ހިޔާ ފްލެޓްތައް ކައިރިއަށް ކުނި އަޅާފައި: މިތަނުގައި ގާކުނި އަޅަމުންދާ ތަންތަނަށް އަންނަ މަހުގެ އެކަކުން ފެށިގެން ކުނި އެޅުން މަނާވާނެ-- ފޮޓޯ: ފަޔާޒު މޫސާ/ މިހާރު
22 މާޗް 2022 - 11:47
7 comments
ހިޔާ ފްލެޓްތަކުން އުކާލާ ގާކުނޑި އާއި އެހެނިހެން ކުނިތައް ހުޅުމާލޭ ބަލަހައްޓަމުން އަންނަ އެޗްޑީސީން ނަގަމުން އައި ނަމަވެސް އަންނަ މަހުން ފެށިގެން އެކަން ހުއްޓާލާނެ ކަމަށް އެ ކުންފުނިން މިއަދު ބުނެފި އެވެ.
އެޗްޑީސީން ނެރުނު އިއުލާނެއްގައި ބުނީ ހިޔާ ފްލެޓްތަކުގެ އެތެރޭގެ މަސައްކަތްތައް ކުރުމުގެ އުސޫލުގައި ބަޔާންކޮށްފައިވާ ގޮތަށް، މަސައްކަތްކުރަމުންދާ ގޭބިސީތަކުން އުކާލާ ގާކުނޑި އާއި އެފަދަ އެހެން ކުނިތައް އުކުމަށް ހާއްސަ ސަރަހައްދެއް ކަނޑައަޅައި، އެކަހަލަ ކުނިތައް އުކާލުމުގެ މަސައްކަތްކުރީ އެ ކުންފުނިން ކަމަށެވެ.
އެކަމަކު މި މަހުގެ 31 އިން ފެށިގެން އެކަން ހުއްޓާލަން ނިންމާފައިވާ ކަމަށް އެޗްޑީސީން ބުންޏެވެ.
އެ ކުންފުނިން ބުނި ގޮތުގައި އަންނަ މަހުގެ އެއްވަނަ ދުވަހުން ފެށިގެން ގާކުނޑިތަކާއި އެފަދަ އެހެން ކުނިތައް އުކާނީ އެ ފްލެޓެއްގެ ވެރިފަރާތަކުން އެކަމަށް ހާއްސަކޮށްފައިވާ މުއައްސަސާތަކާ ގުޅިގެންނެވެ.
"އެހެންކަމުން އެޕްރީލް އެކަކުން ފެށިގެން މިދެންނެވި ސަރަހައްދުތަކުން [މިހާރު ގާކުނޑި އެޅުމަށް ހާއްސަކޮށްފައި ހުރި ސަރަހައްދުތައް] އަށް ކުނި އެޅުމަކީ މަނާ ކަމެއް ކަމުގައި ކަނޑައަޅައި އެކަން އާންމުކޮށް އިއުލާންކުރަމެވެ،" އެ އިއުލާނުގައިވެ އެވެ.
ފްލެޓްގެ މަސައްކަތް ނިންމުމަށް ކުރާ މަސައްކަތުން އުފެދޭ ކުނިތައް ނެގުން އެޗްޑީސީން ހުއްޓާލަން ނިންމިއިރު ފްލެޓްތަކުގެ ފިނިޝިންނަށް ކުލި ނުނަގާ ގޮތަށް ސަރުކާރުން ދިން މުއްދަތު ވެސް މި މަހުގެ ނިޔަލަށް ހަމަވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ށަވިޔަނި
22 March 2022
ފުރަތަމަކަމަކީ ތި ފްލެޓް އަޅާދީފަތިވަނީ ފްލެޓްގައި އުޅެން ދަންނަ ބަޔަކަށް ނޫން. ފިނިޝިން މަސައްކަތޭކިޔާފަ މުޅިތަން ތަޅާލަނީ. މީ ވަރަށް ތަހުޒީބުކަމަށް ހެދިގެން އުޅޭ އެކަމަކު ވަރަށް ގޮތެއް ފޮތެއް ނެތް ބައެއް. އަދިވެސް ފްލެޓް އަޅާދީ.
ޙައްބޭ
24 March 2022
ކަލޭ ހަމަހޭގައިތަ. ތަންތަން ތަޅައި ހަދަނީ އެޗްޑީސީން. ފްލެޓްތަކެއް ފިހާރަތަކަކަށް ހެދީމަ ތަންތަން ތަޅާނުލައި ކުރެވޭނެ ކަމެއް ބުނެބަލަ.
ފައިވާން
22 March 2022
ތިތާ ޖަލްސާއެއް ބާއްވަން ރާވަންވީ. އޭރުން އެޗްޑީސީގެ ހުރިހާ ވެހިކަލެއް ގެންދާނެ އެތަނަށް. ދެން ޖަލްސާ ކެންސަލް ކޮށްލާފަ ކުނިތައް އެޗްޑީސީގެ ލޮރީތަކަށް އަޅާލީމަ ނިމުނީ.
މައިފޯލި
22 March 2022
ހިޔާ ފްލެޓްގެ ގައުކުނޑި ނެގުން އެޗްޑީސީން ކުރަން ޖެހޭނެ ކަމެކެވެ. އެހެނީ ތަންހަވާލު ކުޅައީ ގައުކުނޑި ނުނަގަ އެވެ. ޔައުނީ ތަން ނުހަދާ ފާރުގަނޑު ދިނީމާ ތެޅުމާ ކެރުމާ ވެއްދުމާ ނެރުމާ މިހުރީ ހަވާލުވީ ފަރާތުގެ ބޮލަށް ޖަހާފަ އެވެ. ހަގީގަތުގަ އެނެރޭ ގައުކުނޑިއަކީ އެތެރޭގަ ހޮއި އޮތް އެޗްޑީސީ މިކިޔާ ޅޮހުން ކުރަންޖެހޭނެ ކަމެކެވެ. ދެން ނުވާހާ ވަރުން ފޫގަޅައިގެން އެޗްޑީސީން އުޅުމަށް ވުރެ އިސްތިއުފާ ދީފަ ކަން ކުރެވޭ ބަޔަކަށް ޙަވާލު ކުޅައުން މޮޅު އިތުރެވެ.
މައިހާ
22 March 2022
މަ ބުނަންއޮތްއެތިބޮޑު. ބަލަ ތަޅާބޭރުކުރާ ކުނިބުނި އުކަންޖެހެނީ ސަރުކާރަށްތަ؟ އަހަރެމެންވެސް ފައިސާދީގެން ތިކަންކުރަނީ.
ސަރީފާ
22 March 2022
ހިޔާފުލެޓް ގެ މަސައްކަތްކުރާ މީހުން އުކާލާ ކުނިތަށް އެޗްޑީސީއިން ގަވާއިދުން އުކާލާނަމަ ކޮއްމެދުވަހަކު ކޮއްމެވެސް އެއްގަޑިއަކު ހުއްނާނީ ހުސްވެފައި . ކުނިގަވާއިދަކުން ނުނަގާ. އެތަން ހީވަނީ ބޮޑުގޮޑެއްހެން.
ސަސި
22 March 2022
އެޗް.ޑީ.ސީގެ ވެރިން މަގާމުތަކުން އިސްތިއުފާ ދީނީމަ މާ ސަޅިވާނެ، ނުވާވަރުގެ ކަންކަމާ ހަވާލުވެގެން ތި އުޅެނީ