ބިޒްނަސް ވިސާ ދޫކުރެވޭ މުއްދަތު ހަ މަހަށް އިތުރުކޮށްފި

އިމިގްރޭޝަން ކޮންޓްރޯލަރު މުހައްމަދު އަހުމަދު ހުސައިން (ހަނަފީ): ބިޒްނަސް ވިސާ ދޫކުރެވޭ މުއްދަތު ހަ މަހަށް ވަނީ އިތުރު ކޮށްފައި

މުއިއްޒު އިބްރާހިމް، މިހާރު

21 ނޮވެމްބަރ 2021 - 14:53

3 comments

އަހަރަކު ހަ މަސް ދުވަހަށް ބިޒްނަސް ވިސާ ދޫކުރެވޭ ގޮތަށް އިމިގްރޭޝަނުން ހަމަޖައްސައިފި އެވެ.

ވިޔަފާރީގެ ބޭނުމަށް ރާއްޖެއަށް ބިދޭސީން އައުމުގެ ހުއްދަ ދިނުމަށް އޮންނަ ބިޒްނަސް ވިސާ ގަވާއިދު ކުރިން އޮންނަ ގޮތުން ބިޒްނަސް ވިސާ ދޫކުރެވެނީ އަހަރަކު ގިނަވެގެން ތިން މަހަށެވެ. އަދި ކޮންމެ ފަހަރަކު ވެސް ވިސާގެ މުއްދަތު އިތުރު ކުރެވޭނީ އެއް މަހަށް ވުރެ އިތުރުނުވާ ގޮތަށެވެ.

ބިޒްނަސް ވިސާ ގަވާއިދަށް މިއަދު ގެނައި އިސްލާހުގައިވާ ގޮތުން އަހަރަކު 180 ދުވަހަށް ވުރެ އިތުރުނުވާ ގޮތަށް ބިޒްނަސް ވިސާ ދޫކުރެވޭނެ އެވެ. އަދި އެ ވިސާގެ މުއްދަތު އިތުރު ކުރާއިރު ވެސް، 30 ދުވަހާއި 90 ދުވަހާ ދެމެދުގެ މުއްދަތަކަށް ވިސާ އިތުރުކޮށް ދެވޭނެ ކަމަށް އެ ގަވާއިދުގައިވެ އެވެ.

ބިޒްނަސް ވިސާ ލިބޭތާ ހަ މަސް ތެރޭގައި ރާއްޖެ ނައިސްފި ނަމަ، ވިސާ ބާތިލްވާ ގޮތަށް ގަވާއިދުގައި ކުރިން އޮތަސް، މިއަދު ގެނައި އިސްލާހުގައި އެ މުއްދަތު ވަނީ ތިން މަހަށް ކުރުކޮށްފަ އެވެ.

ބިޒްނަސް ވިސާ ކުރެވެނީ ސަރުކާރުން ގަބޫލުކުރާ ވިޔަފާރިއެއް ނުވަތަ މަސައްކަތެއް ކުރުމަށްޓަކަ އެވެ. އެހެން ނަމަވެސް ވަޒީފާ އަދާކުރަން އަންނަ ބިދޭސީން އޭގެ ތެރޭގައި ނުހިމެނެ އެވެ.

ގަވާއިދާ ހިލާފަށް އުޅޭ ބިދޭސީން އިމިގްރޭޝަން ވީސާ މޯލްޑިވްސް އިމިގްރޭޝަން ކޮންޓްރޯލާ އޮފް އިމިގްރޭޝަން

3 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުންޖިޗޭ

22 November 2021

މަތީފަޑީގެ ބަޔަކުމީހުން މަންފާނެގުމަށްޓަކައި އިތުރު ދޮރެއްހުޅުވުނީ، އިންވެސްޓަރުންގެ ނަމުގައި ޝެއަރހޯލްޑަރުންގެނެސް ލިބޭ ހުރިހާ ޑޮލަރެއް ބޭރުގެ ބޭންކުތަކަށް އަޅަން ރާވާ ރޭވުމަކާވައްތަރު، ދިވެހިރާއްޖެއަށް ޑޮލަރުވަންނަ ދޮރުން އެޑޮލަރުކޮޅު ބޭރުކޮށްލުމުން ދިވެހި ވިޔަފާރިތަކަށް ބޭނުންވާ ޑޮލަރުކޮޅު ހޯދާނީ ކިހިނެތް، ދިވެހިންނަށް ލިބޭ މުދާކޮޅުގެ އަގުމަތިވެގެންދާނެ، ހުރިހާމޮޅެއް އޮންނާނީ މަތީފަޑީގެ މީންނާއި އެމީހުންގެ އެހީތެރިންނަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

21 November 2021

އަހަރަކު ހަ މަސް ދުވަހަށް ބިޒްނަސް ވިސާ ދޫކުރެވޭ ގޮތަށް އިމިގްރޭޝަނުން ހަމަޖައްސައިފި އެވެ. ލަންކާ އިންޑިޔާ މީހުން ރިސޯތް ތަކުގަ ބޮޑެތި ޕްރޮޖެކްޓް ތައް ހިންގަނީ ތިޔަ ވިސާ ގަ އައިސް އެވެ. ޖީއެސްޓި ނުދައްކަ އެވެ. ވިޔަފާރި ރަޖިސްޓްރީ ނުކުރެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެހޭ

21 November 2021

އާދައިގެކަމެއް. ދިވެއްސަކަށް ހުއްދަ ނުނަގާ އަލިފާން ފޮށްޓެއްވެސް ނުވިއްކޭ. ބިދޭސީން މިލިއަނުން ގުނާލެވޭ ވިޔަފާރި އެއްވެސް ހުއްދައެއް ނުނަގާ ވަރަށް ހާމަކަންބޮޑުކޮށް އެބަކުރޭ.