ޖޮނީ ޑެޕްގެ ޓިކްޓޮކަށް ވީޑިއޯއެއް ނުލަނީސް ފޮލޯވަރުން މިލިއަނުން

އަހްމަދު ޖައިޝަން

08 ޖޫން 2022 - 06:55

ކުރީގެ އަނބިމީހާ އެމްބާ ހާޑާ ދެކޮޅަށް ކޯޓުގައި ހޯދި ކާމިޔާބީއަށް ފަހު، މަޝްހޫރު އެކްޓަރު ޖޮނީ ޑެޕް ޓިކްޓޮކް އެކައުންޓެއް ހުޅުވައި އެންމެ ވީޑިއޯއެއް ނުލަނީސް އެއް ދުވަސް ތެރޭ ހަތަރު މިލިއަނެއްހާ ފޮލޯވާސް ލިބިއްޖެ އެވެ.

ޑެޕާއި ހާޑް އެކަކު އަނެކެއްގެ މައްޗަށް ކުރި ކަތިލި ކަމުގެ ދައުވާއަށް މީޑިއާގައި ލިބުނު ބޮޑު ސަމާލުކަމުގައި އެންމެ ފޯރި ގަދަވީ ޓިކްޓޮކްގަ އެވެ. މިދިޔަ ދެތިން ހަފްތާގައި ޓިކްޓޮކްގައި އެންމެ ގިނައީ ޑެޕާއި ހާޑްގެ ވީޑިއޯތަކެވެ. އަދި ކޯޓުގައި ހިނގި މައްސަލަތަކުގެ ވާހަކަ އެވެ.

@johnnydepp
To all of my most treasured, loyal and unwavering supporters. We’ve been everywhere together, we have seen everything together. We have walked the same road together. We did the right thing together, all because you cared. And now, we will all move forward together. You are, as always, my employers and once again I am whittled down to no way to say thank you, other than just by saying thank you. So, thank you. My love & respect, JD
♬ Stranger - Love Joys

ޑެޕް އޭނާގެ އެކައުންޓްގައި ފުރަތަމަ ވީޑިއޯ ޕޯސްޓްކުރީ ވެސް ހުސްކޮށް އޮތް އެކައުންޓަށް އެތައް މިލިއަން ފޮލޯވަރުންނެއް ލިބުނު ފަހުންނެވެ. އެންމެ ފުރަތަމަ ޕޯސްޓްކުރި ވީޑިއޯގައި ޑެޕް ވަނީ އޭނާގެ ފޭނުންނަށް ވަރަށް ބޮޑަށް ޝުކުރު އަދާކޮށްފަ އެވެ.