އިންޑިއާގެ ނޫސްވެރިޔާ އަރްނާބް ގޮސްވާމީ އަށް ބިނާކޮށް ފިލްމެއް ހަދަނީ

އަހުމަދު އަދްޝަން، މިހާރު

05 އޯގަސްޓް 2020 - 08:55

އަބަދު ވެސް އާންމުންގެ ފާޑުކިޔުންތައް އަމާޒުވާ އިންޑިއާގެ މަޝްހޫރު ނޫސްވެރިޔާ އަރްނާބް ގޮސްވާމީ އަށް ބިނާކޮށް، ޑައިރެކްޓަރު ރާމް ގޯޕާލް ވަރްމާ (އާރްޖީވީ) ފިލްމެއް ހަދަން ނިންމައިފި އެވެ.

"ރަންގީލާ" އާއި "ސަތިއާ" އަދި "ސަރުކާރު" ފަދަ ކާމިޔާބު ފިލްމުތައް ގެނެސްދިން ޑައިރެކްޓަރު މިކަން ހާމަކުރީ އޭނާ ކުރި ޓްވީޓްތަކެއްގަ އެވެ. އަރްނާބަށް ބަހުގެ ހަމަލާތައް ފޮނުވަމުން އާރްޖީވީ ބުނީ އޭނާ އަކީ އަބަދުވެސް އެކި ކަންކަމާ ގުޅިގެން ބޮލީވުޑަށް އިނގިލި ދިއްކުރާ ބޮލީވުޑްގެ ތަސައްވުރު ހަޑިކުރަން މަސައްކަތްކުރާ ނޫސްވެރިއެއް ކަމަށެވެ.

Hey #ArnabGoswami whether u react to my film or not I don’t care a damn because my target audience is not going to be u , but it will be ur viewers ..I want to shake them up with the way I will expose in my film the back of ur public face in Republic Tv
— Ram Gopal Varma (@RGVzoomin) August 3, 2020

އެގޮތުން، މަރުވެފައިވާ ބޮލީވުޑްގެ ތަރިން ކަމަށްވާ ދިވްޔާ ބާރްތީ އާއި ސްރީދޭވީ އާއި ޖިއާ ޚާނާއި ދާދި ފަހުން މަރުވި އެކްޓަރު ސުޝާންތު ސިންގް ރާޖްޕޫތު ފަދަ ތަރިންގެ މަރާ ގުޅުވައިގެން ބޮލީވުޑަށް ބެހޭ ގޮތުން ވަރަށް ހަޑިމުޑުދާރު ވާހަކަ އަރްނާބް ދައްކާ ކަމަށް އާރްޖީބީ ބުންޏެވެ. އެހެންވެ އެކަންކަމާ ގުޅުވައިގެން، އަރްނާބަށް ބިނާކޮށް ހަދާ ފިލްމަށް ދޭން ނިންމާފައިވާ ނަމަކީ "އަރްނާބް: ދަ ނިއުޒް ޕްރޮސްޓިޓިއުޓް" ކަމަށް ބުންޏެވެ.

My film on him is titled

“ARNAB”
THE NEWS PROSTITUTE
After extensively studying him I mulled on whether the tagline should be The News Pimp or The News Prostitute though both are relevant I finally settled on prostitute for its sound.
— Ram Gopal Varma (@RGVzoomin) August 3, 2020

އަރްނާބަކީ ރިޕަބްލިކަން ޓީވީގެ އެޑިޓަ-އިން ޗީފް އަދި އެ ޗެނެލްގެ ހޯސްޓެކެވެ. އުމުރުން 46 އަހަރުގެ ނޫސްވެރިޔާ ވަނީ ކުރިން އެންޑީޓީވީ އާއި ޓެލެގްރާފާއި ޓައިމްސް ނައު އާއި އީޓީ ނައު ފަދަ ނޫސް އެޖެންސީތަކުގައި ވެސް މަސައްކަތްކޮށްފަ އެވެ.

I believe that #ArnabGoswami has no other agenda but to come across like the ultimate hero a Dabaangish Salman Khan, kind by making all the film industry biggies to run for cover and for that purpose he will MURDER TRUTH
— Ram Gopal Varma (@RGVzoomin) August 3, 2020

އާރްޖީވީ ބުނީ އޭނާގެ ފިލްމުގައި އަރްނާބާއި އޭނާގެ ރިޕަބްލިކަން ޓީވީގެ ހަގީގަތް އާންމުންނާ ހަމައަށް ތިލަކޮށްދޭނެ ކަމަށާއި އެއީ އަބަދު ވެސް އަޑިނުބައި ނޫސްވެރިއެއް ކަމަށެވެ. ނަމަވެސް ފިލްމުގެ މަސައްކަތް ފަށާނެ އިރަކާއި އެއާ ބެހޭ އިތުރު އެއްވެސް ތަފުސީލެއް ނުދެ އެވެ.

އެކަމަކު ފިލްމުގައި އަރްނާބްގެ ރޯލް ކުޅޭނީ ކާކުތޯ ބަލަން ގިނަ ބަޔަކު ވަރަށް ބޮޑަށް ޝައުގުވެރިވާނެކަން ޔަގީނެވެ.