މާފަންނު ސަހަރާ: އެ ސަހަރާ ހުސްކޮށް އެތަނުގައި ޕާކިން ޒޯނެއް ހަދަން ނިންމާފައިވޭ -- ފޮޓޯ: މިހާރު
04 ސެޕްޓެމްބަރ 2022 - 14:42
33 comments
ޕާކިން ޒޯންތައް ހަދަން ބިން ހަމަޖައްސައިދޭން މާލޭ ސިޓީ ކައުންސިލުން ސަރުކާރުގައި އެދުމުން އެކަމަށް ކަނޑައަޅައިދިން ބިންތަކުުގެ ތެރޭގައި މާފަންނު ސަހަރާ ހިމެނޭ ކަމަށާއި ބިން ހަވާލުކުރުމުން އެތަނުގައި ޕާކިން ޒޯނެއް ހަދާނެ ކަމަށް މާލޭ ސިޓީ ކައުންސިލުން މިއަދު ބުނެފި އެވެ.
މާލޭ ސިޓީ ކައުންސިލްގެ އޮފިޝަލަކު "މިހާރު" އަށް ވިދާޅުވީ، ޕާކިން ޒޯން ހަދަން ރައީސް އޮފީހުން ކަނޑައެޅި ބިންތަކުގެ ތެރޭގައި މާފަންނު ސަހަރާގެ ބިން ހިމެނުނަސް އެތަން ހުސްކޮށް ކައުންސިލާ އަދި ހަވާލު ނުކުރާ ކަމަށެވެ.
"ޕާކިން ހަދަން އެ ބިން ހުސްކޮށް، އަދި އެއީ ސަހަރާއެއް ވީމަ އިސްލާމީ ހަމަތަކުގެ މަތިން އެތަން ހުސްކޮށް ކައުންސިލާ ހަވާލުކުރާނީ ދައުލަތުން. އެ ބިން ހުސްކުރުމަކީ ކައުންސިލުގެ ޒިންމާއެއް ނޫން. ސަރުކާރުން ބިން ހުސްކޮށްފައި ދިނީމާ ކައުންސިލުން އެތަނުގައި ޕާކިން ޒޯން ހަދައިދޭނީ،" އޭނާ ވިދާޅުވި އެވެ.
އޭނާ ވިދާޅުވީ، މާދަމާ މާލޭގައި މިނީ ބަހުގެ ހިދުމަތް ފަށާތީ، ރައީސް އޮފީހުން އެދިފައިވާ ގޮތަށް މާފަންނު ސަހަރާގެ ބިން ކައުންސިލާ ހަވާލުކޮށްދިނުމަށް އިސްލާމިކް މިނިސްޓްރީގައި ސިޓީއަކުން އެދިފައިވާ ކަމަށާއި އެ ބިން ހަވާލުކުރާނީ އިސްލާމީ ހަމަތަކުގެ މަތިން ފުރިހަމަކުރަން ޖެހޭ ކަންކަމަށް ބެލުމަށް ފަހުގައި ކަމަށް، އެ ސިޓީގެ ޖަވާބުގައި މިނިސްޓްރީން ބުނެފައިވާ ކަމަށެވެ.
މާފަންނު ސަހަރާގެ ބައެއް ނަގައި ކުރިން ހެދި ޕާކިން ޒޯން -- ފޮޓޯ: މިހާރު
މާފަންފު ސަހަރާ އަކީ މީހުން ވަޅު ނުލާތާ ވަރަށް ގިނަ ދުވަސް ވެފައިވާ ތަނެކެވެ. އެ ސަހަރާގެ ހުޅަނގު ފަރާތުގައި މަޖީދީމަގަށް ވާ ގޮތަށް މިހާރު ވެސް ޕާކިން ޒޯނެއް އޮތީ ހަދައިފަ އެވެ. ކުރީގެ ސިޓީ ކައުންސިލުން އެތަނުގައި ޕާކިން ޒޯން ހެދީ ވެސް ބައެއް ގަބުރުތައް ނަގައި، އެތަން ހުސްކުރުމަށް ފަހު އެވެ.
އެކަމާ ގުޅޭ ގޮތުން އިސްލާމިކް މިނިސްޓްރީގެ ބަހެއް އަދި ނުލިބެ އެވެ.
މާދަމާ މާލޭގައި މިނީ ބަހުގެ ހިދުމަތް ފެށުމަށް، މަޖީދީމަގު ހިމެނޭ ގޮތަށް ބޮޑެތި ބައެއް މަގުތަކުގައި ވެހިކަލް ޕާކު ނުކުރެވޭ ގޮތް ހަދައިފައިވެ އެވެ. އެކަމުގެ ސަބަބުން، ހަނި މަގުތަކާއި ގޯޅިތަކުގައި ޕާކިންގެ މައްސަލަ ބޮޑުވެ އާންމުންގެ ޝަކުވާ ވެސް ބޮޑުވެފައިވެ އެެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސައިން ތަކުރު
06 September 2022
އަދި ވެސް މާލެ އަށް ވެހިކަލް ގިނަ ކުރުމަށްޓަކައި މަގު ފަހި ކުުރެވޭނެ ހުރިހާ ދޮރެއް ހުޅުވާދެނީ ހެއް ޔެވެ. ޕާކު ކުރާތަން ގިނަ ކުރުމުގެ ބަދަލުގައި މަދު ކުރަން ވީ އެވެ. އެހެން ނޫނީ މާލެ ސަރަޙައްދަށް ހަމަޖެހުމެއް ދުވަހަކު ވެސް އަނަނާނެ ގޮތެއް މިިއިން ޒަމާނަކު ވެސް ފެންނާކަށް ނެތެވެ.
ބަލްގިސް
06 September 2022
މިއީ ނުރަނގަޅު ޢަލާމާތެއް ކުރިންވެސް ޕާރކް ކިުރަން ތަން ހަދަން ގަބުރު ކަށި ނަގައިގެން ހެދިގޮތެއް ހެދީއެވެ. އަނެއްކާވެސް ޕާރކް ކުރަން ޖާގަ ހަދަން ކަށި ނަގަންވީއެވެ މީކީ މިކަން ކުރެޭނެ ގޮތެއް ނޫނެވެ. ޕާރކް ކުރަން ޖާގަ ހެދުމަކީ ގަބުރުނެގޭނެ ޝަރްޠެއް/ ސަބަބެއް ނޫނެވެ.ނުނަގާ ނުވާނެ ފަދަ ޚާއްބަ ކަމެއްގައި މެނުވީ ގަބުރުތައް ކޮނެ ނެގުމަކީ ޙަރާމް ކަމެކެވެ ސިޔާސީ ވެގެން ދީނީ ހެދުން އަލައިގެން މިތިބަހާ ދީނީ މީހުންގެ ލޮނުމަޑުކަމުން ވާހާ ކަންތަކެވެ.
ނަޖްވާ
06 September 2022
މި ބުނީ ވަރަށް ގިނައިން ގަސް އިންދަންފެނޭ އެ ތަނުގަ!
ރައްޔިތެއް
05 September 2022
. މިއަދުސަރުކާރުހިންގަނީމައުމޫނުތަ? ގަލޮޅުސަހަރާގަ މައުމޫނުގެއަންބަކު ދަރިއަކު ވަޅުލީތަ? ތިޔަހާކޮމެންޓުކުރާހިތްވަންޏާ އަމިއްލަނަފުސާބެހޭގޮތުންކޮމެންޓުކުރުންރަގަޅުވާނެ!
976543
04 September 2022
ސަހަރާ ހުސްކުރުން ވަރަށް ރަގަޅު.އެކަމުދެން, މުޅި މާލޭގަ ޕާކިންތަ ހަދަނީ.ސައިކަލްތަކާ ކާރުތަކާ ޓެކްސީތައް މާލޭން ބާލަބަލަ.
ރަދީފު ބިން ރަފައިދާ
04 September 2022
އިސްލާމިކް މިނިސްޓްރީން ފަތުވާއަންނަގޮތުން ތިކަން ކެންސަލްކުރަންވެސްޖެހިދާނެ.
ތިމަރ
04 September 2022
ވަރަށް ރަނގަޅުކަމެއް ........ ސިޓީކައުންސިލްކުރެވޭނީ ތިކަހަލަ ކަމެއް....... ! އެކަމަކު ސިޓީ ކައުންސިލްގެ ރައީސްގެ ސަމާލުކަމަށް ގެންނަން ކުޑަކުދިންގެ ބަޤީޗާ ކުރިމަތީގައިވާ ޕާރކް ..... އެތާގަ އެބަހުރި ސްޓެލްކޯގެ މެނޭޖިން ޑިރެކްޓަރ އަށް ޙާއްޞަ ޖާގަތަކެއް....... ރައީސް މިކަން ބައްލަވަނީ
އޭސީ
04 September 2022
ރަނގަޅުވާހަކަޔެއް %100 ތެދެއް ........ މެނޭޖިންގ ޑިރެކްޓަރ ކާރ ޕާރކް ކުރަންޖެހޭނީ އެތެރެ
ށަރީ
04 September 2022
އެބޭފުޅާ އަކީ ވަރަށް ހަވާލުވާ ކޮށްމެތަނަކުން ރައްޔިތުމީހާޔަށް ޖެއްސުންކުރާ ވަރަށް ދުއްޕާން ބޮދު ބޭފުޅެއް ،.... ސްޓެލްކޯ ކަހަލަތަނެއްލިބުނީމަ މާބޮޑަށް އަތްފުޅާވީ
ރުޅި
04 September 2022
ކީއްވެހޭ ގަލޮޅު ސަހަރާޔަށް ގޮތެއް ނުހަދަނީ؟ އެތާ އާމުންގެ މީހަކު ވަޅުވެސް ލެވެނީކީ ނޫން. އެއީ މައުމޫން އާއިލާ ބިމެއްތަށް؟
ހާމިދު ޝާހިދު
04 September 2022
މިއީ ވަރަށް ރަނގަޅު ކަމެއް. އެހެނީ ދިވެހިންނަކީ ގަބުރަށް މަހާނަމައްޗަށް ޒިޔާރަތްކޮށް އޭގައި މާފަތި ބަހައްޓައިގެން އުޅޭ ބައެއްނޫންކަމަށްވާތީ. އަދި މީހުން ވަޅުލާނެ ތަންތަން ނެތްނަމަ، ވަށައިގެން ކަނޑު އޮންނަ ތަނެއްގައި މީހުންގެ ބޮޑީތައް ދީނުގައި އަންގަވާފައި އޮންނަ އުސޫލުން ކަފުންކޮށް ވަޅުލެވޭނެ އާ އީޖާދުތައްވެސް ހޯދަން އެބަޖެހޭ. މަގުބަރާ ބަލަހައްޓަން ބޭނުންވާ އާއިލާތަކަށް އެބިންކޮޅު މުސްތަގުބަލުގައި 100 އަހަރަށް ވިއްކިދާނެ.
ކޮވިޑް ހަސަން
04 September 2022
ހަތަރު ފުރޮޅުލީ އުޅނަދު ރަޖިސްޓްރީ ކުރާއިރު ގަރާޖެއްގެ ސިޓީ ގެންދަންޖެހޭ. ޓްރާންސްޕޯޓް މިނިސްޓްރީގެ ކަމާ ބެހޭ މުއައްޒަފުގެ ކައިރިން އެ ސިޓީތައް ހޯދާފަ ހަތަރު ފުރޮޅުލީ އުޅަދު އެތަންތާ ޕާކް ކުރަން އަންގާ. އެއްފަހަރުން ޕާކިން މައްސަލަ ހައްލުވީ
ފަހުދު
04 September 2022
ކޮވިޑު ހަސަނައް އަވަސް ޝިފާއަކައް އެދެން