މާރުކޭޓުގައި ބަޔަކު ލުނބޯ ގަންނަނީ-- ފޮޓޯ: ނިޝާން އަލީ/މިހާރު
03 އެޕްރީލް 2022 - 12:29
12 comments
ރާއްޖެ އަށް އާންމުކޮށް ލުނބޯ ގެންނަ ވިއެޓްނާމުން ލުނބޯ ޝިޕްމަންޓެއް ގެނެސްފައިވާ ކަމަށާއި މިއަދުގެ ވަގުތެއްގައި ބާޒާރަށް ނެރޭނެ ކަމަށް ބައެއް ވިޔަފާރިވެރިން ބުނެފި އެވެ.
"ބުރާސްފަތި ދުވަހު ބޯޓު ވަދެއްޖެ. އެކަމަކު ދެން ޖެހިގެން އައީ ބަންދު ދެ ދުވަސް ކަމަށް ވާތީ ނެރެވޭ ގޮތް ނުވީ. މިއަދުގެ ވަގުތެއްގައި އެ ލުނބޯ ބާޒާރަށް ނެރޭނެ،" ވިޔަފާރިވެރިޔަކު ބުންޏެވެ.
މާލޭ ބާޒާރުމަތީގައި ފިހާރައެއް ހިންގާ ވިޔަފާރިވެރިއަކު ބުނީ ލުނބޯގެ އަގު އުފުލިފައިވަނީ އެކި ގައުމުތަކުން ލުނބޯ ގެނެވޭގޮތް ނުވެގެން ކަމަށެވެ. އޭނާ ބުނީ އިންޑިއާ އާއި ބަންގްލަދޭޝް އިން ވެސް ވޭތުވެދިޔަ ދެ ދުވަހުު އެއާފްރައިޓްކޮށް ލުނބޯ އެތެރެކުރި ކަމަށެވެ.
"އެއާފްރައިޓްކޮށް އިންޑިއާ އިން އެތެރެކުރި ލުނބޯގެ އަގު ވެސް ވަރަށް ބޮޑު. ބަންގްލަދޭޝްގެ ލުނބޯ މީހުންނަށް ކަމަކު ނުދިޔަ. އެހެންވެ އަގަކަށް މާ ބޮޑު ބަދަލެއް ނައި،" އޭނާ ބުންޏެވެ.
މާލޭ ބާޒާރުގައި ލުނބޯގެ އަގު މިއަދު ވެސް ހުރީ ކިލޯއެއް 100ރ. އިން މަތީގަ އެވެ. އެއީ އާންމުކޮށް 35ރ. އަށް ކިލޯއެއް ލިބެން ހުންނަ އެއްޗެކެވެ.
"އަޅުގަނޑުމެން މި ބަލަނީ މިއަދު މެންދުރުފަހު ލުނބޯ ކިލޯއެއް 60ރ. ވަރަށް ވެއްޓޭނެ ކަމަށް،" އޭނާ ބުންޏެވެ.
ބާޒާރުގައި ފާއިތުވި ދެ ހަފުތާއިން ފެށިގެން ލުނބޯ ކިލޯއެއްގެ އަގު އުޅެނީ 120ރ.-150ރ. އާ ދެމެދުގަ އެވެ.
އާއްމުކޮށް ރާއްޖެ އަށް ލުނބޯ އެތެރެ ކުރަނީ އެފްރިކާގެ ބައެއް ގައުމުތަކާއި އިންޑިއާ އާއި ލަންކާ އާއި ވިއެޓްނާމުންނެވެ. ލަންކާ އާއި އިންޑިއާއިން ލުނބޯ ލިބުމުގައި ދަތިތަކެއް ހުރި ކަމަށް ވެސް ވިޔަފާރިވެރިން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކިމް
03 April 2022
ލިބުން ދަތިވީމަ އެތެރިކޮށްފަ ހުންނަ އެއްޗެހީގެ އަގު އުފުލަނީ އެއީ ރަނުން ކޯޓެއް ލެވޭތީތަ އަޅެފަހެ
އޮށެއް
03 April 2022
ބިސްވެސް ވިއެޓުނާމުން ގެނެވޭތޯ ބަލަންވީ، މޯދީމެނަށް މާބޮޑަށް ބަރޯސާވެވޭތީ މިހެންމިވަނީ.
ކޮލިޗިން
03 April 2022
ކޮޗިންފެރީގަ ހަމަ އެކަނި އުފުލޭނީ އެއްކޮޅަށް މީހުން. އެވެސް އިންޑިއާއިން ރާއްޖެއަށް، އާއްމުނެއްނޫން. ލޮލް
ާއަލިމޯޑު
03 April 2022
އެކަމަކު އެމްޕީއެލް ވެރިން ލައިވް ނިއުސްކޮންފަރެންސް ބާއްވާފަ ބުނި ތިމަންނަމެން އިސްކަންދެނީ ޕެރިޝަބަލް ގުޑްސް އަށޭ.އެހެންވެދޯ ބުރާސްފަތި ދުވަހު އައި ޝިޕްމަންޓް ކްލިއާ ނުކުރެވުނީ ވީކެންޑް ވީމަ
ރާއްޖެ
03 April 2022
ކޮބާހޭ ކޮޗިން ފެރީ. ތަކެތީގެ އަގެއް ހެވެއް ނުވެޔޭ. ކޮޗިން ފެރީ ފެއްޓީމަ އަގު ހެޔޮވާނެ އޭ ބުނީ.
ބުނެބަލަ
03 April 2022
ދިވެހިންނަކަށް ބަންގްލާދޭޝް ލުނބޯ ކަމަކުނުދިޔަ، އެހެންވެ، މޯޑީ ކައިރީ ބުނެބަލަ ވެކްސިން ދިންހެން، ދިވެހިންނަށް ލުނބޯ ހުސްނުވެ ލިބެން ހުންނާނެ އިންތިޒާމެއް ހަމަޖައްސާދޭށޭ. އެހެންވެޔޭ އަހަރުން މިގޮވަނީ "އިންޑިޔާ އައުޓް"
ކޮރަލް
03 April 2022
ދަނޑުވެރިކަމާ ބެހޭ ސާމާނާއި އަދި ތަޖުރިބާކާރެއް ރާއްޖޭގެ 4 ސަރަހައްދެއްގަ ބަހައްޓަން ވީ އެވެ. 100 ރުފިޔާ އަށް ލިބޭ ގަސް ކާނާ ބަސްތާ އެއްގަންނަން މާެ އަންނަން 3000 ރުފިޔާ އެބަ ހަރަދު ވެ އެވެ. ރާއްޖޭގެ އާބާދީ އަށް ބޭނުން ވާ ވަރަަށް ހެއްދޭނެ އެއްޗެހި ބައިވަރެވެ. ދެން ރޯދަ މަހު އިސްރާފް ނުކުރަން ވީ އެވެ. އުކާލަން ޖެހޭ ވަރަށް ކާއެއްޗެހި ނުހަދަން ވީ އެވެ.
ނިޒާމް
03 April 2022
ފާނާވާ ޒާތުގެ ކުނިން ކާދުތައްޔާރުކުރަމާ ބަހީ
އެމްސް
03 April 2022
ލުނބޯ ކިލޯ އެއްގެ ޢާއްމު އަގަކީ -/20 ރ
ހަމް67
03 April 2022
ލެމަން ފުޅި ގަނެގެން ހެދިކާ ހަދާއިރު އަޅާބަލަ. ނުޖެހޭނެ 100އައް ގަންނާކައް
ގުލްޒާރު
03 April 2022
ޝުކުރިއްޔާ ޝިޕުމެންތުގެނައިފަރާތަށް.