ގޭމް ރޫމުގައި އުރީދޫގެ ޗީފް ކޮމާޝަލް އޮފިސަރު ނިޔާޒު ގޭމް ކުޅެނީ-- ފޮޓޯ: އުރީދޫ
19 މާޗް 2022 - 14:49
1 comments
ރާއްޖޭގެ ގޭމް ކުޅޭ މީހުންނަށް އެހީވުމުގެ ގޮތުން އުރީދޫން ގޭމް ރޫމާ ގުޅިއްޖެ އެވެ.
ގޭމް ރޫމަކީ ގިނަ އަދަދެއްގެ ތަފާތު ސޯޝަލް ގޭމުތައް ކުޅެލެވޭ އީ ސްޕޯޓްސް ސެންޓަރެކެވެ. އެ ސެންޓަރުގައި ބައިވެރިންނަށް އިނާމްތައް ލިބޭ ލީގުތަކާއި މުބާރާތްތައް ވެސް ކުރިއަށް ގެންދެ އެވެ.
އެ ސެންޓަރާ އުރީދޫން ގުޅުނީ ރާއްޖޭގައި އީ ގޭމިންއަށް ޝައުގުވެރިވާ މީހުންގެ އަދަދު ދުވަހަކަށްފަހު ދުވަހެއް އިތުރުވަމުން ދިއުމާ ގުޅިގެންނެވެ. އަދި އެ ދާއިރާއިން ދިވެހިންގެ ހުނަރުތައް ކުރިއަރުވައި އިތުރު ފުރުސަތުތައް ފަހި ކޮށްދިނުމަކީ އެ ކުންފުނީގެ އަމާޒެކެވެ.
ރާއްޖޭގެ ގޭމިން ޕްލެޓްފޯމްތަކަށް އެހީވުމުގެ އިތުރުން އުރީދޫން އަންނަނީ ފޯނުން ގޭމް ކުޅޭ މީހުންނަށް ހާއްސަ ޕްލޭންތައް ވެސް ތައާރަފު ކުރަމުންނެވެ. އޭގެ ތެރޭގައި ޕަބްޖީ އާއި މޮބައިލް ލެޖެންޑްސް އާއި ރޮބްލޮކްސް އާއި ގެރީނާ ފްރީ ފަޔާ އާއި ކޯލްއޮފް ޑިއުޓީ ފަދަ ދިވެހިންގެ މެދުގައި މަގުބޫލު ގޭމުތަކަށް ހާއްސަ ޕެކޭޖުތައް ހިމެނެ އެވެ.
މީގެ އިތުރުން ރާއްޖޭގެ ޑިޖިޓަލް އިންފްރާސްޓްރަކްޗާ ވަރުގަދަކޮށް ހަލުވި އިންތަނެޓް ފޯރުކޮށްދިނުމަށް ވެސް އުރީދޫން އަންނަނީ އިންވެސްޓް ކުރަމުންނެވެ. ކުރިއަށް އޮތްތަނުގައި ވެސް ކަސްޓަމަރުންގެ ޑިޖިޓަލް ތަޖުރިބާ ފުރިހަމަ ކުރުމަށް މަސައްކަތް ކުރާނެ ކަމަށް އުރީދޫން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަން23433
20 March 2022
އުރީދޫ އައީ ދިރާގު އައް ވުރެ ރަގަޅު ވާނެކަމައް އުންމީދުކޮއްގެން ނަމަވެސް ދެ ބައި މީހުން ގުޅިގެން އަގުތައް އެއްވަރެއްގައި ބައްޓައިގެން ދިވެހިން އަތުން ލާރި ކެއީ މިއޮއް ހުރިހާދުވަހު .. އުރީދޫގެ އިންޓަނެޓް ލޭޓަންސީވެސް ދައް ދިރާގައް ވުރެ މިއީ ގޭމް ކުޅޭ މީހުން އަނެއްކާ ދިރާގައް ދާން ޖެހޭ ސަބަބު ..