ރެހެންދި ސްކޫލްގެ ކުދިން ކޮންމެ ދުވަހަކު ޖަމާއަތުގައި އަސުރު ނަމާދުކުރަނީ

ރެހެންދި ސްކޫލްގެ ދަރިވަރުން އެ ސްކޫލްގެ ގޯތިތެރޭގައި މިއަދު ޖަމާއަތުގައި އަސްރު ނަމާދުކުރަނީ.

އިފްރާޒް އަލީ، މިހާރު

14 އޯގަސްޓް 2022 - 18:25

ހުޅުމާލޭގެ ރެހެންދި ސްކޫލްގައި މެންދުރުފަހު ދަންފަޅީގައި ކިޔަވަން ދާ ހުރިހާ ކުދިން އެ ސްކޫލްގައި ޖަމާއަތުގައި އަސުރު ނަމާދުކުރަން މިއަދު ފަށަައިފި އެވެ.

އެކަން ފެށުމުގެ ގޮތުން މިއަދު އެ ކުދިން ވަނީ ސްކޫލުގެ ގޯތިތެރޭގައި ޖަމާއަތް ހަދައިގެން އަސުރު ނަމާދުކޮށްފަ އެވެ.

އެ ސްކޫލުން ބެލެނިވެރިންނަށް ފޮނުވި މެސެޖެއްގައި ބުނީ މެންދުރުފަހު ދަންފަޅީގައި ކިޔަވަން ދާ ގްރޭޑް 2، 3، 4، 5 އަދި 6 ގެ ކުދިން ޖަމާއަތުގައި އަސުރު ނަމާދުކުރުން ކޮންމެ ދުވަހަކު ވެސް އޮންނާނެ ކަމަށެވެ.

ކުދިން ސްކޫލަށް ފޮނުވާއިރު ނަމާދަށް ތައްޔާރުކޮށްފައި ފޮނުވައިދިނުމަށް ވެސް އެދުނެވެ.

ގޭގައި މެންދުރު ނަމާދު ކުރުވައިގެން ކުދިން ސްކޫލަށް ފޮނުވުމަށާއި އަދި ވުލޫއު ކުރުވައިގެން ފޮނުވުމަކީ ރެހެންދި ސްކޫލުގެ އެދުމެކެވެ. އަދި ނަމާދުކުރުމަށް ބޭނުންވާ މުސައްލަ އާއި ނަމާދުދޮޅި ފަދަ އެއްޗެހި ވެސް ބެލެނިވެރިން ފޯރުކޮށްދޭން ޖެހެ އެވެ.

ކޮންމެ ދުވަހަކު ވެސް ބޫޓު ލުމަށް ޕްލާސްޓިކް ނޫން ޒާތެއްގެ ކޮތަޅެއް ދީފައި ފޮނުވުމަށާއި އަދި ސްކޫލަށް ދާއިރު ނަމާދުކުރަން އެކަށީގެންވާ ސާފުތާހިރު އިސްޓާކީނަކަށް އަރުވައިގެން އެ ކުދިން ފޮނުވުމަށް ވެސް އެ މެސެޖުގައި ބުންޏެވެ.

ތައުލީމް އިސްލާމް ރެހެންދި ސްކޫލް

42 ކޮމެންޓް, 55 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮރަލް

15 August 2022

ވ އުފާވެރި މަންޒަރެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޞބެންހާައަލީ

15 August 2022

ޙުޅުމާލޭގެ ޣާޒީ ސްކޫލްގައި ތިކަން ކުރާތާ މިހާރު އެތައް އަހަރެއްވެއްޖެ. ޜެހެންދީން ތިކަން ފެށީތީ މަރުހަބާ ކިޔަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

2008 ން ފެށިގެން

15 August 2022

ހ ދ އޭއީސީ ގައިވެސް ނަމާދު ކުރުވަމުން އައީ 2 ސެޝަނަށް އޮތް އިރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

15 August 2022

ހުރިހާ ސްކޫލެއްގަ މިކަން ކުރުވަން ޖެހޭ.ހުކުރު ދުވަހު ހުކުރު ނަމާދަށް ހާޒިރުވާ މީހުންގެ އަދަދާއި ހަމަ އެދުވަހުގެ އަސުރު ވަގުތު މިސްކިތުގެ ޖަމާއަތުގަ މީހުން ތިބޭ އަދަދަށް ވިސްނާލީމަ ދިވެހިން އަޅުކަމާ ދުރުވެފައިވާ މިންވަރު ބުނެދޭ.މިއީ ހިތާމަ ހުރި ކަމެއް.