28 މާޗް 2020 - 12:38
12 comments
މާލެ، ވިލިމާލެ، ހުޅުމާލެ އަދި ރާއްޖޭގެ ހުރިހާ ރިސޯޓެއްގައި ޖަމާއަތުގައި ނަމާދު ކުރުމާއި ހުކުރު ނަމާދު ކުރުން މެދުކަނޑާލާފައިވާ މުއްދަތު އެޕްރީލް 4 ގެ އަސަރު ނަމާދާ ހަމައަށް ދިގުކުރަން އިސްލާމިކް މިނިސްޓްރީން މިއަދު ނިންމައިފި އެވެ.
އޭގެ އިތުރުން އެ މިނިސްޓްރީން ނިންމާފައި ވަނީ އެހެން ރަށަކަށް ވެސް އަރައިފޭބުން މަނާކޮށްފި ނަމަ (ލޮކްޑައުން) އެރަށެއްގައި ވެސް ޖަމާއަތުގައި ނަމާދާއި ހުކުރު ނުކުރެވޭނެ ކަމަށެވެ.
މިމަހުގެ 18 ވަނަ ދުވަހު މާލެ ސަރަހައްދާއި ރިސޯޓްތަކުގައި ޖަމާއަތުގައި ނަމާދު ކުރުން މެދުކަނޑާލީ ކޮވިޑް-19 އަށް ރައްކާތެރިވުމުގެ ގޮތުން މިއަދުގެ އަސަރު ނަމާދާ ހަމައަށެވެ.
Male aai resort thakugai jamaathuga namaadhu kurumaai hukuru kurun medhu kandaalaifi
The most trusted news source in the Maldives
Mihaaru
ޖަމާއަތުގައި ނަމާދު ކުރުން މެދުކަނޑާލުން
ނަމަވެސް އެ މިނިސްޓްރީން މިއަދު ނެރުނު ބަޔާނެއްގައި ބުނީ އެ ނިންމުން "4 އެޕްރީލް 2020 ވާ ހޮނިހިރުދުވަހުގެ އަސްރު ނަމާދުގެ ނިޔަލަށް ކުރިއަށް ގެންދިއުމަށް ނިންމާފައި ވާތީ އެގޮތަސް އަމަލްކުރެއްވުމަށް ދަންނަވާ" ކަމަށެވެ.
އިސްލާމިކް މިނިސްޓްރީގެ އޮފިޝަލަކު ވިދާޅުވީ މުއްދަތު ހާމަކޮށް މިއަދު ނޫސް ބަޔާނެއް ނެރޭނެ ކަމަށެވެ.
ޖަމާއަތުގައި ނަމާދުކުރުން މެދުކަނޑާލި ނަމަވެސް މާލޭގެ ހުރިހާ މިސްކިތެއްގައި ވެސް ފަސް ވަގުތު ބަންގި ގޮވަ އެވެ. އަދި ވަކިވަކިން ނަމާދު ކުރުމަށް މިސްކިތްތައް ވަނީ ހުޅުވާފަ އެވެ. މިހާރު ގޮވާ ބަންގީގައި އަންގަނީ ގޭގައި ތިބެ ނަމާދު ކުރުމަށެވެ.
ޖަމާއަތުގައި ނަމާދު ކުރުން މެދުކަނޑާލިކަން އިއުލާން ކުރުމަށް 18 ވަނަ ދުވަހު ބޭއްވި ނޫސްވެރިންގެ ބައްދަލުވުމުގައި އިސްލާމިކް މިނިސްޓަރު ޑރ. އަހުމަދު ޒާހިރު ވިދާޅުވެފައި ވަނީ އެގޮތަށް ނިންމީ ކޮވިޑް-19 އަކީ ގައިންގަޔަށް އަރާ ބައްޔަކަށް ވާތީ، މީހުން އެއްތަނަކަށް ޖަމާވުމުގެ ސަބަބުން ބަލި ފެތުރުމުގެ ފުރުސަތު އޮތުމުން ކަމަށެވެ. ނަމަވެސް ގޭގައި ނަމާދުކޮށް މި ބަލިމަޑުކަމުން ސަލާމަތްވޭތޯ ގިނަގިނައިން ދުއާކުރުމަށް މިނިސްޓަރު އެދިވަޑައިގަތެވެ.
އިސްލާމީ އެހެން ބައެއް ގައުމުތަކުގައި ވެސް އަންނަނީ އެފަދަ ފިޔަވަޅުތައް އަޅަމުންނެވެ.
އިސްލާމިކް މިނިސްޓްރީން މިއަދު ނެރުނު ބަޔާނުގައި ވެސް ރައްޔިތުންގެ ކިބައިން އެދުނީ ކަމާ ބެހޭ ފަރާތްތަކުން ދޭ އިރުޝާދުތަކާ އެއްގޮތަށް އަމަލްތައް ބެހެއްޓުމަށެވެ. އަދި ﷲގެ ރަހުމަތުން މާޔޫސްނުވެ، ﷲއަށް ވަކީލްކޮށް އުޅެން ވެސް ނަސޭހަތްތެރިވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަނު1
29 March 2020
މިސްކިތްތަކުގެ ފްލޯ، އިސްކުރުތައް އަދި ދޮރުގައި އަތްލެވޭ ތަންތަން ކޮންމެ ނަމާދެއްގެ ކުރިން ސާފުކޮށް ކޮންމެ މީހެއްގެ ދޭތެރޭ 3 ފޫޓު ބަހައްޓައި ނަމާދު ކުރެވުމަކީ ކުރެވިދާނެ ކަމެއް.
ދުނިޔެ
29 March 2020
ނަމާދު އެއީ ބޭނުން ގޮތަކަށް ކުރެވޭނެ ކަމެއްނޫން
Abdulla
29 March 2020
ޚާއްޞަކޮށް ހުކުރު ނުކުރެވުމަކީ ވަރަށް ދެރަވާ ކަމެއް. ސަރުކާރުން ނިންމީމަ އިޙުތިރާމް ކުރިޔަސް ފެންނަ ފެނުމަށް ބަލާއިރު ނަމާދު ޖަމާއަތުގައި ނުކުރަންވީ ސަބަބެއް ނެތް. އެއީ، ބޭނުންތަަކަށް ގޮސް ބޭނުން އެއްޗެއް ގަނެވޭ، މާރުކޭޓްތަކަށް ދެވޭ. ފައިސާގަ އަތް ހޭކޭ. ކީއްކުރާނީ. ވަރަށް ދެރަވޭ
ޖު މުހޫރީ މައިދާނުން
29 March 2020
ދެރަކަ މެއް. މިސްކިތް ބަންުދު ކުރަންެހޭ ހާލަތެއް ނެތް. ބޭރުން ޢަންނަ މީހުން ހުއްޓުވާލާ. ޙުކުރުނުކޮށް ދުޢާ ކުރުން ހުއްާޓާލައިވާ ވަނިކށް ޕޮސިޓިތްވީ. އޭގެ ކުރިންނުވޭ
ޝޮކްތެރަޕީ
29 March 2020
މިކަމުގަ ރަގަޅު ގޮތަކީ ޖަމާއަތުގާ ނަމާދު ކުރުން. ޝިފާދެއްވާނީﷲ
ރީތި މޫސަ
28 March 2020
ޖަމާއަތުގަނަމާދުކުރުންހުއްޓާލިޔަސް މިސްތަކުގަވަކިވަކިން ނަމާދުކުރެވޭނެކަމަށް ވިދާޅުވާއިރު ބަޔެއްމިސްކިއްތަކުގަ ފެންކަނޑާލާފަހުންނަނީ ކީއްވެތޯ؟ ކީއްވެތޯ އެޕްރީލް 4 ކަށް ޖަމާއަތުގަނަމާދުކުރުން ތިލަސްކުރަނީ؟ މިސުވާލު މިކުރަނީ 3 ވަނަހުކުރުވެސް ޖަމާއަތުގަ ނަމާދު ނުކުރެވިދާތީ 2 އެޕްރީލަށްއޮތްނަމަ ހުކުރު ނަމާދަށްފަހު ހުޅުވާލެވުނީސް ނަމަވެސް ހާލަތު ބަދަލުނުވާނަމަ ކުރާނެކަމެއްނެތް ޔާﷲ މިރޯގާ ނެތިކުރަށްވާ ޖަމާއަތުގަ ނަމާދުކުރެވޭނެގޮތް މިންވަރު ކުރަށްވާށި އާމީން
ކަކުނިބޯ
28 March 2020
ދުނބުރި މިސްިތަށް ފެންދޭނީ ކޮންދުވަހަކުންތޯ
ޖަމާޢާ
28 March 2020
ޖަމާޢަތުގައި ނަމާދުކުރުން ހުއްޓުވާފަ ބޭއްވުމުގެ މަޤްޞަދު ޙާސިލްވާނެބާ. މިސްކިތްތަކުގައި ޖަމާޢަތުގައި ނަމާދު ނުކުރި ނަމަވެސް މިހާރުވެސް ބަންގާޅީން އަރާ ކުރިއަށްވުރެ މީހުން ގިނަ ކޮށްލާ. ދެން ކޮންތާކު މިޖެހެނީ. ޖަމާޢަތުގައި މިސްކިތުގައި ނަމާދުނުކުރެވެންޏާ މިސްކޮށް ބަންދުކޮށްބަލަ. ފަހުންވެސް އެތަނަށް ދާންތިިބި ބަޔަކުގެ ސަލާމަތަށްޓަކައި.
ކަކުނިބޯ
28 March 2020
ތިޔަބޭފުޅަގެ އަ މިއްލަ އެޖެންޑާއެއް އޮތްކަ މަށް ފެންނަނީ
އިބްރާހިމްކިލެގެފާނު މާލްދީފީ
29 March 2020
ޖަމާއަތުގައި ނޫނަސް ނަމާދު ވަގުތު ވަނުމުން ނަމާދުކުރަންޖެހޭ.މިކަމުގަ ދިވެއްސެއް ބިދޭސީއެއް އިސްތިސްނާއެއްނުވޭ! މާލޭގައި އުޅޭ ކޮންމެމީހަކީ ނިދާތަނުގައި ނަމާދުކުރެވޭނެ ޖާގަ އޮތްބައެއްނޫން. މިސްކިތްތަށް ބަލާލަބަލަ ވަކިން މީހުން ނަމާދުކުރަން ތިބޭ ގޮތް. ގާތްގާތުގައި ނުތިބޭނެ! (އިސްލާމްކަމާއި ކާފިރުކަމާއި ދެމެދުވާ ހުރަހަކީ ނަމާދު،ގަސްތުގައި އެ ނަމާދު އަޅައިފިމީހާ އެ ހުރަސް ނައްތާލައިފި)
ހާނޫ
28 March 2020
ރިސޯޓް ތަކުގަ ގެސްޓުން ނެތީމަ މީހާރު އޮންނީ ސްޓަފުން އެކުވެ މުޅި ރިސޯޓުގެ އެތަންމިތާގަ ކުޅިވަރު ކުޅުން އެކަމަމަކު ރިސޯޓް މިސްކިތު ޖަމާޢަތް މަނާ.
ނީން
28 March 2020
ބަލަ ގިނަ މީހުން އެކުވެ އުޅުންވެސް މަނާ ކުރި. އެކުވެ އުޅޭ މީހުންނަށް ވެސް އެނގޭ އެކަން ކުރުން މަނާ ކަން. ހީވާ ކަހަލަ އެހެން ނޫނީ މި މީހުން ތިބެނީ ބަންގީގެ އިންތިޒާރުގަ މިސްކިތުގައޭ. އަހަރަމެންނަށް ހެޔޮވިސްނުން ދެއްވާށި.