ތެލުގެ ސާޗާޖު ދެ ގުނަ އަށް ވުރެ ބޮޑުކޮށްފި

އަމީނީމަގުގައި ހުންނަ ސްޓެލްކޯގެ މައި އޮފީސް އިމާރާތް: އެއް މަސް ތެރޭގައި ދެ ފަހަރަށް ފިއުލް ސާޗާޖު ވަނީ ބޮޑުކޮށްފައި

އަބްދުﷲ ޖަމީލު، މިހާރު

21 ޑިސެމްބަރ 2016 - 12:32

ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން ތެލުގެ ސާޗާޖުގެ ގޮތުގައި ނަގާ މިންވަރު ދެ ގުނަ ބޮޑުކުރުމުން ކަރަންޓުގެ އަގު އަނެއްކާވެސް މައްޗަށް ހިނގައްޖެ އެވެ. މިއީ އެއް މަސް ދުވަހުގެ ތެރޭގައި ފިއުލް ސާޗާޖު ބޮޑުކުރި ދެވަނަ ފަހަރެވެ.

ސަރުކާރުން ކަރަންޓުގެ އަގަށް މިދިޔަ ފެބްރުއަރީ މަހު ބަދަލު ގެނައި ފަހުން، މިއީ ތެލުގެ ސާޗާޖު ކަރަންޓް ބިލުގައި ހިމަނާ ތިން ވަނަ ފަހަރެވެ. އެ ކުންފުނިން މިދިޔަ ސެޕްޓެމްބަރު 19 ވަނަ ދުވަހުން ފެށިގެން ތެލުގެ ސާޗާޖުގެ ގޮތުގައި ޔުނިޓަކަށް ނަގަމުން އައީ ހަތަރު ލާރި އެވެ. ނަމަވެސް މިދިޔަ ނޮވެމްބަރު 16 ވަނަ ދުވަހުން ފެށިގެން ވަނީ ޔުނިޓަކަށް ނަގާ މިންވަރު 12 ލާރިއަށް ބޮޑުކޮށްފަ އެވެ.

ސަރުކާރުގެ ކަރަންޓް ކުންފުނީގެ ވެބްސައިޓްގައިވާ ގޮތުން މި މަހުގެ ނުވަ ދުވަހުގެ ފަހުން ތައްޔާރުކުރާ ބިލްތަކަށް، ތެލުގެ ސާޗާޖުގެ ގޮތުގައި ނަގާނީ ޔުނިޓަކަށް 27 ލާރި އެވެ. އެ ކުންފުންޏަށް މިހާރު ޑީސަލް ލީޓަރެއް ގަންނަން ލިބެނީ 8.91ރ. އަށެވެ.

މި އުސޫލުން ފިއުލް ސާޗާޖް ނަގާ ނަމަ، މިހާރު 1،000ރ. އަރާ ބިލަކަށް 200ރ. އިތުރުވާނެ އެވެ.

ސްޓެލްކޯއަށް މި އަހަރުގެ ފެބްރުއަރީ މަހު ޑީސަލް ލީޓަރެއް ގަންނަން ލިބުނީ 7.05ރ. އަށެވެ. އެކަމަކު އެޕްރީލް މަހު މި އަގު ވަނީ 7.50ރ. އަށް ބޮޑުވެފަ އެވެ. އަދި އޭގެ ފަހުން ޖޫން މަހު ތެޔޮ ލީޓަރެއްގެ އަގު 7.97ރ. އަށް ބޮޑުވި އެވެ.

އެ ކުންފުންޏަށް ޑީސަލް ގަންނަން ލިބޭ އަގު ލީޓަރެއް 8ރ. އަށް ވުރެ ބޮޑުވާ ނަމަ އިތުރުވާ ކޮންމެ 10 ލާރިއަކަށް ތިން ލާރި ފިއުލް ސާޗާޖުގެ ގޮތުގައި ނެގުމުގެ ހުއްދަ މޯލްޑިވްސް އެނާޖީ އޮތޯރިޓީން ވަނީ ދީފަ އެވެ.

މިދިޔަ ޖެނުއަރީ މަހު އާއްމުން ބޭނުންކުރާ ކަރަންޓްގެ އަގުތަކަށް ގެނައި ބަދަލާ ގުޅިގެން ކަރަންޓް ބިލުގެ ބޮޑުވާ ކަމުގެ ޝަކުވާ ގިނަ ބަޔަކު ކޮށްފައިވެ އެވެ. އަދި އޭގެ ފަހުން 500 ޔުނިޓުން ފެށިގެން ދަށުގެ ޔުނިޓްތަކުގެ އަގު ހެޔޮކުރި އެވެ. އަދި އެއާ އެކު ވެސް ކަރަންޓް ބިލު ބޮޑުވާތީ އެ ޓެރިފް ރޭޓްތަކަށް ބަދަލު ގެންނަން ނިންމާފައިވާ ކަމަށް މި އަހަރުގެ ކުރީކޮޅު ރައީސް އަބްދުﷲ ޔާމީން ވިދާޅުވެފައިވެ އެވެ. ނަމަވެސް ކަރަންޓުގެ އަގަށް އޭގެ ފަހުން އެއްވެސް ހެޔޮ ބަދަލެއް ގެނެސްފައެއް ނުވެ އެވެ.

ކަރަންޓު ސްޓެލްކޯ ކަރަންޓް ފިއުލް ސާޗާޖް

70 ކޮމެންޓް, 253 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްދުއްލާ އަލީ

22 December 2016

ތެލުގެ ށާޗާޖެކޭ އެއާޕޯޓް ޑިވޮލޮޕް މެނޤޓް ޗާޖްގެ ގޮތުގައި ފުރާ ކޮންމެ ފަސިންޖަރު ގެ އަތުން ނަގާ ޗާޖެކޭ ހުރި ތަފާތު ބުނެބަލަ ؟ އެއްވެސް އެއްޗެއް ހުރިހާ ފަހަރަކު އެއް އަގަކަށް ނުވިއްކޭނެ ދޯ ؟ ވީއާ ޖެހޭނޭ ވިއްކޭނެ އަގަކަށް ވިއްކާ އަގު ބަދަލު ކުރަން ވިއްކާ ތަކެތީގެ ބިލުގާ ޖީއެސްޓީ މި ހިމަނަނީ ގާނޫނަކުން ފާސް ކޮށްފައިވާ ޓެކުހަކަށް ވާތީ ! ކަރަންޜް ވިއްކާ ބިލުގާ ފިއުލް ސާޗާޖް މިހިމަނަނީ ކޮންގާނޫނަކުން ފާސް ކޮށްގެންބާ ؟މިއީ އެމްޑީޕީ ގެ ސަރުކާރުން ރައްޔިތުނަނަށްއޮޅުވާލަންގާނޫނާ ހިލާފަށް ނަގަންފެށީ ފައިސާއެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން

22 December 2016

މިކަމުގެ އެންމެ ދާއިމީ ހައްލަކީ އިއާދަ ކުރަނިވި ހަކަތަ ބޭނުން ކުރުން.. ސޯލާ އަދި ވައިން ކަރަންޓު ރާއްޖޭގައި އުފެއްދޭނެ ގޮތެއް އެބަޖެހޭ ބަލަން .. އޭރުން ކަރަންޓު އަގު ވަރަށް ބޮޑުތަން ކުޑަވެގެންދާނެ.. ނަމަވެސް ރައީސް ޔާމީން ބޭނުންފުޅު ނުވެދާނެ މިކަން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެޝަނަލިސްޓް

22 December 2016

ސޯލާ ޕީވީ އާ ދިމާލަށް މިސްރާބު ބަދަލުކުރުމުގެ ވިސްނުން ސްޓެލްކޯ ހިންގަންތިބި މީހުން ގެ ހުންނާނެ ކަމަށް ހީކުރަން! ރައްޔިތުން އަތުން ފިއުލް ސާޗާޖް ނަގަނަގާ ތިބުމަކީ ކުރަން ހެޔޮވާ ވަރުގެ ކަމެއް ނޫން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު

22 December 2016

ސްޓެލްކޯއަށް 8.97 ރުފިޔާ އަށް ތެޔޮ މިގަންނަނީ ކޮން ކުންފުންޏަކުންބާ. އަހަރެމެން މިހާރުވެސް ޑީސަލް އެބަގަންނަން މި މާލެއިން 7.50 އަށް. މި އޮތީ ވާ ސަރުކާރެއް. ހުރިހާ ދިމާލެއް ފޫ ގޮސްފަ. ކަރަޕްޝަނުން ނެގޭ ހުރިހާ ރުފިޔާއެއް ރައްޔިތުންގެ ޖީބުން ސީދާ މިނެގެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަމް

22 December 2016

މީ ދެން އަރަތެތަ. ވަރަށް ރަނގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާޢާނު

22 December 2016

ޢެއްވެސް ކަހަލަ ހަރުދަނާ ކަމެއް ނެތީމަ މިގޮތައް ޕްލޭނެއް ނެތި އަގު ބޮޑުކުރަމުން މިދަނީ!! ޜައްޔިތުން ވަރަށް ނިކަމެތިވާނެ މިދާ ރޭޓުން ދަންޔާ...2023 ވާއިރު ތިބޭނީ ހަނާ ވެފަ ރަގަޅަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލަ ދަނޑު

21 December 2016

ފަލަކު ބޭނުންތަ އަލަ ކޮޅެއް؟ އާދޭ ދަނޑަށްދާން. ޤުދުރަތީ ފިނިވައި. ބޮޑު ގޮޅިން ނިކުމެގަ އިރުކޮޅަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

21 December 2016

ރަނގަޅު!؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހަންމަދު

21 December 2016

15 މިލިއަން ޑޮލަރަށްވާވަރު މިފަހަރު ހޯދަންމިޖެހުނީ މިމީހުނާތާ! ރައްޔިތުންއަތުން ހޯދޭނީ ކޮންމެސްއެއްޗެކޭކިޔައިގެން! ދެންބުނާނެ އެޢަދަދު ދައްކައިފީމޭ! އެފައިސާލިބުނީ ހެޔޮއެދޭފަރާތެއްގެ ދީލަތި އެހީއަކުންނޭ! އެކަމަކު ލިބުނުގޮތުގެ ތަފްޞީލު ފެންނާނެގޮތެއް ނޯންނާނެ! "ދީލަތިއެހީ" ލިބިލިބިތިއްބަވާ ބޭބޭފުޅުންނަށް ބޮޑުވަރިހަމަވާކަން ކޮމެންޓުތައްކިޔާލީމަ އެބައެނގޭ! ތެލުގެއަގަށްވާގޮތް އެނގިވަޑައިގަންނާނީ އެބޭބޭފުޅުންނަށް! ދެންހައްތަހާވެސްތިބީ ގަމާރުން! މުޅިންއާބުރަކަށް ފުއްޕިހަކުރުކައި، އާލިބާސްލައި ގުނބޯނަށަން ތައްޔާރުވޭ!