މާލޭގެ ބިންވެރިއެއް ކަމަކު، އެންމެންނަކީ ފުދިގެން އުޅޭ މީހުން ކަމަށް ބުނެވޭކަށް ނެތެވެ؛ މާލޭގެ ބިންވެރިންގެ ތެރެއިން އެންމެ ހާލުގައި އުޅޭ އެކަކީ މި އަންހެންމީހާ އެވެ. އޭނާގެ ދިރިއުޅުމަކީ، މި މާލޭގައި ގަބޫލުކުރަން ވެސް ދަތި ހާލަތެއްގައި އޮތް ދިރިއުޅުމެކެވެ.
ސައީދައްތަ އޭނާ ދިރިއުޅޭ ގޭގެ އެތެރޭގައި މަޑުކޮށްލައިގެން: އެ ގޭގައި ކައި ބޮއެ، ނިދައި އެހެން ހުރިހާ ކަމެއް ވެސް ކުރަނީ އެ ކުޑަކުޑަ "ގޮޅީގެ" ތެރޭގައި -- ފޮޓޯ: ފަޔާޒް މޫސާ | މިހާރު
22 ސެޕްޓެމްބަރ 2022 - 06:41
133 comments
މަޖީދީ މަގުން ދަމަނަވެށި ކުރިމަތީގައި އޮންނަ ހަނި ގޯޅިގަނޑެއްގެ އެންމެ އެތެރޭގައި ހުންނަ ހ. ފަރިވަދުގެ ކައިރިއަށް ގޮސް ސަލާން ގޮވާލަން އުޅެނިކޮށް ނުކުތީ އުމުރުން ދުވަސްވީ އަންހެނެކެވެ. ޕްލާސްޓިކް ތައްޓެއް ހިފައިގެން، ހިނިއައިސްފަ އެވެ.
މިއީ އުމުރުން މިހާރު 80 އަހަރަށް ވުރެ މައްޗަށް ގޮސްފައިވާ ސައީދާ އެވެ. ސައީދާއްތަ އެވެ. އޭނާ ބުނި ގޮތުގައި ތިން ކައިވެންޏެއްކޮށް 8 ދަރިން ލިބުނެވެ. އެކަމަކު ދުނިޔޭގައި ހުރީ އެންމެ ކުއްޖެކެވެ. އެއީ އުމުރުން 40 އަހަރަށް ވުރެ މަތީގެ ފިރިހެނެކެވެ. ނަމަވެސް ސައީދާއްތަ އަށް ލިބުނު ކުދިންގެ ތެރެއިން ދުނިޔޭގައި މިހާރު ހުރި ހަމައެކަނި އެ ދަރިފުޅު އުޅެނީ ނަފުސާނީ ބަލީގަ އެވެ. ސައީދާއްތަ އެންމެ ފަހުން ކައިވެނިކުރި މީހާ ވެސް ނިޔާވެއްޖެ އެވެ. އެހެންވެ ސައީދާއްތަގެ އެކަނިވެރިކަން ވަރަށް ބޮޑެވެ.
މި އެކަނިވެރިކަން އޭނާ ގެންގޮސް ވައްޓާލާފައި އޮތް ހިސާބު ފެންނަނީ ގޭތެރެއިންނެވެ. މުޅި ދިރިއުޅުން ބިނާވެފައި އޮތް "ގެ" އަކީ 8 ފޫޓް 5 ފޫޓް ގޮޅިއެކެވެ. އެ ކުޑަތަންކޮޅު ފުރިފައި އޮތީ "ކުނިބުނި"ތަކުންނެވެ. ޓިނުން މަތި ހިޔާކޮށްލާފައި ހުރި އިރު ބަލައިލި ކޮންމެ ދިމާލުން ފެންނަނީ މަކުނު ވަލެވެ. އޭނާގެ އުމުރުން ވީހާ ދުވަހެއް ވީ އެ ގޭގަ އެވެ. ސައީދާއްތަ ދިރިއުޅޭ ފަރިވަދުގޭގެ ބިއްދޮށުގެ ބައެއްގައި އާއިލާގެ ބަޔަކު އުޅެ އެވެ.
މި ގޭގައި ހުރި ހަމައެކަނި އަލި ކަމަކީ މިއީ އެވެ. އާދައިގެ ބޮތްކަކާއި ފަންކާ އެކެވެ. އެ ދެމައިންނަށް މި ވަރުން ފުދެ އެވެ.
ނިދާ އެނދުގައި ވެސް އޮށޯވެލަން ކުޑަތަންކޮޅެއް ބޭއްވުމަށް ފަހު ދެން ހުރީ އަންނައުނާއި ބައެއް ލުއިކާނާ އެވެ. ސައީދައްތަގެ ހުރި ހަމަ އެކަނި ދަރިފުޅު ނިދަނީ ތަޅުންގަނޑުމަތީގައި ހުސްކޮށް އޮތް، މީހަކަށް ކިރިޔާ އޮވެވޭ ޖާގައެއްގަ އެވެ.
ސައީދާއްތަ ފެންނަނީ އަބަދު ވެސް ހިނިތުން ވެފައި ހުއްޓަ އެވެ. މަގުމަތިން އޭނާ ފެނިއްޖެ ނަމަ، އެއީ ވަރަށް ހާލުގައި ދިރިއުޅޭ މީހެއްކަން އެކަކަށް ވެސް ނޭނގޭހާ ފަރި ހިނިތުންވުމެއް އޭނާގެ މޫނުން އަބަދުވެސް ފެނެ އެވެ. އޭނާގެ ހަގީގަތް އެނގޭ ތިބީ މަދު މީހެކެވެ.
ދަބަރު ޖަހާފައިވާ މި ދައްޗަކީ އޭނާގެ ބުރުގާގައި ޖަހާފައި ހުރި ދައްޗެކެވެ. ދެމައިން ކައިބޮއެ އުޅެނީ ސަލާން ޖަހައިގެންނާއި ހެޔޮއެދޭ އަވައްޓެރިން ދިއްކޮއްލާ އެތިކޮޅަކުންނެވެ. ކާނެ އެއްޗެއް ހޯދަން އޭނާ ކޮންމެ ދުވަހަކު ވެސް ހެނދުނުހެނދުނާ ބޭރަށް ނުކުމެ އެވެ. އާންމުން އޭނާ އަށް އެހީވެ އެވެ.
ސައީދައްތަގެ އެކަނިވެރިކަން ފިލުވާލައި އުފާކޮށްލަން ގެންގުޅޭ ބުޅަލަށް ވެސް ދެނީ ދެމައިންނަށް ކާން ލިބޭ އެއްޗަކުން ބާކީކޮށްގެންނެވެ. އޭނާ ބުނި ގޮތުގައި މުޅި އުމުރު ހޭދަކުރަމުން އެ އަންނަނީ ކުޑަކުޑަ މި ގޮޅީގަ އެވެ. ކައްކާ ކައިބޮއެ ހުރިހާ ކަމެއް މި ތަނުގަ އެވެ. ފެށުނީންސުރެ އުޅެމުން އަންނަ މި ގެ ކިތަންމެ ދައްޗަސް ބޯހިޔާވަހިކަމުގެ އެއްވެސް މަޝްރޫއަކަށް އޭނާ ކުރިމައްޗެއް ވެސް ނުލަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޅި ކާޅު
23 September 2022
އަހަރެން މިބދައްތައަށް އަހަރެންގެ ފެންވަރުން އެހީވެދެން ބޭނުން
ޔޯޔޯ
23 September 2022
ތިވަރު ތަނަކޮޅެއް ވެސް ނުލިބިގެން މިއުޅެނީ. މި އިޅެނީ ކުއްޔަށް. ތަށުގައި ބޭސް ފަރުވާ އާއި މަތީ ތައުލީމު ނުލިބޭތީ
އައްލަކެޑި ބެއްޔާ
22 September 2022
އަފީފުދީދީމެން ކިތަންމެ ރޭސިސްޓްވިޔަަސް މާލެ އެއީ ހަމައެކަނި މާލެ ކަމަކަށް ނުވާނެ!މާލޭގައި އަވަށް ތަކެއްވޭ! އެގޮތުން ފަރުކޮޅު ފުށި ކައިރިއޮތްފަޅު މައުމޫނު ހިއްކަން ވެލިމުށް އަޅާލާފައި ބުނީ ހުޅުމާލެއޭ މިތަނަށް ކިޔަނީ މިއީ މާލޭގެ އަވަށެކޭ! މާލޭ މީހުންނަށް އޮތް ގެދޮރުގެ ދަތިކަން ފިލުވާށޭ މިހިއްކަނީ! އެހެރީ ޓީވީމޯލްޑިސްގެ އާކައިވްގައި މައުމޫނުދެއްކި ވާހަކަވީޑިއޯއާއިއެކު! ހުޅުމާލެ މާލެއާއިވަކި ކުރެވޭނެއެއްވެސް ގޮތެއްނޯންނާނެ!މިހާރުބުރިޖުންގުޅާފައެވަނީ
ޢަރުތަ
22 September 2022
"8 ފޫޓް 5 ފޫޓް ގޮޅިއެއްގަ ސައީދާއްތަ ދިރިއުޅޭ އިރު، ފަރިވަދުގޭގެ ބިއްދޮށުގެ ބައެއްގައި އާއިލާގެ ބަޔަކު އުޅެ އެވެ." ތިގޯތި ތިންބަޔަށް ބަހާފަ ދެން އޮތް ދެބައިގަ އަނެއް ދެބައިމީހުން ދިރިއުޅެނީ 8 ފޫޓު 5 ފޫޓު ގޮޅިއެއްގައެއް ނޫނެވެ. ތިތަނުން މަގަށް ހުރިބައިވެސް ފަސްހަބުރިއަށް ހަދައިގެން އެމީހުން އެއުޅެނީ 8 ފޫޓު 5 ފޫޓުގެ ގޮޅިއެއްގައެއް ނޫނެވެ. ސައީދާއްތަގެ ގޯތީގެ ބިއްދޮށުގަ ބަޔަކު އުޅޭނަމަ އެބަޔަކަށް ތަން ކުއްޔަށްދީފަ އޮތީކަމަށް ބެލެވެއެވެ.
ޞިގުޑް
23 September 2022
ޥެދާނެ އެދައްތަ ބޮލަށް އެރިގެން ބޮޑުކޮށް ކަޓުވާލައިގެން ހަދާފަކަމަށްވެސް. ޢެއީ ރަހުމެއް ހުރިބައެއްނަމަ އެހާލުގަ އާއިލާމީހަކހ ނޫޅޭނެ ވަށައިގެން ގެ ހަދައިގެން
އަލްއަހްބާރު
22 September 2022
ގެއިގެތެރުއިން އެފެންނަނީ ކުނިގޮޑުންވެސް ފެންނަ ތަކެތި ކުކުޅުބިޓްރޭއާ ބާކޮތަޅާ ގޯންޏާ ފުޅިމަދުފޮއްޓާ މިކަހަލަތްކެތި މި ދެމައިން އުޅޭތަނަކައް އެހާބޭން ތަކެއްޗެއްނޫ ކިތައްމެޖާގަކުޑަޔަސް އެތަނުގަ އެއްވުރެ ބޭކާރުތަކެތިގިނަ ސައީދާ ދައްތައް އައް 5000ރ ނަފްސާނީ ބަލަދި މީހާއައް2000ރ ޖުމްލަ7000ރ އެވަރުން ފުދޭނެ ސަލާންޖަހާކައް ނުޖިހޭނެ
މުޑަހަންޖާ
22 September 2022
ކ.މާލޭގެ ބިމުގެ އަގުމަތިކުރަން ސަރުކާރުން ދައުލަތުގެ ބައިތުލްމާލު އެކީ އިންވެސްޓްކޮށްފައިވާއިރު ކަންނެލި އޮޑިއެއްގެ އަގުގަ ތިގޯތިވިއްކާލެވޭނެ، އެފައިސާއިން ކުނަހަންދޫއިން ގޯއްޗެއްގަނެފަ ރީތި ގެއެއް އަޅައިގެން 65 އަހަރުވީމަ ލިބޭ ފައިސާއިން އުމުރުދުވަހު އުޅެވޭނެ. ކަންނެލި އޮޑިއެއް ދިނަސް އެކިމީހުން އުޅޭނީ އެކިގޮތަށްކަން ދަންނަންޖެހޭ.
ާފަޅިބެ
23 September 2022
ކަލޭ މިތަނަށް އައިއްޔޭ ކިޔާފަ މިތާދިރިއުޅޭ މީހުން އެހެން ގޮތެއް ހޯދާކަށް ނުޖެހެއެވެ!
ހިޔާލީ އަލީ
22 September 2022
ގަބޫލުކުރިޔަސް ނުކުރިޔަސް ހަގީގަގަތަކީ މާލޭގަ ހުރިހާ މޮޅެއް ލިބެނީ ރަށްރަށު މީހުންނަށް، އެމީހުން މިތާ ވިޔަފާރިކޮށްފަ، ރެއަލްއެސްޓޭޓް އުސޫލުން ގެދޮރު ހަދާފަ، ރަށުގަ ބޮޑެތި ގެތައް ހަދާފަ އަދި ނުވިތާކަށް ރަށުން ބިން ގެސްޓުހައުސްތަކާއި އެހެނިހެން ވިޔަފާރި ބޭނުންތަކަށް ބޮޑު އަގުގަ ކުއްޔަށް ދީފަ، ސަރުކާރުން މާލޭގަ (ހުޅުމާލެ،1،2، ވިލިމާލެ، ގުޅިފަޅު) ފްލެޓް ހޯދައިގެން އަމިއްލައަށް ވިކްޓިމައިޒް ވެގެން މި ކިޔަނީ ރަށްރަށު މީހުން އުޅެނީ ހާލުގައޭ
ޥަސް
22 September 2022
ސައިދާއްތަ އަށް އުމުރުން ދުވަސްވީ މީހުންނަށްދޭ -/5000ރ ވެސް ނުލިބެނީތަ؟
ޢަރުތަ
22 September 2022
އެއީ އޮޓޯމެޓިކުން ލިބޭ އެއްޗަކަށް ނުވާތީވެ ނުލިބި އޮވެދާނެ، އެކަންވެސް މީހަކު ކޮށްދިނިއްޔާތާ ސައީދާއްތަ އަށް ވާނީ، ސައިދާއްތަ އުޅޭ ތަނުގަ އާއިލާގެ އެހެން ދެބަޔަކުވެސް އުޅޭ އެކަމަކު އެމީހުންގެވެސް އަޅާލުމެއް ނެތީކަމަށް ވެދާނެނު.
އަފީ
22 September 2022
ފަގީރު މީހަކަށް ވިއަސް މަކުނުވަަ ފޮހެ ސާފު ކުރެވޭނެތަ
ކަކުނ
22 September 2022
ގެދޮރުނުހަދާ ދޫނިބިސް އަޅަން ބިންހިއްކީމަ ރައްޔިތުން މި ނިކަމެތިވަނީ