ހދ. ކުޅުދުއްފުށީގެ މަގެއް: އެރަށުގައި 11 ބުރީގެ އިމާރާތެއްގައި 400 ހައުސިން ޔުނިޓް އެޅުމަށް ވަނީ ބަޔަކާ ހަވާލުކޮށްފައި-- ފޮޓޯ: ކުޅުދުއްފުށި އޮންލައިން
07 ޖުލައި 2022 - 14:23
5 comments
ހދ. ކުޅުދުއްފުށީގައި 400 ހައުސިން ޔުނިޓް އެޅުމަށް 439 މިލިއަން ރުފިޔާ އަށް ބަޔަކާ ހަވާލުކޮށްފި އެވެ.
ބޯހިޔާވަހިކަމުގެ މައްސަލަ ވަރަށް ބޮޑަށް ކުރިމަތިވެފައިވާ ކުޅުދުއްފުށީގައި 400 ހައުސިން ޔުނިޓް އެޅުމަށް ހަވާލުކޮށްފައި ވަނީ ދޮންބޭޒް ޕްރައިވެޓް ލިމިޓެޑް ވެންޗާ ކުންފުނި ކަމުގައިވާ ޓުވެންޓީ ތާޑް މެޓާލާޖިކަލް ކޮންސްޓްރަކްޝަން ގްރޫޕް ކޯ ލިމިޓެޑާ އެވެ.
ޕްލޭނިން މިނިސްޓްރީން ބުނީ 439.9 މިލިއަން ރުފިޔާގެ އެ މަޝްރޫއު އެ ކުންފުންޏާ ހަވާލުކުރީ 540 ދުވަހުގެ ތެރޭގައި ނިންމާ ގޮތަށް ކަމަށެވެ.
އެ މަޝްރޫއުގައި އަޅާ 400 ހައުސިން ޔުނިޓަކީ ވެސް 1000 އަކަފޫޓުގެ ޔުނިޓްތަކެކެވެ.
މިނިސްޓްރީން ބުނީ 11 ބުރިއަށް އިމާރާތްކުރާ އެތަނުގެ ގްރައުންޑް ފްލޯ ބޭނުންކުރާނީ ކޮމާޝަލް އަދި މެއިންޓަނަންސް އޮފީހުގެ ބޭނުމާއި ޕާކިން ޖާގަ ކަނޑައަޅާނެ ކަމަށެވެ. އެ އިމާރާތުގައި ދެ ލިފްޓް ހުންނާނެ އެވެ.
ޑިޒައިން އެންޑް ބިލްޑް އުސޫލުން ހދ. ކުޅުދުއްފުށީގައި 400 ހައުސިންގ ޔުނިޓު އެޅުމުގެ މަސައްކަތް ދޮންބޭޒް ޕްރައިވެޓް ލިމިޓެޑް ޖޮއިންޓް ވެންޗާ ކުންފުނި، ޓުވެންޓީ ތަރޑް މެޓާލާޖިކަލް ކޮންސްޓްރަކްޝަން ގްރޫޕް ކޯ ލިމިޓެޑް އާ ހަވާލު ކޮށްފި. pic.twitter.com/ukpqOfeI2x
— Min.of National Planning, Housing & Infrastructure (@MoNPHImv) July 7, 2022
މިނިސްޓްރީން ބުނި ގޮތުގައި ތިން ކޮޓަރި އާއި ތިން ފާހާނާ އާއި ސިޓިންރޫމާއި ބަދިގެ އާއި ކާގެ އަދި ލޯންޑަރީގެ އިތުރުން ސްޓޯ ރޫމް ހުންނާނެ އެވެ.
އެ މަޝްރޫއުގެ ދަށުން އެ ސަރަހައްދު އަލިކޮށް ޕާކެއް ހަދާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަމީދުބެ
07 July 2022
ތަންތަން ހަދަން ހަވާލު ކުރޭ އަބަދުވެސް ނިމޭ ތަނެއް ނުފެނޭ
ބޮކި
07 July 2022
އެންމެންގެ ޓެކްސް ފައިސާގައި ތޯ؟ އެންމެންގެ ދަރަނީގަ ތޯ؟ ހދ. އަތޮޅު ކުޅުދުއްފުށީ ބޭފުޅުންނަށް އެކަނިތޯ ލިބެނީ؟
ސަލީންބެ
07 July 2022
ރަށުން ބޭރަށް ވެސް ދިނީމަވީ. ކުރިން ވެސް ދިނީތާދޯ؟ ރޯހައުސްތަކުގެ 40% ދިނީ ރަށުން ބޭރަށް. އަހަރެމެން ނުޖައްސަން މައްސަލައެއް. އެކަމަކު ޓެކްސް ފައިސާއޭ ކިޔާ އިރު ކޮށްލަން ބޭނުން ސުވާލަކީ ތިރަށުގެ ފަނަރަ ސަތޭކައެއްހާ މީހުންގެ ޓެކްސް ފައިސާއިން އެކަނިހޭ ތިރަށުގައި ސްކޫލާ ބަނދަރާ ހުރިހާއެއްޗެއް ހަދާފަ ތިހަރީ؟ ކުޅުދުއްފުށީގެ ދިހަ ހާސް މީހުންގެ ޓެކްސް ފައިސާ އެޔަކު ނުހިމެނޭތޯ؟ މީދެން ދައްކަން ރީތި ވާހަކަބާ؟
ވާނުވާ1.1
07 July 2022
ނިކަން ވިސްނާށެވެ، ޔާމީން ފެލްޓްތަކަށް ބަވަމުން ދިޔަ މީހުން 400 ޔުނިޓް ގަ 2 ލިފްޓެވެ. 400 ޔުނިޓަކީ 400 އާއިލާއެވެ. ދިވެހި އެވްރެޖް އާއިލާއަކީ 5 މީހުންވެ. ވީއިރު 1000 މީހުނަށް 1 ލިފްޓެވެ. ލަދެއްވެސް ނުގަނޭތޯއެވެ؟
އަލީ ހަސަން މުގުރި
07 July 2022
އަޅެ ވާނުވާގައި ތަ؟ 400 ފްލެޓް ހުންނަނީ ކިތައް އިމާރާތުގައި ކަން އެނގޭ ބާ؟ 4 އިމާރާތުގައި،ކޮންމެ އެިމާރާތެއްގައި 2ލިފުޓް - ފްލޯ10×12 ފްލެޓް. އެއި އެކަށީގެންވާ އަދަދެއް.