ރޯދަމަހު މާލޭގައި މުދާ އުފުލޭނެ ގަޑިތަކެއް ކަނޑައަޅައިފި

މުދާ ބަރުކޮށްފައިވާ ޕިކަޕަކުން ބަޔަކު ފިހާރައަކަށް މުދާ ބާލަނީ: މި ރޯދަ މަހު މާލޭގައި މުދާ އުފުލަން ވަކި ގަޑިތަކެއް ސަރުކާރުން މިހާރު ވަނީ ކަނޑައަޅައިފައި -- ފޮޓޯ: ނިޝާން އަލީ | މިހާރު

އިފްރާޒް އަލީ، މިހާރު

04 އެޕްރީލް 2022 - 11:09

9 comments

މި ރޯދަ މަހު މާލޭގައި ވިޔަފާރި މުދާ އުފުލަން ވަކި ގަޑިތަކެއް ޓްރާންސްޕޯޓް މިނިސްޓްރީން އިއްޔެ ކަނޑައަޅައިފި އެވެ.

ޓްރާންސްޕޯޓް މިނިސްޓްރީން ކުރި އިއުލާނެއްގައި ބުނީ ހަ ރޯދަ ނިމެންދެން، މާލޭގައި ވިޔަފާރި މުދާ އުފުލޭނީ ހެނދުނު 9:00 އިން ހަވީރު 4:30 އަށް އަދި ރޭގަނޑު 8:00 އިން ހެނދުނު 6:00 އަށް ކަމަށެވެ.

ހަވީރު 4:30 އާއި ރޭގަނޑު 8:00 އާ ދެމެދު އެއްވެސް ބާވަތެއްގެ މުދަލެއް، ވިޔަފާރި އުސޫލުން، ގަނޑުކޮށް އުފުލުން މަނާވާނެ ކަމަށް ވެސް އެ އިއުލާނުގައި ބުންޏެވެ.

ހެނދުނު 9:00 އިން ހަވީރު 4:30 އަށް އަދި ދަންވަރު 1:00 އިން ހެނދުނު 6:00 އަށް ސިނަމާލެ ބުރިޖުން، މުދާ އުފުލޭނެ އެވެ. އަދި އެ ވަގުތުތަކުގައި އުޅަނދުތައް ބްރިޖަށް އަރަން ޖެހޭނީ މާލެ ދެކުނުފަރާތުން ބޮޑުތަކުރުފާނު މަގުންނެވެ.

ހެނދުނު 9:00 އިން ހަވީރު 4:30 އަށް އަދި ރޭގަނޑު 8:00 އިން ހެނދުނު 6:00 އަށް ފެނާއި ކައްކާ ގޭސް ވެސް ސިނަމާލެ ބްރިޖު ހުރަސްކޮށް ގެންދެވޭނެ އެވެ.

ވަޅޯމަސް މާރުކޭޓު ސަރަހައްދުން ޕިކަޕަކަށް ކަރާ ބަރުކުރަނީ: މި ރޯދަ މަހު މާލޭގައި މުދާ އުފުލަން ވަކި ގަޑިތަކެއް ސަރުކާރުން މިހާރު ވަނީ ކަނޑައަޅައިފައި -- ފޮޓޯ: ފަޔާޒް މޫސާ | މިހާރު

އެ އެންގުމާ ހިލާފުވާ ފަރާތްތަކަށް އެއްގަމު ދަތުރުފަތުރުގެ ގާނޫނުގެ ދަށުން ފިޔަވަޅު އަޅާނެ ކަމަށް ވެސް މިނިސްޓްރީން ބުންޏެވެ.

އާންމުކޮށް ކޮންމެ ރޯދަ މަހަކު ވެސް މާލޭގެ މަގުތަކުގައި ޓްރެފިކް ވަރަށް ބާރުބޮޑުވެ އެވެ. އެހެންވެ، މަގުތަކަށް ތޮއްޖެހުން ކުޑަކުރުމުގެ ގޮތުން ޓްރާންސްޕޯޓް މިނިސްޓްރީން ކޮންމެ އަހަރަކު ވެސް ވިޔަފާރި މުދާ އުފުލަން ވަކި ގަޑިތަކެއް ކަނޑައަޅަ އެވެ.

ރޯދަ މަހު އެންމެ ބާރުބޮޑުވާ މާލޭގެ މާރުކޭޓް ސަރަހައްދުގެ ޓްރެފިކް މެނޭޖްކުރުމުގެ ގޮތުން، ކޮންމެ ދުވަހެއްގެ މެންދުރު 1:00 އިން އިރުއޮއްސި 6:00 އަށް، އެ ސަރަހައްދަށް ހަތަރު ފުރޮޅުލީ އުޅަނދުތަކަށް ނުވަދެވޭ ގޮތް ފުލުހުން ވެސް ވަނީ ހަދައިފަ އެވެ.

މާލެ ޓްރެފިކް ޓްރާންސްޕޯޓް މިނިސްޓްރީ ރޯދަ މަސް 2022

9 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބުލް ވަކައޮޅި ތުއްތު

05 April 2022

ކޮނމެކަމެއްވެސް ސިޔާސީ ކޮއްލެވުނީމަ ހުރިހާ ކަމެއްވެސް ހައްލުވާނެ. ފުޅާމިނުގަ 6-7 ފޫޓު ގެ ގޯލި ތަކެއްތެރެއަށް ކަސްޓަމް ސަރަހައްދު ބޮޑުލޮރީ ނުވެއްދިގެން ބަޔަކު އެބަ ތެޅިފޮޅޭ! ނަހުލާ ހެޔޮނުވާނެ އެކަމައް ހުއްދަދީބަލަ! ގުދަންގަނޑެއް ހިފިޔަސް އެންމެ ހިމަގޯޅި ބަލާފަ ހިފާފަ ހުންނާނީ! ދެން އެތަނަށް ބޮޑުލޮރީ ދުވާލަކު 6 ގަޑިއަށް ޖެހޭނެ ވައްދާނެރެން! ހުރިހާ ގުދަން ސިޓީތެރޭން ބޭރު ކޮށްފަ މުދަލުގެ އަގު ކޮންޓޮރޯލް ކޮށްލާހާ ގަޓު ހުރި ސަރުކާރެއް ބޭނުންވަނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތު ފުޅު.

05 April 2022

އޭއި އަދި ކަލޭގެ ގުދަން ބޮޑު އަގުގައި ކުއްޔަށް ހިފަންޖެހޭނެ ކަމަށް ވެސް ނަހުލާ ކާރީގައި ބުނެގެން ޤަވާއިދު ހަދާބަލަ. މާލޭ މީހުން މީ ކިހިނެއް ވެގެން އުޅޭ ބައެއްތަ ؟ ކަލޭމެނަށް ބޭނުންވާ ވަރަށް ފައިސާ ނުލިބެނީނަމަ ލިބޭ ފައިސާއަށް ދިރިއުޅެވޭ ވަރު ރަށަކަށް ބަދަލުވާންވީނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

04 April 2022

އިޤްތިސޯދާއި ގުޅުންހުރި މިފަދަނިންމުންތައް މަޝްވަރާކުރުމެއްނެތި ހަމައެކަނި ޓްރާންސްޕޯޓް ވަޒީރަކަށް ހުންނަމީހަކަށް ނިންމިގެންނުވާނެ. # ބާޒާރުމަތީ މަގުތަކަކީ ބައެއްމީހުން ދުވާ ޓްރެކެއް އަނެއްބަޔަކު ހަވީރުފިންޏަށް ބުރިޖަހާތަނެއް ދެންތިބިބަޔަކު މާކަނާއަށްކާންދޭންދާ ޕާކެއް ފަދަ ތަނެއްކަމަށް ހީކޮށްގެން ނުވާނެ. # ބާޒާރު ސަރަޙައްދަށް ޕްރައިވެޓް ކާރުތަކާއި ސައިކަލް ވަނުން މަނާކޮށް ޑްރައިވަރުނެތި އެއްވެސް އެއްޗެއް ޕާކްކޮށްފިނަމަ ޓޮވް ކުރަން ހަމަޖައްސަބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބުލް ވަކައޮޅި ތުއްތު

05 April 2022

ބަލަ ސައިކަލާ ކާރާ ނުވައްދާ ވީ މުދާ ޖަހަޖަހަ ތިބެންތަ..؟ ދެން ކޮންބައެއްބާ އެ މުދާ ގަންނަންދަނީ..؟ ދުނިޔޭގެ އެހެންތަންތާވެސް ރީ-ސްޓޮކް ކޮށް ހަދަނީ ޓްރެފިކް މަދުވާ ގަޑިތަކުގަ. މި ނިނމުމުގަ ނެތް ގޯހެއް! މަށަށް ދެރައީ ރޯދަމަހަށް އެކަނި މިކަންކުރާތީ، ދާއިމީކޮށް ވެސް މިހެން ހަދަންވީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަން ކުރުސީ

04 April 2022

ތިޔަކަން ޔާމީނު ކުރީމަ ގޯސްވެގެން ފޯރި އެރުވި ހަދާންވޭބާ މިހާރު ވެރިކަމުގައި ތިބި ކުދިންކޮޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

04 April 2022

ބޮޑުބެރަށާއި ބަބުރު ލަވައަށް ފައިހަމަކޮށް ނަށުމާއި ޒިންމާދާރު ރައްޔިތުނާއި ގުޅުންހުރި ސަރުކާރުގެ އިދާރާއެއް ހިންގުމާއި މުޅިން ތަފާތު ވާނެ. # މިވަރުވާއިރު މާލޭ ބާޒާރުގައިހިންގާ ވިޔަފާރި ރެޖިސްޓްރީ ކޮށްފައިވާ ވުޒާރާގެ ވަޒީރު ކޮބާތޯ؟ ބާޒާރަކީ ހަވީރު "ފިނިބުރުޖަހަން" އޮތް ސަރަޙައްދެއްކަމަށް ނަހުލާއަށް ކަޑައެޅެނީ ކޮން އުސޫލަކުންތޯ. # ބާޒާރު މައްޗަށް ހެދުނު 8:00 އިން ރޭގަނޑު 1200 އަށް ވަނުން މަނާ ކުރަންވީ ކާރާއި ސައިކަލް ތަކެއް ނޫންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިނގާމީހާ

04 April 2022

މާލޭގަ ސައިކަލް ދުއްވުން ކޮންޓްރޯލްކުރެވިއްޖިއްޔާ ރަނގަޅު. މިހާރު އިކޮޮނޮމީއަށް ވެސް ތިއޮއް އަސަރުކުރަނީ. ތިޔަ ސަރަހައްދަކީ ސައިކަލް ނުވަދެވޭ ސަރަހައްދަކަށް ވެއްޖިއްޔާ ވާނެ އަމާންކަން މާ ބޮޑުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޯޒަސް

04 April 2022

ކީއްވެ ހެނދުނު ނުވަޔަކުން؟ ހެނދުނު ހަޔަކުން ދޭޏްވީނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަބީބު.

04 April 2022

ތިޔައިސްލާހައް އަދި އަކުރެއް އިތުރުކުރަންޖެހޭ އެގަޑިތަކުގަ ކުދިޕިކަޕު ފިޔަވާ ބަރުބޮޑެތި ޕިކަޕު ދަތުރުކުރުން މަނާކުރަންވީ ކުދިޕިކަޕުތަކަކީ ވަރައްބޮޑައް އާންމުދިރިއުޅުމާ ގުޅިފަވާ އެއްޗެއް