ދިފާއީ ނިޒާމު ވަރުގަދަ ކުރަން ކާންވީ އެއްޗެހި

އަހްމަދު ޖައިޝަން

10 މާޗް 2022 - 06:53

ދުޅަހެޔޮ ސިއްހަތެއްގައި ހުރުމަށް ދިފާއީ ނަޒާމު ވަރުގަދަވުމަކީ މުހިންމު ކަމެކެވެ. ވީހާ ވެސް ސާފުތާހިރުކޮށް އުޅޭ ނަމަ، ދިފާއީ ނިޒާމު ވަރުގަދަވުމަށް އެހީވެ އެވެ. އޭގެ އިތުރުން ބައެއް ވައްތަރުގެ ތަރުކާރީ އާއި މޭވާ ކެއުމަކީ ވެސް ދިފާއީ ނިޒާމަށް ފައިދާ ކުރާނެ ކަމެކެވެ. މި ހިމަނާލަނީ އޭގެ ތެރެއިން ވަރަށް މުހިންމު ތިން އެއްޗެކެވެ؛

ކެރެޓް

ކެރެޓަކީ އިންސާނާގެ ހަށިގަނޑަށް ގިނަ އަދަދަކަށް ވިޓަމިން އޭ ލިބޭ ތަރުކާރިއެކެވެ. ކޮންމެ ދުވަހަކު އެންމެ ކެރެޓަކުން ވެސް އިންސާނާގެ ހަށިގަނޑަށް ބޭނުންވާ މިންވަރަށް ވިޓަމިން އޭ ލިބެ އެވެ. ވިޓަމިން އޭ އަކީ ދިފާއީ ނިޒާމަށް ވަރަށް މުހިންމު މާއްދާއެކެވެ.

ލޮނުމެދު

ލޮނުމެދަކީ އިންސާނާގެ ހަށިގަނޑަށް އެކި ކަހަލަ ފައިދާ ހުރި ވަރަށް ރަނގަޅު އެއްޗެކެވެ. ރޯގާ ޖެހިގެން އުޅޭ އިރަށް ލޮނުމެދު ބޭނުންކޮށްގެން ހަދާފައިވާ ކެއުންތައް ކާ ނަމަ، އޭގެން ރޯގާ އަށް ވެސް ލުއިކަމެއް ލިބެ އެވެ. ވީހާ ވެސް ތާޒާކޮށް ލޮނުމެދު، އެއްޗަކާ އެއްކޮށްގެން ކާ ނަމަ އޭގެ ކުރާ އަސަރު ބޮޑުވާނެ އެވެ.

މަޝްރޫމް

މަޝްރޫމް އަކީ ވެސް އިންސާނާގެ ދިފާއީ ނިޒާމަށް ވަރަށް ފައިދާ ހުރި އެއްޗެކެވެ. މަޝްރޫމްގައި ހިމެނޭ ސިލީނިއަމް އާއި ވިޓަމިން ބީ އަކީ ދިފާއީ ބާރަށް އެހީތެރިކަން ފޯރުކޮށްދިނުމުގެ އިތުރުން ހަށިގަނޑަށް ބޭނުންވާ ބައެއް ހަކަތަ ވެސް ފޯރުކޮށްދިނުމަށް އެހީވާ އެއްޗެކެވެ. މަޝްރޫމްގެ މޮޅު ތަންކޮޅަކީ ތަފާތު އެކި ކަހަލަ މަސްތަކުގެ ބަދަލުގައި ވެސް މި ބޭނުންކުރެވޭނެތީ އެވެ. އަދި މިއަކީ ތަފާތު ގޮތްގޮތަށް ތައްޔާރުކޮށްގެން ކާލެވޭނެ އެއްޗެކެވެ.

ސިއްހަތު ކާޑުގެ ބާވަތްތައް

6 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހުސެން

10 March 2022

ބޮޑުފިޔައެއްގެ ފޮޓޯޖަހާފަ އޭގެންލިބޭ ފައިދާ މިއޮތީނުލިޔެ، އަދިބުނަން ފިޔައި، ލޮނުމެދު، ކެރެޓު އަދި މަސްރޫމް މިއީ ރަށްރަށުގެ ގެތަކުގެ ގާޑަން ގައި ހައްދާލެވޭތަކެތި، މާލެ، ހުޅުމާލެ މީހުން ނަޖިސްފެނުން ދޮވެފައި ހުންނަމަސް ކެޔަސް އަހަރެމެން ކަނީ ތާޒާ މަސް، ބުނަންމިއުޅެނީ ކީކޭކަން އެނގޭތަ؟ މާލެ ގޮސް މަހުންމަހަށް ކިރިޔަކިރިޔާ އުޅުމުގެ ބޭނުމެއްނެތޭ، ހަގީގީ އުފަލާ ހިތްހަމަޖެހުން ދަރިންނަށްވެސް އޮތީ ރަށްރަށުގައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަލްމީން

11 March 2022

“ މާލެ ގޮސް މަހުންމަހަށް ކިރިޔަކިރިޔާ އުޅުމުގެ ބޭނުމެއްނެތޭ، ހަގީގީ އުފަލާ ހިތްހަމަޖެހުން ދަރިންނަށްވެސް އޮތީ ރަށްރަށުގައެވެ.” މިއީ ވަރަށް ބޮޑު ތެދެއް! ގިނަ ދިވެހިން ކަންކަމާއި ފުންކޮށް ވިސްނާ ދުނިޔެއާއި އާހިރަތް ހޯދަން ނޫޅޭ! އެހެންމީހުން އުޅޭ ގޮތް ކޮޕީ ކުރުމާއި މާއްދިއްޔަތުގެ ބައި މާމާ ބޮޑީ!