އެޑިއުކޭޝަން މިނިސްޓަރު ޑރ.އައިޝަތު އަލީ -- ފޮޓޯ: ނިޝާން އަލީ | މިހާރު
16 މެއި 2022 - 13:55
12 comments
އެޑިއުކޭޝަން މިނިސްޓަރު ޑރ.އައިޝަތު އަލީ ގާނޫނުއަސާސީއާ ހިލާފުވެއްޖެ ކަމަށް ކަނޑައަޅައިދިނުމަށް އެދި މަންދު ކޮލެޖުގެ ޗެއާމަން އިބްރާހިމް އިސްމާއިލް (އިބްރާ) ސިވިލް ކޯޓުގައި ދައުވާކުރާ މައްސަލައިގައިި މިއަދަށް ތާވަލުކުރި އަޑުއެހުން ކެންސަލްވެއްޖެ އެވެ.
މަންދު ކޮލެޖަށް ގެއްލުމުގެ ބަދަލުގައި ސަރުކާރުން 15 މިލިއަން ރުފިޔާ ދިން ނަމަވެސް, އެ ފައިސާ ދީފައިވަނީ ހުކުމުގައި ބުނާ މުއްދަތަށްވުރެ ފަހުން ކަމަށް ބުނެ އައިޝަތު އަލީ ގާނޫނުއަސާސީއާ ހިލާފުވެއްޖެ ކަމަށް ކަނޑައަޅައިދިނުމަށް އެދި ސިވިލް ކޯޓަށް މައްސަލަ ހުށަހެޅީ މިިދިޔަ އަހަރުގެ މެއި މަހު އެވެ.
މިިއަދު 10:00 އަށް މި މައްސަލައިގެ އިބްތިދާއީ އަޑުއެހުމެއް ބާއްވަން ތާވަލުކުރި އެވެ. ނަމަވެސް ސިވިލް ކޯޓުން ބުނީ ޗިޓު ރައްދު ނުކުރެވިގެން އެހެން ދުވަހަކަށް މައްސަލަ ޝެޑިއުލްކޮށްފައިވާ ކަމަށެވެ.
އަލުން ތާވަލްކުރީ ކޮން ދުވަހަކަށް ކަމެއް ނުބުނެ އެވެ.
އެމްއީއެސް ކުރިން ހިންގި އިމާރާތް މަންދު ކޮލެޖަށް ދޫކުރި އެއްބަސްވުން ބާތިލްކޮށް ސަރުކާރުން އެތަން އަތުލި މައްސަލައިގައި ގެއްލުމުގެ ބަދަލަށް 15 މިލިއަން ރުފިޔާ ދައްކަން ދައުލަތުގެ މައްޗަށް ސިވިލް ކޯޓުން ހުކުމްކުރީ ބަދަލު ހޯދަން ދައުވާކުރުމުގެ ހައްގު އޮންނާނެ ކަމަށް ސުޕްރީމް ކޯޓުން ހުކުމް ކުރުމުން ސިވިލް ކޯޓުގައި ކުރި ދައުވާއަކާ ގުޅިގެންނެވެ.
އެ ހުކުމްތަކަށް ގެއްލުމުގެ ބަދަލުގެ ގޮތުގައި 18 މިލިއަން ރުފިޔާ ހޯދަން މަންދު ކޮލެޖުން ދައުވާ ކުރި އެވެ. ނަމަވެސް ޑިސްޕިއުޓު މަރުހަލާގައި ދެ ފަރާތުން އެއްބަސްވީ 15 މިލިއަނަށެވެ. އެއީ މަންދު ކޮލެޖު އެ އިމާރާތުން ބޭރުކޮށްލުމުން އެހެން ތަނެއް ހޯދަން މިހާތަނަށް ކުރި ހަރަދު ކަމަށް ދައުލަތުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސާބަސްް
17 May 2022
ދައުލަތުގެ ވަޒީރަކަށް ޗިޓު ރައްދުނުވެގެން މައްސަލައެއް ނުބޭއްވުނީމަ މިގައުމުގެ ކުށްވެރިންނަށް ޗިޓު ރައްދުވެގެން ކޯޓަށް ހާޒިރުވާނެ ގޮތެއް އޮންނާނެބާ؟
ސދމސޓ
17 May 2022
އަދިވެސް މަދީތަ ލިބުނުވަރު ރައްޔިތުންގެ ފައިސާ ތީ އިނގޭ ހަނދާންކުރާތި މިއަދު ތި 15 މިލިއަން ކައިގެން ހުރެވިދާނެ އެކަމު މާދަމާ ވާނެގޮތް ﷲ ދެނެވޮޑިގެންވާނީ... ކޮންކަމަކަށް ޚަރަދު ކޮށްގެންބާ 15 މިލިއަނުގެ ގެއްލުމެއް ވާންވީ.... ފައްޔާޒު މެންނަށްވީމަ ތި ބަދަލު ތިލިބުނީ... އާއްމު ކިތައްމީހުންނަށް އެބަހުރި ތިގޮތަށް ކަންތައްވެފަ އެކަމު ނުލިބޭ މީ އިންސާފުތޯ؟
ފޫހި
17 May 2022
ޢެޑިޔުކޭޝަން މިނިސްޓްރީއަށް ތިޔަކަމުން ދުވަހަކުވެސް ސަލާމަތް ނުވެވޭނެ. ޢިބްރާއަށް ލޯލާރިއެއްވެސް ހައްގެއްނުވާނެ. ޢެކަމަކު 15 މިލިއަން މިހާރުވެސް ދީފި. ކޯޓުން ތިޔަ މައްސަލަ ބޭރުކޮށްލާ.
ބުރާސްފަތި
16 May 2022
މިއީ ދެން ކޮންކަމެއް އިބުރާ
ޟީސާ
16 May 2022
ފިއްލެވިތޯ
އިދުރީސް1
16 May 2022
އިބުރާ ވީމަ 18 މިލިއަންގެ ބަދަލު ދޭންވީ އުޅޭތަނުން ނެރުނީމަ. ރަށު ކައުންސިލުން އައިސް އާންމު ރައްޔިތަކަށް މީގެ އެތަށް އެތަށް އަހަރެއް ކުރިން ދީފައިވާ ގެއްކުން ނެރުނީމަ ބަދަލު ހޯދަން އެދުމުން ބަދަލު ނަގައިދޭން ނުޖެހޭކަމަށް މި ނިންމަނީ. މިކަހަލަ ކަންކަން ކުރާ އެންމެނަށް ހަލާކު ހުރި
އަޙުމަދު.
16 May 2022
ދައުލަތުން 15 މިލިޔަން ރުފިޔާދިނަސް އެއީ އެކަމުގެ ބަދަލުގަ ދޭން ޖެހިދާނެ މިންވަރަށްވުރެ ބޮޑު އަދަދެއް. މިކަން ފުރިހަމަ މިނިވަން ތަހުގީގަކާ ފުރިހަމަ އޮޑިޓެއް މިހާރު ހެދިޔަސް އެކަން އެގޭނެ. ތިފަދަ މައްސަލަތަކުގައި ގިނަފަހަރަށް ސަރުކާރު ބަދަލުހޯދަން ހުށަހަޅަނީ ބަދަލަށް އަރާވަރުގެ 2 ގުނަ ބޯޑުކޮށް ޖަހައިގެން. މީޙަޤީގަތް.
ޢިބްރީޒް
16 May 2022
ޢެޑިޔުކޭޝަން މިނިސްޓަރަކަށް އިބުރާ ރަނގަޅުވާނެ
@ހހހހހހއިބުރީ
16 May 2022
ޓިއިރުން ވާނި ގޮތަކީ ކަޅު މުޙައްމަދު ރަސްގެފާނުގެ ތާރީޚު އިޔާދަވާނި
އައިލަވްއެޑިއު
16 May 2022
މިނިސްޓަރު ސީދާ ހާޒިރުވާން ޖެހޭތަ؟ މިނިސްޓްރީ ތަމުސީލު ކުރާނީ އެ މިނިސްޓްރީން ފޮނުވާ މީހެއް ނޫންތަ؟ ނުވަތަ ދައުލަތުގެ ބަންޑާރަނައިބެއް ނޫންތަ؟ މިނިސްޓަރުގެ އަމިއްލަ ލާރިން ތަންފީޒުކުރަން ޖެހޭ ހުކުމެއްގެ ވާހަކައެއްނޫންދޯ މި މައްސަލައެއްގައި މިއޮތީ.
ސަރުދާރުު ދޮންމަނިކް
16 May 2022
އިބުރާ އުޅެނީ މިކަންވެސް މުޅިން ވާހަކަ އޮޅުވާލާ އަދިވެސް ލިބުނު ވަރުން ނުފުދިގެން. ސަރުކާރުން އެތަން މީހަކަށް ދިނީ ސުކޫލެއް ހިންގަން. އެމީހާ އަތުން ކުއްޔަށް ނަގައިގެން ކޮލެޖް ހިންގަނިކޮށް އެތަނުން ބޭރުކޮށްލީ. ހަގީގަތުގެ މި ދެމީހުނަށް ދައުވާކޮށް އަދަބު ދޭންޖެހޭނީ. ރައްޔިތުންގެ މަންފާއަށް ސްކޫލެއް ހިންގަން ބުނީމަ ދެމީހުން އަމިއްލަ ފައިދާ އަށް އެތަން ބޭނުންކުރީ މާ.