ސިންގަޕޫރުގެ ބިލިއަނަރު އޮންގް: އޭނާގެ ކުންފުނިން ރާއްޖެއަށް ވަނީ 15 ވެންޓިލޭޓާ ހަދިޔާކޮށްފައި-- ފޮޓޯ: ސްޓްރެއިޓް ޓައިމްސް
22 އެޕްރީލް 2020 - 13:19
47 comments
ރާއްޖޭގައި ގިނަ ރިސޯޓްތަކެއް ހިންގާ ސިންގަޕޫރުގެ ބިލިއަނަރު، އޮންގް ބެންގް ސެންގްގެ ހޮޓެލް ޕްރޮޕަޓީ ލިމިޓެޑް (އެޗްޕީއެލް)އިން ރާއްޖެ އަށް 15 ވެންޓިލޭޓާ ހަދިޔާކޮށްފި އެވެ.
ކޮވިޑް-19 ރާއްޖޭގައި ވެސް ހަލުވި ކަމާއެކު ފެތުރި ވެންޓިލޭޓާ މުހިންމު ވެފައިވާ މި ދަނޑިވަޅުގައި އެޗްޕީއެލްއިން 15 ވެންޓިލޭޓަރާއެކު 100,000 މާސްކް ވެސް ހަދިޔާ ކޮށްފައިވާ ކަމަށް ފޮރިން މިނިސްޓްރީން ބުންޏެވެ. އެތަކެތި މިހާރު ރާއްޖެ ގެނައުމުގެ މަސައްކަތް އަންނަނީ ކުރަމުންނެވެ.
އެޗްޕީއެލްއިން މަތީ ފަންތީގެ ފަސް ރިސޯޓެއް ރާއްޖޭގައި ހިންގަ އެވެ. އޭގެ ތެރޭގައި ހޮލިޑޭއިން ކަނޑޫމާ އާއި ގިލިލަންކަންފުއްޓާއި ފޯސީޒަން ކުޑަ ހުރާ އާއި ލަނޑާގިރާވަރުގެ އިތުރުން ސިކްސް ސެންސަސް ލާމް ހިމެނެ އެވެ.
ރާއްޖޭގައި މި ވަގުތު 97 ވެންޓިލޭޓަރު އެބަހުއްޓެވެ. އޭގެ ތެރެއިން، އެ ވަގުތަކު ލިބެންހުރި ވެންޓިލޭޓަރެއް ކޮވިޑް-19 ގެ ބަލީގެ މީހުންނަށް ފަރުވާ ދޭން ބޭނުންކުރާނެ ކަމަށް ސަރުކާރުން ބުނެ އެވެ. ކޮވިޑް-19 އިތުރަށް ފެތުރި ހާލުބޮޑުވާ މީހުން އިތުރުވެދާނެތީ އިތުރު ވެންޓިލޭޓަރުތައް ހޯދުމުގެ މަސައްކަތް ސަރުކާރުން އަންނަނީ ކުރަމުންނެވެ.
އޭޝިއާގެ އެންމެ މުއްސަނދި މީހާ އަދި މަޝްހޫރު އޮންލައިން ބިޒްނަސް ޗެއިން އަލީބާބާގެ ފައުންޑާ ޖެކް މާ، ވެސް ވަނީ ކޮވިޑް-19 އާ ގުޅިގެން ރާއްޖެ އަށް އެހީ ފޯރުކޮށްދެއްވައިފަ އެވެ. އޭނާ ދެއްވާ ތަކެތީގެ ތެރޭގައި މާސްކާއި ޓެސްޓު ކިޓާއި ހަޒްމަޓް ސޫޓާއި ވެންޓިލޭޓަރާއި ތާމޯމީޓަރު ވެސް ހިމެނެ އެވެ.
ފަރުވާއެއް ހޯދިފައިނުވާ ކޮވިޑް-19 އަށް ރާއްޖޭން މިހާތަނަށް 86 މީހަކު ޕޮޒިޓިވް ވެފައިވެ އެވެ. މިދިޔަ ހަފްތާ ބުދަ ދުވަހު އެ ބައްޔަށް މާލޭން މީހަކު ޕޮޒިޓިވްވި ފަހުން ބަލި ޖެހޭ މީހުންގެ އަދަދު ދަނީ އިތުރުވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރީތި މޫސަ
23 April 2020
ރާއްޖޭގެ މުއްސަނދިން އެމީހުންމުއްސަނދިކޮށްދިން މުވައްޒަފުން ވަޒީއިންކަނޑާ ބިކަޙާލުގަޖައްސާފާ ފައިސާބޮނޑި ހިފައިގެންފިލީ އެކަން މުޅިރާއްޖޭގެ ރައްޔިތުން ދަންނާނެކަން ހަނދާންކުރާތި އެންމެކުޑަމިނުން ކުދިކުދި ކުއްޔަށް އެމީހުނަށް ރިސޯޓްތަށްދިން ސަރުކާރަށްވެސް ފައިސަފޮއްޗެއްދިއްކޮށްނުލާ ދެންއޮތީ ވެރިންނާ މަޖުލީސްމެންބަރުންގެ ވާހަކަ ރައީސް ސޯލިޙް އަރިހުގަތިބީ އޭނަޔަށްވަފާތެރި މަދު ވެރިންކޮޅެއް ރައްޔިތުންނަށްޓަކައި އެހެންވެރިންތިބީ ނަމުގަ ގޭގަކުޅެން
ޝޮކްތެރަޕީ
23 April 2020
ކޮބާހޭ އިންޑިޔާގެ އެހީތަ.؟
ކަރީމު
22 April 2020
މީނަވެސް މުވައްޒަފުންގެ އަގުވަޒަނެއް ނުކުރި ރާއްޖޭގެ ރިސީޓް އޯނަރުންވިއްޔާ މުސާރާގެ ކޮންމެވެސް ޕަސެންޓެއްދޭތާ! އެއްޗެއްކަޑާފަވެސް! އެވަރުވެސް ކޮށެއްނުލި! ނޯޕޭލީވުގަޔޯ ވަޒީފާ ނުކުންނަންޖެހެއްޏާ!
ބުލްބުލޭ
22 April 2020
ފަސްރިސޯޓްގެ މުވައްޒަފުން މިތިބީ ނޯޕޭލީވު ރޯދަމަހު އިނާޔަތެއްވެސް ނުލިބުނު އެކަމަކު މަމެންގެ ވެރިޔާ މަހުޖަނު އޮންގަށް ޝުކުރިއްޔޭތަ ބުންވީ
ޢިބްރާހީމް
22 April 2020
މިގައު މުގެ މަހިޖަނުން ފިލާފި، އެން މެ މަހެއްގަ ރިސޯޓުގެ މުވަެްޒަފުންނަން މުސާރަދޭވަރު ނެތީތަ. ކޮން މެ އަހަރަކު ރިސޯޓެއް ހުޅުވަމިންދިޔައީ ގެއްލުމުގައި ރިސޯޓްތައް ހިންގާތީތޯ. ދިވެހި ރައްޔިތުންގެ ގުދުރަތީ ރިސޯސްތަކުން އެތައް މިލިޔެއްގެ ފައިދާނަގަމުންދިޔަ މީހުންނަން ދިވެހިރައްޔިތުންގެ ބޮލާލާ ޖަހާފި.
ހަސީން
22 April 2020
''އޭޝިއާގެ އެންމެ މުއްސަނދި މީހާ އަދި މަޝްހޫރު އޮންލައިން ބިޒްނަސް ޗެއިން އަލީބާބާގެ ފައުންޑާ ޖެކް މާ،' މިއީ ރަނގަޅު މަޢުލޫމާތެއް ނޫން. އޭސިއާގެ އެންމެ ބޮޑު މަހުޖަނަކީ އިންޑިއާގެ ރިލަޔަންސް ގުރޫޕުގެ ވެރިއާ މުކޭސް އަންބާނީ.
މޫސާކުއްދާ321
22 April 2020
ތެެދެއް ތިބުނީ! ޖެކް މާ އަކީ މިހާރު އޭސިއާގެ 3 ވަނައަށް އެންމެ މުއްސަނދި މީހާ.
ރަނާ
22 April 2020
ސުރުޚީގަ ލިޔަންވީ ސިންގަޕޯރގެ ބިލިއަނަރެކޭ ނޫން "ރާއްޖޭގަ މިތައް ރިސޯޓް ހިންގާސިންގަޕޯރގެބިލިއަނަރ"
ޖޮރީމޯ
22 April 2020
އޭނަ ރިސޯޓު ހިންގަނީކީ ރާއްޖެއަކު އެކަންޏެއް ނޫން. އޭނާ އަމިއްލަޔަށް އިންވެސްޓް ކޮއްގެން ހިންގާތަންތަން އެއީ. ތަނެއްގަ ފަޅުރަށެއް އޮތަކަސް އަދި ފައިސާއެއް ނުލިބޭނެ އިންވސްޓް ކުރާނެ މީހަކު ނެތިއްޔާ.
ބްރީ ބްރޫ
22 April 2020
ވޭތުވެދިޔަ 40 އަހަރު، މަހަކު އެވްރެޖްކޮށް 8-10 މިލިޔަންޑޮލަރު ފައިދާ ބޮޑެތިކުންފުނިތައް މަހުޖަނުންތައް ގައުމަށާ ރައްޔަތުންނަށް ކަމެއްދިމާވޮދުވަހު ފިލީ... މިކަން ރައްޔަތުންދަންނާނެ.
ާމުސްތޮފަރ ސެންޓަރ
22 April 2020
ވެންޓިލޭޓަރަކީ ވަރަށް އަގު ބޮޑު އެއްޗެއް އަމުދުން މިދުވަސް ކޮޅު، ވަރަށް ދީލަތި މީހެއް
ބޮޑުމީހާ
22 April 2020
މީ ވޯޓު މޫސުން ނަމަ ކަންކަން މަތީ ޖަގަހަ ހަދައިގެން ދުވާލަކު 3 ފަހަރު ރައްޔިތުންގ ހާލުބަލަން ގުޅާނެ. ނުވިތާކަށް އެތައް ބައިވަރު އެސްއެމްއެސް ފޮނުވާނެ. އައިސީޔޫގެ އޮންނަ މީހާ ވެސް ވޯޓުލާ ދުވަހު ގެންގޮސް ގެނެސްދޭނެ. މިއަދު ފޯން ކޯލެއް، އެސްއެމއެސް އެއް، ހަދިޔާ ކޮތަޅެއް ދިއްކޮށްލާނެ ސިޔާސީ މީހަކު ނެތް