ބަނޑޮސް ރިސޯޓުގައި މިއަދު ފެށި ހެލްތު ކޮންފަރެންސްގައި ބައިވެރިވެވަޑައިގެންނެވި ބައެއް ބޭފުޅުން.-- ފޮޓޯ: ރައީސް އޮފީސް
18 ޖުލައި 2022 - 17:12
15 comments
ރާއްޖެ އާއި ބޭރުގެ 180 ބައިވެރިންނާއެކު، ސިއްހީ ދާއިރާގެ ބޮޑު ކޮންފަރެންސެއް މިއަދު ފަށައިފި އެވެ.
އަންނަ ބުދަ ދުވަހާ ހަމައަށް ބާއްވާ "އިންޓަނޭޝަނަލް ޖޮއިންޓް ކޮންފަރެންސް ފޯ ހެލްތުކެއާ ޕްރޮފެޝަނަލްސް 2022" ބާއްވަނީ މޯލްޑިވިއަން ނާސިން އެސޯސިއޭޝަން (އެމްއެންއޭ) އަދި އީބީޕީ ހެލްތު ޗެމްޕިއަންސް މޯލްޑިވްސް (އީބީޕީއެޗްސީ މޯލްޑިވްސް) ގުޅިގެންނެވެ.
އެ ކޮންފަރެންސް ފައްޓަވައިދެއްވީ ރައީސް އިބްރާހިމް މުހައްމަދު ސޯލިހުގެ އަނބިކަނބަލުން ފަސްޓް ލޭޑީ ފަޒްނާ އަހުމަދެވެ.
ބަނޑޮސް ރިސޯޓުގައި ބާއްވާ ހެލްތު ކޮންފަރެންސް ފައްޓަވައިދެއްވުމަށް ފަސްޓް ލޭޑީ ފަޒްނާ (ކ) މިއަދު ވަޑައިގަންނަވަނީ..- ފޮޓޯ: ރައީސް އޮފީސް
ނާސިން އެސޯސިއޭޝަނުން ބުނީ ބަނޑޮސް ރިސޯޓުގައި ބާއްވާ ކޮންފަރެންސްގައި އެމެރިކާ އާއި އޮސްޓްރޭލިއާ އަދި އިންޑޮނޭޝިއާ ފަދަ ގައުމުތަކުގެ ސިއްހީ ތަޖުރިބާކާރުން ވެސް ބައިވެރިވަޑައިގަންނަވާ ކަމަށެވެ. އަދި ދިވެހި ޑޮކްޓަރުންނާއި ނަރުހުން އަދި ސިއްހީ ދާއިރާގައި މަސައްކަތްކުރައްވާ އެކި ބޭފުޅުންނާއި ކޮލެޖު/ޔުނިވާސިޓީތަކުގެ އިސްވެރިން ބައިވެރިވެވަޑައިގަންނަވަ އެވެ.
ކޮންފަރެންސްގެ ބޭނުމަކީ ސިއްހީ ދާއިރާގައި ބޭނުންކުރަން އެންމެ ރަނގަޅު ގޮތްތަކާ ގުޅޭގޮތުން މަޝްވަރާކޮށް، ހިޔާލު ބަދަލުކުރުމަށް ފުރުސަތު ފަހިކޮށްދިނުން ކަމަށް އެ ޖަމިއްޔާއިން ބުންޏެވެ.
— The President's Office (@presidencymv) July 18, 2022
ކެންސަރުގެ ބަލީގެ މީހުންނަށް އަޅާލުމާއި ތެލެސީމިއާ ބަލީގެ ކުޑަކުދިންނަށް ފަރުވާ ދޭއިރު ނިންމަންޖެހޭ ނިންމުންތައް އަދި ކުރު މުއްދަތެއްގައި ދުނިޔޭގައި ހުންނާނެ ކަމަށް ލަފާކުރެވޭ ބޮޑެތި ބަލި ތަކުގެ މީހުންނަށް ފަރުވާ ދޭ ނަރުހުންނަށް ދިމާވާ ނުތަނަވަސްކަމާ ގުޅޭގޮތުން އެ ބައްދަލުވުމުގައި މަޝްވަރާކުރާނެ އެވެ.
އޭގެ އިތުރުން ވެސް ސިއްހީ ދާއިރާއާ ގުޅޭ މުހިއްމު ކަންކަމާ ގުޅޭގޮތުން މަޝްވަރާކުރާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓޯކްސޮޕް
19 July 2022
ފަސްޓްލޭޑީ ގެންގޮސްގެން ނަރުހުންނާ ޑޮކަޓަރުން އެކަނި ކޮންފަރެންސް ބޭއވިއަސް، ޞިއްހީ ދާއިރާގެ ސިޔާސަތުތައް ކަނޑައަޅާ ތަންފީޒު ކުރާ ފަރާތްތައް ބައިވެރިނުކޮށް ތި ކޮންފަރެންސް ބޭއްވީމަ ދެން ތީގެން ނިންމާ ނިންމުންތައް ހަމަ ދާނީ އޮޔަށް ވަޔަށް
ސޯލިބ
19 July 2022
މީކެމްޕޭނު ކުރުން.
ރަސީދުމޫސާ
19 July 2022
ތި ބައްދަލުވުމުގަ ދިވެހި ޒުވާނުއް ޖެހިފައި މިވާ ޑުރަގު ބައްޔައް ދާއިމީ ފަރުވާއެއް އޮތްތޯ މަސްވަރާ ކޮއް އޮތްނަމަ އެކަން ދިވެހި ޑޮކްޓަރުއްނައް ބުނެ ދެވިއްޖެ ނަމަ އެކަން ވެގެންދާނީ މި މަސްތުގަ ޖެހިފައިވާ ކުދިންގެ އާއިލާތަކައް ހިއްހަމަ ޖެހުން ގެނެސްދެވުނު ބައްދަލު ވުމަކަށެވެ
ފަޒްނާ
18 July 2022
އާސަންދައަށް ބަލަދު އަރާފަ އެތަން ފަސާދަ ކުރަމުން އަންނަ ޒީނިޔާ މީނީ މިތަނަށް ގޮސް އެންމެ ކުރީގަ. މީ ހެލް ސެކްޱަރު ގެ ހަލާކު. ރިޱެޔަރ ކޮއްފަ ޒުވާން ކުދިންނަށް ފުރުސަތު ދިނުން މުހިންމު.
ވޭރިއަންޓް ގިރި
18 July 2022
ކަލޯ ހާދަ ހީވެޔޭ ކުރަންޓައިން ކޭމްޕް އަޅަފަ އަނެއްކާ އެންމެން ބޫސްޓުކުރަން އުޅޭހެން،، މިހާރު ޖައްވުގެ އިން ފަށަ ލަކާ ހެދި ހާޓް އެޓޭކް އަދި ބުލަޑް ކުލޮޓް ގިނަވާން ފަށަނީ ،،
ވިދުރި
18 July 2022
މަންކީ ޕޮކްސްގެ ދެވަނަކޭސް ދިވެހިންގެ އެތައްބަޔަކު އައިސްގޮސް އުޅެ ކެރެލާއިން ފެނިއްޖެ. ރާއްޖެން އެކަމާ ގުޅޭ ފިޔަވަޅުތައް އަޅާފަތޯ ހުރީ؟
ޓޫކިލޯ
18 July 2022
ކޮންފަރެންސް ވާވަރަށް ނުބޭއްވޭތަ އަދިވެސް. މިހެން ހަދަންވީނުން. ހެދުނު 9:00 ހަވީރު 5:00 އޯޕީޑީގެ ކޮންމެ ޑޮކްޓަރަކު ބަލާގޮތަށް ހަމަޖައްސަބަލަ. އެހެން ގައުމުތަކުގައިވެސް އޮންނަނީ އެގޮތައް. އޭރުން މީޙުން ނަންބަރު ނުލިބިގެން ޑޮކްޓަރަށް ނުދެއްކިގެން އިތުރު ނަފުސާނީ މައްސަލަތަކެއ ޖެހިގެން އުޅެކަށް ނުޖެހޭނެ. އެކަމަކު އެހެން ނަހަދާނެ، އެބޭފުޅުންގެ އިއްޒައްތެރި ކުލިނިކަށް ދެރައެއް ދެވޭފަދަ އެއްވެސް ކަމެއް ނުކުރާނެ
އެމްސް
18 July 2022
މަޖިލިސް މެމްބަރުންނަށް/ދައުލަތުގެ ބޮޑުންނަށް ސިންގަޕޫރު/ބެންގްކޮކް އިން ހިލޭ ސިއްޙީ ކަންކަން ކުރެވެން އޮތްހާ ދުވަހަކު ތިޔަކަންކަމުގެ އިޙުސާސް އެބޭފުޅުންނަށް ވެދާނެތޯ؟
ހިބިރިންބެއްޔާބެއްޔާގެ ކޮޑަސޮރު
18 July 2022
ކޮންފަރެންސްތައް ކިތޭވަރަކަށްވެސް އެބަބޭއްވޭ. އެކަމަކު ހިތާމައަކީ ކުރިށްކެޑުމުގެ ބަދަލުގާ ހުރިހާކަމެއްވެސް ފަހަތަށްކަނޑާތީ.
ސަކަރާތް
18 July 2022
ކޮބާ އެމަނިކުފާނު، މިބުނީ ހެލްތް މިނިސްޓަރު؟ މީވަވަރަކީ، ދެން އެމަނިކުފާނާ ނޫސްވެރިއަކު ސުވާލުކުރީމަ އެމަނިކުފާނަށް ހަދާނެ އެއްޗެއް ބަލަންވީ ދިމާލެއް ބުނަންވީ އެއްޗެއް ނޭގޭނެ.
ދެ ގުޅަ ޕެނެޑޯލް
18 July 2022
ކޮންފަރެންސަކުން ނިންމާ މުހިންމު ނިންމުންތަކާ ބެސްޓް ޕްރެކްޓިސް އަދި އައު ހޯދުންތަކާ މައުލޫމާތުގެ މަންފާއެއް ރައްޔަތުންނަށް ކުރާނީ އެންމެ ގިނަ އިކްއިޕްމެންޓްތަކާ މެޝިނަރީ ހުންނަ ހޮސްޕިޓަލުގައި އެކަން ކުރެވޭނެ ފުރިހަމަ ނިޒާމެއް ގާއިމުކުރެވިގެންދޯ. އެންމެ ފުރިހަމަކަމަށް ނަންބަރެއްނުލިބޭ، ދެން ކޮންތާކަށް އަހަރުމެން ވަންނަނީ. ޑޮކްޓަރެއްގައި ހުންނަންޖެހޭ ސިފައެއް ނުހުރޭ، އަވަސް އަރުވާލައިގެން ބަލާނީ ރީތިބަހުން ވާހަކަ ނުދައްކާ. ވާނުވާ ކިއައި ނުދޭ..
ޑރ. ފައިސާ
18 July 2022
ތީހަމަ ބޭކާރު ކަމެއް މިތަނުގެ މިއޮންނަ ނިޒާމެއް ބަދަލު ނުވާހާ ހިނދަކު ދެއިރު ދެދަޅައަށް ކޮންފަރެންސް ބޭއްވިޔަސް ބަލިމީހާއަށް ކުރާނެ ފައިދާއެއްނެތް. އެހެނީ، ރާއްޖޭގެ ސިއްޚީނިޒާމު ބައްޓަންކޮށްފައި އޮތީ ބަލީމީހާގެ ވޭނާ ކެކުޅުމަށް ފުރަތަމަ ކުރާގޮތަކަށްނުން. ޑޮކްޓަރަށް ފަސޭހަވާގޮތަށް. ގިނަލާރީ ލިބޭގޮތައް. ކުލިނިކުތަކުން ބޮޑުވިޔަފާރި ހިންގާގޮތައް. އެމީހުން ހޮސްޕިޓަލުގައި ދެމީހުންނާ ފަޅި ބަލާފަ ތިބޭނީ ކުލިނުކުތަކުގަ ދައްޕިލަ ސޭލްއަޅުވައިގެން.
އެމްސް
18 July 2022
މަޖިލިސް މެމްބަރުންނަށާއި ދައުލަތުގެ ބޮޑުންނަށް ބެންގްކޮކް/ސިންގަޕޫރުން ހިލޭ ބޭސް ކުރެވެން އޮންނަހާ ދުވަހަކު އެއްވެސް ކަމެއް ރަގަނޅެއް ނުވާނެ!