ޚަބަރު / ޑރ. އާއިޝަތު އަލީ، އެޑިއުކޭޝަން މިނިސްޓަރު

ހިޔާ ފްލެޓަށް ބަދަލުވާ ދަރިވަރުންނަށް މާލޭގެ ސްކޫލްތަކަށް އާދެވޭ ގޮތް ހަމަޖައްސާނަން: މިނިސްޓަރު

ހިޔާ ފްލެޓްތަކެއްގެ ކައިރީގައި ބަޔަކު މަޑުކޮށްލަނީ. މިތަނަށް ބަދަލުވި ދަވަރުން މާލޭގެ ސޫލްތަކަށް ގެންދަން މިނީ ބަސް ހަމަޖައްސައިދޭނެ ކަމަށް ސަރުކާރުން މިއަދު ބުނި. ފޮޓޯ: އަހުމަދު އަވްޝަން އިލްޔާސް/މިހާރު

މުހައްމަދު ނަސީމް، މިހާރު

24 ނޮވެމްބަރ 2021 - 11:17

8 comments

ހުޅުމާލޭގެ ހިޔާ ފްލެޓްތަކަށް ބަދަލުވާ އާއިލާތަކުގެ ދަރިވަރުންގެ ތެރެއިން، ހުޅުމާލޭގެ ސްކޫލްތަކުން ޖާގަ ނުލިބޭ ދަރިވަރުން، މިހާރު ވެސް ތިބި ސްކޫލްތަކަށް ދެވޭނެ އިންތިޒާމް ސަރުކާރުން ހަމަޖައްސާނެ ކަަމަށް އެޑިއުކޭޝަން މިނިސްޓަރު ޑރ. އައިޝަތު އަލީ މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި ހުޅުމާލެ ދާއިރާގެ މެމްބަރު އަލީ ނިޔާޒު ކުރެއްވި ސުވާލަކަށް ޖަވާބުު ދެއްވަމުން މިނިސްޓަރު ވިދާޅުވީ ހިޔާއަށް ބަދަލުވާ އާއިލާތަކުގެ ކުދިން މިހާރު ކިޔަވާ ސްކޫލްތަކަށް ދެވޭ ގޮތް ހަމަޖެއްސުމުގެ އިތުރުން، ހުރަވީ ސްކޫލުން ވެސް 1،500 ކުދިންނަށް ޖާގަ ލިބޭނެ ކަމަށެވެ. އެއީ އޭނާ ވިދާޅުވި ގޮތުގައި މިހާރު އެއް ދަންފަޅިއަށް ކިޔަވައިދޭ ހުރަވީ ސްކޫލް ދެ ދަންފަޅިއަށް ބަދަލުކޮށްގެން އިތުކުރެވޭނެ ޖާގަ އެވެ. މިނިސްޓަރު މިހެން ވިދާޅުވީ ދެވަނަ ފިޔަވަހީގައި ސްކޫލްތައް އެޅެންދެން އޮތް އިންތިޒާމަކީ ކޮބައިތޯ މެމްބަރު ސުވާލުކުރެއްވުމުންނެވެ.

"އަޅުގަނޑުމެންގެ ވިސްނުމަކީ މާލޭ ސްކޫލްތަކުން އެކޮޅަށް ދާ ކުދިންނަށް ހަމަ މިނީ ބަސް ބާއްވައިގެން، ބަހުގެ ޒަރިއްޔާއިން އެކުދިން މިހާރު އުޅޭ ސްކޫލަށް އަައުމުގެ ފުރުސަތު ދިނުން،" އައިޝަތު އަލީ ވިދާޅުވި އެވެ.

އެޑިއުކޭޝަން މިނިސްޓަރު ޑރ. އާއިޝަތު އަލީ މަޖިލިހުގެ މިއަދުގެ ޖަލްސާގައި މެމްބަރުންގެ ސުވާލުތަކަށް ޖަވާބު ދެއްވަނީ. އޭނާ ވިދާޅުވީ ހިޔާ ފްލެޓަށް ބަދަލުވާ ކުދިން މާލޭގެ ސްކޫލްތަކަށް އަންނަން ސަރުކާރުން، މިނީބަސް ހަމަޖައްސައިދޭނެ ކަމަށް. ފޮޓޯ: މަޖިލީހުގެ އިދާރާ

މިނިސްޓަރު ވިދާޅުވި ގޮތުގައި، ހުޅުމާލޭގެ ދެވަނަ ފިޔަވަހީގައި ސްކޫލްތައް އެޅުމުގެ ގިނަ މަސައްކަތްތަކެއް މިހާރު ވެސް އަންނަނީ ކުރަމުންނެވެ. ސަލާހުއްދީން ސްކޫލްގެ ނަމުގައި އަޅާ ސްކޫލްގެ މަސައްކަތް މިހާރު ވެސް ފަށައިގެން ކުރިއަށް އެބަދާކަމަށާއި އާރްސީސީއާ ހަވާލުކޮށްގެން ކޮންޓްރެކްޓަ ފައިނޭންސިން އުސޫލުން ވެސް ސްކޫލެއްގެ މަސައްކަތް ކުރަމުން އަންނަ ކަމަށް ވެސް އޭނާ ވިދާޅުވި އެވެ.

"އަދި އިތުރު ދެ ސްކޫލަަކަށް އަޅުގަނޑުމެން މިހާރު ވަނީ ކޮންޓްރެކްޓާ ފައިނޭންސިންއަށް އިއުލާނު ވެސް ކުރެވިފައި،" މިނިސްޓަރު ވިދާޅުވި އެވެ.

ކުރީގެ ރައީސް އަބްދުﷲ ޔާމީންގެ ސަރުކާރުން ހުޅުމާލޭގެ ދެވަނަ ފޭސްގައި ހިންގި ހިޔާ ޕްރޮޖެކްޓްގެ ދަށުން އެޅި ފްލެޓްތައް ލިބުނު ބައެއް އާއިލާތައް މިހާރު ވަނީ އެ ފްލެޓްތަަކަށް ބަދަލުވެފަ އެވެ. މިނިސްޓަރާ ސުވާލުކުރައްވަމުން ހުޅުމާލެ ދާއިރާގެ އެމްޑީޕީ މެމްބަރު އަލީ ނިޔާޒު ވިދާޅުވީ ހިޔާ ފްލެޓްތަކުގެ ގާތްގަނޑަކަށް 800 ޔުނިޓަށް މިހާރު ވެސް މީހުން ގޮސްފައިވާ ކަމަށެވެ. އަދި އަންނަ ޑިސެމްބަރު މަސް ނިމޭ އިރުު 1،500 ވަރަކަށް ފްލެޓަށް މީހުން ވަންނާނެ ކަމަށް ވެސް އޭނާ ވިދާޅުވި އެވެ.

ތައުލީމް ރައްޔިތުންގެ މަޖިލިސް ހުޅުމާލޭ ދެ ވަނަ ފިޔަވަހި ހިޔާ ފްލެޓްތައް ޑރ. އާއިޝަތު އަލީ، އެޑިއުކޭޝަން މިނިސްޓަރު

8 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަމަނާފާނު

24 November 2021

ބަޔަކު ތަޅާލަން ބޭނުންވާ ޓަވަރުތަކެއް ނޫންތޯ؟ ކީއްކުރާ މިނީ ބަހެއްތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަސް ކަޑަ

24 November 2021

ބަސް ޑްރައިވަރުން ނަކަށް ނުބުނެވޭނެ މީހަކު އިށީންނަށްވީ ތަނެއް. އެންމެންވެސް 10ރ ދީގެން އަރަނީ. މިޑްރައިވަރުން ވަރަށް ފުއްޕާނެ. އަދި ބަންގާޅީންނަށް ވަރަށް ގިސްވާނެ. ބަސް ނުފުރުނަސް ބުނާނެ ފުލްއޭ.ކޮޅަށްވެސް ތިބޭގޮތަށް ހަދާފަހުއްޓަސް މަދުވާނެ. ކިޔޫގެވެސް އެއްވެސް ނިޒާމެއްނޯވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްޕުޑު

24 November 2021

ޓިޔަ ބަސްތަށް ދުއްވަން ފަށާއިރެއްނޭގެ އެކަމަކު އެނގޭ އެއްޗަކީ އާންމުންނާއި ބަންގާޅީންވެސް ހިލޭ ތީގެން ދަތުރުކުރާނެ އެކަންކަން ބެލޭނެ ގޮތެއް ނޯންނާނެ ސްކޫލް ކުދިންގެ ބަހަށް ދަރިވަރުން ނޫން ބަޔަކު އަރަންވެއްޖިއްޔާ ތީ ވަރަށް ނުރައްކާތެރިކަމަކަށް ވެދާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުނބުށޭމު

24 November 2021

ބަސްދަތުރުގެ ޚިދްމަތް އެމްޓީސީސީއިން އެކަނި ދިނުމަކީ ކުރި އުންމީދެކެވެ. އެކަންވީ ނަމަވެސް އޮފީހަށް ދާން ބަސް ސްޓޮޕްގައި މީހުން ތިއްބައި ފުލްކަމަށްބުނެ މީހުން ނާރުވާ ނައްޓާލުމުން 15 ވަރަކަށް މިނިޓް ފަހުން ދެން އަންނަ ބަހުން ގަޑިއަކަށް ނާދެވެއެވެ. ބައެއްފަހަރަށް ކޮޅަށްތިބެންވެސް އަރުވައެވެ. އެގަޑިއަށް 1 ބަސް ނުފުދޭނަމަ އިތުރުކުރަންޖެހޭނެކަން ނޭނގޭބާވައެވެ. އަނެއްކާ 10 ރުފިޔާ ކޮޅަކަށް ޚަރަދުކޮށްގެން ޕްރީސްކޫލަށް ކުދިން ގެންދަންޖެހެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޯނިން ވޯޓުހޯދާ

24 November 2021

ހިޔާ ފްލެޓް މީ މިސަރުކާރަށް ނޭނގި އައި ކޮވިޑް ކަހަލަ އެއްޗެއް ބާވައެވެ. 3 އަހަރު ބޯމަތިން ދިޔައިރު އަތްނުޔލާ އޮތީ އެންމެ އަހަރެކެވެ. އެ އަހަރަކީ ލެމްޕެއިން ކުރާ އަހަރުވެސް މެ އެވެ. ޚިދުމަތް ކުރަން މިތަނުގެ މަގުތާރު އެޅުމާއި މަގު ބައްތިޖެހުމާއި ކުނި މެނެޖް ކުރުމާއި ބަސްދަތުރު ބހަމަޖެއްސުމާއި ތަނުގެ ތެރެ ސިޑިއާ ގޯޅިތަކާ ސާފުތާހިރުކޮށް ބަލަހައްޓަން އިންތިޒާމް ނުކޮށް ތިބެފަ މިގޮތަށް ގޯސް މަގުން ކަން ކޮށްފަ އައިބަޔަކަށް ދޭނީ ކޮންތާކު އޮތް ވޯޓެއްބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

24 November 2021

ތީ ކޮންއިރަކު ހަމަޖެހޭ ބަހެއްބާ. ތިކަމައް ކިތައް އަހަރު ނަގާނެބާ. 2 އަހަރު ދެއްތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެއިލް ސަރުކާރު

24 November 2021

ވޯލް ތިހެންބުނީމަ ހުންނާނީ ހަމަހަމަވެފަ. ތިކަހަލަ ނުވިސްނޭ މީހުން ގިނަކަމުން މިގައުމު ހަލާކުވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

24 November 2021

ސްކޫލްތައް ނާޅަނީސް އެތަންތަނަށް ބަދަލުވި ބެލެނިވެރިންގެ ޒިންމާއެއް އެއީ، އެ ސްކޫލްތަކަށް ކުދިން ގެންދާނެ ގޮތެއް ހަމަ ޖެއްސުން. އެހެންނުނީ. މިތާ ކާރި ކ. ގުޅީގައި އުޅޭ ކުދިން މާލެ ސްކޫލަށް ދާން ބޭނުން ވެއްޖެޔާ އެ އިންތިޒާމްވެސް ދައުލަތުން ހަމަޖައްސާދޭން ޖެހޭނެ. ސަބަބަކީ ޤާނޫނީ އަސާސީ ބުނަނީ ހުރިހާ ރައްޔިތުން ހަމަހަމަ ވާންޖެހޭނެ ކަމަށް.