އިމާދުއްދީން ސްކޫލްގައި ރޭ ބޭއްވި އެމްޑީޕީގެ ގައުމީ މަޖިލީހުގައި ޖަލްސާގައި ބައިވެރިވި ބައެއް މެމްބަރުން.-- ފޮޓޯ: އެމްޑީޕީ
21 ޖުލައި 2022 - 13:43
16 comments
ރާއްޖޭގެ އެންމެ ބޮޑު ޕާޓީ، އެމްޑީޕީއަށް ދައުލަތުގެ ބަޖެޓުން ކޮންމެ އަހަރަކު ވެސް ދޭ ފައިސާގެ 60 ޕަސެންޓް ދާއިރާތަކަށް ބަހަން، އެ ޕާޓީގެ ގައުމީ މަޖިލީހުން ރޭ ނިންމައިފި އެވެ.
ގައުމީ މަޖިލީހުގެ ޖަލްސާއަށް، ބާރަށު ދާއިރާގެ މެމްބަރު އަދި މާލީ ކަންތައްތަކާ ބެހޭ ޑެޕިއުޓީ ޗެއާޕާސަން އަހުމަދު އަބްދުﷲ ހުށަހެޅުއްވި ގަރާރުގައި ވިދާޅުވީ އެމްޑީޕީއަކީ ލާމަރުކަޒީ ނިޒާމުން ކަންކަން ހިންގުމަށް ބާރު އަޅާ އަދި އެ ކަންކަމަށް ހިތްވަރު ދޭ ޕާޓީއެއް ކަމަށެވެ.
އެހެންވެ، މި އަހަރުން ފެށިގެން ދައުލަތުގެ ބަޖެޓުން ޕާޓީތަކަށް ދޭ ފައިސާގެ 60 ޕަސެންޓް އެމްޑީޕީން ބަހާނީ އެ ޕާޓީގެ ދާއިރާތަކަށް ކަމަށް ފާސްކުރި ގަރާރުގައި ބުންޏެވެ.
އެމްޑީޕީގެ ދާއިރާތައް ބަހާލާފައިވަނީ ރައްޔިތުންގެ މަޖިލީހެކޭ އެއްގޮތަށް 87 ދާއިރާއަށެވެ. ބައި ލައްކައަށްވުރެ ގިނަ މެމްބަރުން ތިބި ޕާޓީއަށް ދައުލަތުގެ ބަޖެޓުން މި އަހަރު 15.02 މިލިއަން ރުފިޔާ ދީފައިވެ އެވެ.
މާލީ އެހީ ދޭނެ ގޮތްތައް
- ދާއިރާތަކަށް ދޫކުރާ ފައިސާގެ 20 ޕަސެންޓް ރަށްތަކުގެ މެދުގައި ހަމަހަމަކޮށް ބެހުން
- ދާއިރާތަކަށް ދޫކުރާ ފައިސާގެ 25 ޕަސެންޓް ދާއިރާތަކުގެ މެދުގައި ހަމަހަމަކޮށް ބެހުން
- ދާއިރާތަކަށް ދޫކުރާ ފައިސާގެ 45 ޕަސެންޓް ދާއިރާތަކުގެ މެމްބަރުންގެ ނިސްބަތުން ބެހުން
- ދާއިރާތަކަށް ދޫކުރާ ފައިސާގެ 10 ޕަސެންޓް، ދާއިރާތަކުގައި ހިންގާ ޕާޓީ ހަރަކާތްތަކާއި ކެމްޕެއިން ހަރަކާތްތަކަށް ދޫކުރުން
އިމާދުއްދީން ސްކޫލްގައި ރޭ ބޭއްވި އެމްޑީޕީގެ ގައުމީ މަޖިލީހުގައި ޖަލްސާގައި ބައިވެރިވި ބައެއް މެމްބަރުން.-- ފޮޓޯ: އެމްޑީޕީ
އަހުމަދު "މިހާރު" އަށް ވިދާޅުވީ ދާއިރާތަކަށް މާލީ އެހީތެރިކަން ދޭން ފެށުމުން އެ ރަށްތަކުގައި އެމްޑީޕީގެ ހަރަކާތްތައް ވަރުގަދަވެ، ކަންކަން އިންތިޒާމްކުރަން ފަސޭހަވެގެންދާނެ ކަމަށެވެ.
އޭނާ ވިދާޅުވީ އެ ދާއިރާތަކަށް ލިބޭ ފައިސާގެ އަދަދު، އެ ދާއިރާތަކުގެ ރައީސުންނަށް އަންނަ މަހުގެ ކުރީކޮޅު އަންގާނެ ކަމަށެވެ. އެއަށްފަހު، އެ ބަޖެޓުން ކުރާނެ ކަންތައްތައް ފާސްކޮށް ފޮނުވުމުން، އެއާ އެއްގޮތަށް ފައިސާ ދޫކުރާނެ ކަމަށް އަހުމަދު ވިދާޅުވި އެވެ.
ރަށްރަށުގައި އެމްޑީޕީން ހިންގާ ހަރަކާތްތަކަށް މީގެ ކުރިން ވެސް ފައިސާ ދެ އެވެ. ނަމަވެސް އެކަން ކުރުމަށް މިހާތަނަށް އިންސާފުވެރި އުސޫލެއް ނެތެވެ.
އެކަމަކު، ދާއިރާތަކަށް ދޭނެ އެހީ ކަނޑައެޅުމުން ހުރިހާ ތަނަކަށް ވެސް ހަމަހަމަކޮށް ފައިސާ ދެވޭނެ ކަމަށް އޭނާ ވިދާޅުވި އެވެ.
އެމްޑީޕީއަށް ދޭ ފައިސާގެ ބޮޑު ބައެއް ދާއިރާތަކަށް ބެހުމަކީ، މިދިޔަ މެއި މަހު ބޭއްވި ވާދަވެރި ޗެއާޕާސަންގެ އިންތިހާބު ކާމިޔާބު ކުރެއްވި ފައްޔާޒް އިސްމާއިލްގެ ވައުދެކެވެ. އެ ކެމްޕެއިންގެ ތެރޭގައި ވެސް ފައްޔާޒު އެންމެ ގިނައިން ދެއްކެވި އެއް ވާހަކައަކީ ރަށްރަށުގައި އެމްޑީޕީގެ ހަރަކާތްތައް ކުރިއަރުވަން އެކަށީގެންވާ އެހީތެރިކަން ނުލިބޭ ކަމުގެ ކަންބޮޑުވުންތަކެވެ.
އެމްޑީޕީގެ ގައުމީ މަޖިލީހުގެ ނިންމުންތަކުގައި ދާއިރާތަކުގެ ހިއްސާ ބޮޑެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތޮށަލިތަކުރު
21 July 2022
ޕާޓީހަދައިގެން ޕާޓީހިންގުމަކީއެކަންކުރާބައެއްގެއަމިއްލަކަމެކެވެ,ނިކަމެތިރައްޔިތުމީހާއަތުން މަޖުބޫރުކޮއްގެންނަގާފައިސާޕާޓީހިންގަންދިނުމަކީ ކޮންޤައުމެއްގަކުރާކަމެއްތޯ? އަދިމިވަރުންމިފައިސާދިނީމަވެރިކަމައްއައިސް ދެންކާލަނީދައުލަތުގެޚަޒާނާއެވެ,މީކިހާބޮޑުމުސީބާތެއްތޯއެވެ.ހަމަމިހާރު ރައްޔިތުންގެފައިސާ ޕާޓީހިންގަންދިނުންހުއްޓާލާންގޮވާލަން މަޖިލިހުގެމެމްބަރުންވެސްްމިކަމައްވިސްނާށެވެ ނޫންނަމައަހަރުމެންގެ ވޯޓުހޯދަންނާދޭ!
ހަސަންދީ
21 July 2022
ފައިސާދިނަސް ނުދިނަސް އެމްޑީޕީގެ ރޫޙު ހުރިމީހެއް އެޕާޓީން މީހަކު ކުރިމަތިލައިފި ނަމަ އެހެން މީހަކަށް ވޯޓެއް ނުދޭނެ ރީދޫ ހުން ޖެހުނު މީހެއް މިހާތަނަށް އެހެންމީހަކަށް ވޯޓެއް ދީފައެއް ނެތް
ދިވެހިދަރިއެއް
21 July 2022
ހީވަނީ ރައީސް އަންނިގެމަޅީގަ ރަގަޅައްޖެހިއްޖެހެން މިހެންމިދެންނެވީ,މިހާރަކައްއައިސްއަބަދުވެސްރައީސައްކުރެވެނީރައްޔިތުން ރުޅިއައިސް ރަތައްއަރާކަހަލަކަންތަކެވެ ސަފާރީކޭސް ލިވާތުގެމަސްއަލަ,ދާގޮތް ނޫސްވެރިންގެމުޒާހަރާ,ޢިލްމުވެރިންހައްޔަރުކުރުން, ޑުރަގުކޭސްތަކުގައެއްދޮރުންވަދެގެންް އަނެއްދޮރުންނުކުތުންފަދަގިނަކަންތައްްތަކެކެވެ.
އޮނަރަބްލް އަފީފު ދީދީ
21 July 2022
ބޮޑުލާރީގައިހުނިޖަހާފައި ދިއްކޮށްލާ ފައިސާފޮއްޗެއްގެ ދަހިވެތިކަމަކަށްނޫން މަރަށް ފުރާނައަށްބެލުމެއްނެތި އަހަރުމެންނިކުމެ އެމްޑީޕީ ވުޖޫދުކުރީ. # އަހަރުމެންބޭނުންވަނީ ކ.އަތޮޅުމާލޭގައި އޮތް "ގަދީމީފިކުރާއި އުސޫލު ބަދަލުކުރުމަށް" ކަންކަން ލާމަރުކަޒުކުރާން ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެހިމަނައި) ދާލަށް ސެންޓްރަލް އަދި ކޮޅުމަޑުލުން އައްޑުއަށް ސަދާން ރީޖަންކަމުގައިކަޑައަޅާ ކޮންމެރީޖަނަކުން ޕާޓީގެ ރައީސަކާއި ނައިބެއް އިންތިޙާބުކުރަން.
އަސޭލާ.
22 July 2022
އެމްޑީޕީ ހިސޯރުކޮށްގެން މިހާރު ތިބީމުޤައްދަސް ރަށް ކޮޅުގެ ބިންވެރިން. އެމީހުން ތިގޮތަށް ސަރަޙައްދީ ބާރުތަކަށް ޖާގައެއް ނުދޭނެ.
ީއުއުއު
21 July 2022
އޭރުން ދޯ ރަށްރަށު ދެތިން ބޮޑުންނަށް ރަނގަޅަށް ކެވޭނީ.. ތިޔަ ކާނީ 2 3 މީހުން
ބޮޑުމީހާ
21 July 2022
ތިދެން މިހާރު ބަޔަކު ތާއިދުކުރާ ޕާޓީއެއްވެސް ނޫން
ހޯރަފުށީ ރިހަތެލި
21 July 2022
އަނެއް ބައި ބޯގަންވިލާއަށް ދޯ
މި ބޭ
21 July 2022
އަންނި ކަ އިފަ ބާކީ ހުރިއ އްޔާ އެހެން މީހަކަށް ލިބޭނީ
ގެދާނޯމޮސް
21 July 2022
ނަހައްގުން ޕާޓީއަށް ވައްދައިފަ ތިބިމީހުންނަށް ލިބޭ 40% ޕަސެންޓް ކާނީ ޕާޓީގެ އެންމެ މާތްމީހުންހެއްޔެވެ؟!
އެޓްލާންޓިކް
21 July 2022
ރައީސް ސޯލިހްގެ ރަނިންމޭޓް ފައްޔާޒު 2023
ޗޭންގް ޓިކެޓް.
21 July 2022
ޜަނިންމޭޓްކަމެއްނޫން. އިބޫ ސުލޯ، ފައްޔާޒް ފާސްޓް. މިފަހަރު މީތި ވިންކުރަން އެންމެރަގަޅު ފޯމިއުލާއަކީ. ފައްޔާޒަށް ޓިކެޓް އިބޫއަށް ރަނިންމޭޓްކަން. އޭރުން އެއްބުރުން ނެގޭނެ
ޖީބު
21 July 2022
ތިޔަ ބަހާ ފައިސާ ޕާޓީ ގޮފިތަކުން ކޮފީ މޭޒުތަކާއި އަމިއްލަ ޖީބުތަކަށް ދުއްވާލުން ގާތީ. ތީވެސް ދައުލަތުގެ، ދިވެހި ހުރިހާ ރައްޔިތުންގެ ފައިސާ. ޕާޓީ ކުދިން ހިތުހުރި ގޮތަކަށް ތި ފައިސާއަށް ހަދައިފިނަމަ އެވެސް ވާނީ ވައްކަމަށްް. ޚިިޔާނާތައް. ދެން އޭރުން މާ ރީއްޗެއް ނުވާނެ ވައްކަމޭ ހިޔާނާތޭ ކޮރަޕްޝަނޭ އެހެން މީހުނާ ދިމާލަށް ގޮވާކަށް.