.
06 މާޗް 2022 - 06:34
ކާއެއްޗެހި ފިނިކޮށްފައި ބެހެއްޓުމަކީ އެ ތަކެތި ގިނަ ދުވަހު ހަލާކުނުވެ ބެހެއްޓޭނެ އެންމެ ރަނގަޅު އެއް ގޮތެވެ. ނަމަވެސް ފްރިޖުގައި ބަހައްޓަން ރަނގަޅު ނުވާނެ ބައެއް އެއްޗެއްހި ވެސް ހުރެ އެވެ.
މާ ފިނިކޮށް ބެހެއްޓުމުގެ ސަބަބުން ބައެއް ކާއެއްޗެއްސަކީ ވަރަށް އަވަހަށް ނުބައިވެ، ބޭނުންކުރަން ރައްކާތެރި ނޫން އެއްޗެއްސަށްވެ އެވެ.
.
މާ ގިނައިން ވައިގެ ތެތްކަން ލިބި ފިނިވުމުގެ ސަބަބުން ލޮނުމެދު ވަރަށް އަވަހަށް ހަލާކުވެ އެވެ. އެކަމަކު ލޮނުމެދުގެ ތޮށި ފިލުވާފައި، ވަކިކޮށް ތައްޓަކަށް އަޅައި ބަންދުކޮށްފައި ފްރިޖަށް ލައިފި ނަމަ ހަލާކު ނުވެ ގިނަ ދުވަހު ހުންނާނެ އެވެ. ލޮނުމެދުގެ ތޮށި ނުފިލުވާ ބަހައްޓާ ނަމަ، އެންމެ ބުއްދިވެރި ގޮތަކީ އަވި ނުދޭ ހިސާބެއްގައި ބަދިގެތެރޭގައި ބެހެއްޓުމެވެ.
.
ކެޝޫނަޓް އާއި ޕިސްޓާޝިއޯ ފަދަ ތަފާތު އެކި ކަހަލަ ބަދަނުގެ ވައްތަރުތައް ކުރިއަށް އޮތް ހަފުތާގެ ތެރޭގައި ބޭނުންކޮށް ހުސްކޮށްލަން ވިސްނާ ނަމަ، ފްރިޖުގައި ބަހައްޓަން އެންމެ ރަނގަޅެވެ. ނަމަވެސް ގިނަ ދުވަސް ވަންދެއް އެ ތަކެތި ރައްކާތެރިކޮށް ބަހައްޓަން ބޭނުންވާ ނަމަ، ވައި ނުވަންނާނެހެން ފުޅިއެއް ނުވަތަ ދަޅަކަށް އަޅާފައި ބަހައްޓާށެވެ.
.
މާމުޔަކީ އަމިއްލަ ޒާތުގައި ގިނަ ދުވަސްވަންދެން ފިނިކޮށް ހުންނަ އެއްޗެކެވެ. އެހެންވީމަ ފްރިޖަށް އެ ފިނިކުރަން ލާންވީ އެއްވެސް ސަބަބެއް ނެތެވެ. ފްރިޖަށް ލުމުން ވަރަށް އަވަހަށް މާމުއި ސަކަރާތްވެ އެވެ. މާމުއި ފްރިޖަށް ލުމުން އޭގައި ހުންނަ ގުދުރަތީ ހަކުރުގެ ބާވަތްތައް ގަނޑުވެ، ކްރިސްޓަލައިޒް ވާން މެދުވެރިވެ އެވެ.
.
ބަޓާނާ އަކީ ދިވެހިންގެ ތެރޭގައި ވަރަށް މަގުބޫލު އެއްޗެކެވެ. ފްރިޖުގެ ވައިގައި ހުންނަ ތެތްކަމުގެ ސަބަބުން ބަޓާނާ އަކީ ވަރަށް ފަސޭހައިން ހަލާކުވާ އެއްޗެކެވެ. ބަޓާނާ އެއްވެސް ވަރަކަށް ނުފަޅާ ނަމަ، ފްރިޖަށް ނުލާށެވެ. އަދި ފްރިޖަށް ލާން ބޭނުންވާ ނަމަ، އެންމެ ރަނގަޅު ގޮތަކީ ބަޓާނާ ކިޔުބްކޮށް ކޮށާލުމަށް ފަހު، ޒިޕްލޮކް ކޮތަޅަކަށް އަޅައި ބަންދުކޮށްލާފައި ލުމެވެ.
.
ޕާނަކީ ވަރަށް އަވަހަށް ބޭނުންކޮށްފައި ހުސްކޮށްލަން ޖެހޭ އެއްޗެކެވެ. އެކަމަކު ޕާން ރައްކާކުރުމަށް ފްރިޖަށް ލައިގެން ފައިދާއެއް ނުވާނެ އެވެ. ފްރިޖަށް ލުމުން ޕާނުގެ ސްޓްރަކްޗާ އެއްކޮށް ބަދަލުވެ އެވެ. އޭގެ ސަބަބުން ޕާން ހަރުވެ، ފުނޑުފުނޑުވުން އެކަށީގެންވެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
މުޙައްމަދު123
11 March 2022
ޕިސްތާ: ނ. ފެހިކުލައިގައި ހުންނަ ކުދި ބަދަނެއް. މީގެ ތޮށީގަނޑު ހަރުވާނެއެވެ. ކަޖޫ: ނ. ފުށެތިކާލު އަނބު. ފުށެތިކާލުއަނބު: ނ. ކެޖޫނަޓް. ފުށެތިކާލުއަނބުއޮށުމަދު: ނ. ކަޖޫމަދު. ދިވެހިނަން ހުންނަ އެއްޗެއްސަށް އެ ބަސްތައް ބޭނުންނުކުރަނީ ކީއްވެބާ.
ާއ.ސ
08 March 2022
ލިޔުމުގައި މާބޮޑު އޮއްޓަރެއް ހުރިކަމަކަށް ނުފެނޭ… ނަޓްސް އެބަހުރި މިހާރުވެސް ފްރިޖްގަ، މަހަކަށް ވުރެ މާގިނަދުވަސްވީ އެކަމްް މިހާރުވެސް ވަރަށް ރީތިކޮއް ހުރީ…
ށަވިޔަނި
06 March 2022
ތިބުނި އެއްވެސް ބާވަތެއް ފްރިޖަށް ނުލަން. ލޮނުމެދު ޕޭސްޓް ލަން. ތި މައުލޫމާތަށްޓަކައި ޝުކުރިޔާ.
ގުލްޒާރު
06 March 2022
ތެރަސް ފުރިޖަށްލާމީހުންވެސް އުޅޭ.
ސިލިކޯން
06 March 2022
ފްރިޖުގައި ބެހެއްޓީމާ ގިނަ ދުވަސްތަކެއްވަންދެން ހަލާކުނުވެ ހުރޭ.
މުޙައްމަދުޙޓ
11 March 2022
ކާބޯތަކެތި ހުންނަ އައިސްއަލަމާރިއަކަށް ސިލިކޯނާއި އެނޫންވެސް ކެމިކަލް އެއްޗެތި ލުމުގެ ފައިދާއަކީ ކޮބާ