ގަން އެއާޕޯޓް މަޝްރޫއުގެ ޕްރީ ކޮލިފިކޭޝަން މަރުހަލާ ފަށައިފި

މޫސާ ރަޝީދު، މިހާރު

20 މެއި 2022 - 22:52

އައްޑޫގެ ގަން އިންޓަނޭޝަނަލް އެއާޕޯޓް ތަރައްގީ ކުރުމުގެ މަޝްރޫއަށް ކޮންޓްރެކްޓަރުން ޕްރީ ކޮލިފައި ކުރުމުގެ މަސައްކަތް އިންޑިއާގެ އެގްޒިމް ބެންކުން މިއަދު ފަށައިފި އެވެ.

އިކޮނޮމިކް މިނިސްޓްރީން ބުނީ އިންޑިއާގެ އެގްޒިމް ބެންކުން ލޯނު ނަގައިގެން ކުރިޔަށް ގެންދާ މި މަޝްރޫއުގެ ދަށުން އަހަރަކު 1.5 މިލިއަން ފަސިންޖަރުންނަށް ޚިދުމަތް ދެވޭ ވަރަށް ޓާމިނަލް ތަރައްގީ ކުރާނެ ކަމަށެވެ. އަދި އެއާޕޯޓަށް ބޭނުންވާ ކޯލްޑް ސްޓޯރޭޖާއި ކާގޯ ވަސީލަތްތަކާއި އެއާޕޯޓުގެ މަގުތައް އަދި ޕާކު ކުރާނެ ސަރަހައްދެއް ވެސް ތަރައްގީ ކުރާނެ ކަމަށް އެ މިނިސްޓްރީން ބުންޏެވެ.

ސަރުކާރުން ނިންމާފައި ވަނީ ގަން އިންޓަނޭޝަނަލް އެއާޕޯޓް ތަރައްގީ ކުރުމުގެ މަޝްރޫއު މި އަހަރު ފަހުކޮޅު ފެށުމަށެވެ.

ރާއްޖޭގެ އެންމެ ދެކުނުގައި އޮތް އިންޓަނޭޝަނަލް އެއާޕޯޓް ތަރައްގީކުރާނީ ރާއްޖެއަށް ދޫކޮށްފައިވާ 800 މިލިއަން ޑޮލަރުގެ ލޯނަކުންނެވެ.

އިންޑިއާ އެމްބަސީން ބުނި ގޮތުގައި ގަން އެއާޕޯޓް މި ސަރަހައްދުގެ ދަތުރުފަތުރުގެ ހަބަކަށްވާނެ އެވެ. އަދި ދެކުނުގެ ޓޫރިޒަމް ކުރިއަރައި، ޓޫރިސްޓުންގެ މަގުބޫލުކަން ބޮޑުވެ، ސީ ޕްލޭން އޮޕަރޭޝަން ވެސް ފުޅާވެގެން ދާނެ އެވެ.

އިންޑިއާ އައްޑޫ އައްޑޫ އިންޓަނޭޝަނަލް އެއާޕޯޓް އިކޮނޮމިކް މިނިސްޓްރީ އެގްޒިމް ބޭންކް ލޯނު ގަން އިންޓަނޭޝަނަލް އެއާޕޯޓް

9 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޤައިސް

22 May 2022

އަހަރަކު 1.5 މިލިއަން ފަސިޏްޖަރުން އައިސް ވަންނާނެ ތަނެއް ނެތް. ޓޫރިޒްމް ޒޯންތަކުން ފުރުސަތު ހުޅުވާލުމުން ކުރިމަތިލީ މަދުބައެއް. އޭގެތެރެއިންވެސް އަހަރުދުވަސް ވީއިރު މަސައްކަތް ފެށީ އެންމެ ބައެއް. ސަރުކާރުންވެސް މިކަމާ އުޅެގެން، ވިޔަފާރިވެރިން މިކަން ވާނެކަމަށް ދެކި، ރައްޔިތުން ހޭލުންތެރި ނުވަނީސް މިކަން އޮމާންކޮށް ވެގެންދާތަން ނުފެނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައުތު އެގެންޑާ

22 May 2022

ޑައިވިން ކުރާނެ ތަނެއް ނެތް، ބީޗެއް ނެތް. 100 ކޮޓަރި ހަމަނުވޭ ގެސްތް ހައުސް ތަކުގެ. ދެން ކޮން ސަބަބަކާ ހެދިތޯ އެއްމިލިއަން މީހުންގެ އެއަރޕޯަޓެއް އަޅަނީ. ޢަނެއްކާ އައްޑޫ މީހުންނަށް އޮޅުވާލީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

21 May 2022

ދިވެހިރާއްޖެ ތަރައްގީކުރެވޭނީ އެއްފަސްކޮށްގެން. ކޮންމެ އަތޮޅަކުން ރަށެއް ތަރައްގީކުރީމަ ނިމުނީ. މިގައުމުގަ އެންމެ ގިނަ ސްކޫލް ހުރީ، ހޮސްޕިޓަލް ހުރީ، ފުޓަސަލް ދަނޑު އޮތީ، ކައުންސިލް އިދާރާ ހުރީ، އިންޖީނުގެ ހުރީ. މިވަރުންވެސް ރައްޔިތުން އުޅެންޖެހެނީ އެހާ ދަތިކޮށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަ އިކޮނޮމިސްޓް

21 May 2022

ގަން އެއާޕޯޓް ތަރައްގީކުރަނީ ގަމަށް ޖައްސާ ބޭރުގެ ފްލައިޓްތައް ގިނަވެ ޕަސެންޖަރުން ގިނަވެ ޚިދުމަތް ދިނުމުގަ ދަތިތަކާ ކުރިމަތި ލާންޖެހޭތީތޯ؟ ހަމަގައިމުވެސް އެތާ ހަދާފަ އެހެރަ ޓާމިނަލް ބިލްޑިންގ އޮންނަނީ ފަޅަށް. އޭޕްރަން އޮންނަނީ ފަޅަށް. ފިއުލް ފާމުގަ ރައްކާކޮށްފަ ހުރި ތެޔޮ ހުސްވާން އެތައް ދުވަހެއް ނަގާ. ފުރަތަމަ ކުރަންވީ ކަންތައް ފުރަތަމަ ނުކޮށް ފަހުން ކުރަންވީ ކަންތައް ފުރަތަމަ ކުރަން އުޅުނީމަ މަގާތަށް އަންނަނީ ހިނި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިި

21 May 2022

އިންޑިއާ އިން އެކަން ކުރަނީ. އެހެން ވީމާ އެތަން ނިމިގެން ހުޅުވަން 20 ވަރަކަށް އަހަރު ނަގާނެ. ލަހެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮޅުއެކޮނޮމިސްޓް

21 May 2022

ކުރަންވާ ކަންކަން އެނގޭ ފެންވަރުގެ މީހުން މަގާމުތަކުގައި ތިބޭނީ. މިތާގަ ކޮމެންޓުކޮށްގެން މަގާމެއް ނުލިބޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަގުޑި

21 May 2022

ކ.ވިލިނގިއްޔަށް 500 މިލިއަން ޑޮލަރުގެ ބުރިޖެއް އަޅަނީ ދަތުރުކުރާނެ މީހުން ގިނަވެގެންތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިއްދޫމީހާ

20 May 2022

އިންޑިއާގެ އެގްޒިމް ބެންކުން މިއަދު ފަށައިފި އެވެ އެހެންވީމާ އިންޑިޔާ ކޮމްޕެނީއެއްތާ އަންނާނީ؟؟ 20އަހަރު ދުވަހުންވެސް ތިޔަކަން ނިމިދާނެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެކުނު ބާޒާރު

20 May 2022

ދަތުރުކުރާނެ މަންޒިލްތަކެއް ނެތި ތިޔަ އެޅުވެނީ ބޮޑު ލޯނެއްގައި ފުރަތަމަ! ކުރާންވީ ފުރަތަމަ ކަަމަކީ ތިތަނުން ސީދާކޮށް މީހުންނާއި މުދާ އުފުލާނެ އެއަރ ލައިނެއް އުފެއްދާ ސީދާ ދަތުރު ކުރާނެ މަންޒިލެއް ކަޑައެޅުން. އިރުމަތީ ބިތުގެ ގައުމުތަކާ ގުޅުވިއްޖެ ނަމަ ނަފާ ވާނެ. ލަންކާ ދަތުރު ބޭކާރު މާލެ އަދި އުތުރު އެއަރޕޯރޓްތަކާއި އެއަރ ލައިންތައް މަދުނުވާ ވަރަށް އޮތުމުން. ޓެކްސް ކުޑަ އެއަރޕޯރޓަކަށް ވާންޖެހޭ. ކޮންމެ ތަނެއްވެސް ކުރިއަރާނީ ބާޒާރެއް އޮވެގެން.