11 ސެޕްޓެމްބަރ 2020 - 19:36
51 comments
ރާއްޖޭގެ ހާލަތު ދަނީ ގޯސްވަމުން ކަމަށާއި މިކަމުން އަރައިގަތުމަށް މަސައްކަތް ކުރަން އިދިކޮޅު ޕީޕީއެމާއި ޕީއެންސީ އަށް ރައްޔިތުންގެ އެހީ ބޭނުންވާ ކަމަށް ކުރީގެ ރައީސް އަދި އެ ކޯލިޝަންގެ އެޑްވައިޒަރު ޑރ. މުހައްމަދު ވަހީދު މިއަދު ވިދާޅުވެއްޖެ އެވެ.
އިދިކޮޅުން ބާއްވާ ސިޔާސީ ހަރަކާތްތަކާ ގުޅިގެން ކަމާބެހޭ އިދާރާތަކުން ކުރާ ޖޫރިމަނާތައް ދައްކަން ފަންޑު ފޮއްޓެއް ހުޅުވުމުގެ ރަސްމިއްޔާތުގައި އެމަނިކުފާނު ވިދާޅުވީ ގައުމު މިހާރު އޮތް ނިކަމެތި ހާލަތުން ސަލާމަތްކުރެވޭނީ ހަމައެކަނި އިދިކޮޅު ކޯލިޝަނަށެވެ. އެކަމަށް ގިނަ މަސައްކަތްތަކެއް ކުރަން ޖެހިފައިވާ ކަމަށް ވިދާޅުވި އެވެ.
އެމަނިކުފާނު ވިދާޅުވި ގޮތުގައި ޑިމޮކްރެޓިކް އުސޫލުން ގައުމު ހިންގާ ނަމަ ކޮންމެ ޕާޓީއަކުން ވެސް ވެރިކަމަށް ނެރެންވާނީ ގާބިލު ބޭފުޅެކެވެ. އަދި ރައްޔިތުން ވެސް ހޮވަން ވާނީ ގާބިލު ވެރިއެއް ކަަމަށް ވިދާޅުވި އެވެ.
"ގާބިލް ކަމެއް ނެތް މީހުން ވެރިކަން ހަވާލު ކުރީމަ ވާނެ ގޮތަކީ ރައްޔިތުންނަށް ގެއްލުން ލިބޭނީ. އިގްތިސާދު ހަލާކުވެ ރައްޔިތުންގެ ވަޒީފާތައް ގެއްލި، ކާބޯތަކެތީގެ އަގު ބޮޑުވެ، ރައްޔިތުންނަށް އެ ހުރިހާ އަނިޔާއަކާ ދެރައެއް ލިބިގެންދާނީ،" ވަހީދު ވިދާޅުވި އެވެ.
ވަހީދު ވިދާޅުވީ އިދިކޮޅު ކޯލިޝަންގެ ގޮތުގައި އޮވެ އެ ދެ ޕާޓީން މިހާރު އަދާކުރަން ޖެހިފައި އޮތް ޒިންމާއަކީ ސަރުކާރު ޖަވާބުދާރީކުރުވައި ރައްޔިތުންނަށް ފައިދާ ހުރި ގޮތްތައް ހޯދައިދިނުމެވެ.
"ރާއްޖެ މިދަނީ ދުވަހަކަށް ދުވަހެއް އަޑިއަށް، މި ކަން ހުއްޓުވަން ޖެހޭ. އަޑިއަށް ދާ މި ދިއުން ހިފަހައްޓައި ހުއްޓުވަން ޖެހޭ،" އެމަނިކުފާނު ވިދާޅުވި އެވެ.
އާއްމުންގެ އެހީތެރިކަމަށް އެދިވަޑައިގަތުމުގެ އިތުރުން ވަހީދު ވަނީ ޕީޕީއެމާއި ޕީއެންސީ ކޯލިޝަންގެ މެމްބަރުން މިހާރަށް ވުރެން ބޮޑަށް ހަރަކާތްތަކުގައި ބައިވެރިވުމަށެވެ.
ސަރުކާރު ޒިންމާދާރުކުރުވުމުގެ ނަމުގައި ދާދި ފަހުން އިދިކޮޅުން ވަނީ މުޒާހަރާތަކެއް ބާއްވައިފަ އެވެ. ކޮވިޑް-19 ފެތުރޭ ގޮތަށް އެ މުޒާހަރާތައް ކުރިއަށް ގެންގޮސްފައިވާތީ އެ ކޯލިޝަނާއި އެކަމުގައި އިސްކޮށް އުޅުއްވި ބޭފުޅުން ވަނީ ޖޫރިމަނާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަޖްވާ
13 September 2020
ހަސަނިކުމެން ދެން ކޮން ވާހަކަ އެއް މިހާރު ދައްކާކަށް ހޭ މި ބުނީ؟ މި ކޮވިޑުގެ ހާލަތުގެ ނާޖާއިޒު ފައިދާ ނަގާ ސިޔާސީ މަންފާ ހޯދަން ފައިކުރި އޮޅައިގެން މިމީސްމީހުން އެ އުޅެނީ!
އަލިފުޅު3
13 September 2020
މަނިކުފާނުގެ ވެރިކަމުގެ ނައިބު ރައީސް ވަހީދުއްދީން ކޮބާތޯ؟ އެނާ ވެސް ތިޔަ ކަމުގާ މަނިކުފާނާ އެކު އެބަ އުޅުއްވާތޯ؟
ބޫމް
13 September 2020
"ގާބިލް ކަމެއް ނެތް މީހުން ވެރިކަން ހަވާލު ކުރީމަ ވާނެ ގޮތަކީ ރައްޔިތުންނަށް ގެއްލުން ލިބޭނީ. އިގްތިސާދު ހަލާކުވެ ރައްޔިތުންގެ ވަޒީފާތައް ގެއްލި، ކާބޯތަކެތީގެ އަގު ބޮޑުވެ، ރައްޔިތުންނަށް އެ ހުރިހާ އަނިޔާއަކާ ދެރައެއް ލިބިގެންދާނީ،" ވަހީދު ވިދާޅުވި އެވެ. ކާބޯތަކެތި އެންމެ އަގުބޮޑު ކުރީ ރައީސް ޔާމީން. އެހެންވީމާ ވަހީދުގެ މިންގަނޑުން މިނާއިރު އެންމެ ނާގާބިލް ރައީސަކީ އެއޯޓާ.
ފެންތަށި
13 September 2020
ކަލޭތީހަމަ ނުބައި ނުލަފާ މީހެއް ފެބްރުއަރީ 08 ވަނަދުވަހު ދިވެހިންގެލޭ އޮހޮރުވާލީ ކަލޭގެ ވެރިކަމުގައި އެއީވެސް ޞައްޙަގޮތުގައިހޯދި ވެރިކަމެއްނޫން. އަހަރެން ނުދެކެން ތިޔަށްވުރެ އަނިޔާވެރި ވެރިޔަކު މިދިވެހި ފަސްގަޑަކުން އަހަރެން ކަލެޔަށް ދުވަހަކުވެސް މާފެއްނުކުރާނަން.
ރައްޔިތުންގެ ވިންދު
13 September 2020
ނުސީދާގޮތުގައި ދައުލަތުގެ ފައިސާއާއި މުދަލާއި ތަކެތި ނަގައި ބޭނުންކޮށް ރައްޔިތުން ދަރާވިކެމުންދާއިރު، މަގުމައްޗަށް ނުކުމެ މިކަންކަން ހުއްޓުވުމުގެ ފުރިހަމަ ބާރު ޒުވާނުންނަށްވެސް އޮންނާނެ ! މިރާއްޖޭގެ މުސްތަޤްބަލަކީ، ޒުވާނުން ދޮއްތޯ
އިސްމާލު
13 September 2020
މަނިކުފާނު ސްޓޭންފޯޑުން ދަސްކުރީ ހަމަޖެހިގެން ބަޔަކަށް ވެރިކަން ކުރިޔަ ނުދޭންތޯ؟
ނުވިސްނޭ
12 September 2020
މި ވަހީދު މީ މަ ގަބޫލްކުރާ މީހެއް ނޫން، މީ ކާންދޭ މީހާ އަތުގަ ދަތް އަޅާވައްތަރު. ސޮރީ ބުރޯ
ބޭރުމީހާ123
12 September 2020
05% އޯކޭދޯ؟؟؟
އަލީރާޖާ
12 September 2020
ގައުމު ރަގަޅު ކުރާށޭ؟ ބަލަ ކަލެއަކީ %5 ވެސް ތާއީދު ނެތް މީހެއް. އެއީ އަދި ވެރިކަމުގައި ހުރެގެން ނުކުމެގެން ވީވަރު. މިހާރު ކިހިނެއްވާނީ؟ %0.5 ލިބުނަސް ރަގަޅު!
ޖައިސާމް
12 September 2020
އެމްޑީޕީ ކަންކަން ގޯސްކޮށް ކުރުމަކީ ރައްޔިތުން ޕީޕީއެމަށް ތާއީދުކުރަން ޖެހޭ ކަމެއް ނޫން. ކުރަންވީ ކަމަކީ ޖަވާބުދާރީ ކުރުވުން. ޕީޕީއެމުން 2013 އާ 2018 ދޭތެރޭ ހޭވި ހަޑިތައް ހަނދާންނެތޭހާ ދުވަހެއް ނުވޭ.