ސައޫދީ އަރަބިއްޔާގެ ބޮޑުވަޒީރު ކަމުގެ މަގާމަށް އައްޔަންކުރެއްވި މުހަންމަދު. -- ފޮޓޯ: އޭއެފްޕީ
28 ސެޕްޓެމްބަރ 2022 - 10:47
21 comments
ސައޫދީ އަރަބިއްޔާގެ ބޮޑުވަޒީރު ކަމުގެ މަގާމަށް އެ ގައުމުގެ ރަސްގެފާނު ސަލްމާން ބިން އަބްދުލްއަޒީޒް އެ މަނިކުފާނުގެ ދަރިކަލުން ވަލީ އަހުދު މުހައްމަދު އައްޔަންކުރައްވައިފި އެވެ.
އަންގާރަ ދުވަހު ރަސްގެފާނުގެ ގަރާރަކުން ސައޫދީގެ ކެބިނެޓަށް ގެނައި މި ބަދަލުގައި ރަސްގެފާނުގެ ދެ ވަނަ ދަރިކަލުން ޚާލިދަށް ވަނީ ޑިފެންސް މިނިސްޓަރުކަން ދެއްވައިފަ އެވެ. އަދި ރަސްގެފާނުގެ އެހެން ދަރިކަލެއް ކަމަށްވާ އަބްދުލްއަޒީޒަށް ވަނީ އެނާޖީ މިނިސްޓަރުކަން ވެސް ދެއްވައިފަ އެވެ.
މި ބަދަލުތައް ގެނައި ނަމަވެސް ރަސްގެފާނުގެ ގަރާރުގައި ފޮރިން މިނިސްޓަރު ފްރިންސް ފައިސަލް ބިން އާލް ސައުދު، ފިނޭންސް މިނިސްޓަރު މުހައްމަދު އާލް ޖަދާން އަދި އިންވެސްޓްމަންޓް މިނިސްޓަރު ޚާލިދު އާލް ފާލިހް އެ ބޭބޭފުޅުންގެ މަގާމުގައި ތިއްބަވާނެ ކަމަށް ވަނީ ކަނޑައަޅުއްވައިފަ އެވެ.
ބޮޑުވަޒީރު ކަމުގެ މަގާމަށް އައްޔަންކުރެއްވި މުހައްމަދު ކުރިން ހުންނެވީ ޑިފެންސް މިނިސްޓަރު ކަމުގެ މަގާމުގަ އެވެ. އަދި ބައިނަލްއަގުވާމީ މައިދާނުގައި ސައޫދީ ތަމްސީލްކުރައްވައި ގައުމުގެ ވެރިޔާގެ ފަރާތުން ކުރައްވަންޖެހޭ ހުރިހާ ކަމެއް ކުރައްވަނީ ވެސް މުހަންމަދެވެ.
ބޮޑުވަޒީރު ކަމުގެ މަގާމަށް އައްޔަންކުރެއްވީ ވެސް ރަސްގެފާނު ކުރިން ކަނޑައަޅުއްވައި މުހައްމަދާ ހަވާލުކުރެއްވި ޒިންމާތަކާ އެކުގަ އެވެ. އެއީ ބޭރު ގައުމުތަކުގައި ސައޫދީ ތަމްސީލްކުރުމާއި ސައޫދީން ބާއްވާ ސަމިޓްތަކުގެ ރިޔާސަތު ބެލެހެއްޓުން ފަދަ ކަންކަމެވެ.
"ވަލީއަހުދު މުހަންމަދު ބޮޑުވަޒީރު ކަމުގެ މަގާމަށް އައްޔަންކުރެއްވުމުން ވެސް މިހާރު ވެސް ރަސްގެފާނުގެ އަމުރުފުޅާ އެއްގޮތަށް ދައުލަތުގެ މުއައްސަސާތަކާއި އިދާރާތައް ހިނގާ ނުހިނގާ ގޮތް ދުވަހުން ދުވަހަށް ބައްލަވަމުން ގެންދަވާނެ،" ސައޫދީގެ އިސް އޮފިޝަލަކާ ހަވާލާދީ ރޮއިޓާސް އިން ބުނެފައިވެ އެވެ.
އޮފިޝަލް ވިދާޅުވީ އެކި ބޭފުޅުންނާ މިގޮތަށް އެކި ޒިންމާތައް ހަވާލުކުރައްވައިގެން ގައުމު ހިންގުމަކީ ސައޫދީގެ ތާރީހަށް ބަލާއިރު އާ ކަމެއް ނޫން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަފްރާސިޔާބު
29 September 2022
ސައޫދީގޮތައް މިގައުގަވެސް ބޮޑުވަޒީރުކަން ބީރުބޮލު ވަޒީރަށް، އެނަރޖީ މިނިސްޓަރުކަން ހިޔާލީ އަލީ އަށް، ޑިފެންސް މިނިސްޓަރުކަން ހަބީބަށް، ފިނޭންސް މިނިސްޓަރުކަން ސަލީމް އިދުރީހަށް، އަދި އިންވެސްޓްމަންޓް މިނިސްޓަރުކަން ލެއްގި ކޮމިޝަނަރަށް ދީގެންވެސް އެމީހުންގެ ރުޅިގަޑު މައިތިރިކުރަން ޖެހިއްޖެ.
ބީރުބޮލު ވަޒީރު.
30 September 2022
އަފްރާސިޔާބަށް ދައުލަުގެ ތިޖޫރީ ދޯ
2022
29 September 2022
މުހައްމަދު ތީ ވަރަަށް ދުރުވިސްނޭ ފަރާތެއް ޒަމާނީ ސައުދީއަކަށް ތިތަން ބަދަލުވާނެ.... ބޮއިހަލަކި
އަރޫޝާ
29 September 2022
ބޮޑުވަޒީރު ހާދަ ރީއްޗޭ
ލޮއްލަތު
29 September 2022
މުޅި އިސްލާމީ އުއްމަތަށް ލިބުނު ހިތާމަވެރި ކަމެއް.
ސަލީމު އިދުރީސް
29 September 2022
މަށައް ސައުދީ މޯޑުގެ ދުރުވިސްނޭ އިގުތިސޯދީ އިޖުތިމާއީ ސީޔާސަތުތައް ވަރައް ކަމުދޭ ކުރުމުއްދަތެއް ތެރޭ ސައުދީ އަންހެނުން ކަސްތޮޅުން ނައްޓުވައިދީފި! ކުރިޔައް ރޭވިފަ ވަރައް ގިނަކަންތައް އެބަހުރި ސަައުދީ މޯޑު އަދި ވަރައްޅަ މޯޑު އުމުރުން 65 އަހަރު ނުވަނީސް މައްކާ މަދީނާއަކީ ހަންބޯގު ލަސްވޭގަސް ފަދަ ސީޓީތަކާ ވާދަ ކުރެވޭ ތަހުޒީބު ސިޓީއަކައް ހަދާނެ ކަމީ ސައްކެއް ހުރިކަމެނޫން
ވެލްވެޓް
29 September 2022
ސަލީމުބޭ މައްކާއާއި މަދީނާއަށްވުރެ ހުރިހާ ގޮތަކުން ފުރިހަމަ އެއްވެސް ތަނެއް މިދުނިޔޭގަ ނުވޭ..އެދެބިން މިހާރު ހުރި ހާލަތުން އެހެން ހާލަތަކަށް ބަދަލު ކުރަން ނަސޭހަތް ނުދީ..ތިއަށްވުރެ މާރަނގަޅު ވަލީއަހުދުމެންގެ ވާގިވެރިކަމާއިއެކު އެމެރިކާ އަރައިގަނެ ހަލާކުކޮށްލި ގައުމުތަށް އާރާސްތު ކޮށްދޭން ނަސޭހަތްތެރިވުން.
ހިޔާލީ އަލީ
28 September 2022
ސައުދީއަށް ބޭނުންވަނީ މުހައްމަދު ކަހަލަ ގަޓު ލީޑަރެއް، ފޮށާ ބަނދެގެން މުސްކުޅި ޝާހީ އާދަކާދަތަކުގަ އުޅޭ ކަހަލަ ވެރިން ބޭނުން ނުވޭ، މުހައްމަދަކީ މޭން އެއް،
ޔާނޫ23
28 September 2022
ކޮންއިރަކުންތަ މިކޮޅުގަ އުޅޭ މުހައްމަދަށް ބޮޑު ވަޒީރުކަން ހަވާލު ކުރަނީ؟
ބީރުބޮލު ވަޒީރު.
28 September 2022
ތުރުކީވިލާތުގައި އޮތް އިސްލާމީ ޚިލާފަތު ވައްޓާލުމަށް ބިރިޓިޝް ސަރުކާރަށް އެންމެބޮޑު އެހީތެރިވީ ތިއަ ޢާއިލާ. އޭގެ ބަދަލެއްގެގޮތުން ހިޖާޒުގެ ބިން ބަނޫ ހާޝިމީންގެ އަތުން ފޭރިގަނެ ތިއަ ޢާއިލާގެ މިލްކަކަށްވީ. ﷲ އިރާދަކުރައްވި ދުވަހަކަށް ކަލޭމެން ބޭނުންގޮތެއް ހަދާ. ހަރުކަށި ވައްހާބީ ސަލަފީ ފިކުރު މުޅި އިސްލާމީ އުންމަތަށް ފަތުރާ މުސްލިމުން ބައިބައިކުރުން އެއީ ބިރިޓިޝް ސަރުކާރަށް ކަލޭމެން ކޮށްދޭންޖެހޭ ކަމެއް. މަރުހަބާ ބޮޑުވަޒީރު.
ވެލްވެޓް
28 September 2022
ހެހެހެ..ހާދަ ވަރަކަށް އެއްޗެހި ކިޔާފައޭ ދޯ މަރުހަބާ ތިކިޔަނީ..ބީރުބޮލު ސަލަފީ ތިކިޔަނީ ކޮންބަޔަކަށް ކަމެއް ނޭނގެ..އެކަމަކު ސަލަފީ އަހަރެމެން މިކިޔަނީ ސަލަފުއްޞޯލިޙީންއަށް..ސަލަފުއްޞޯލިޙީންއަކީ ރަސޫލާގެ ޒަމާނުއްސުރެފެށިގެން އައި ހެޔޮވެގެންވާ 3 ޤަރުނުގަ އުޅުނު ސޯލިހްބޭކަލުންނަށް ނިސްބަތްކުރާ ނަމެއް..
ޖުހާ.
28 September 2022
ވެލްވެޓު ބުނެދީބަލަ ޢަލީގެފާނުގެ ހިލާފަތާއި ދެކޮޅަށް ހަތިއާރު ހިފައިގެން ނިކުތީ ކޮން ގަރުނެެއްގެ ބަޔަކުތޯ. މާތް ނަބިއްޔާގެ އަހުލުބައިތުން ޝަހީދުކޮށް އުމަވީންގެ ހިލާފަތުގައި ގެފުޅުގައި ދެފަހަރު އަލިފާން ރޯކުރިކަމާއި ހަޖަރުލް އަސްއަދު ހިލަ ވަގަށްނަގައި ހުކުރު ހުތުބާގައި ޢަލީގެފާނާއި ފާތިމަތުގެފާނަށް ލަޢުނަތްލެއްވުމަށް އުމަވީ ހިލާފަތުގައި ދުޢާކުރިކަން ތާރީޚީ ލިޔުންތަކުން ފެންނަން އެބަހުރި. އެއީތޯ ސަލަފުއްސާލިހުން އުޅޭ ގޮތަކީ? ނޭނގޭތީ އަހާލީ.
ކުޗީ
28 September 2022
ތުރުކީވިލާތުގައި އޮތް އިސްލާމީ ޚިލާފަތު އޭ ކިޔައިގެން ތިދައްކަނީ އޮޓަމަނުންގެ ވާހަކަ ނަމަ ރަނގަޅަށް އަދި ފޮތްތަށް ކިޔާލާ. އުސްމާނީ ހިލާފަތް ކުދިކުދިވެގެން ދިޔައިރު އެމީހުންގެ ކިބައިގައި އެއްވެސް ދީނީ ވަހުދަތެއް ނެތް. ކިބުރުވެރިކަމާ ބޮޑަކަން އޮތީ ފެތުރިފައި. އޮތް ނަމަ މިހާރު ތުރުކުއީ އޮތްގޮތަކަށް ނޫން ތުރުކީ އޮތީހީ ...
ކުޗީ
28 September 2022
ޖުހާ ތިދައްކަނީ ހަވާރިޖުންގެ ވާހަކަ. އޮޅުވާނުލާ ...
ވެލްވެޓް
28 September 2022
ބަލަ ޖުހާ..އަހަރެން ބުނީ ހެޔޮވެގެންވާ 3 ޤަރުނުގަ އުޅުނު "ސޯލިޙް ބޭކަލުންނޭ"..އެޤަރުނުތަކުގަ އުޅުނު ލެއްވިހާ ނުބައިކަމެއް ކުރި މީހުންނެއްނޫން..ސޯލިޙްބޭކަލުން މާތް ނަބިއްޔާގެ އަހުލުވެރިން ޝަހީދުކޮށް އަލީގެފާނަށާ ފާތުމަތުގެފާނަށް ބަދުދުޢާ ނުކުރާނެކަން ބުއްދިއެއް ހުރި މީހަކަށް ވިއްޔާ އެނގޭނެ..ތިޔަ ހުރިހާ ނުބައިކަމެއްގެ މޭސްތިރިއަކަށް ހުރީ ޔަޒީދު ބުން މުޢާވިޔާއާއި އޭނަގެ ބައިވެރިން..މިއީ ސޯލިހުންނޭ އަހަރެން ބުނާނެތަ؟؟އުލު ބޭންދިޔަސް ނުބުނާނަން.
އަފްރާސިޔާބް
29 September 2022
ބްރޯ، ކަލޭ ބިރިޓިޝް ގިރާލައިގެން ބޯންވީނު، އޭރުން ލިޔެވޭ ނުލިވޭ އެއްޗެއް އެގޭނެ.
އަފްރާސިޔާބު
29 September 2022
ކަލޭތީ ބީރުބޮލު ވަޒީރެއްނޫން، ބިރިޓިސް ވަޒީރު
ހިބިރިންބެއްޔާގެ ކުޑަސޮރު
28 September 2022
މޯޑަށްވުރެ ތަޚްތު ހައްގުމީހުން އެބަހުރި. ކޮބާ އިންސާފް؟
އިދުރީސްބާ
28 September 2022
ކާކު؟... ކައޭތަ؟
ށަވިޔަނި
28 September 2022
އަމިއްލަ މިލްކަކަށް ބޭނުންގޮތަކަށް ހެދުމަކީ މައްސަލައެއް ނޫން.
އަފްރާސިޔާބު
28 September 2022
އެގޮތަށް އެކަން ކުރަންޖެހުނީ ޚަޝޮގްޖީގެ މަރުގެ މައްސަލާގައި އެމެރިކާގެ ކޯޓަށް ހުށަހެޅި ބަލަމުންދާ މައްސަލާގައި އެމް.ބީ.އެސް ސަލާމަތް ކުރުމަށްޓަކައި. ސައޫދީގެ ގާނޫނު ހުންނަގޮތުން ރަސްގެފާނާއި ބޮޑުވަޒީރުގެ އެއްވެސް މައްސަލައެއް ވެރިކަމުގައި ތިއްބައި އެއްވެސް ކޯޓަކަށް ޙާޟިރެއް ނުކުރެވޭނެ. އަދި ބޭރުގައުމެއްގައިވިޔަސް އެތެރޭގައިވިޔަސް އެއްވެސް ކޯޓަކަށް ޖަވާބުދާރީ ވާކަށްވެސް ނުޖެހޭނެ. ރަނގަޅުގޮތެއް.