ފިނޭންސް މިނިސްޓްރީން ބޭއްވި ނޫސްވެރިންގެ ބައްދަލުވުމެއްގައި މިނިސްޓަރު އަމީރު ވާހަކަ ދައްކަވަނީ. ފިނޭންސް މިނިސްޓްރީން ވަނީ 61 ބިލިއަން ރުފިޔާ ޓީބިލާއި ބޮންޑުގެ ގޮތުގައި ވިއްކާފައި. --ފޮޓޯ:ރައީސް އޮފީސް
10 ސެޕްޓެމްބަރ 2022 - 10:45
20 comments
ޓީބިލާއި ބޮންޑު އަދި ސުކޫކުގެ ގޮތުގައި ވިއްކާފައިވާ އަދަދު 61 ބިލިއަން ރުފިޔާ އަށް އަރައިފި އެވެ.
ފިނޭންސް މިނިސްޓްރީން އާންމުކޮށްފައިވާ ތަފާސް ހިސާބުތަކުން އެނގޭ ގޮތުގައި، މި އަހަރުގެ މިހާތަނަށް ރާއްޖޭގައި ހިންގާފައިވާ މުއާމަލާތްތަކުގެ އަދަދު 51 ބިލިއަން ރުފިޔާއަށް އަރަ އެވެ.
އޭގެތެރޭގައި މިދިޔަ އަހަރު ނިމުނު އިރު ދައުލަތުން ރާއްޖޭގައި ވިއްކި ޓީބިލާއި ސުކޫކުގެ ގޮތުގައި 48 ބިލިއަން ރުފިޔާ ހިމެނެ އެވެ. މިއީ ދައުލަތުން ފަހުން އަނބުރާ ދައްކަން ޖެހޭ ދަރަންޏެވެ. އެހެންވެ މިއީ މިދިޔަ އަހަރަށް ވުރެ ތިން ބިލިއަން ރުފިޔާ އިތުރު އަދަދެކެވެ. ރާއްޖޭގެ އެތެރޭގައި ހިންގާ މުއާމަލާތްތަކުގެ ތެރެއިން އެންމެ ގިނައިން ދައުލަތުން ވިއްކަނީ ޓީބިލެވެ.
މި އަހަރުގެ މިހާތަނަށް 28 ބިލިއަން ރުފިޔާގެ ޓީބިލު ވިއްކާފައިވެ އެވެ. މިދިޔަ އަހަރު ނިމުނު އިރު ދައުލަތުން ވިއްކީ 26 ބިލިއަން ރުފިޔާގެ ޓީބިލެވެ. އިސްލާކިމް އިންސްޓްރޫމަންޓްގެ ގޮތުގައި ވިއްކާފައިވާ އަދަދު 1.2 ބިލިއަން ރުފިޔާއަށް އަރަ އެވެ. އަދި ރާއްޖޭން ބޭރުގައި ވިއްކި ބޮންޑާއި ސުުކޫކުގެ ގޮތުގައި 9 ބިލިއަން ރުފިޔާއަށް އަރަ އެވެ.
ފިނޭންސް މިނިސްޓްރީން ހަތަރު ވައްތަރެއްގެ ޓީބިލު ވިއްކަ އެވެ. އެއީ 28 ދުވަހާއި 98 ދުވަހާއި 182 ދުވަހުގެ އިތުރުން 364 ދުވަހުގެ ތެރޭގައި ފައިސާ އަނބުރާ ދައްކަންޖެހޭ ޓީބިލެވެ. އަނބުރާ ދައްކަންޖެހޭ މުއްދަތު އިތުރުވާ މިންވަރަކަށް އިންޓަރެސްޓް ރޭޓް ދާނީ ބޮޑުވަމުންނެވެ.
ދައުލަތުން އެންމެ ގިނައިން ވިއްކާފައިވަނީ އެއް އަހަރު ދުވަހުގެ މުއްދަތަށް ވިއްކާފައިވާ އަދަދެކެވެ. އެއް އަހަރު ދުވަހަށް ވިއްކި ޓީބިްގެ އަދަދު 22 ބިލިިއަން ރުފިޔާއަށް އަރަ އެވެ.
ޓީބިލާއި ބޮންޑުގެ ގޮތުގައި ބޮޑެތި އަދަދުތަކުން ފައިސާ ނަގަނީ ދައުލަތުގެ ބަޖެޓަށް ބޭނުންވާ ފައިސާ ހަމަޖެއްސުމަށެވެ. މި އަދަދުތައް އެއް އަހަރުން އަނެއް އަހަރަށް އަންނަނީ އިތުރުވަމުންނެވެ. މިއާ އެކު ދައުތަލުގެ ދަރަނި ވެސް އަންނަނީ އެއް އަހަރުން އަނެއް އަހަރަށް އިތުރުވަމުންނެވެ. މި އަހަރު ނިމޭ އިރު ދައުލަތުގެ ދަރަނި 100 ބިލިއަން ރުފިޔާއަށް ވުރެ އިތުރުވާނެ ކަމަށް ލަފާ ކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢެޑްމުންޑޯ
11 September 2022
ރާއްޖޭގެ ތާރީޚް ގައިވެސް މިގައުމުން ފެނުނު އެންމެ ނާގާބިލް ދެއުޅިއެއްނުވާ ފިނޭންސް މިނިސްޓަރ މިހާރު ތިފެންނަނީ !!!
ބޮޑުމީހާ
10 September 2022
ކޮންމެ މީހަކުވެސް ޖެހުނުތަނަކުން ކަނީ. އިބޫ ސޯލިހު ފިސާރި ވެރިކަމެއް އެބަކުރޭ..ވޮލީ ކުޅުމާއި މަޖަލުގަ އޭނަ އެބައުޅޭ. ގައުމުގެ ދަރަނި 100ބިލިއަނުން މައްޗަށް ހިގައްޖެ. ވަޒީރުންގެ ތިޖޫރީތައް ފުރެނީ، ގައުމު ބަގްރޫޓްވަނީ
މަޑަވެލި
10 September 2022
ވިސްނާ ފިކުރުކުރާ އެކަމުވެސް މި ސަރުކާރައް ވޯޓް ނުދޭނެ.
ޝޮކްތެރަޕީ
10 September 2022
އިންޑިޔާއާ ގުޅިގެން ރޭވުންތެރިކަމާއެކީ ރާއްޖެ ގަނެލަނީ ދެރާ.
ހައްގުބަސް
10 September 2022
މި ސަރުކާރު ވަރައް ކަޑަ ދިވެހިން ދަރުވާލަނީ އިންޑިޔާ އައުޓް
އެމެރިކާ
10 September 2022
ހުރިހާ ބޮންޑެ ގަތީ އިންޑިޔާއިން ރައްޖެ ދަރަނި ކޮއްގެން މުޅި ރާއްޖެ ދަރުވާލީ
ކޮރަލް
10 September 2022
ޓީބިލާއި ބޮންޑު އަދި ސުކޫކުގެ ގޮތުގައި ވިއްކާފައިވާ އަދަދު 61 ބިލިއަން ރުފިޔާ އަށް އަރައިފި އެވެ. އަންނި އަދި ސޯލިހް އަށް 2023 ގަ ވޯޓް ދޭން ޖެހޭ ސަބަބެއްނެތެވެ. މިޖްލިސް ރައީސް އަދި ގައުމުގެ ރައީސް ދަރަނި ނެހުން އަދި ހަރަދު ކުޑަ ކުރުމަށް ކަމެއް ކުރާ ތަނެއް ނުފެނެ އެވެ.
ޕެރޭޒް
10 September 2022
މިގައުމުގެ ފިނޭންސް މިނިސްޓަރަކަށް ލާންވީ ބާސާގަ އެއުޅޭ ލަޕޯޓޯ. މޮޅު މީހެއް ފިސާރި. ދަރާފަ އޮތް ކުލަބަކަށްވެސް ބޭނުން ކުޅުންތެރިއެއް އެޔޮއް ގެންދަނީ.
އުމްނިއްޔާ
10 September 2022
ގައުމު ދަރުވާލުން ނޫން ކަމެއް ނުކުރޭ
ކުޗީ
10 September 2022
އެސް.ޖޭ ކޮންސްޓްރަކްޝަން އަށް ގާނޫނާއި ގަވާއިދުގެ ބޭރުންދޭ ބޮޑުއަގުގައި ދެވޭ ޕްރޮޖެކްޓް ތަކުގައި މޭސްތިރި އެއިނީ ފޮޓޯގައި ފެންނަން. މަގުފުޅާ ޓިނު ޖަހައިގެން 24 ކްލާސްރޫމް ހަދަން 23 މިލިޔަން އަށް ދޭން ޖެހެނީ ކޮންސަބަބަކާ ހުރެހެއްޔެވެ.
ކިލްބިލް ވޮލިއުމް 2
10 September 2022
ފޮޓޯގަ އެބަތިބި 2 މީހުން. ތިބުނާ މީހަކީ އެތަނުން ކާކު؟