އެމްޓީސީސީން ތ.ގުރައިދޫގައި ހަދާ ބަނދަރުގެ މަސައްކަތުގެ ތެރެއިން--ފޮޓޯ:މިހާރު
16 މާޗް 2022 - 16:57
1 comments
ށ. ޅައިމަގު ބަނދަރާއި ތ. ގުރައިދޫ ބަނދަރުގެ މަސައްކަތުގެ ބޮޑު ބައެއް ނިމިއްޖެ އެވެ.
އެމްޓީސީސީން ބުނީ، ޅައިމަގުގެ ބަނދަރުގެ މަސައްކަތުގެ 60 ޕަސެންޓް ނިމިފައިވާ ކަމަށެވެ. އެ މަސައްކަތުގެ މިހާރު ކުރިއަށްދަނީ އެއްގަމުތޮށި ލުމަށް ބޭނުންވާ ގާ އެތުރުމުގެ މަސައްކަތާއި އެއްގަމުތޮށީގެ ކޮންކްރީޓް މަސައްކަތްތަކެވެ.
އެ މަޝްރޫއުގެ ދަށުން، 31,000 ކިއުބިކް މީޓަރުގެ ސަރަހައްދެއްގެ ބަނދަރު ފުންކުރުމާއި، 350 މީޓަރުގެ ސަރަހައްދެއްގައި ބޭރުތޮށި ލުމުގެ މަސައްކަތް ކުރާނެ އެވެ. އެ މަސައްކަތަށް 53 މިލިއަން ރުފިޔާ ހޭދަކުރާނެ އެވެ.
ގުރައިދޫގެ ބަނދަރު ތަރައްގީ ކުރުމުގެ މަޝްރޫއުގެ ދަށުން ވޯކްވޭ ބްރިޖް ހެދުމުގެ މަސައްކަތް މިހާރު ވަނީ ނިމިފަ އެވެ. އަދި ބޭރު ތޮށި ލުމުގެ މަސައްކަތުގެ 88 ޕަސެންޓް މަސައްކަތް ވަނީ ނިމިފަ އެވެ. މި މަޝްރޫއުގެ ދަށުން، 24،485 ކިއުބިކް މީޓަރުގެ ސަރަހައްދެއްގެ ބަނދަރު ފުންކުރުމާއި، 325 މީޓަރުގެ ސަރަޙައްދެއްގައި ބޭރުތޮށި ލުމަށް ހަމަޖެހިފައިވެ އެވެ. މި މަސައްކަތަށް 57 މިލިއަން ރުފިޔާ ހޭދަކުރާނެ އެވެ.
އެމްޓީސީސީން އަންނަނީ ރާއްޖޭގެ ގިނަ ރަށްތަކެއްގެ ތަރައްގީގެ ގިނަ މަސައްކަތްތަކެއް ކުރަމުންނެވެ. އޭގެ ތެރޭގައި ބަނދަރު ހެދުމާއި މަގު ހެދުމައި ބިން ހިއްކުމާއި ގޮނޑުދޮށް ހިމާޔަތް ކުރުމުގެ މަޝްރޫއުތައް ހިމެނެއެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިދުރީސް ޢާލިބް
16 March 2022
މީގެ 6 މަސް ކުރިން ދުށިން ޅައިމަގު ބަދަރު 80% ނިމުން ވާހަކަ އޮއްވަވެސް! ކިހިނެތް ތިހައްދަވަނީ! ނިމުން ވަރަކަށް ހައްތާ ޕަސެންޓް ދަށަށަށް މިދަނީ! މިހާރު ތިޔަ މަސައްކަތެއް ހަވާލު ކޮށްފަ އޮންނަތާ ވެއްޖެ މިވެރިކަމަށް ވީހާ ދުވަހެއް! ހަވާލު ކުރީ 365 ދުވަހުން ނިންމަން! މިފޮޓޯއަކާ މަންޒަރަކާ އަޑަކާ ދިމައެއްނުވެ! މިހާރު ޢެމްޓީސީސީ ބަދަރު ހަދަން އަމި ކުދިން ޅައިމަގު މީހުންނާ އިންނަ ހިސާބައް ހިނަގއއްޖެ! އަދި އިރާދަ ކުރެއްވިޔާ ނިމޭނެ! ޝުކުރިއްޔާ މެމްބަރު!