ޚަބަރު / ފިޝަރީޒް، އެގްރިކަލްޗާ މިނިސްޓްރީ

ދޫނިތައް ނައްތާލެވުނީތީ ހިތާމަ ކުރަން، އިހުމާލު ވެފަައިވާ ނަމަ ފިޔަވަޅު އަޅާނަން: ފިޝަރީޒް މިނިސްޓްރީ

ދޫނިތައް މަރާލާފައި: އެ ތަކެތި ނައްތާލީ ގަވާއިދާ ހިލާފަށް އެތެރެކުރުމުން ކަމަށް ފިޝަރީޒް މިނިސްޓްރީން ބުނޭ --- ފޮޓޯ/ސޯޝަލް މީޑިއާ

އިދުހާމް ނައީމް، މިހާރު

10 ފެބުރުއަރީ 2022 - 13:17

15 comments

ރާއްޖެ އެތެރެކޮށްފައިވާ ދޫނިތައް މަރާލެވުނީތީ ދެރަވާ ކަމަށާއި އެކަން ކުރުމުގައި އިހުމާލެއް އޮތް ނަމަ ފިޔަވަޅު އަޅާނެ ކަމުގެ ޔަގީންކަން ފިޝަރީޒް މިނިސްޓްރީން މިއަދު ދީފި އެވެ.

ގަވާއިދާ ހިލާފަށް ރާއްޖެ އެތެރެ ކުރި ފަސް ޝިޕްމަންޓެއްގައި ހުރި 120 ދޫނި އަނިޔާވެރިކޮށް ނައްތާލާފައިވާތީ ގިނަ ބަޔަކު ވަނީ ކަންބޮޑުވުން ފާޅުކޮށްފަ އެވެ. މި މައްސަލައިގައި ބަޔަކު ވަނީ މުޒާހަރާ ވެސް ކޮށްފަ އެވެ.

ފިޝަރީޒް މިނިސްޓްރީން ނެރުނު ބަޔާނުގައި ބުނީ ރައްޔިތުންގެ އެ ކަންބޮޑުވުންތައް ބަލައިގަންނަ ކަމަށެވެ. އެކަމުގައި ގާނޫނާއި ގަވާއިދާ ހިލާފަށް އެއްވެސް ކަމެއް ކޮށްފައިވާ ނަމަ ފިޔަވަޅު އަޅާނެ ކަމަށް މިނިސްޓްރީން ބުންޏެވެ.

ދޫނިތައް ނައްތާލި ގޮތް ތަފްސީލްކޮށްދެމުން ބުނެފައި ވަނީ ރާއްޖެއަށް އެތެރެކުރާ ގަހާއި ޖަނަވާރު އިންސްޕެކްޓްކޮށް ކަރަންޓީން ކުރުމަކީ ބައިނަލްއަގުވާމީ މުއާހަދާއާ އެއްގޮތަށް ދެމުން އަންނަ އަސާސީ ހިދުމަތެއް ކަމަށެވެ. އެކަމަކު ގަވާއިދާ ހިލާފަށް އެތެރެ ކުރާ ތަކެތި ނައްތާލަން ޖެހޭ ހާލަތްތަކުގައި ނައްތާލަމުން އަންނަނީ ގާނޫނާ އެއްގޮތަށް ކަމަށް އެ މިނިސްޓްރީން ބުންޏެވެ.

ދޫނިތަކަށް އިންޖެކްޝަން ޖަހައިގެން މަރާލި ގޮތުގެ ވީޑިއޯ އާއްމުވެ، އެތައް ބަޔަކު އެކަން ކުށްވެރިކޮށްފައި ވަނިކޮށް ރައީސް އިބްރާހިމް މުހައްމަދު ސޯލިހް ވަނީ އެކަން ހިނގައިދިޔަ ގޮތް ބަލައި ރިޕޯޓެއް ފޮނުވައިދޭން ވެސް މިނިސްޓްރީ އަށް އަންގަވައިފަ އެވެ.

މި ރިޕޯޓް ތައްޔާރު ކުރުމުގެ މަސައްކަތް މިހާރު ކުރަމުން އަންނަ ކަމަށާއި މިއީ ލިބެން ހުރި މައުލޫމާތާއި ލިޔެކިޔުމުގެ މައްޗަށް ބިނާކޮށް ކަން ހިނގި ގޮތުގެ ހަގީގަތް ދެނެގަނެ، ފިޔަވަޅު އެޅުމަށް މަގުފަހި ކުރުމަށް ތައްޔާރު ކުރާ ރިޕޯޓެއް ކަމަށް ފިޝަރީޒް މިނިސްޓްރީން ބުންޏެވެ.

އެ މިނިސްޓްރީން ބުނީ ދިރޭ ތަކެއްޗަށް ލިބެން ޖެހޭ ރައްކާތެރިކަމާއި ހިމާޔަތް ފޯރުކޮށްދޭ ކަމަށެވެ. އަދި އާއްމު ސިއްހަތު ރައްކާތެރިކަން ކަށަވަރު ކުރުމާއެކު ޕްލާންޓް އެންޑް އެނިމަލް ކަރަންޓީންގެ ހިދުމަތް ރާއްޖޭގައި އިތުރަށް ހަރުދަނާކުރުމަށް ގާނޫނީ ގޮތުން ގެންނަން ޖެހޭ ބަދަލުތައް ގެނައުމަށް މަސައްކަތް ކުރަމުން އަންނަ ކަމަށް ވެސް ބުންޏެވެ.

މިނިސްޓްރީން ވަނީ މިފަދަ ކަންކަން ތަކުރާރު ވިޔަ ނުދިނުމަށް ރާއްޖެއަށް ދިރޭތަކެތި އެތެރެ ކުރާއިރު ގާނޫނާއި ގަވާއިދާ އެއްގޮތުގެ މަތިން އެތެރެ ކުރުމަށް އިލްތިމާސްކޮށްފަ އެވެ.

ފިޝަރީޒް، އެގްރިކަލްޗާ މިނިސްޓްރީ ދޫނި

15 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހެލޯ ހައި

11 February 2022

މަރާލުމަކީ ނައްތާލުން؟؟ ނައްތާލުމޭ ބުނާ ބުނުމުގެ މާނަ ދަސް ކުރަން އުޅޭތާ ދުވަސްގަނޑެއްވެއްޖެ އަހަރެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައިސް

11 February 2022

ކާކަށް ފިޔަވަޅު އަޅާ ވާހަކައެއް މިދައްކަނީ. މިނިސްޓަރ ޖެހޭނީ އިސްތިއިފާ ދޭން. ދިރޭތަކެއްޗަށް ލޯބިނުކުރެވުނު މީހަކު ދިރޭ ތަކެއްޗާބެހޭ އެންމެ ވަރުގަދަ ވުޒާރާގަ ބަހައްޓަން ހެޔޮނުވާނެ. ބޮޑުއަނިޔާވެރިއެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިހާބޮޑުކަމެއް

11 February 2022

ގަސްދުގައި ހަމަހޭގައިތިބެ އެދޫނިތައް މަރާލާފައިވެސް އިހުމާލުނަމަނަމައޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

10 February 2022

ތިގޮތައް ދޫނިމަރާތާ ތި މިނިސްޓުރީއައް ކިހާދުވަހެއް ވެއްޖެބާ، އަދި ކިހާ ދޫންޏެއް މިހާތަނައް މަރާފައިވޭބާ؟ ޒިންމާނަގަން ޖޭހޭނީ ޕޮލިސީ ލެވަލް އިން، އެވަރު ހިއްވަރެއް ފެންވަރެއް ތިޔަ މިނިސްޓުރީގެ ވެރިން ގައިގަ ހެބަހުރިބާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުބެދޭނެ

10 February 2022

މިގައުމުގަ ކޮވިޑްގަ އެންމެ ފުރަތަމަ މަރުވި މީހާގެ މަރުގެ ޒިންމާ އޮތީ ލިއެފަ އޮތް އެސްއޯޕީގަ. އެހެންވީމަ ދޫނިތަކުގެ މަރުގަ މީހަކު ބެދޭނެ ގޮތެއް ނޯންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުސާރަނަގަން އޭޓީއެމްއާހަމައަށް ދޭވޭވަގުތުނަގަނީ

10 February 2022

ޢޮޅިގެން އެސްޓޯއޯގެ އެކައުންޓަށް ފޮނުވާލެވުނު ފައިސާކޮޅެއް، ޑޮކިއުމެންޓު ތަކާއެކު ރިފަންޑަށް އެދުމުން މި އަންގާރަދުވަހު ޖަމާކޮއްލައްވަން ބުނުއްވި، މިއަދު ދެވަނަހަފްތާ ބުނުއްވީ ކުރީހަފްތާގަ އެބޭފުޅުންނަށް "ނުބައި އަދަދެއް ޖެހުނީމަ ކުރީހަފްތާގަ ނިންމާނުލެވުނީ" ބުނުއްވި. ކޮމްޕުން ލިޔެ ސޭވްކޮސްފަ އޮތްއަދަދެއް ރަގަޅުކޮށް އަލުން ޕްރިންޓްކޮށް ހުއްދަދޭން ހަފްތާއެއް. ތިކަމަށް ހުރި ވެރިޔަށް ސަލާބުނި..ދެން މަ ދާންވީ އަމްރުކާރިއަށް ނޫނީ ރ ސޯލިހްއަރިހަށް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯކެޔޮ ހަސަނ

10 February 2022

ގަވާއިދާ ޚިލާފަށް ކުރާ ކަންކަމުގެ ސަބަބުން ދިމާވާހާ ކަންތަކެވެ. ބެލެވޭގޮތުގައި ދޫނިތައް ނައްތާލާނީ ގަވާއިދުގެ ތެރެއިން ޖާގަ ލިބިގެން ކަމަށް ފެނެއެވެ. ތީގެ އެތެރެކުރި ފަރާތް ކުށްވެރިވާންވާނެއެވެ. ދެން ބައްޔެއްވެސް ޖެހިފައިވާ ވިހަގަދަ ހަރުފަތަކެއް އެތެރެކޮށްލައިފިއްޔާ ހަދާނީ ކިނެއްހެއްޔެވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިނިސްޓަރު

10 February 2022

އަވަސް ޚަބަރު: ދޫނި ރާއްޖޭގެ މަސްވެރިކަމާ ބެހޭ ވުޒާރާއިން އަނިޔާވެރި ގޮތަކަށް ދޫނިތަކެއް މަރާލުމަށްފަހު އެ މިނިސްޓްރީ ކުށްވެރިކޮށް ފިޔަވަޅު އަޅަން ނިންމައިފ. ކެރަފާ ނަސީމް ޞިއްޙަތާ ބެހޭ ވަޒީރަށް ފިޔަވަޅު އެޅިހެން މިފަހަރު ފިޝަރީޒް މިނިސްޓަރު މަސްވެރިކަމާ ބެހޭ ވަޒީރަށް ފިޔަވަޅު އަޅަނީ.