އިދިކޮޅު ޕީޕީއެމް އިން އިންތިޒާމުކޮށްގެން ހަވީރު މާލޭގައި ބާއްވަން އުޅުނު ސައިކަލު ބުރު ހުއްޓުވައި، މީހަކު ފުލުހުންގެ ބެލުމުގެ ދަށަށް ގެންދަނީ--. ފޮޓޯ: ނިޝާން އަލީ/މިހާރު
06 ޖެނުއަރީ 2022 - 10:12
4 comments
އިދިކޮޅު ފަރާތްތަކުން މާލޭގައި އިއްޔެ ކުރި މުޒާހަރާއިން ހައްޔަރުކުރި 11 މީހުން ދޫކޮށްލައިފި އެވެ.
ޕީޕީއެމް/ޕީއެންސީން ކުރަމުން އަންނަ "އިންޑިޔާ އައުޓް" މުޒާހަރާ އިން ނުވަ އަންހެނުންނާއި ދެ ފިރިހެނުން ހައްޔަރުކުރި އެވެ.
ފުލުހުން މިއަދު ބުނީ އެ މީހުން ރޭގެ ވަގުތެއްގައި ދޫކޮށްލާފައިވާ ކަމަށެވެ.
އިދިކޮޅު ފަރާތްތަކުން ވަނީ ކޮންމެ ހަވީރަކު އެ ޕާޓީ އޮފީސް ކުރިމަތިން އިންޑިޔާ އައުޓް ހަރަކާތްތައް ބާއްވަން ނިންމައިފަ އެވެ. ނަމަވެސް ކޮންްމެ ފަހަރަކު ފުލުހުން އެކަމަށް ހުރަސް އަޅަ އެވެ.
މާލޭގެ އިތުރުން ބައެއް ރަށްރަށުގައި ވެސް އިންޑިޔާ ސިފައިން ތިބުމާ ދެކޮޅަށް އަންނަނީ މުޒާހަރާ ކުރަމުންނެވެ.
ކުރީގެ ރައީސް އަބްދުﷲ ޔާމީން މިނިވަންވުމާ އެކު "އިންޑިޔާ އައުޓް" ކެމްޕެއިން އިތުރަށް ފުޅާކުރަން ނިންމާފައިވާ އިރު ސަރުކާރު ކޯލިޝަންގެ ހުރިހާ ޕާޓީތަކުން ވަނީ އެ ކެމްޕެއިނާ ދެކޮޅު ކަމަށް ބުނެފަ އެވެ.
ރާއްޖެ އެތެރެވާ ޑްރަގް ބޯޓުތަކުގެ މައުލޫމާތު އިންޑިޔާ އިން ދޭތީ ރައީސް އިބްރާހިމް މުހައްމަދު ސޯލިހު ވެސް ވަނީ "އިންޑިޔާ އައުޓް" ކެމްޕެއިނަކީ ޑްރަގް ވިޔަފާރި ކުރާ މީހުންނާ ގުޅުން އޮތް ކަމެއް ކަމަށް ތުހުމަތުކުރައްވައި އެކަމާ ދެކޮޅަށް ވާހަކަ ދައްކަވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހަން
06 January 2022
އަސްރަފަކީ ކޮސްގޮވާމީހެހްތަ ދަރިންނޭ އ
ގެހިވަޑަން
06 January 2022
އަހާން ދޫނުކުރާށޭ ދޫނުކުރާށޭ 15 ދުވަހު ދޫނިދޫގަ ބަހައްޓާލާށޭ ތިވެރިން ތިކުރަނީ ގައުމީސަލާމަތަށް ހާދަނުރައްކާތެރިކަމެކޭ ބޮޑު ނިއުކްލިއާ ބާރަކާ އަހަރުމެން ޖައްސާލައިގެން ވަރަށް ނުރައްކާވެދާނެ
އަސްރަފް
06 January 2022
ޔާމިނެކޭ ސޯލިހެކޭ ހަމަ އެކެއްޗެއް
ސޮދުރީ
06 January 2022
އަސްރަފެކޭ ކަސްރަތެކޭވެސް އެއްވަރު