ފްރެންޗް ކަޕުން ޕީއެސްޖީ ކަޓުވާލައިފި

ނީސްގެ ކުޅުންތެރިން އުފާފާޅު ކުރާއިރު ޕީއެސްޖީގެ ކުޅުންތެރިން ބަލަހައްޓައިގެން: ޕީއެސްޖީ ފްރެންޗް ކަޕުން ކެޓީ ޕެނަލްޓީ ޖަހައިގެން ނީސް އަތުން ބަލިވުމުން --- ފޮޓޯ: އޭއެފްޕީ

01 ފެބުރުއަރީ 2022 - 12:59

3 comments

ޕެރިސް (ފެބްރުއަރީ 1) - ފްރެންޗް ކަޕުގެ ގަދަ 16ގެ ބުރުގައި ނީސް އެފްސީން ޕެނަލްޓީ ޖަހައިގެން 6-5 މޮޅުވެ މަޝްހޫރު ޕީއެސްޖީ މުބާރާތުން ކަޓުވާލައިފަ އެވެ.

މިދޔަ ހަތް އަހަރުގެ ތެރޭގައި ހަ ފަހަރަށް ފްރެންޗް ކަޕް ކާމިޔާބު ކުރި ޕީއެސްޖީ އަށް ނާކާމިޔާބުވީ ރޭ ކުޅުނު މެޗުގައި ޕެނަލްޓީ ޝޫޓްއައުޓްގައި ދެ ޕެނަލްޓީ ނާކާމިޔާބުވުމުންނެވެ. މެޗުގެ ފުރިހަމަ ވަގުތު ނިމުނީ ލަނޑެއް ނުޖެހި އެއްވަރު ވެގެންނެވެ. އެ ޓީމުގެ ޒުވާން މިޑްފީލްޑަރު ޒަވީ ސިމޯން އާއި ޑިފެންޑަރު ލިއޯންޑްރޯ ޕެރަޑޭސް ފޮނުވައިލި ޕެނަލްޓީތައް، ނީސްގެ ކީޕަރު މާޗިން ބުލްކާ ވަނީ ދިފާއުކޮށްފަ އެވެ.

މެޗުގެ ދެވަނަ ހާފުގައި ޕީއެސްޖީ އަށް ގިނަ ފުރުސަތުތަކެއް ލިބުނަސް ބޭނުމެއް ނުކުރެވުނެވެ. ފްރެންޗް ލީގުގައި ޕީއެސްޖީއާ އެންމެ ގާތުން ވާދަކުރަނީ ނީސް އެވެ. ލީގު ތާވަލުގެ އެއްވަނައިގައި ޕީއެސްޖީ އޮތީ 11 ޕޮއިންޓުގެ ލީޑަކާ އެކު އެވެ.

ކުއާޓާ ފައިނަލުގައި ނީސް ނުކުންނާނީ މާސޭއާ ދެކޮޅަށެވެ.

ފުޓްބޯޅަ ޕީއެސްޖީ ފްރެންޗް ކަޕް

3 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަދީފްއޮފިޝިއަލް

01 February 2022

ނީސް އެފްސީގެ ހީރޯއަކަށް ވީ ލޯނު އުސޫލުން ޕީއެސްޖީން ގެނައި ކީޕަރު.ހެހެހެހެހެހެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެކްޓޯސް

01 February 2022

ޕޮޗެޓީނޯ ވަގުތުން ކޯޗްކަމުން ދުރުކުރޭ. އޭނަ އަކަށް ނޭގެ މި މީހުން ލައްވަ ކުޅުވާނެ ގޮތެއް. އެމްބަޕޭވެސް އެރުވީ އެހާލަހުން. ދެން މި އުޅޭ ކުޅުންތެރިން މެސީ އަށް ބޯޅަ ދެނީކީނުން. އެމީހަކާ އެމީހަކު ވެގެން އުޅެނީ. ޗެމްޕިއަންސް ލީގް އަށް އަލްވަދާއު ކިޔާ އަވަހަށް. ތި ކުޅުން ކުޅެގެން އަދި ޕޮޓޭޓޯ ކޯޗު ކަމުގަ ހުރެގެން ޕީއެސްޖީ އަށް މި ފަހަރު ނުވާނެ އެއްކަމެއްވެސް.