ހިޔާ ޓަވަރެއްގެ ލިފްޓެއް: އެތަނުގައި ހަރުކޮށްފައިވާ ބައެއް ލިފްޓްތައް ކުއްލިއަކަށް ވަރަށް ބާރަށް ތިރިއަށްދާ މައްސަލަ ވަނީ ބޮޑުވެފައި-- ފޮޓޯ: އަހުމަދު އަވްޝަން/ މިހާރު
14 އެޕްރީލް 2022 - 13:43
90 comments
ހުޅުމާލޭ ދެވަނަ ފިޔަވަހީގައި އިމާރާތްކޮށްފައިވާ ހިޔާގެ އެކި ޓަވަރުތަކުގައި ހަރުކޮށްފައިވާ ލިފްޓްތައް ކުއްލިކުއްލި އަށް ސޮއްސާލައި، މީހުންގެ ހިތުގައި ބިރުވެރިކަން އުފެދެން ފަށައިފި އެވެ.
ހިޔާ ފްލެޓްތަކުގައި މިދިޔަ ސެޕްޓެމްބަރު މަހު މީހުން ދިރިއުޅެން ފެށީީއްސުރެ، ދޭތެރެދޭތެރެ އިން ލިފްޓަށް ެކި ކަހަލަ މައްސަލަތައް ދިމާވެ އެވެ.
އެކަމަކު، މިހާރަކަށް އައިސް ބައެއް ފަހަރު ކުއްލިއަކަށް ބަން ލައިފައި ތިން ހަތަރު ފްލޯ އަށް ވެސް ތިރިއަށް ކަހާލާ ކަމަށް ހިޔާ ފްލެޓްތަކުގައި ދިރިއުޅޭ ބައެއް މީހުން ބުނެ އެވެ. އެހެންވެ ލިފްޓް ބޭނުންކުރަން ވެސް ބައެއް މީހުން ފަސް ޖެހެ އެވެ.
އެކަން ތަޖުރިބާކުރި މީހަކު ވަނީ ސޯޝަލް މީޑިއާގައި އޭނާގެ ތަޖުރިބާ ހިއްސާކޮށްފަ އެވެ. އޭނާ ބުނި ގޮތުގައި ދެ ފްލޯއަކުން ލިފްޓް ކުއްލިއަކަށް ވަރަށް ބާރަށް ތިރިއަށް ދިޔަ ވަގުތު ބިރުން ހަލާކުވި އެވެ.
"ހިޔާ ފްލެޓެއްގެ ލިފްޓް ކުއްލިއަކަށް ދެ ފްލޯ ހުރަސްކޮށް ވަރަސް ބާރަށް ދިޔައީ. އަހަރެންގެ ހިތް ހީވީ އަތަށް އައިހެން،" ރޭގެ ވަގުތެއްގައި އޭނާ ކުރި ޕޯސްޓެއްގައިވެ އެވެ.
އެ ވާހަކަ އަޑުއަހަން ވެސް ވަރަށް ބިރުވެރި ކަމަށާއި ދުވަހަކު ވެސް ލިފްޓަށް ދެން އަރާނެތޯ މީހަކު އޭނާއާ ސުވާލުކުރުމުން ބުނެފައި ވަނީ އޭނާ ދިރިއުޅެމުންދަނީ އެންމެ މަތީ ފްލޯގައި ކަމަށްވާތީ އިތުރު ޗޮއިސްއެއް ނެތް ކަމަށެވެ.
"މީހަކަށް ރިއެކްޓް ނުކުރެވޭހާ ވެސް އަވަހަށް އެކަން ހިނގާދިޔައީ. އެންމެން ތިބީ ހަމަ ބިރުން ހަލާކުވެފައި. މިއީ އެކަން ތަޖުރިބާކުރި ފުރަތަމަ ފަހަރު ނޫން ކަމަށް އެ މީހުން ވެސް ބުނި،" އެއީ ކޮން ޓަވަރެއްކަން ހާމަނުކޮށް އޭނާ ކުރި ޕޯސްޓްގައިވެ އެެވެ.
ހިޔާ މަޝްރޫއުގެ ދަށުން އިމާރާތްކޮށްފައިވާ ޓަވަރެއް- ފޮޓޯ: އަހުމަދު އަވްޝަން/ މިހާރު
އެކަން ހިއްސާކުރި މީހަކަށް ވެސް މިއީ މި ހާދިސާ ދިމާވި ދެވަނަ ފަހަރު ކަމަށް އޭނާ ބުންޏެވެ.
އެ ޕޯސްޓަށް ކޮމެންޓްކުރި މީހަކު ބުނީ މިކަހަލަ ކަމެއް އޭނާގެ އަންހެނުންނަށް ވެސް މީގެ މަހެއް ކުރިން ދިމާވެފައިވާ ކަމަށެވެ. އޭނާ ބުނި ގޮތުގައި އެ ދުވަހު އެ ހާދިސާ ދިމާވީ ހިޔާގެ ހަތް ވަނަ ޓަވަރުގެ ލިފްޓަކުންނެވެ.
"އެއް ވަނަ ފްލޯއިން ގްރައުންޓަށް ކުއްލިއަކަށް ވަރަށް ބާރަށް ލިފްޓް ދިޔައީ،" އޭނާ ބުނެފައިވެ އެވެ.
ލިފްޓްތަކުގައި މީހުން ތާށިވުމުގެ މައްސަލަ ބޮޑުވި ދަނޑިވަޅުގައި މިދިޔަ އަހަރުގެ ފަހުކޮޅު އެ މަޝްރޫއުގެ ކޮންޓްރެކްޓަރުގެ ފަރާތުން ވަނީ ލިފްޓުގެ މައްސަލަތައް ހައްލުކުރުމަށް ކޮންޓެކް ޕްރައިވެޓް ލިމިޓެޑާ ހަވާލުކޮށްފަ އެވެ. އެޗްޑީސީން ބުނީ އެ ކުންފުނީގެ ހިދުމަތްތައް 24 ގަޑިއިރު ދޭނެ ކަމަށެވެ.
ލިފްޓްތައް ކުއްލިއަކަށް ސޮއްސާލާ މައްސަލައިގައި ކޮންޓެކް ޕްރައިވެޓް ލިމިޓެޑްގެ ހޮޓްލައިނަށް ގުޅައި ސުވާލުކުރުމުން ބުނީ ފާއިތުވި ތިން ދުވަހު ވެސް އެ ކުންފުންޏަށް އެފަދަ ޝަކުވާއެއް ލިބިފައިނުވާ ކަމަށެވެ. ލިފްޓް މެއިންޓެއިނަންސްގެ މަސައްކަތްތައް އެ ކުންފުނިން ކުރަމުން އަންނަ ކަމަށް ވެސް ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަހްމަދު އީސަ
15 April 2022
ހިޔާލިފްޓަކު މައްސަލައެ ފާހަގަ ކުރެވިފައި ނެއް މަވެސް އުޅޭތާ 6 މަސް ވެއްޖެ.ވެދާނެ މި ނޫސް ހިންގާފަރާތުން އެއްޗެ ލިޔެލާ ހިތުން ލިޔެލި ލިއުމަކަށް ވެސް..
ައަދުރޭ
15 April 2022
މާ ބޮޑަށް ތަން އުސްވެފަ އެތަށް ހާސް ބަޔަކު ތޮއްޖެހިގެން އުޅެންވީމަ ތިޔަކަހަލަ ކިތަންމެ ކަމެއް ތިޔަތަނުގަ ދިމާވާނެ. އަދި ކުރިޔަށް ހުރިތަނުގަ ދިމާވާނެ ކަންކަން މާ ގިނަވާނެ. ސުކުރުކޮށްލައިގެން ތިބުން ނޫންގޮތެއް ނޯންނާނެ. ތިޔަތަނަކީ ހަދާނިމިފަ ހުރި ތަނެއް ނޫނެއްނު. އަމިއްލަ ހަރަދުގަ ގިނަ މަސައްކަތް ތަކެއް ކުރަން ޖެހުނީމަ ފައިސާވެސް ހުސްވީ. ޔާމީނުގެ ވެރިކަން އަންނަންދެން މަޑުކޮއްލާ. ތަން ހަދަން ކުރި ހަރަދާއި އަދި ތަނުގެ ކުލިވެސް އޭރުން މާފުވާނެ.
ޓިންމަންސް
15 April 2022
ތިތަނުގަ އުޅެނީ ވަރަށް އަހުލާގީފެންވަރުދަށް މުޑުދާރު ބައެއް ފްލެޓުން ބޭރަށް ކުނި އުކަނީ ފްލެޓްކައިރިއަށް ކުނި އަޅާ އަޅާ ގޮނޑެއްހެން އެތަން އެއޮންނަނީ ލިފްޓަށްވެސް 30 40 މީހުން އެއްފަހަރާ އަރާ ކުލިނުދައްކާ އުޅޭތާ 7 މަސް އަބަދު ޝަކުވާ ޝަކުވާ ޝަކުވާ
ބޮޑުމީހާ
15 April 2022
ތިވެސްވާނީ ޔާމިންގެ މައްސަލައަކށް. މިސަރުކާރުން ކަމެއް ނުކޮށް ކޮންމެވެސް އެހެންބަޔަކު ބަދުނާމްކުރެވޭތޯ ބަލާނެ. އިބޫސޯލިހަށް އަދިވެސް ވާނުވާ ނޭގެނީ ކަންނޭގެ
ގަމީހެއް
15 April 2022
އޭނަގެ އެއްވެސް މައްސަލައެއް ނޯންނާނެ. އެއީ އަލިފެއް
ސުވެދިސް
15 April 2022
ތިބުނީ ހަމަ ރަގަޅަށް ލާރިތައް ކާލައިފަ ފާޑެއްގެ ކަޑަ ލިފްޓްގަނޑެއް މިތާއަޅުވައިފަ މިހިރީ 600 މިލިއަން ޑޮލަރަށް މިޓްސަބިޝީ ލިފްޓުވެސް ހަރުކުރެވޭނެ
ކުޑަމީހާ
16 April 2022
ދެން ތިޔަތަނާއި ހަވާލުވެގެން ނުނެއްޓިގެން އުޅޭ މީހެއްގެ ކަމަކަށް ނުވެ ކާކުގެ ކަމަކަށް ވާނީ. މޭ ފުއްޕާފަ 2 އިރު ދެދަޅައަށް ތިޔަތަނުގެ ފޮޓޯ ދޮންކަލޯމެން ތިލަނީ. ގޯސް ވިއްޔާ ކިބުލާ ވެލަޔާ ކަހަނބު. ލަދު ދޯ
ޞުމާރު
15 April 2022
ގްރައުންޑް އަށް ސްލައިޑް ހަރުކޮއްފައި ބަހައްޓާ. ދެން މައްޗަށް ެ
ސަންފާ
15 April 2022
ލިފްޓަށް އެރީމަ ބައެއްފަހަރު ހީވާނެ އެމިއުސްމަންޓް ޕާކްއެއްގެ ރައިޑްއެއްގަ ބައިވެރިވެގެން އުޅޭހެން...ގްރައުންޑަށް ދާން އޮބައިގެން ތިއްބާ ކުުއްލިއަކަށް މައްޗައް ދާންފަށާނެ...ދެން އަނެއްކާވެސް އާބައިވެރިންނާ އެކު އިތުރު ދަތުރެއް މަތިން ތިރިއަށް ފަށާފާނެ. އެއްބަޔަކު ރުޅިއައިސް އަނެއްބަޔަކު ހިނިއައިސް ދެން ތިބޭނެ.
އައްލާ
16 April 2022
ލިފްޓް ބޭނުންކުރަން ނޭގެންޏަ އެހެން ވެދާނެ.
ޖޯޖް
15 April 2022
ޅިފްޓްގެ ކެޕެސިޓީއަށް ވެސް ނުބަލައޭ ހިޔާ ފުލެޓުގަކުލިނުދައްކަ ބޭފުޅުން ފަހަރަކު 200 މީހުން އެބަ އަރާ ހުކުރު ދުވަހެއް ވެޖިޔާމު ލިފުޓު ކިއު އޮވޭ ބުރިޖު ހުރަސް ކޮއް މާލެއާ ހަމައަށް ދެން ލިފްޓް ސޮއްސާނުލިއްޔާމު ދެރަh
ހާލުފޮޅި ފޮޅި
15 April 2022
ކުލި ނުދައްކާ ވާނެ ގޮތެއް ހޯދަން ވާނެއެއްނު.. މާދަމާ ބުނެފާނެ ޓަވަރުތަކުގެ ކުލަ ބަދަލުވެ ދިގުވެފަ ކުރުވަނީއޭ.. މަކަރު ހަދައިގެން ތަން ހޯދަންވީމަ އޯކޭ.. ކުލި ދައްކަންވީމަ ރަނގަޅު އެއްކަމެއްވެސް ނެތް..
ދޮންކަނބިލި
15 April 2022
މުދައްއެރިފަ ލޮނާ ތެމިފޯވެގެންވެސް ބައިހަދާފައި ލިއްފްޓްބެނުން ކުރަނީ ލޮނުން ދިޔަބޮޑުވެ ކައްސާލާވަރުވެފައި ލިފްޓްތައް ހުންނަނީ ދެންވާނެ 4 އެތިތިވަނީ އަދިވެސް ބަލާ ފުލެޓް ވިޔާފާރިކުރެވޭތޯ ނެއްފެންވަރުންވެސް
ފަހުދު
15 April 2022
ތިޔައީ ސްމާޓް ލިފްޓެއް. ކުލި ނުދައްކާ މީހުން އެރީމަ ސޮއްސާލާނެ.