން. ކަޅު ފޮއްޓެއްނަމަ ކޮންވެސް މަތިންދާބޯޓެއްގެ ފޮއްޓަކަށް ވެދާނެ
ޢެހެންތަ ހީވަނީ
11 March 2020
ކޮންއެއްޗެއްތަ އެފޮށީގައޮތީ . ދަތުރުވެރިއަކު ފުރަންގޮސް ހަދާންނެތިގެން ފޮށިބަހައްޓައިފަ ދެބަންދިހާރަވެފަހުރި ވަރުންނައްޓާލީކަަށްވާނީ ތިބަޔަކު ފިލްމެއް ކުޅެންވޭތަ ؟
އަދާ
11 March 2020
ޔާމީން ވެރިކަމުގައިނަމަ ހާދަހާ ޒާތްޒާތުގެ ކޮމެންޓް އޮހޮރޭނެއޭ މިކަހަލަ ކަމެއްގަ. އެއްގޮތަކަށްވެސް ސީރިއަސްވާންވީކަމެއް ކަމަށް ނުކިޔާނެ. ވަކި މީހަކީ ވަރަށް ނުބައި މީހެކޭ ހީވިއަސް އެމީހަކާ ދިމާލަށް ހައްދުންނައްޓައިގެން އެއްޗެހި ކީ ބައެއްގެ ނުލަފާކަން ހަމަ ފެންނަނީ މިހާރު ނުކުރާ ކޮމެންޓުތަކުން.
ހުސެނ
11 March 2020
ތިކަހަލަ އެއްޗެތި މިދުވަސްވަރު ޗެކް ކުރަން ޖެހޭނީ ހަމަ އެކަނި ގޮވާ ތަކެތި ހުރިތޯއެއްނޫން.... ތީގަ ހުރެދާނެ ލޮލަށް ނުފެންނަ ބަޔަލޮޖިކަލް ނުވަތަ ކެމިކަލް ނުރައްކަލެއްވެސް ނުވަތަ ވައިރަސް ވެސް.....
މގރނ
11 March 2020
އަހަރުންހީކުރާގޮތުގައި ތިސަރަޙައްދަކީ ފިސާރި ރަނގަޅަށް ބަލަހައްޓާ ސަރަޙައްދެއްކަމަށެވެ. އެކަމަކު މިހާރުއެނގިއްޖެ އެހެންނޫންކަން. ބަލަހައްޓާޒޯނެއްނަމަ، އެބަލަހައްޓާބަޔަކު ލަދުގަންނަންޖެހޭވަރުކަމެއްތިޔައީ!
ހުސެން
11 March 2020
ސުކޫލުތައް ބަންދުކުރާށޭ އިންތިހާބު ފަސްކުރާށޭ ކިޔާ އަޑުގަދަވާތީ ސަރުކާރު އަޑީގައި އޮވެގެން ސިފައިންލަށްވާ ކުޅުވާ ޑުރާމާއަކާ ވައްތަރީ! ތިޔަ ސަރަހައްދަކީ ވަށައިގެން ކެމެރާ ހަރުކޮށްފައި އޮންނަ ސަރަހައްދަކަށް ވީއިރު ތިޔަކަން ކުރި މީހުންވެސް އެނގޭނެތާ!
ހުއިފިލަނޑާ
11 March 2020
ތިކަހަލަ ޖިނާއީ ކަންކަމާއި ގުޅޭ ތަހުގީގު ސިފައިންނަށް ކުރެވޭތަ.
ބަބުރަންޖީ ހާޖީ
11 March 2020
އަހަރެމެން އުޅޭ ސަރަހައްދުގައި ހުރި ގޯޅިގަނޑެއްތެރޭގައިވެސް އެބަހުރި ގޮތްނޭންގޭ ފޮށިތަކެެއް އުކާލާފާ. ހަމަ ވަރަށް އާއްމުން އުޅޭ ސަރަހައްދެއް. ނެތްތަ އެތަކެތި ފާސްކޮށްލަން އާދެވޭކަށް.
ގަލީބު
11 March 2020
ވެލްޑަން ގައިސް. ފަޚުރުވެރިވޭ ދިވެހި ސިފައިންގެ ޚިދުމަތަށް. ރައްޔިތުންގެ ރައްކާތެރިކަމުގައި ތަންފުކެއްވެސް ދޫކޮށްނުލައްވާ އިޚުލާސްތެރި ޓީމެއް ތިޔައީ. މާތްﷲ ތި މަސައްކަތުގައި ބަރަކާތް ލައްވާށި.
މޯރޗް
11 March 2020
ޕްރޭންކް!!