މާލޭ ސިޓީ ކައުންސިލާއި ޑަޗް ޑޮކްލޭންޑްސް އިންޓަނޭޝަނަލްއާ ދެމެދުވި އެއްއޯޔޫއެއްގައި ސޮއިކުރުމަށް ފަހު އެ ކުންފުނީގެ ސީއީއޯ ޕައުލް ވެން ޑީ ކޭމްޕާއި މޭޔަރު ޑރ. މުހައްމަަދު މުއިއްޒު ފޮޓޯ އަކަށް ހުއްޓިލައިގެން--
30 މާޗް 2022 - 22:55
23 comments
ފަޅުތަކެއްގައި ގެދޮރު އަޅައިގެން ތަރައްގީކުރާ ފްލޯޓިން ސިޓީގެ ޕާޓްނަރަކަށް ވުމަށް އެކަމާ ބެހޭ އެއްބަސްވުމުގައި މާލޭ ސިޓީ ކައުންސިލް ނެދަލޭންޑްސްގެ ޑަޗް ޑޮކްލޭންޑްސްއާ އެކު މިއަދު އެމްއޯޔޫއެއްގައި ސޮއިކޮށްފި އެވެ. ފްލޯޓިން ސިޓީ ތަރައްގީކުރާ ނެދަލޭންޑްސްގެ ޑަޗް ޑޮކްލޭންޑްސްއާ އެކު އެމްއޯއޫޔޫގައި ސޮއިކުރުމުގެ ބޭނުމަކީ މާލޭގެ ރައްޔިތުންނަށް ދިމާވެފައިވާ ބޯހިޔަވާހިކަމުގެ މައްސަލައަށް ކުޑަ ނަމަވެސް ހައްލެއް ހޯދައިދިނުން ކަމަށް ސިޓީ ކައުންސިލުން ބުންޏެވެ.
ސިޓީ ކައުންސިލުން ބުނި ގޮތުގައި ފްލޯޓިން ސިޓީ މަޝްރޫއުގައި ޕާޓްނަރެއްގެ ގޮތުގައި ކައުންސިލުން ބައިވެރިވީ ކައުންސިލްގެ 46 ވަނަ ރަސްމީ އާއްމު ޖަލްސާގައި ބައިވެރިވެވަޑައިގެންނެވި 14 ކައުންސިލަރުންގެ އިއްތިފާގުން އެ މަޝްރޫއުގައި ބައިވެރިވާން ހުއްދަ ދިނުމުންނެވެ.
މާލޭ ސިޓީ ކައުންސިލާއި ޑަޗް ޑޮކްލޭންޑްސް އިންޓަނޭޝަނަލްއާ ދެމެދުވި އެއްއޯޔޫއެއްގައި ސޮއިކުރުމަށް ފަހު އެ ކުންފުނީގެ ސީއީއޯ ޕައުލް ވެން ޑީ ކޭމްޕާއި މޭޔަރު ޑރ. މުހައްމަަދު މުއިއްޒު--
މޭޔަރު ޑރ. މުހައްމަދު މުއިއްޒާ ހަވާލާދީ ކައުންސިލްގެ ވެބްސައިޓުގައި ބުނެފައިވަނީ މާލޭގެ ރައްޔިތުންނަށް ދިމާވެފައިވާ ބޯހިޔާވަހިކަމުގެ މައްސަލައަށް ކިތަންމެ ކުޑަ ނަމަވެސް ހައްލެއް ލިބޭކަމެއްގައި މިހާރުގެ ކައުންސިލުން މަރުހަބާ ކިޔާނެ ކަމަށެވެ. މޭޔަރު ވިދާޅުވި ކަމަށް ކައުންސިލްގެ ވެބްސައިޓްގައި ބުނެފައި ވަނީ ކައުންސިލްގެ އެންމެ ބޮޑު މަސްއޫލިއްޔަތަކީ މާލެ މީހުންނަށް އަގުހެޔޮކޮށް ބޯހިޔާވަހިކަން ލިބޭނެ ފުރުސަތުތައް ހޯދައިދިނުންކަން މި އެމްއޯޔޫން ވެސް އެނގޭ ކަމަށެވެ.
"މޯލްޑިވްސް ފްލޯޓިން އައިލެންޑް" ތަރައްގީ ކުރަނީ މާލޭގެ އުތުރުން އޮންނަ ފަޅެއްގަ އެވެ. މާލެއިން ފަސް މިނެޓެއްހާ އިރު ތެރޭގައި ދެވޭ އެ ފްލޯޓިން ސިޓީގެ ގެތައް ހުންނާނީ އެކި ކުލަތަކުގަ އެވެ. ދެބުރިއަށް ހަދާ އެ ގެތަކުގެ މަތީގައި ޓެރަސް އެއް ހަދާނެ އެވެ.
ފްލޯޓިން ސިޓީގައި ސްކޫލާއި ހޮސްޕިޓަލާއި މޯލްގެ އިތުރުން ކައުންސިލާއި ސަރުކާރު އޮފީސްތައް ވެސް ހެދުމަށް ހަމަޖެހިފައިވެ އެވެ. އެ ސިޓީގައި މިޑްލް ރޭންޖުން ހައި-އެންޑްގެ ގެތައް ހުންނާނެ އެވެ. ގެތަކުގެ އަގު އުޅޭނީ ގާތްގަނޑަކަށް ދެ މިލިއަން ރުފިޔާގަ އެވެ. ފްލޯޓިން ސިޓީގެ އެ ގެތައް އިންސްޓޯލްމެންޓް އުސޫލުގެ އިތުރުން މޯގޭޖް އުސޫލުން ލޯނު ނަގައިގެން ގަތުމުގެ ފުރުސަތު ވެސް އޮންނާނެ އެވެ. އެ ސިޓީގެ ވަށައިގެން ދެ ރިސޯޓު ތަރައްގީކުރަން ހަމަޖެހިފައިވާއިރު ޔޮޓް މެރީނާއަކާއި ދުނިޔޭގެ ނަން މަޝްހޫރު ބްރޭންޑްތަކުގެ ރެސްޓޯރެންޓްތައް ވެސް އެ ސަރަހައްދަށް ގެންނަން ހަމަޖެހިފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސޮފަވަންސް
31 March 2022
މިހާރު އޮންނާނީ މޭޔަރުގެ ލިސްޓް ހަދަން ފަށައިފަ
ޔަހުޔާބެ
31 March 2022
މުއިއްޒު ތަނަކާ ގާތްވެއްޖެނަމަ ކޮރަޕްޝަންގެ ވަސް ވަރަށް ގަދަވާނެ
އެފައިސާ މިފައިސާ އިންތި
31 March 2022
އަންނި ޓީމު ޕީޕީއެމަށް ތާޢިދު ކުރާ ސަބަބު މިހިރީ ފެންނަން. މި ޕްރޮޖެކްޓުގަ ކޮރަޕްޝަން އެކުލެވޭވަރު ބަލާލަން ކެރޭނެ މުއައްސަސާއެއް މި ފަސްގަނޑުގަ ނެތީބާ؟
ސެލީ
31 March 2022
ފްލޯޓިން ސިޓީއަށް އެންމެ ބޮޑަށް ޖޯކު ޖެހީ ޕީޕީއެމް ކުދިން...
މާލޭ
31 March 2022
ކިހާވަރެއްގެ ކައްޓެއް މިފަހަރު ބުނާނީ
ބޮޑުމީހާ
31 March 2022
މުއިއްޒު އެއްބާރުލުން ނުދިންނަމަ ބުނާނެ މުއިއްޒުއާއި ހެދި ފްލޯޓިންގ ސިޓީވެސް ނެހެދުނޭ. މުއިއްޒު ތިހެދީ ރަގަޅަށް. ކިތަންމެ ވަރަކަށް އެއްބާރުލުން ދިނަސް މިސަރުކާރުގައި ބޯހިޔާވެހިކަން ހައްލުކުރުމުގެ ސިޔާސަތއް ނެތް. އިބޫ ސޯލިހުގެ އަމިއްލަ ވިޔަފާރިއަށް ގެއްލުންވާނެތީ
ނަޖްވާ
31 March 2022
މި އުޅެނީ ފައިސާގަޑެއްގެ ދަހިވެތި ކަމުގައި ކަމަށް ހާދަ ހީވެއޭ އިނގޭ! ކޮންމެވެސް ސަބު ކޮންޓެކްޓެއް ހޯދުމަށް ކަމަށް ބެލެވެނީ އިނގޭ! ކީކޭ ދެން އަޅެ ފަހެ ބުނާނީ!
ާއުނިމާ
31 March 2022
ސާބަހޭ ޑރ މުއިއްޒު ތިޔައީ ނަމޫނާ ލީޑަރެއް، މާލޭ ރައްޔިތުންނަށް ބޯހިޔާވަހިކަން ފޯރުކޮށްދެއްވުމަށް ތަފާތުގޮތްތަކުން ތިޔަ ކުރައްވާ މަސައްކަތް ބަލައިގަންނަން
މަކަރޭ
31 March 2022
ތީ މާލޭ ރައްޔިތުންގެ ލޮލުގާ އަޅުވާ އަދުނެއްތީ މިހާރު އެމަސައްކަތް ކުރަނީ އެޕްރޮޖެކޮޓުގެ ނާޖާއީސްފައިދާނަގަންވެގެން މުއިޒު އުޅޭނީ އަބަދުވެސް އެހެން
އޮނަރަބްލް އަފީފު ދީދީ
31 March 2022
ދައުލަތުގެ ބަޖޭޓްގެ %85 ސަރުކާރުން ހޭދަކުރަނީ މާލޭގެ ބިންވެރިންގެ މަސްލަހަތަށް. # މި ޕްރޮޖެކްޓްގެ އިތުރަށް މިވަގުތު ކ.އަތޮޅު މާލޭގައި ދައުލަތުން ހިންގާ ބޮޑެތި ޕްރޮޖެކްޓްތަކަށް ބަލާނަމަ 3 ބިލިޔަން ޑޮލަރުގެ އެއަރޕޯޓް ޑިވޮލޯޕްމަންޓް ޕްރޮޖެކްޓާއި 800މ ޑޮލަރުގެ ބްރިޖް ފަދަ އެތައް ކަމެއް ހިންގަމުންދާއިރު ރާއްޖޭގެ އެންމެ ބިންބޮޑު އައްޑޫސިޓީ އާއި ލ.އަތޮޅު ފަދަ ރަށްރަށުގެ ރައްޔިތުނަށް ސާފުބޯފެނާއި ނަރުދަމާގެހިދުމަތް ސަރުކާރުންދީފައިނެތް. މިއީ އިންސާފުތޯ؟!
ާއުނިމާ
31 March 2022
ޖަޒީރާ ދިރިއުޅުމުގަ އެހެންވެސް ވާނެ
ދެން ދޯ
31 March 2022
އަނގައޮތިއްޔާ ކިއިދާނެ އަފީފުއްދީންމެން ކޯންޗެއް ކިޔަވައިގެންތޯ ތިޔައުޅެނީ، މަށައްދައްކަބަލަ ކެޕިޓަލްސިތީތަކާ މެޓްރަޕޮލިޓަންސިޓީތަކާ އެގައުމެއްގެ ރޫރަލް އޭރިއާ އެއްފެންވަރެއްގައި ހިނގައި ނުވަތަ ސާރވިސްތަށް ލިބޭ ގައުމެއް، އަފީފަށް ބޭނުންވާ ޚިދުމަތް ތިޔަތަނުން ނުލިބެންޏާ އަފީފްވެސް ދާންވީނޫންތޯ ލިބޭތަންތަނަށް، މީގަ ހެޔޮއެއްގޮތްވެސް ނެތީއޭ
އިސްޙާޤު.
31 March 2022
ދެން ދޯ އަށް އަފީފު ދީދީ އަށް ވުރެން މޮޅަށް އިގެނީ ކަމަށް ވެދާނެ. އެކަމަކު އެކަމަކު އިންޑިޔާ އިން ފެށީގެން އެމަރިކާ އާއި ޖެޕާނަށް ބެލިކަމުގައިވިޔަސް ވެރިކަން ކުރާ ރަށަށްވުރެން އެތައް ހާސް ގުނައެއް ރަނގަޅު ސިޓީ ތައް އެ ޤައުމު ތަކުގައި އެބަހުރި. އަދި މިއިން އެއްވެސް ޤައުމަކީ ތިޔަ ބުނާ ރޫރަލް އޭރިއާ ތަކުގައި އުޅޭ މީހުނަށް ދޭންޖެހޭ އަސާސީ ހިދުމަތުން ރައްޔިތުން މަޙުރޫމުކޮށް ދައުލަތުގެ ޙަޒާނާ ވެރިރަށުގެ މީހުނަށް ތަޅާ ބުރުއްސާ ދައުލަތް ތަކެއްނޫން.
ައަލީ .
31 March 2022
ދެން ދޯ ތިޔަ ބުނާ ފަދަ ގޮތަކަށް ކަންއޮތް ޔޫރަޕްގެ 10 ޤައުމު ދައްކަބަލަ. އަދި އެ ދިހަ ޤައުމަކީ ވެރިރަށަށްވުރެން އެހެން ހުރިހާ ރަށެއްގެ ހާލު ދެރަ 10 ޤައުމުކަން ސާބިތުވާ ފަހަ ހެކި ދައްކަބަލަ. ޔޫރޮޕްގެ ވާހަކަ މި ދެއްކީ ތިއީ ވަރަށް މޮޅަށް ކިޔަވައިގެން ހުރި މީހެއްކަން ބުނާ ފަދަ ގޮތަކަށް ކޮމެންޓް ކޮށްފައިވާތީ ދެން ދޯ ކިޔެވީވެސް ޔޫރޮޕްގެ ޤައުމަކުން ކަމަށް ދެކޭތީވެ.
މުހައްމަދު ޝާހް، ވާދޫ
30 March 2022
ފަޅެއްގަ ފްލޯޓިން 2 ނުވަތަ 3 ބުރި ތަނެއް އެޅުމަށްވުރެ، ތިފަޅު ހިއްކައިގެން 14 ވަރަކަށް ބުރިއަށް މާ އުސްކޮށް އިމާރާތް ކޮށްގެން މާގިނަ ބަޔަކަށް ބޯހިޔާވަހިކަން ފޯރުކޮށްދެވޭނެ ނޫންބާ؟ ރައްޔިތުންގެ ފައިސާ ރެކޯޑުހަދަން ބޭކާރުކުރުމަށްވުރެ އެހެން ފައިދާވާނެ ގޮތަކަށް ބޭނުންކުރުން މުހިންމު.
އަލީބެ
31 March 2022
ފްލޯޓިން ސިޓީއަކީ ދުނިޔޭގެ ޗާޓުގައި ރާއްޖެ ފާހަގަވެގެންދާނެ އަދި މީހުނަށް އަގުހެޔޮކޮށް މޫދުކައިރީ ދިރިއުޅުމުގެ ފުރުސަތު އަދި ބަދިގޭގަހުރެގެން މަސްބޭނުމުގެ ފުރުސަތު ފަހިވެގެންދާނެ ޕްރޮޖެކްޓެއް. ރާއްޖޭގެ މާހައުލާގުޅޭ ތަފާތު ވައްތަރުތައް ހުރުމަކީ ދިވެހިރާއްޖޭގެ މަގުބޫލުވެގެންދާނެ ސަބަބެއް.
ދޮންބެއްޔާ.
31 March 2022
ދުނިޔޭގެ ޗާޓްގައި ތިއަސްވުރެން ރަނގަޅަށް ދިވެހިރާއްޖެ ފާހަގަ ކުރެވިދާނެ އެންމެ އަގުބޮޑޫ ރިސޯޓްހުރެ 5 ލައްކަ މީހުންގެ ތެރެއިން 3 ލައްކަ މީހުން ގުއިވަޅުން ފެންބޮއެ ނަޖިސްފެނުން ފެންވަރާ ޤައުމުގެ ގޮތުގައިވެސް. އަދި ތިޔަ ދިވެހިރާއްޖެ އަކީ ދެކުނު އޭޝިޔާގައި އޮތް ނަސްލީ ތަފާތުކުރުން އޮތް ހަމައެކަނި ޤައުމުގެ ގޮތުގައިވެސް ފާހަގަ ކުރެވިދާނެ ނޫންތޯ؟ މިއީ ވަކި ދެރަ ޝަރަފެއް ނޫން.