މުޒާހަރާގައި ބައިވެރިވި ލަންކާގެ ޕޮލިސް އޮފިސަރަށް ފިޔަވަޅު އަޅަނީ

ލަންކާ ސަރުކާރާ ދެކޮޅަށް ގޯސް ފޭސް ގްރީންގައި މިއަދު މުޒާހަރާ ކުރަނީ. --ފޮޓޯ:އޭއެފްޕީ

ހަސަން އާމިރު، މިހާރު

15 އެޕްރީލް 2022 - 16:21

ކޮލަމްބޯ (އެޕްރީލް 15) - ލަންކާ ސަރުކާރާ ދެކޮޅަށް ގޯލް ފޭސް ގްރީންގައި މިހާރު ކުރިއަށްދާ މުޒާހަރާތަކުގައި ބައިވެރިވި ފުލުސް ސާޖަންޓާ ދެކޮޅަށް ފިޔަވަޅު އަޅަން ނިންމައިފި އެވެ.

މުޒާހަރާގައި ބައިވެރިވުމުން އޭނާ ވަނީ ޕޮލިސް ސްޕެޝަލް އިންވެސްޓިގޭޝަން ޔުނިޓަކަށް ގެންގޮސް ސުވާލުކޮށްފަ އެވެ. ފުލުހުން އޭނާ ހައްޔަރު ކުރުމަށް ފަހު ވަނީ ފޯޓް މެޖިސްޓްރޭޓް ކޯޓަށް މިއަދު ގެންގޮސްފަ އެވެ. ކޯޓުން ވަނީ ކަފާލާތުގެ ދަށުން އޭނާ ދޫކޮށްލައިފަ އެވެ.

ކުއްޓިގަލަ ޕޮލިސް ސްޓޭޝަނުގައި މަސައްކަތް ކުރާ ފުލުސް އޮފިސަރު މުޒާހަރާގައި އިއްޔެ ބައިވެރިވީ އޭނާ ޚާއްސަ ޑިއުޓީއަކަށް ނެރެފައި ވަނިކޮށެވެ.

ފުލުސް މީހާ ކޯޓަށް ގެންދިއުމުން އޭނާގެ ދިފާއުގައި ވަރަށް ގިނަ ވަކީލުން ދިޔަ އެވެ. އޭނާގެ މައްސަލަ ދެން ކޯޓުގައި ކުރިއަށް ގެންދާނީ މި މަހު 29 ގަ އެވެ.

ފުލުހުން ބުނީ މުޒާހަރާގައި ބައިވެރިވި ފުލުސް އޮފިސަރުގެ މައްސަލަ ތަހުގީގު ކުރުމަށް ފަހު އޭނާއާ ދެކޮޅަށް ޑިސިޕްލިނަރީ ފިޔަވަޅު އަޅާނެ ކަމަށެވެ.

ސްރީ ލަންކާ މުޒާހަރާ ލަންކާގެ އިގުތިސާދު

2 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢިންދީ

15 April 2022

ލަންކާއައް މިހާލުގަ ޖެހުމައް ތިންކަމެއް މަދުވެރިވި. ކޮންމެ އަހަރަކު ޑެފެސިޓް ބަޖެޓެއް ފާސްކޮ، ފޫބައްދަން ބޭރުން ލޯނުނެގުން. ޖީއެސްޓީ ކުޑަކުރުމާ، ކޯޕުރޭޓް ޓެކްސް ކުޑަކުރުމާ، ބަޔެއް ޓެކްސްތަ މުޅިންހެން ނުނަގާގޮތަ ނިންމުން. ނެގުނު ލޯނުތަ އާމްދަނީ ލިބޭ ކަންކަމުގެ ބަދަލުގާ ރިކަރަންޓް ހަރަދަ ހުސްކޮއްލުން. ޢިގްތިސޯދު ސިޔާސީ ކުރުމުން ފަހުން ހިތާމަ ކުރާނެ.