ޓެކްސް ބޮޑު ކުރުމުން ދައުލަތަށް އިތުރަށް 2.5 ބިލިއަން ރުފިޔާ ލިބޭނެ

ފިނޭންސް މިނިސްޓްރީން މދިިޔަ އަންގާރަ ދުވަހު ބޭއްވި ނޫސްވެރިންގެ ބައްދަލުވުމުގެ ތެރެއިން--ފޮޓޯ:މިހާރު

ފާތިމަތު ޝަނާ މުހައްމަދު، މިހާރު

07 ޖުލައި 2022 - 09:09

ޓޫރިޒަމާއި އާންމު މުދަތުން ނަގާ ޖީއެސްޓީ ބޮޑުކުރުމުން ދައުލަތުގެ އާމްދަނީ އަށް އިތުރު 2.5 ބިލިއަން ރުފިޔާ ލިބޭނެ ކަމަށް ހިސާބުތަކުން ދައްކައިފި އެވެ.

މި ހިސާބުތައް ބަލާފައި ވަނީ މިދިޔަ އަހަރު ދައުލަތަށް ލިބުނު އާމްދަނީ އާއި ކޮވިޑްގެ ކުރިން 2019 ވަނަ އަހަރު ލިބުނު އާމްދަނީ އަށް ބެލުމަށް ފަހު ހެދި ހިސާބުތަކަށް ބުރަވެ އެވެ.

މިދިޔަ އަހަރު ދައުލަތަށް ޓީޖީއެސްޓީގެ ގޮތުގައި 4.6 ބިލިއަން ރުފިޔާ ލިބުނު އިރު ޖީއެސްޓީގެ ގޮތުގައި ލިބިފައިވަނީ 2.5 ބިލިއަން ރުފިޔާ އެވެ. މިދިޔަ އަހަރު ޓީޖީއެސްޓީ އަށް ލިބުނު އަދަދަށް ހަތަރު ޕަސެންޓު އިތުރު ކުރުމުން ޓީޖީއެސްޓީން 1.5 ބިލިއަން ރުފިޔާ އިތުރަށް ލިބެ އެވެ. އަދި ޖީއެސްޓީ އަށް އިތުރު 850 މިލިއަން ރުފިޔާ ލިބެ އެވެ. ޓެކްސް އަށް ގެންނަ އާ ބަދަލުތަކާ އެކު ޓީޖީއެސްޓީން ލިބޭ އާމްދަނީ ހަ ބިލިއަން ރުފިޔާ އަށް އިތުރުވާނެ އެވެ. އަދި ޖީއެސްޓީ ތިން ބިލިއަނަށް ވުރެ މައްޗަށް އަރާނެ އެވެ.

އިގްތިސާދީ ހާލަތު ކޮވިޑްގެ ކުރީގެ ހާލަތަށް ބަދަލުވެ، ދައުލަތަށް 2019 ވަނަ އަހަރު ލިބުނު ވަރުގެ އާމްދަނީއެއް ވަންނާނެ ކަމަށް ފިނޭންސް މިނިސްޓްރީން ލަފާކުރެ އެވެ. އެ އަހަރު ދައުލަތަށް ޓީޖީއެސްޓީގެ ގޮތުގައި 4.8 ބިލިއަން ރުފިޔާ ލިބިފައިވެ އެވެ. އަދި ޖީއެސްޓީގެ ގޮތުގައި 2.8 ބިލިއަން ރުފިޔާ ލިބިފައިވެ އެވެ. ޓީޖީއެސްޓީ އަށް ލިބުނު އަދަދަށް ހަތަރު ޕަސެންޓު އިތުރު ކުރުމުން ދައުލަތަށް ޓީޖީއެސްޓީން އިތުރަށް 1.6 ބިލިއަން ރުފިޔާ ލިބޭނެ އެވެ. އަދި އެ އަހަރު ޖީއެސްޓީ އަށް ލިބުނު އާމްދަނީ އަށް ދެ ޕަސެންޓު އިތުރު ކުރުމުން ދައުލަށް ޖުމްލަ އާމްދަނީ އަށް 950 މިލިއަން ރުފިޔާ އިތުރުވާނެ އެވެ. އެހެންވެ އެ އަހަރުގެ ހިސާބުތަކާ އެއް ހަމައަކަށް އަންނަ އަހަރުގެ ޓީޖީއެސްޓީ އާއި ޖީއެސްޓީގެ އަދަދުތައް މައްޗަށް ޖައްސައިފި ނަމަ ދައުލަތުގެ އާމްދަނީ އަށް 2.6 ބިލިއަން ރުފިޔާ އިތުރުވާނެ އެވެ.

ސަރުކާރުގެ އަންދާޒާ އަކީ ޓީޖީއެސްޓީ އާއި ޖީއެސްޓީން ދައުލަތަށް އިތުރު ތިން ބިލިއަން ރުފިޔާ ހޯދުމެވެ. ތިން ބިލިއަން ރުފިޔާ އިތުރުވާނެ ކަމަށް ލަފާ ކުރަނީ ރާއްޖެ އަށް އަންނަ އަހަރު އިތުރު ޓޫރިސްޓުން އަންނާނެ ކަމަށް ލަފާކޮށްފަ އެވެ.

ޓީޖީއެސްޓީން މި ވަގުތު ނަގަމުން އަންނަނީ 12 ޕަސެންޓެވެ. އަދި ޖީއެސްޓީ އަށް ނަގަމުން އަންނަނީ ހަ ޕަސެންޓެވެ. ސަރުކާރުން ބޭނުންވަނީ ޓީޖީއެސްޓީ 16 ޕަސެންޓަށް ބޮޑުކޮށް، ޖީއެސްޓީ އަށް ޕަސެންޓަށް ބޮޑު ކުރާށެވެ. އަދި މި ބަދަލުތައް އަންނަ އަހަރުގެ ޖެނުއަރީން ފެށިގެން ގެންނަން ބޭނުންވާ ކަމަށް ފިނޭންސް މިނިސްޓަރު އިބްރާހިމް އަމީރު މިދިޔަ އަންގާރަ ދުވަހުގެ ބޭއްވި ނޫސްވެރިންގެ ބަދަލުވުމުގައި ވިދާޅުވި އެވެ.

ފިނޭންސް މިނިސްޓްރީ މީރާ ޖީއެސްޓީ ޓީޖީއެސްޓީ

43 ކޮމެންޓް, 34 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަގީލު

09 July 2022

މިދަނޑިވަޅުގައި ތިކަންކޮއްފިޔާ ވެރިކަން ވެއްޓިދާނެ..އޭރުން ގައުމަށް ވާގެލުން މާބޮނޑުވާނެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮަައްކޮ

08 July 2022

ކޮންމެ މަހަކު މުސާރަ ލިބުނީމަ އޭގެން ބައެއް ސަރުކާރަށް ދައްކަން ޖެހޭ ގޮތަށް ހަދަންވީނު. ދެރަ ކަންކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓިޕުސް

08 July 2022

ތިޔައިންވެސް ގައުމު ސަލާމަތްކުރެވެންޏާ މަ މިހުރީ މިހާރު ދޭވަރަށްވުރެ އިތުރަށް ދެ ރުފިޔާ ދޭން، ކޮންމެ ސަތޭކަ ރުފިޔާއަކުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާލުވެރިޔާ

08 July 2022

އަމިއްލަ ފަރުދުންގެ މުދާގަނޑު އެއްކޮށް ދައުލަތަށް ނަގާ!މާ ގިނަވާނެ އަދި ބޭންކުގައި ހުރި ފައިސާވެސް ނަގާ!އަދި އެއަށްވުރެ ގިނަވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސްރު45

08 July 2022

ޙަހާ މަހިނި އަންނަނީ، ތީ ކުޑަ ކުއްޖަކަށްވެސް އިގޭނެ އެއްޗެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޮބޭ

07 July 2022

ދިވެހި ރައްޔިތުން ފެލަން ނުއުޅެ އިސްތިއުފާދީބަލަ. ކަލޭމެން މިގައުމުގެ ތިޖޫރި ދޮންނަނީތަ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭބެ.

07 July 2022

ވެރިކަން ވައްޓާލަން ޖެހިދާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުއިއްޒު

07 July 2022

ޔަގު ދެއްތޯ. ހޭހުއްޓާ ވައިނޭލޭތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުއިއްޒު

07 July 2022

ދައުލަތުގެ ބަޖެޓު ބޮޑުކުރާ ވަރަކަށް ތި ނުވާނެ އެކައްޗަކަށްޗަކަށްވެސް. ބަޖެޓުކުޑަކުރެވޭތޯ ބަލާ. ފޫނެތްފަޔަށް ފެން ފުރާހާ ހިނދަކު ފައިދާއެއް ނުފެންނާނެ.