ހިޔާ ފްލެޓްތަކުގައި 24 ގަޑިއިރު ސެކިއުރިޓީ ބަލަހައްޓަން ފަށައިފި

ހިޔާގެ ޓަވަރެއްގައި ގިނަ ބަޔަކު ދިރިއުޅެން ފަށާފައި: މި ތަންތަނުން އެންމެ ބޮޑަށް ކުރިން ހުށަހަޅަމުން އައީ ސެކިއުރިޓީއާ ގުޅޭ މައްސަލަތައް ނަމަވެސް މިހާރު 24 ގަޑިއިރު ސެކިއުރިޓީގެ ހިދުމަތް ލިބޭނެ.. ފޮޓޯ: ފަޔާޒު މޫސާ/ މިހާރު

މާއިދާ މުހައްމަދު ރަޝާދު، މިހާރު

02 ފެބުރުއަރީ 2022 - 11:13

8 comments

ހިޔާ މަޝްރޫއުގެ ދަށުން އިމާރާތްކޮށްފައިވާ 16 ޓަވަރުގައި 24 ގަޑިއިރު ސެކިއުރިޓީ ބަލަހައްޓާ ގޮތަށް ހަމަޖައްސައި އެ ތަންތަނުގެ ސެކިއުރިޓީ ވަރުގަދަކޮށްފި އެވެ.

ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ބުނީ ހިޔާ ފްލެޓްތަކުގެ ސެކިއުރިޓީ ބެލެހެއްޓުމުގެ އިންތިޒާމުތައް ހަމަޖެއްސުމުގެ އިތުރުން އެތަންތަން ސާފުކޮށް ބޭއްވުމަށް ވެސް ބަޔަކާ ހަވާލުކޮށްފައިވާ ކަމަށެވެ.

އެޗްޑީސީން ބުނި ގޮތުގައި ސެކިއުރިޓީ ބަލަހައްޓަން ހަވާލުކުރީ ވަށި ޕްރައިވެޓް ލިމިޓެޑް ކުންފުންޏާ ކަމަށާއި އެތަނުގެ ސެކިއުރިޓީ ސްޓާފުން އިއްޔެއިން ފެށިގެން ކޮންމެ ޓަވަރެއްގެ ވެސް ގްރައުންޑް ފްލޯ އާއި ބޭސްމަންޓުގައި ހަދާފައި ހުރި ޕާކިން އޭރިގައި ތިބޭނެ ކަމަށެވެ. އެ މީހުން ސީސީޓީވީ ސިސްޓަމް މެދުވެރިކޮށް އެތަން ބަލާނެ ކަމަށާއި އެއްވެސް މައްސަލައެއް ދިމާވެއްޖެ ނަމަ، ނުވަތަ އެތަނުގައި އުޅޭ މީހުން ކަމެއް ރިޕޯޓްކޮށްފި ނަމަ، އެ މައްސަލައެއް ވެސް ބަލާނެ ކަމަށް އެޗްޑީސީން ބުންޏެވެ.

ހިޔާ ފްލެޓްތައް ސާފުކޮށް ބާއްވަން ހަތަރު ބަޔަކާ ހަވާލުކޮށްފައިވާ ކަމަށާއި އެ މީހުން އެތަންތަން ސާފުކުރުމުގެ މަސައްކަތް ކުރާނީ ކޮންމެ ދުވަހަކު ވެސް ހެނދުނު 8:00 އާއި 12:00 އާ ދެމެދުގައި ކަމަށް އެޗްޑީސީން ބުންޏެވެ. އެކަމަކު މުޅި ސަރަހައްދު ސާފުކުރުމުގެ ހަރަކާތްތައް އޮންނާނީ ހަފްތާއަކު އެއްފަހަރު ކަހަލަ ގޮތަކަށެވެ.

ހިޔާ ޓަވަރެއް ސާފުކުރަނީ-- ފޮޓޯ: އެޗްޑީސީ

ހިޔާގެ އެކި ޓަވަރުތައް ސާފުކޮށް ބެލެހެއްޓުމަށް ހަވާލުކުރި ގޮތް

އެލްއެމް އެންޓަޕްރައިޒެސް - އެޗް1 އިން އެޗް4 އަށް

ޕާމް ގްލޯ - އެޗް5 އިން އެޗް8 އަށް

ކޭއެސްއޭ މޯލްޑިވްސް - އެޗް9 އިން އެޗް12 އަށް

ލެރޯ އިންވެސްޓްމަންޓް - އެޗް13 އިން އެޗް16 އަށް

Hiyaa flat thakaa gulheygothun enme ginaee security aa gulhey massala thah: HDC

The most trusted news source in the Maldives

Mihaaru

ހިޔާ ފްލެޓްތަކުގައި މިހާރު 1،600 އެއްހާ އާއިލާ ދިރިއުޅެ އެވެ. މިދިޔަ ސެޕްޓެމްބަރު މަހު ހިޔާ ޓަވަރުތަކުގައި މީހުން އުޅެން ފެށުމާ އެކު އެންމެ ބޮޑު އެއް ޝަކުވާއަކަށްވީ ސެކިއުރިޓީއާ ގުޅޭ މައްސަލަތަކެވެ. އަދި މީހުން ގިނަވުމާ އެކު ކުނީގެ މައްސަލަ ވެސް ވަރަށް ބޮޑުވި އެވެ.

ސެކިއުރިޓީ އެޗްޑީސީ ހުޅުމާލޭ ދެ ވަނަ ފިޔަވަހި ހިޔާ ފްލެޓްތައް

8 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލީބަލީ.

03 February 2022

ތިއީ ޔާމީނު އާދަޔާ ޚިލާފު މޮޅަށް ޑިޒައިންކޮށްގެން އަޅާފަ ހުރި ތަނެއް. ދުނިިޔެއަށް ނަމޫނާއަކަށްވޭ! މިހާރުވެސް ލިފްޓަށް އެރެނީ 20 މިނެޓް މަޑުކޮށްގެން. ލިފްޓު އޮންނަނީ އަބަދު ފުރިބާރުވެފަ. އަދި ކޮބާ ހުރިހާ ފްލެޓުތަކެއް ފުރުނީމާ ވާނެ ވަރު؟ މަށް ހީވަނީ އޮފީހަށް ދާން ފަތިހު 5 ޖަހާއިރު ލިފްޓު ކިއުގަ ޖެހެން ޖެހޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަނު2

02 February 2022

ސިންގަޕޫރު، ކަހަލަ ގައުމުތަކުގަ ނުނެރޭނެ ކުނިކަހާކަށް. އެތާ ރައްޔިތުންނެއް ކުންންޏެއް ނާޅާނެ. ދިވެހިން އެބަޖެހެ ތަރައްގީވާން މިއީ 2022.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހެދީ ޙަސަނު

02 February 2022

ރަނގަޅަށް ފުއްޖަހައިގެން ތިބޭ ބަޔަކު ތިބޭނެ ދުރުގަ އޮލަ ވާހަކާގަ އެއީކީ އެފަދަކޖަމެއް ބަލަން އެނގި ޖާމީނުވެ ތިބޭ ބައެއް ނޫން އެޗްޑީސީގެޙާލަކީ ޚިދުމަތުގަ ގަޔާދުރަށް ކެހުން ސެކިޔުރިތީގެ އެކަނި މައްސަލައެއްނޫން ފްލެޓްތަކުގަ އޮތީކީ ތަނުގެ ގޯޅިތެރެއާ ސިޑިބަރިތައް ކުނިނުކަހާ ސާފުތާހިރުކްނަ އެޗްޑީސީން ނުބަލަހައްޓާ ދުވާރުތަކުގަ ގައުނާތުރާ އިތުރުން ތަން ހަދަން ފްލެޓް ލިބުނު ފަރާތުން 2 ލައްކައިން މައްޗަށް ކުރި ޚަރަދާމެދު ބަހަކުން ބަހެއް ނުކިޔާ ނުނިންމޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

02 February 2022

ކުންފުނި ހަދާ އެތައް އަހަރެއް ވެފަ ހުންނަ އިރުވެސް މިހާރު ސިޔާސީ ވެގެން ޕްރޮޖެކްޓް އެއް ނުލިބެ އެވެ. ޖީއެސްޓީ ، ބީޕީޓީ ، އޮޑިޓް ރިޕޯޓް ފަދަ އެތައް ބަޔާނެއް ހުށަ ހަޅަން ޖެހެ އެވެ. އެކަމު އަމިއްލަ ފަރުދުންގެ ވިޔަފާރި ( ސޯލް ޕްރޮޕްރިއެޓަރ ) އެއް ރަޖިސްޓްރީ ކުރީމަ އަހަރެއް ނުވަނީސް މިލިއަނުން ޕްރޮޖެޓް ލިބެ އެވެ. މިއީ އަޖާއިބެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޮމޭ

02 February 2022

ބަލަ މަސްތުވާ ތަކެތި ބޭނުންކުރާމީހުން އެކަމާ ގުޅުންހުރި ކަންތައްތައް ހިންގަނީ ސިޑި ގޮޅިތަކުގައި. ވަކިން ހާއްސަކޮށް މަތީ ފްލޯރތަކުގެ ސިޑި ގޮޅީގައި. ދެން އަނެއްކާ މޮޅެތި ނަނަް ކިޔާފައި މަގުމަތިން ބަންގާޅިން ނަގައިގެން ޔުނިފޯރމެއް އަޅުވާފައި 3000 ރުފިޔާ ދީގެން ރާއްޖޭގަ މި އުޅޭ ގިނަ ސެކިއުރިޓީ ކުންފުނިތައް އުޅެނީ. އެއްވެސް ތަމްރީނެއް ތަރުބިއްޔަތެއް އަދި ހުނަރެއްް ކަމާ ގުޅުންހުރި އެއްވެސް ކަމަކުން އެމީހުނަށް ދެވިފައެއް ނޯވޭ.. ގިނަ ފަހަރަށް މުސާރަވެސް ހަމަޔަށް ނުދީ އުޅޭ.. މިފަހަރު އެކަން އޮތީ އެހެންތޯ ހިޔާ ފްލެޓުގަ ދިރިއުޅޭ ރައްޔިތުން ބަލާނެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރުގާ

02 February 2022

ތިތާގަ ސެކިއުރިޓީ ބަލަހައްޓާ ވަރުންދޯ ޕާޓޭއިން ސިޑިގޮޅިތަކުގަ މަސްތުވެގެން މުޑިއަރާފަ ތިބެނީ.... ނޫނީ އެޗްޑީސީއިން ހުއްދަ ނަގައިގެންބާ އެމީހުން ސިޑިގޮޅިތައް ނަގައިގެން މަސްތުވެފަ އެތިބެނީ......

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޗޑސ

02 February 2022

ކޮންމެ ގެޔެއްގެ ކުރިމަތީގައި ސެކިއުރިޓީ ބަހައްޓަދޭންވީނުން؟ ހިޔާ ފްލެޓް ނޫން ތަންތަންވެސް ހުޅުމާލޭގައި އެބަހުރި. އެތަންތަނުގެ ސެކިއުރިޓީ ނުބަލަހައްޓަނީ ކީއްވެ؟