އާރްޓީއެލް ބަސްތައް އައްޑު އަށް ގެންގޮސްފި

އާރްޓީއެލްގެ އަށް ބަސް އައްޑޫގައި ---ފޮޓޯ: އެމްޓީސީސީ

އަހުމަދު އަރުޝަމް، މިހާރު

29 ޖުލައި 2022 - 14:36

އެމްޓީސީސީން އަތޮޅުތެރޭގައި ފަށާ ރާއްޖެ ޓްރާންސްޕޯޓް ލިންކް (އާރްޓީއެލް) ބަހުގެ ހިދުމަތަށް ބޭނުންވާ ބައެއް ބަސް އައްޑު އަށް ގެންގޮސްފި އެވެ.

އެމްޓީސީސީން ކުރި ޓްވީޓެއްގައި ބުނީ އައްޑު އަށް ބޭނުންވާ އަށް ބަސް މިހާރު ގެންގޮސްފައިވާ ކަމަށެވެ.

އެ ބަސްތައް ބޭނުންކުރާނީ ގަން، ފޭދޫ، މަރަދޫފޭދޫ، މަރަދޫ އަދި ހިތަދޫގައި، ހަތަރު ރޫޓަކަށް ބަހާލައިގެންނެވެ.

އައްޑޫ ހުޅުމީދު އަށް ހަތަރު ބަސް ގެންދަން ހަމަޖެހިފައިވާއިރު އެއާ ގުޅޭ އަޕްޑޭޓެއް އަދި ހާމައެއް ނުކުރެ އެވެ. ހުޅުމީދޫގައި ވެސް ހަތަރު ރޫޓަކުން ބަސް ދަތުރުކުރަން ވަނީ ހަމަޖެހިފަ އެވެ.

އާރްޓީއެލް މިނީބަހުގެ ހިދުމަތް ފަށަން އެމްޓީސީސީން ވަނީ 36 ބަސް ރާއްޖެ ގެނެސްފަ އެވެ. އޭގެ ތެރެއިން 12 ބަސް ބޭނުންކުރާނީ މާލޭގަ އެވެ. އެ ބަސްތަކަކީ ގާތްގަނޑަކަށް 20 މީހުންގެ ޖާގައިގެ ބަސްތަކެކެވެ.

މާލޭގައި ބަހުގެ ޓްރަޔަލް ދަތުރުތައް ގާތްގަނޑަކަށް ތިން ހަފްތާތެރޭ ފަށާނެ ކަމަށް ސަރުކާރުން ބުނެފައިވާއިރު، ރަށްރަށުގައި ވެސް އެ ހިދުމަތް ވަރަށް އަވަހަށ ފަށާނެ އެވެ.

މާލެ އާއި އައްޑޫގެ އިތުރުން ފުވައްމުލަކާއި ލ. ގަން ، ފޮނަދޫ އަދި ލ. އިސްދޫ ކަލައިދޫގައި އާރްޓީއެލް ބަހުގެ ހިދުމަތް ދޭން ވަނީ ހަމަޖެހިފަ އެވެ.

ސ. ފޭދޫ ސ. ހިތަދޫ އައްޑޫ ސ. މަރަދޫ ބަހުގެ ޚިދުމަތް ސ. ގަން އެމްޓީސީސީ ސ. މަރަދޫ ފޭދޫ

9 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

30 July 2022

ނަވާރަ ކިލޯމީޓަރުގެ ބޮޑު ސިޓީއެއްގައި ސްކޫލްބަހާއި އާންމުން ދަތުރުކުރުމަށް ސިޓީބަސް އޮޕަރޭޓްކުރުމަކީ ސަރުކާރުން ދޭންޖެހޭ އަސާސީ ހިދުމަތެއް. # ބަސްދަތުރުގެ އިތުރަށް ސިޓީގެ އެތެރޭގެއަވަށްތަކާއި ފުވައްމުލަކާއި ދޭތެރޭގައި އޮޕަރޭޓްކުރާ ފެރީބޯޓްގެ ސައިޒުބޮޑުކޮށް ދަތުރު އިތުރު ކުރަންޖެހޭ. # އަދި އެޓޯލްސް ކަނެޓިވިޓީ ފުޅާކުރަން ތިނަދޫ، ފަރެސްމާތޮޑާ، ފޭދޫ ކާގޯ ފެރީ ތައާރަފްކޮށް ދުވަހުން ދުވަހަށް ބާޒާރަށްނެރޭ އުފެއްދުން އުފުލޭނެގޮތް ފަސޭހަ ކުރަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސީސީ.

30 July 2022

އަފީފު ތިޔަ ވިދާޅުވާ ކާގޯ ފެރީގެ ހިދުމަތަކީ އެމްޓީސީސީގެ ވިސްނުމުގައި އޮތް އަދި އަވަސް މުއްދަތެއްގައި އެކަން ކުރާނެ ކަމެއް. އެމްޑީޕީގެ ނޫ އިޤުތިސޯދު ފުރިހަމަ ކުރުމަށް ތިޔަފަދަ ކާގޯ ފެރީގެ ހިދުމަތް ކޮންމެހެންވެސް ބޭނުންވޭ. ހުވަދޫ ފުވައްމުލައް އަދި އައްޑޫގެ އިތުރުން ލާމް ގަންފޮނަދޫ ގުޅާލުމަކީ މިކުންފުނީގެ ވިސްނުން. އިރާދަ ކުރެއްވީއްޔާ 2023 ގެ ކުރިން ހިދުމަތް ފައްޓާ ހަފުތާއަކު 2 ފެރީ ލާމުން އައްޑުއަށް ބޭއްވޭވަރު ކުރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނަހަންދޫ.

30 July 2022

އެމްޓީސީސީ މީހުނަށް ލާމުން އައްޑޫއަށް ބޭއްވޭނީ ފެރީއެއްނޫން. ބޮޓެތި ކޯގޯ ޝިޕް ކަން ނޭގެ ބާއްވާނީ. އަނެއްކާ މިހާރު ކުރަން ހުރި ހުރިހާ ކަމެއްވެސް ކުރަން ނިންމާފައި އޮންނަނީ 2023 ހާއި ދިމާވާގޮތަށްތޯ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރާކް އޮބާމާ (ޔޫއެސްގެ ކުރީގެ ޕުރެޒިޑެންޓް)

29 July 2022

މުގައްދަސްރަށްކޮޅު އައްޑޫއަށް ބަސްތައް ގެންދިޔައީ! ކޮބާ ރާއްޖޭގެ އެހެންރަށްތައް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޣޮބެ

29 July 2022

ރައްޖޭގެ ބަސް ދުުއްވޭނެ ބިމާއި އާބާދީ އޮތް ތަންތަނުގައި ބަސްް އޮޕަރޭޓް ކުރޭ. ކުޑަކޮށް ދިރާސާކޮށްބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަގޫ ....

30 July 2022

ބަރާކް އޮބާމާ (ޔޫއެސްގެ ކުރީގެ ޕުރެޒިޑެންޓް) ކަލޭ ތިއުޅެނީ ވަރަށް ބޮޑަށް އޮޅިގެން. ކ.އަތޮޅު މާލެ އާއި ޙިލާފަށް ލާމް އަތޮޅާއި އައްޑޫސިޓީ ފަދަ ބިންބޮޑު ރަށް ރަށުގައި ބަހުގެ ހިދުމަތަކީ އަސާސީ ހިދުމަތެއް. އެއީ ސަރުކާރުން ދިނުން ލާޒިމް ހިދުމަތެއް. ކަލޭމެން މުޤައްދަސް ރަށްކޮޅު ކ.އަތޮޅު މާލޭ މީހުން ތިއުޅެނީ ދެފައިދޭތެރެ ވަރުގެ ދަނެއްގައި ބަސް ދުއްވަން. ތަފާތަކީ މިއީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމިތަކުރު.

29 July 2022

ކ.އަތޮޅު މާލޭ މީހުން އަތޮޅު ތެރެ މިކިޔަނީ ކޮންތަނަކަށް ކޮން ގޮތަކަށް ؟ ދިވެހި ބަހުގެ ހަމަތަކުން އަތޮޅު ތެރެ އަކީ އެއަތޮޅެއްގެ އެތެރޭގެ ރަށްރަށަށް ނުވަތަ އަތޮޅުގެ އެތެރޭގެ ތަންތަަނަށް ނިސްބަތްކޮށް ކިޔާ ގޮތް. ނަމަވެސް މިހާރު ކުރީ ޒަމާނުގައި މާލޭ ސަރުކާރުން ބޭނުން ކުރި ރާއްޖެތެރެ ކިޔަން ނުކެރޭތީ އާގޮތަކަށް ރާއްޖެ ތެރެ ކިޔަންވެގެން އަތޮޅު ތެރެއޭ ކިޔާ ތަން މިފެންނަނީ.މިމީހުނަށް ހީވަނީ ތިމަންނާ މެންނަކީ މާ މަތީ ބައެއްކަމަށް.