ނައިފަރުގައި ސަރުކާރުން އަަޅާ ފްލެޓް އިމާރާތް. ފޮޓޯ:އާރްސީސީ
15 އޮކްޓޯބަރ 2020 - 15:36
28 comments
ސަރުކާރުން އެކި ރަށްރަށުގައި މިހާތަނަށް ގެދޮރު އަޅަމުން އައި ޑިޒައިންތަކާ މުޅިން ތަފާތު އަދި ކުޑަ ތަންކޮޅެއްގައި ގިނަ ބަޔަކަށް ބޯހިޔާވަހިކަން ލިބޭ ގޮތަށް ޅ. ނައިފަރުގައި ހިންގާ ހައުސިން ޕްރޮޖެކްޓް، ސަރުކާރުން ކަނޑައަޅާފައިވާ މުއްދަތަށް ނިންމާ ލެވޭނެ ކަމަށް އާރްސީސީން މިއަދު ބުނެފި އެވެ.
ނައިފަރުގައި 100 ހައުސިން ޔުނިޓް، ނުވަތަ ފްލެޓް ހަދަނީ ހަތަރު އިމާރާތެއްގަ އެވެ. އޭގެ ތެރެއިން ތިން އިމާރާތުގައި ތިން ބުރި އަދި އަނެއް އިމާރާތް ނަގަނީ ހަތަރު ބުރިއަށެވެ.
މިހާތަނަށް އެކި ސަރުކާރުތަކުން ރަށްރަށުގައި ހިންގާފައި ހުރި ހައުސިން ޕްރޮޖެކްޓްތަކުގައި ގެ ހަދާފައި ހުންނަނީ ވަކިވަކިންނެވެ. ބައެއް ރަށްރަށުގައި މަދު ފްލެޓްތަކެއް ހިމެނޭ ގޮތަށް ރޯހައުސް އެވެ.
ނައިފަރު ކައުންސިލްްގެ ރައީސް މުހައްމަދު ކާރިމް ވިދާޅުވީ މިގޮތަށް ކުޑަ ޖާގައެއްގައި ގިނަ ފްލެޓްތައް އިމާރާތްކުރަން އެދުނީ ރަށު ކައުންސިލުން ކަމަށެވެ. އެގޮތަށް އެދުނީ ހައުސިން މަޝްރޫއު ހިންގަން އިތުރަށް ބިން ހިއްކުން ފަދަ ކަމެއް ކުރާ ނަަމަ މަޝްރޫއު ލަސްވާނެތީ ކަމަށް އޭނާ ވިދާޅުވި އެވެ.
ކާރިމް ވިދާޅުވި ގޮތުގައި އެ އިމާރާތްތަކުގެ ގޯތިތެެރޭގައި ޕާކިން ޒޯނަކާއި ކުޑަކުދިންގެ ޕާކަކާއި ކޮންމެ އެޕާޓްމަންޓެއްގައި ދިރިއުޅޭ ބަޔަކަށް ގަސް އިންދާނެ ޖާގަކޮޅެއް ވެސް އޮންނާނެ ކަމަށެވެ.
"ކުޑަ ޖާގައިގައި މި ތަންތަން ހެދިޔަސް، ދިރިއުޅޭ މީހުންނަށް ހިތްފަސޭހަ މާހައުލެއް ވެސް އޮންނާނެ،" އޭނާ ވިދާޅުވި އެވެ.
ނައިފަރުގައި ހަދަނީ 1،000 އަކަފޫޓުގެ ޖާގައެއްގައި ތިން ކޮޓަރީގެ އެޕާޓްމަންޓްތަކެވެ.
"އަތޮޮޅުތަކުގައި ކުރިން އަަޅަމުން އައި އުސޫލުން ރޯހައުސް ހަދާ ނަމަ މީގެ ހަތަރު ގުނަ އިތުރަށް ޖާގަ ބޭނުންވާނެ،" ކާރިމް ވިދާޅުވި އެވެ.
ނައިފަރުގެ ތިން ބުރީގެ ކޮންމެ އިމާރާތެއްގައި 24 ފްލެޓް އަދި ހަތަރު ބުރީގެ އިމާރާތުގައި 28 ފްލެޓް ހިމެނެ އެވެ.
ކުރިން އައްޑޫ ސިޓީ ކަހަލަ ބައެއް ތަންތަނުގައި ވެސް އެއް އިމާރާތެއްގައި ގިނަ ފްލެޓް ހިމެނޭ ގޮތަށް ހައުސިން މަޝްރޫއުތަކެއް ހިންގި އެވެ. އެކަމަކު އެ މަޝްރޫއުތަކުގައި ހެދީ ކޮންމެ އިމާރާތެއްގައި ނިސްބަތުން މަދު ފްލެޓްތަކެކެވެ.
ނައިފަރުގައި ސަރުކާރުން އަޅާ ފްލެޓްތަކުގެ ކޮންކްރީޓް މަސައްކަތް އާރުސީސީން ކުރިއަށް ގެންދަނީ
މަސްކަތުގެ 21 ޕަސެންޓް ނިމިއްޖެ
ސަރުކާރުގެ ޕީއެސްއައިޕީ މަޝްރޫއެއްގެ ގޮތުގައި ނައިފަރުގެ ފްލެޓްތައް އަޅަން އާރްސީސީއާ ހަވާލުކުރީ މި އަހަރުގެ ޖެނުއަރީ މަހު، 330 ދުވަހުން ނިންމާ ގޮތަށް 72.2 މިލިޔަން ރުފިޔާ އަށެވެ.
އާރްސީސީގެ ޕްރޮޖެކްޓް މެނޭޖަރު އާދަމް ރަޚީމް "މިހާރު"އަށް ވިދާޅުވީ ހަތަރު އިމާރާތުގެ 21 ޕަސެންޓަށް ވުރެ ބޮޑު މަސައްކަތް މިހާރު ނިމިފައިވާ ކަމަށެވެ. ކޮވިޑް-19ގެ މި ހާލަތުގައި ހުރި ގޮންޖެހުންތަކާ އެކު ވެސް ތާވަލާ އެއްގޮތަށް މަސައްކަތް ނިންމައިލެވޭނެ ކަމަށް އޭނާ ވިދާޅުވި އެވެ.
"މި ހާލަތުގައި މި ހުރި ގޮންޖެހުންތަކާ އެކުގައި ވެސް އަޅުގަނޑުމެންނަށް ޔަގީންކަން އެބަ އޮތް ކުރިއަށް އޮތް ތިން މަހެއްހާ ދުވަހުގެ ތެރޭގައި ކޮންކްރީޓްގެ މަސައްކަތް ނިންމާލެވޭނެކަމުގެ. އެހެންވީމާ ސަރުކާރުން ކަނޑައެޅި މުއްދަތުގެ ތެރޭގައި މަސައްކަތް ނިންމައި ހަވާލުކުރެވޭނެ،" އާދަމް ވިދާޅުވި އެވެ.
Lh. Naifaru 100 housing Units Project works are on schedule with 21% of work completed. Will deliver on time IA.@AslamAslamtey @nazim7878 @MoHUDmv @MNACI_Maldives @naifarucouncil pic.twitter.com/WTvcl6oT1M
— RCC (@rcc_mv) October 14, 2020
އޭނާ ވިދާޅުވީ މިހާރު ވެސް 130 މީހުން މަސައްކަތުގައި އުޅޭ ކަމަށެވެ. އަދި ކޮންކްރީޓް ބައި ނިމި، ފްލެޓްތަކުގެ ފަހު މަސައްކަތްތަކަށް ކުރިމަތިލާ އިރު މީހުން އިތުރުކުރާނެ ކަމަށް ވެސް އާދަމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަމީދުބޭ
16 October 2020
ކުޑަތަންކޮޅެއްގަ ގިނަމީނުނައް އުޅެވޭ ގޮތަށޭ ތިޔައްވެސް ކިޔަނީ ކޮތަރު ކޮށި ނޫނީ ކުކުޅުކޮށި ތާހިރެއްނު އެހެންވީމަ ދެއްތޯ
ބޮލުގައި ރިހެނީ
16 October 2020
މިހާރުވެސް ކޮންމެ އެޕާޓްމަންޓް ގެ ކުލި 20 އަހަރަށް ބަހާލީމަ މަހަކަށް 3000 ވެއްޖެ. ރަށުގައި އާއިލާއާއި އެކު އުޅެމުން މިހާވަރު ކިހިނެއް ދައްކާނީ.. ރަށްރަށުގައި މަސައްކަތް ކުަރާ މަސައްކަތުގެ މަހު މުސާރަ އެހާ ކުޑަ....ބޯހަލާކު.
ހިއްކާލާށޭ
15 October 2020
ރައީސް އިބޫ ހެޔޮނުވާނެއޭ ރައީސް ގެ އަތޮޅަށް ވުމުން ވެރިކަމުގައި ރައީސް އިބޫ ހުންނެވުމުން ދައުލަތުގެ ޚަޒާނާގައި ހުރި ފައިސާ ފޮތި ބޭކާރު ގޮތުގައި ހަޔެއް ހަތަރަކަށް ރާއްޖެތެރެެއަށް ތަޅާ ބުރުވާނުލާށެ ކޮވިޑަށް ފަހު ރާއްޖޭގެ ބަޖެޓް ދަސްކޮށްދޭ ފިލާވަޅަކީ އާމްދަނީ ލިބޭނެ ގޮތް ތައް ހޯދުމޭ ނައިފަރުގައި ފްލެޓްްސް ރާއްޖެތެރޭ ބަނދަރާއި ފާޚާނާ އާއި ފެންހޮޅި އަޅައިގެން އާމްދަނީއެއް ދައުލަތަށް ނުލިބޭނެއޭ އެލޯން ފައިސާއިން މާލެ ސަރަހައްދުން ތިލަފުށި އެއްކޮށް
ކަންއޮތީމާލޭގައޭ
15 October 2020
ނައިފަރު ފްލެޓްތައް، ރަށްރަށަށް މުޅިން އާ ގޮތަކަށް ތިޔާ ފްލެޓްސް ތައް އިމާރާތް ކޮށް ތިޔާ ފްލެޓްސް ތައް ބޭނުންވާ މީހުން ތައް އިއުލާން ކުރުމުން ތިޔާ ފްލެޓްސް ތަކަށް އެލިޖިބްލް ވާނީ ހަމަ އެކަނި ނައިފަރުގައި ރަޖިސްޓްރީ ވެފައިވާ މީހުންނޭ ދެން އެ އަދަދު ނާރާނެއޭ 200 މީހުންނަށް ވެސް މީ ޕްރެޑިކްޝަންސް ތަކުން ދައްކާ ގޮތަކީ ބަދަލުގައި މާލެ ސަރަހައްދުގައި ތިޔާ ފްލެޓްސް ތަައް ބިނާ ކުރިނަމަ ރާއްޖޭގެ އެންމެން އެލިޖިބްލް ވާނެއޭ ތިޔާ ފްލެޓްސް ތަަަކަށް ހަމަހަމަ
ބިނާކުރަންވީއޭ
15 October 2020
މާލޭގައި ހުރި ސަރުކާރުގެ އޮފީސް ތަކާއި ދައުލަތުގެ އެކި މުވައްސަސާ ތައް އަމިއްލަ މީސް މީހުންގެ ގޭގެ ކުއްޔަށް ހިފައިގެން ކުއްޔަށް އެކަނި ވެސް މާލެ ސަރަހައްދުގައި ދެއަހަރުން 2000 އަކަފޫޓް ހިމެނޭ 2000 ހައުސިންގް ޔުނިޓްސް އިމާރާތް ކުރެވޭ ފައިސާ ދައުލަތުން ވޭސްޓް ކޮށްލައޭ ހުއްޖަތަކަށް ރައީސް އޮފީހުން ދައްކަނީ އިމާރާތް ކުރާނެ ބަޖެޓެއްނެތޭ ރާއްޖެތެރޭގައި ފްލެޓްސް ތައް އަޅަން ހުރިފައިސާ އިން މާލެ ސަރަހައްދުގައި 50 ބުރީގެ އޮފީސް ކޮމްޕްލެކްސް ޕާރކްސް
ކާރިމް
15 October 2020
ކާރިމަކީ ކައުންސިލް ރައީސެެއް ނޫން. އަމިއްލަ އަށް ވެގަނެގެން އުޅެނީ. އެލްޖީއޭ އިންވެސް ބަލައިގަނެފަ އޮތީ ކާރިމްގެ އިތުބާރުނެތް ކަމުގެ ވޯޓް.
ޚަރަދުކުރާށޭ
15 October 2020
ރާއްޖޭގައި މިހާރު އޮތް ސަރުކާރޭ އަދި އަންނަން އޮތް ސަރުކާރު ތަކޭ ހެޔޮނުވާނެއޭ ތަމެން ސިޔާސީ މަންފާ އަށް ޓަކައި މިގައުމަށް ލިބޭ ހުރިހާ ފައިސާ އެއް ބޭކާރު ކޮށްނުލާށޭ ތިޔާ ގޮތަށް ތިޔާ ކަން ކުރާނަމަ ރާއްޖެ ބަދަލުވެގެންދާނީ ދެވަނަ ނިކަރާގުއާ އަށޭ ޓެކްސް ޕޭޔަރުން ސަރުކާރަށް ދައްކާ 1 ރުފިޔާ އިން 10 ރުފިޔާ އަހަރަކު ނެރެވޭނެ ގޮތަށް ވިޔަފާރީގެ ގޮތުން ދެކޮޅު ޖެހޭ ގޮތަށް މާލެ ސަރަހައްދުގައި ހުރި ފަޅު ތައް ހިއްކާ އަދި މާލެ ސަރުކާރުގެ އޮފީސް ތައް ތަރައްގީ ކުރަން
ވައިސޫރި
15 October 2020
ތިޔަތަނުން އެއްފުލެޓު ނަމަވެސް މެންބަރު ސިޔާމްއައް ނުވަތަ ފެމެލީ މެންބަރަކައް ދެއްވާގެން ނަމަވެސް ބޮލިރަވަ ތެޅުން ހުއްޓުވޭތޯ ބައްލަވާދެއްވާ
ޚަރަދުކުރާށޭ
15 October 2020
ދައުލަތުގެ ބަޖެޓަށް ޓެކްސް އާއި އެހެނިހެން ގޮތް ގޮތުން ވަންނަ ކޮންމެ 100 ރުފިޔާ އަކުން 95 ރުފިޔާ އަކީ އެއީ މާލެ ސަރަހަައްދުގެ ވިޔަފާރި ވެރިންނާއި އަދި އެވިޔަފާރި ތަކުން ދައުލަތުގެ ބަޖެޓަށް ވަންނަ ފައިސާއޭ ދެން މިފައިސާ އިން ރާއްޖެތެރޭ ރިކަރަންޓް އަދި ކެޕިޓަލް ކޮސްޓަށް 100 ރުފިޔާ އިން 80 ރުފިޔާ ޚަރަދުކޮށްލުން އެއީ ދުވަހަކު ވެސް ރާއްޖެ ފަގީރު ކަމުން އަރައިގަންނާނެ ކަމެއް ނޫނޭ މާލެ ސަރަހައްދަށް ރާއްޖޭގެ އާބާދީގެ %98 ޖަމާކުރަން ވިސްނާ އެމަގުން
މޮޑެލްއެކޭ
15 October 2020
ނައިފަރު ފްލެޓްތައް، ރަށްރަށަށް މުޅިން އާ ގޮތަކަށް އެއީ މުޅިން އާމޮޑެލް އެއް ކަމަށް ނައިފަރު ކައުންސިލަރަށް އެގުން އެއީ އެމެންނަށް އާކަމެއް ނަމަވެސް މަމެން މާލެ ސަރަހައްދުގައި މިހާރު ވަނީ ތިޔާ މޮޑެލް ތަޖްރިބާ ކޮށްފައޭ ތިޔާއީ ރަނގަޅު މޮޑެލް އެއް ނޫނޭ ފްލެޓްސް މޮޑެލް އެއީ ދުނިޔެ ތަޖްރިބާ ކުރާ ދިރިއުޅެން އެންމެ ކަމުނުދާ އޭގެ ސަބަބުން ފްލެޓްސް ތަކުގައި ދިރިއުޅޭ ކުޑަ ކުދިންގެ ލިބަރޓީ އޮފް ޗައިލްޑްހުޑް ގެއްލި އެމެންގެ ސިކުނޑި ތަރައްގީވާން ހުރަސްއެޅޭ