ޓްރީ ޓޮޕްގައި ކުދިން ނިންދަވައިގެން އީއީޖީ ޓެސްޓް ހަދައިދެނީ

ޓްރީ ޓޮޕް ހޮސްޕިޓަލްގައި ބޭހުން ކުޑަކުދިން ނިންދެވުމަށް ފަހު އީ.އީ.ޖީ ޓެސްޓު ހެދުމުގެ ހިދުމަތް ފޯރުކޮށްދެ އެވެ. އީއީޖީ ޓެސްޓު ނުވަތަ އިލެކްޓްރޯ އިންސެފެލޯގްރޭމަކީ ސިކުނޑީގެ ކަރަންޓު ދައުރުވާގޮތް ފާހަގަކުރާ ޓެސްޓެކެވެ. މި ޓެސްޓު ހަދަނީ ބޮލުގައި ހަރުކުރާ ކުދި ސެންސަރުތަކެއްގެ އެހީގަ އެވެ. ސިކުނޑީގެ އެކި ބަލިތައް ދެނެގަތުމަށާއި ބައްޔަށް އަވަސް ފަރުވާ ހޯދުމަށް އީއީޖީ ޓެސްޓުން ފަސޭހަކޮށްދެ އެވެ.

މި ޓެސްޓު ހަދަނީ ނިދާފައި އޮންނަ ވަގުތު ކަމަށް ވިޔަސް ބައެއް ކުދިންނަށް ނިދުމަކީ އުނދަގޫ ކަމަކަށް ވެދާނެ އެވެ. މިސާލަކަށް، އޯޓިޒަމް ނުވަތަ އޭޑީއެޗްޑީ ފަދަ ނަފްސާނީ ބަލި ހުންނަށް ކުދިންނަށް ޓެސްޓު ހަދާ ވަގުތު މަޑުން ހުރުމަށް ނޫނީ ނިދުމަށް އުނދަގޫތަކާ ކުރިމަތިލާންޖެހިދާނެ އެވެ. މިފަދަ މައްސަލަތައް ދިމާވާ ކުދިންނަށް ޓްރީ ޓޮޕް ހޮސްޕިޓަލުން، ބޭހުގެ އެހީގައި ނިންދެވުމަށް ފަހު މި ޓެސްޓް ހެދޭނެ އެވެ.

ނިދުމަށް މިދެވޭ ބޭހުގެ ސަބަބުން ރައްކާތެރިކަމާއި އެކު ކުއްޖާ ހަމަހިމޭންވުމަށް އެހީތެރިވެދޭނެ ކަމަށް އެ ހޮސްޕިޓަލުން ބުންޏެވެ. މިކަމާ ގުޅޭ އިތުރު މައުލޫމާތު ހޯއްދެވުމަށް 3351610 ގުޅުއްވާ ނުވަތަ [email protected] އަށް އީމެއިލް ކޮށްގެން ކުރިއަށް ގެންދެވޭނެ އެވެ.