އައިއެމްއެފްގެ މިޝަންގެ ޓީމަކުން ނޫސްވެރިންނަށް މައުލޫމާތު ދެނީ. ޖީއެސްޓީ ބޮޑު ކުރާތީ އެ އިދާރާއިން ވަނީ މަރުހަބާ ކިޔާފައި--ފޮޓޯ:މިހާރު
27 ޖުލައި 2022 - 13:44
20 comments
އަންނަ އަހަރު ސަރުކާރުން ޖީއެސްޓީ ބޮޑުކުރަން ނިންމި ނިންމުމަށް މާލީ އިދާރާ، އައިއެމްއެފް އިން މަރުހަބާ ކިޔައިފި އެވެ.
އައިއެމްއެފްގެ މިޝަންއަކުން މިދިޔަ މަހު ހަފްތާއަކަށް ރާއްޖެ އަށް ކުރި ދަތުރަށް ފަހު ނެރުނު ބަޔާނުގައި ވަނީ ޓޫރިޒަމް ދާއިރާއިންނާއި ޑޮމެސްޓިކް ދާއިރާއިން ޖީއެސްޓީ ބޮޑުކުރަން ސަރުކާރުން މަސައްކަތް ފެށުމަކީ އަޅާ ރަނގަޅު ފިޔަވަޅެއްގެ ގޮތުގައި ފާހަގަކޮށްފަ އެވެ. އައިއެމްއެފް އިން ބުނީ، އަންނަ އަހަރު ޖީއެސްޓީ ބޮޑުކޮށް، ދައުލަތަށް ލިބޭ އާމްދަނީ މައްޗަށް ޖެހުމުން ގައުމަށް އިތުރު ފައިދާތައް ފެނި، އިގްތިސާދު ރިކަވާ ކުރަން ފަސޭހަވާނެ ކަމަށެވެ.
"ސަރުކާރުން ވަނީ ޓޫރިޒަމް ދާއިރާއިން 12 ޕަސެންޓާއި 16 ޕަސެންޓަށް ބޮޑު ކުރުމަށާއި އާންމުންގެ އަތުން ޖީއެސްޓީ ނެގުން ހަ ޕަސެންޓުން އަށް ޕަސެންޓަށް ބޮޑު ކުރުމަށް މަރުހަބާ ކިޔަން. އެއާ އެކު ސަރުކާރު ހިއްސާވާ ކުންފުނިތަކުން ސަރުކާރަށް ބަރޯސާވާ ވަރު ކުޑަކުރުން ވަރަށް މުހިއްމު،" ބަޔާނުގައި ބުނެފައި ވެ އެވެ.
އައިއެމްއެފް އިން މިހެން ބުނެފައިވާ އިރު މިދިޔަ މަހުގެ 16ގައި ޖީއެސްޓީ ހަރުދަނާ ކުރުމާ ގުޅޭ ގޮތުން އައިއެމްއެފް އިން ނެރުނު ރިޕޯޓުގައި ވަނީ ރާއްޖޭގެ ޖީއެސްޓީ އާއި ޓީޖީއެސްޓީ ބޮޑުކުރަން އެންމެ ރަނގަޅީ 2024 ވަނަ އަހަރު ކަމަށް ބުނެފަ އެވެ. އެ އަހަރު ވެސް ޓެކްސް ބޮޑުކުރަން ވާނީ މިހާރު ކުރިމަތިވެފައިވާ އިންފްލޭޝަންގެ ހާލަތު ހަމައަކަށް އެޅުމުން ކަމަށް ރިޕޯޓުގައި ބުނެފައިވެ އެވެ. އެކަމަކު، އެ ރިޕޯޓް އެ އިދާރާ އިން ތައްޔާރުކޮށްފައި ވަނީ އަހަރުގެ ކުރީކޮޅު ހޯދާފއިވާ މައުލޫމާތުގެ މައްޗަށް ބަލައިފަ އެވެ.
އެ ރިޕޯޓްގައި ބުނެފައިވާ ގޮތުން ދުނިޔޭގެ ބާޒާރުގައި ތަކެތީގެ އަގުތައް އިންތިހާ އަށް އުފުލެމުންދާ ދަނޑިވަޅެއްގައި ޓެކްސް ބޮޑުކުރުން ރަނގަޅެއް ނޫނެވެ.
ޓޫރިޒަމާއި އާންމު މުދަތުން ނަގާ ޖީއެސްޓީ ބޮޑުކުރުމުން ދައުލަތުގެ އާމްދަނީ އަށް އިތުރު 2.5 ބިލިއަން ރުފިޔާ ލިބޭނެ ކަމަށް ހިސާބުތަކުން ދައްކަ އެވެ. ސަރުކާރުގެ އަންދާޒާ އަކީ ޓީޖީއެސްޓީ އާއި ޖީއެސްޓީން ދައުލަތަށް އިތުރު ތިން ބިލިއަން ރުފިޔާ ހޯދުމެވެ. އެހާ އެކު ދައުލަތުން ޓެކުހުން ލިބޭ އާމްދަނީ ހަ ބިލިއަން ރުފިޔާއަށް އިތުރުވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައީސް ސޯލިހަށް
29 July 2022
ޖީއެސްޓީ ބޮޑު ކުރުމުން އިންފްލޭޝަނަށް އަންނަ އަސަރު ކުޑަކުރުމަށް އެސްޓީއޯ ތައްޔާރުވެ އާންމު ތަކެތި އަގުހެޔޮކޮށް ރައްޔިތުންނަށް ފޯރުކޮށްދޭން ޖެހޭ. ދިވެހި ވިޔަފަރިވެރީންގެ ވިސްނުން މިހުންނަނީ އުސޫލެއް ހަމައެއް ނެތި ތަކެތި އަގުބޮޑު ކުރުމުގެ ނުބައި ވިސްނުން. ހަގީގަތަކީ ޖީއެސްޓީ ދައްކަނީ އާންމު ރައްޔިތުން. ނަމަވެސް ވިޔަފަރިވެރީން ތަކެތި އަގުބޮޑު ކުރަނީ އާންމު ރައްޔިތުންނާ ސަރުކާރަށް ޖެއްސުން ކުރުމުގެ ނިޔަތެއް އޮވެގެން. ވަރުގަދަ ޖޫރިމަނާއެއް ދޭންވީ.
ހެޑްލައިން
28 July 2022
ޤައުމެއް ނެތް1
ދޮންޑު
28 July 2022
ޙަރަދުތައް ހަމަޖައްސަން ކޮންމެ ދިވެއްސަކައް ޕާޓްޓައިމް ޖޮބެއްވެސް ސަރުކާރުން ދޭންވެއްޖެނު. ފެންވަރެއްނެތް ސިޔާސީ މީހުންގެ މުސާރަ ދޭން ރައްޔިތުން މިފެލަނީ
ޙިނި
28 July 2022
ޢައި.އެމް.އެޕް ގެ ވެރިން ރިބާއިން މުުއްސަންދިވާ މީހުން އުފާވާނެތާ، ރިބާ ލޯނު ގިނައިން ނެގޭނީ އަދި ލޯނު ދެއްކޭނީ ތި ބޮޑުކޮއްގެންތާ
ބޮޑުހުސޭނު
28 July 2022
އަވަސްކުރޭ. ރައްޔަތުމީހާ ހޭއަރުވަާލަން މާބޮޑަށްވެސް ލަސްވެއްޖެ
އައިއޭމްއެފް
28 July 2022
މ ޅ ތަކަށް އޯކޭވާނެތާ ރައްޔިތުންނަށް ކޮންމެ އެއްޗެއްވިޔަސް. ދައުލަތަށް ގިނަ ލާރި ވައްދާފާ މިމީހުން އަތުން ނަގާފަ ހުރި ލޯނު ދެއްކެނިކޮށް. މިމީހުން ދައުލަތަށް އިތުރަށް ލޯނު ދެވޭނެ ގޮތްގޮތް ހޯދަނީ. ލާރިކޮޅެއްދޭއިރަށް އަނެއްކާ ބުނާ އާން އަނެއްކާ މިއޮތީ އަނެއް ލޯނު ބުރިޖެއް އަޅާލާ ކުޑަވަރެއްގެ އިންޓަރެސްޓެއް ލާފަ ދައްކާލީމާ އޯކޭވާނެ ރައްޔިތުން ބަނޑަށް ޖައްސައިގެންވިޔަސް އިގްތިސާދީ ހަރަކާތްތަކުން ދައުލަތަށް ވަންނަ ލާރި ސިޔާސީ މީހުނަށް ލިބެނިކޮށް އޯކޭ.
ކަނބިލި
28 July 2022
އައިއެމްއެފްއަކީ އިސްތިއުމާރީ ހަތިޔާރެއް. ގައުމުތަކުގެ ރައްޔިތުންނާ ބީރައްޓެހި ތަނުގައި ހަމަނުޖެހުން އުފެދޭ ކަހަލަ ފިޔަވަޅުތައް އަޅަން އަންގާ ބައެެއް.
ނުރަބޯ
27 July 2022
ތިޔައީ ދެފަހަރު ދެއަނގައިން ވާހަކަ ދައްކާ ބައެއްތާ. ކުރިން ނަސޭޙަތް ދިނީ މިވަގުތު ބޮޑުނުކުރާން. މިހާރު ކުއްލިއަކަށް އެއީ ކޮންމެހެންވެސް ނުކޮށް ނުވާ ކަމަކަށް ވެގެން އެކަމުގެ މޮޅުކަން ބަޔާން ކޮށް އެކަމަށް މަރުހަބާވެސް ކިޔައިފިޔޯ……؟
އޮނަރަބްލް އަފީފު ދީދީ
27 July 2022
ޓީޖީއެސްޓީއާއި އިންކަމްޓެކްސް ދަރަޖައަކަށް އުފުލާލުން އެންމެރަނގަޅު. އެހެންނަމަވެސް ޤައުމުގެ އިޤްތިސޯދީޙާލަތު ހަމައެކަނި ޓެކްހުން ހަމައަކަށްއަޅުވަން ވިސްނުމަކީ ބުއްދިވެރިގޮތެއްނޫން. # މިގޮތުން ޤައުމުން ބޭރުވާފައިސާ ވަކިންޙާއްސަކޮށް ބޭރުފައިސާ ޤައުމުގައި ހިފެހެއްޓުމަށްޓަކާ ރާއްޖޭގެ ރިސޯޓްތަކުގެ ވޭޖަސް (މުވައްޒަފުންގެ ބޮލެއްނޫން) މަހުމުސާރައިގެ ގޮތުގައި ހޭދަކުރާ ފައިސާގެ %60 އަކީ ދިވެހިންގެ މައްޗަށް ކުރާ ހޭދައަކަށް ހެދުމަކީ ވަރަށް މުހިންމު ކަމެއް.
ށިއާށީ
27 July 2022
ކޮންމެވެސް ނޫހަކުން ނިކަން ރާއްްޖޭގައި ސިޔާސީ މުވައްޒަދުންނަށް ދައުލަތުނަ މަހެއްްގެ މައްޗަށް ހޭދަ ކުރާ ވަރު އިނގޭ ރިޕޯޓެއް ހަދާލަބަލަ. އޭގެ ތެރޭގައި އެބަތިބި ބަލަދު އެރީތީ ވަޒީފާގަ ތިބި އެތައް ހާސް ބަޔަކު
ދުރުމި
27 July 2022
ނޫހަކުން ތިޔަފަދަ ރިޕޯޓެއް ހެދުމުގެ ކުރިން ސަރުކާރުގެ މޫނު ރީތިކުރަން ނޫސްތަކަށް ދެނީ ކިހާވަރެއްތޯ ބެލުން މާރަގަޅުވާނެ.