ސްޓެލްކޯގެ އިމާރާތް: މިދިޔަ މަހުގެ ކަރަންޓް ބިލް ބޮޑު -- ފައިލް ފޮޓޯ: މިހާރު
01 ޖުލައި 2020 - 19:37
42 comments
ބައެއް ގޭގޭގެ މިދިޔަ މަހުގެ ކަރަންޓް ބިލް އާދަޔާހިލާފަށް ބޮޑުވެ ޝަކުވާކުރަމުން އެބަ ގެންދެ އެވެ.
"މިހާރު"ން ވެސް ބެލިބެލުމުން ވަރަށް ގިނަ ގޭގޭގެ ކަރަންޓް ބިލް ވަނީ ބޮޑުތަނުން މައްޗަށް ގޮސްފަ އެވެ. "މިހާރަ"ށް ލިބިފައިވާ ތިން ބިލެއްގެ ތެރެއިން އެއް ގެއެއްގެ ކަރަންޓް ބިލް އާންމު މަސްތަކުގައި 3،000ރ. ގައި ހުރި އިރު މިދިޔަ މަހުގެ ކަރަންޓް ބިލް ވަނީ 6،000ރ. އިން މައްޗަށް ގޮސްފަ އެވެ. އަދި އާންމުކޮށް މަހަކު 1000ރ. ނާރާ ގެއެއްގެ ކަރަންޓް ބިލް 2،000ރ. އިން މައްޗަށް ގޮސް، އެހެން ގެއެއްގެ ބިލް ވެސް ވަނީ އެހެން މަސްތަކަށް ވުރެ ދެ ގުނަ ބޮޑުވެފަ އެވެ.
މި މައްސަލާގައި ސޯޝަލް މީޑިއާގައި ވެސް އާންމުން ވަނީ ކަންބޮޑުވުން ފާޅުކުރަން ފަށައިފަ އެވެ.
What the actual fish is this #stelco @STELCOMALDIVES isn’t this day light robbery pic.twitter.com/WoaM49sS2i
— mafaaz waheed (@MafaazWaheed) July 1, 2020
ބައެއް މީހުން ބުނެފައިވާ ގޮތުގައި އެ މީސްމީހުންގެ އެޕާޓްމެންޓްތަކަށް މިފަހަރު ބިލް ފޮނުވާފައި ހުރީ މުޅިން ނުބައިކޮށެވެ. ޓްވިޓާގައި ބައެއް މީހުން ލާފައިވާ ބިލްތަކަށް ބަލާއިރު ވެސް ފެންނަނީ ދެ ގުނަ ބޮޑުވެފައި ހުއްޓަ އެވެ.
ނިއު ނޯމަލް ދަށުން ލިބުނު ކަރަންޓް ބިލް، ދެން ސުކުރު އަދާކުރާނެ ފަރާތެއްވެސް ނޭގެ.#STELCO@ibusolih @FaisalNasym@Raajje_tv @Mihaarunews @Banafsaa @mgmaumoon pic.twitter.com/gn6kVZ6B7U
— Mohamed Sobah (@SobahMaldives) July 1, 2020
މިކަމާ ބެހޭ ގޮތުން ސްޓެލްކޯ އިން އަދި ވަކި އެއްޗެއް ނުބުނެ އެވެ.
ލޮކްޑައުންއާ އެކު ސަރުކާރުން ގެނައި ޕެކޭޖްތަކުގެ ތެރޭގައި ޔުޓިލިޓީސް ބިލްތަކުން ޑިސްކައުންޓް ދޭން ހަމަޖެއްސުމާ ގުޅިގެން މިދިޔަ އެޕްރީލް މަހާއި މެއި މަހު ކަރަންޓް ބިލުން ވަނީ 40 ޕަސެންޓް މާފުކޮށްދީފަ އެވެ. އެ ޑިސްކައުންޓާ އެކު އާންމުން ދައްކަން ޖެހުނު ބައި އޮތީ ކުޑަވެފަ އެވެ. ސަރުކާރުން ވަނީ އެޕްރީލް މަހާއި މޭ މަހު، ކަރަންޓް ސަބްސިޑީ އަށް 27 މިލިއަން ރުފިޔާ ހޭދަކޮށްފަ އެވެ.
ބައެއް މީހުން ދެކޭ ގޮތުގައި ކަރަންޓް ބިލް މިފަހަރު ބޮޑުވެފައި އޮތީ، ރީޑިން ނެގުމުގައި ދިމާވި މައްސަލަތަކެއްގެ ސަބަބުން ބިލް ހެދި އިރު އެވްރެޖް ހަދައިގެންނެވެ. އެހެން ނަމަވެސް ސްޓެލްކޯ އިން ބުނަނީ މިދިޔަ މަހުގެ ރީޑިން ނަގާފައި ވާނީ ގޭގެ އަށް ގޮސްގެން ކަމަށެވެ.
What is #STELCO trying to do? Last month (June) electric bill has almost doubled compared to other months. Can you please clarify. @STELCOMALDIVES pic.twitter.com/TiqbtVCwjX
— ɪʙʀᴀʜɪᴍ ᴍᴏʜᴀᴍᴇᴅ (ɪʙᴜ) (@ibumohd) July 1, 2020
މާލޭގެ ކަރަންޓް ބިލްތައް ބޮޑުވުމުގެ ޝަކުވާ ބޮޑުވެފައިވާ އިރު ހުޅުމާލޭގެ ކަރަންޓް ބިލްތަކުގެ ޝަކުވާ ވެސް ކުރަމުން ދެ އެވެ. އެނގިފައިވާ ގޮތުގައި ހުޅުމާލޭގެ ވަރަށް ގިނަ ތަންތަނަށް ބިލް ފޮނުވާފައި ވަނީ 45 ދުވަހުގެ މުއްދަތަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕައްލަންބެ
02 July 2020
މަހަކު ހަމައެކަނި މުސާރަޔަށް އެއްލައްކަ ރުފިޔާ ގެޔަށް ގެންދާ ބޭފުޅެއް ހުރި ކުންފުންޏެއް.
ވާގޮތް ވީގޮތް
02 July 2020
ވީމާ ސަބްސިޑީޒް ދިން ދެމަހު ލުންފުންޏަށް ގެއްލުން މި ދެމަސް ތެރޭ ރައްޔިތުންގެ އަތުން އަބުރާ ނަގަނީ ތާއެވެ.
ޕިކްސް
02 July 2020
ލޮކްޑައުން ތެރޭ ކިތަށް ގޭގަތޯ ސިޓިންރޫމް ގަ ހުންނަ އެސީ ނުވަތަ ފަންކާ ނިއްވާލީ. ކިތަށް ފަހަރުތޯ ދޮންނަމެޝިން ބޭނުންކުރީ. ކިތަށް ފަހަރުތޯ އިސްތިރި ބޭނުންކުރީ. ކިތަށް ފަހަރުތޯ މައިކްރޯވޭވް ބޭނުންކުރީ އަދި ގޭގަ ހުންނަ ޓީވީ އަދި ކޮންޕިއުޓަރު ނިއްވާލާފަ ހުންނަ ވަގުތެއް ދިޔަތޯ. އަދި ކުރީ މަސްމަހުގަ ބިލްކުރީވެސް އެވްރެޖް ރީޑިންގް އަށް ބަލައިގެން އެހެންކަމުން އެމަސްތަކުގެ ބައެއްވެސް މިމަހުގެ ރީޑިންގަ ހިމެނިފަވުން އެކަށިގެންވޭ.
އަޅުކަލޭގެ
02 July 2020
ތިވާނީ މިސަރުކާރަށް "އޮޅުމަކުން" ފޮނުވުނު ބިލަކަށް.
ކާސިމްބޭ
02 July 2020
އާއްމުކޮށް އެހެންމަސްތަކުގައި އަރަނީ 750 އާއި 800 އާއި ދެމެދު ، މިމަހު 12 ވަރަކަށް ދުވަހު މާލޭގަތިބީ ދެންމިތިބީ ރަށުގެ ، އެކަމަކު ކަރަންޓް ބިލް 1589 ރ އެބައިން އަރާ . ހަމަކޮސްވެއްޖެ ،. މިކަން މަޖްލީހުން ބަލާދީބަލަ
ޢެޑްމުންޑޯ
02 July 2020
އޯގާތެރި ސަރުކާރުން އެޕްރީލް މެއި ގައި ދިން ޑިސްކައުންޓަށް އޯގާތެރިކަމާއި އެކު 5 ގުނަ އިތުރުކޮއްލީ ، މިއޯގާތެރި ސަރުކާރުގެ ކޮންމެ ކަމެއއގައިވެސް މިފަދަ ޖަރީމާތަށް ހިމެނޭނެ ، އތްޖަހާކުދިން ބާރަށް އަތްޖަހާ
ޟޯދީ މާ
02 July 2020
މީ އޮޅުވާލާ އޮޅިފައޮތް ސަރުކާރެއް.އެއްވެސް ކަމަކަށް އިތުބާރެއްނުކުރަން
ފަނިިބެ
02 July 2020
ޔާމިނު ނަންވާނީ!
އައްޑޫ ކުއްޖާ
02 July 2020
މާލޭ އެކަންޏެއް ނޫން އައްޑޫގަވެސް ހަމަ ތިހެން މިދިޔަ މަހު އަގުހެޔޮ ކޮށްލި ތަންކޮޅު ކަވާރ ކޮށްލީ
ހޯރަބޭ
02 July 2020
އާއްމު ގޮތެއްގައި ޑޭޓާ އެޅުމާއި ހުސްވުމާއި ދެމެދު ނަގާ ވަގުތަކީ ކެއުމަށް ފަހު ވައެއް ލުމާ ދެމެދު ނަގާ ވަގުތެވެ. މި ކުންފުނި ތައް ކައިރިން ފިލާވަޅު ނަގައިގެން ތި އުޅެނި.