ލަންކާގައި ބުރާސްފަތި ދުވަހުގެ ރޭ ކުރި މުޒާހަރާގައި ފުލުހުންނާއި އާއްމުން ކުރިމަތިލަނީ. --ފޮޓޯ:އޭއެފްޕީ
02 އެޕްރީލް 2022 - 07:51
7 comments
ކޮލަމްބޯ (އެޕްރީލް 1) - ސްރީ ލަންކާގައި ހަމަނުޖެހުން ބޮޑުވުމާ ގުޅިގެން ކުއްލި ހާލަތު އިއުލާންކޮށްފި އެވެ.
ކުއްލި ހާލަތު އިއުލާން ކުރަން ރައީސް ގޯޓާބޭ ރާޖަޕަކްސާ ނިންމެވީ ތަކެތީގެ އަގުބޮޑުވެ ތެޔޮ ނުލިބި، ދުވާލަކު 13 ގަޑިއިރަށް ކަރަންޓް ކަނޑަން ނިންމުމާ ގުޅިގެން، އެމަނިކުފާނުގެ ގެކޮޅުގެ ކައިރީގައި ބުރާސްފަތި ދުވަހުގެ ރޭ މުޒާހަރާކުރަން ފެށުމާ ގުޅިގެންނެވެ. ކޮލަމްބޯގެ ހިމެނޭ ގޮތަށް ބޮޑު ސަރަހައްދެއްގައި އެރޭ ވަނީ ކާފިއު އިއުލާންކޮށްފަ އެވެ. އަދި ހުކުރު ދުވަހު ހެނދުނު ކާފިއު އުވާލުމަށް ފަހު ރޭ އަނެއްކާވެސް ވަނީ ކާފިއު ހިންގައިފަ އެވެ.
ކުއްލި ހާލަތު އިއުލާންކުރުމާ ގުޅިގެން، ހަމަނުޖެހުން ހިންގަން އުޅޭކަމަށް ތުހުމަތު ކުރެވޭ މީހުން ހިފައި ހައްޔަރުކޮށް، ދިގު މުއްދަތެއްގައި ބޭތިއްބުމުގެ ބާރު ސަލާމަތީ ފަރާތްތަކަށް ލިބިގެންވެ އެވެ.
"ކުއްލި ހާލަތު އިއުލާންކުރަން ޖެހުނީ އާއްމުންގެ ރައްކާތެރިކަން ކަށަވަރު ކުރުމަށާއި އަސާސީ ޚިދުމަތްތަކަށް ބުރުލެއް ނާރަ ފޯރުކޮށްދިނުމަށް،" ކުއްލި ހާލަތު އިއުލާން ކުރުމަށް ނެރުއްވި ބަޔާނުގައި ގޯޓާބޭ ވިދާޅުވެފައިވެ އެވެ.
މިއީ 1949 ވަނަ އަހަރު ސްރީ ލަންކާ މިނިވަންވީ ފަހުން އެ ގައުމުގެ 22 މިލިއަން މީހުން ތަޖްރިބާކުރަމުންދާ އިގްތިސާދީ އެންމެ ހިތްދަތި ދުވަސްވަރެވެ. ބޭރުން ތެޔޮ ގަންނަން ބޭރު ފައިސާ ލިބުން ދަތިވުމުގެ ސަބަބުން ބުރާސްފަތި ދުވަހުން ފެށިގެން ދުވާލަކު 13 ގަޑިއިރަށް ކަރަންޓް ކަނޑަން ވަނީ ފަށައިފަ އެވެ. މާޗު މަހު ތަކެތީގެ އަގު ވަނީ 18.7 ޕަސެންޓް ބޮޑުވެފަ އެވެ. މިއީ ޖެހިޖެހިގެން ތަކެތީގެ އަގު ބޮޑުވި ހަތް ވަނަ މަހެވެ. ކާބޯތަކެތީގެ އަގު މާޗު މަހު ވަނީ 30.1 ޕަސެންޓް ބޮޑުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮބާ.. ޚޮބާ
03 April 2022
ރާއްޖޭގެ ޓޫރިޒަމް ގެ %30 ހިއްސާ އޮތީ ލަންކާ މީހުން އަތުގަ..ޜާއްޖެ އަށްމުދާ ގެންނަ ހުރިހާބޯޓް ތަކެއްގެ އެޖެންޓްކަން ނަގައިގެން މިލިއުން ޑޮލަރު ނަގާއިރު،..ހުރިހާ އިންޓަރނޭޝަނަލް ކޫރިއަރ އެއްގެ ކޮންޓްރޯލް އެމީހުން އަތުގައި..ތިން ބޭންކް .. އެޗް އެސް ބީ ސީ،/ ބީއޯސީ، /ސީ ބީ އެމް...ބޮދެތި ކުންފުނި ތަކުގެ އެކައުންޓެންޓުންނަށް އެމީހުން..ޕިއްޒާ ކާނާ އާއި ބޯނާވެސް...
ޔާލޫ
02 April 2022
ދަހިވެތި ޢާއިލީވެރިކަމަކާއިހުރެ ލަންކާގެ ދުވަސްހިނގައްޖެއެވެ. ވެރިކަމުގެދައުރުގެ ބާކީދުވަހެއްއޮއްވައި ތިޔަކާފިޔު އުފުލާނެބާ؟
ޑައޮޜީ
02 April 2022
7 ބިލިޔަން ޑޮލަރު ދައްކަންޖެހޭ ލޯނަ މިއަހަރު އެކަނިވެސް. ފޮރިން ރިސޯވު 80% ހުލިވެއްޖެ. ޑޮލަރެއް ނެއި ޒަރޫރީ ބޭނުންތަކަވެސް ( ހަޑޫ، ހަކުރު، ޕެޓްރޯލް ). ކަރަޕްސަން އިންތިހާއައް. ޢިންޑިޔާ ކުރެޑިޓް ލައިނެއް، ނޫނީ ޗައިނާއަތުން އިތުރުލޯނެއް ނުލިބިގެން ލަންކާ އެއުޅެނީ. ޢިންޓަނެސަނަލް މަޓިޓަރީ ފަންޑައްވެސް ދަރާފަ. ދިވެހިން ވިސްނާތި، މިދުވަސް އަހަރުންނާ ލައިގަންނާކަ މާގިނަދުވަހެއްނެއި.
މަރުމަތީ ކަސުން ގަޔާން
02 April 2022
މަރަށް ބިރުގަންނަ ވެރީން އާންމު ރައްޔިތުން ބަނޑަށް ޖެހުނަސް ބޯޑަރު ހުޅުވާނުލާނެ. ބޭރު ފައިސާ ވަނުން ހުއްޓޭނެ. ލަންކާގެ ވެރިކަމާއި ޗައިނާ ހަވާލުވާކަށް މާ ދިގު ދަތުރެއް ނުކުރާނެ. އެހިސާބުން އެފެށުނީ އިންޑިއާ ޗައިނާގެ ކޯޅުން.
ޙިނި
02 April 2022
ޜާއްޖެވެސް މީ ހުރިހާ އެއްޗެއް އިންޕޯޓުކުރާ ގައުމެއް، ޕުރޮޖެކްޓުތައް ހިންގަން ބިލިޔަނުން ލޯނުނަގައިގެން \ ހަމައިންނައްޓައިގެންގޮސް ރާއްޖެވެސް މިހާލަތައް ވެއްޓިދާނެ. ޅޯނުނެގުމުގަ ލިމިޓެއް ހަމަޖެހެންޖެހޭ، ޗެކްއެންޑް ބެލެންސް ސިސްތަމެއްް އޮވޭތޯ ލޯނުނެގުމުގައި؟ ރައީސް އަކައް ހުންނަމީހާ ޢީގޯ ބޫސްޓު ކުރަން ބޯޑެތި ލޯނުތައް ނަގައިގެން ރައްތިތުން ދަރާވިކޭކައް ބޭނުމެއް ނޫން.
ގޯޓާގޯހޯމް
02 April 2022
ކުއްލި ހާލަތު އިއުލާނު ކުރީ 3 އޭޕްރީލް ގަ މި ގައުމުގަ ބޮޑު މުޒާހަރާ އެެއް ކުރަން އުޅޭތީ. ދޮގު ހެދުން ނޫން ކަމެއް ރާޖަޕަކްސާ ގެ އާއިލާ އިން. މީ ހަމަ އާއިލީ ވެރިކަމެއް ރާއްޖެ އަށް ވެސް ޖެހުނީ މި ބަލި. ދަންވަރެއް ހެނދުނެއް ބެލުމެއް ނެތި ކަރަންޓު ކަނޑާލާ. ކިޔެވެނީ ކީވެސް ނޫން. ވަބާ އެއް
ރަދީފު ބިން ރަފައިދާ
02 April 2022
ކުއްލިހާލަތެއްނޫން އިއުލާނުކުރަންވީ. އިސްތިއުފާ ދޭންވީ.