ރައީސް އިބްރާހިމް މުހައްމަދު ސޯލިހު، ހެލްތު ސެންޓަރުތަކުގެ އިސްވެރިންނާ އިއްޔެ ބައްދަލުކުރެއްވުމަށްފަހު ފޮޓޯއަކަށް ހުއްޓިވަޑައިގެން.-- ފޮޓޯ: ރައީސް އޮފީސް
03 އޮކްޓޯބަރ 2022 - 11:12
15 comments
ކުރިއަށް އޮތް ތަނުގައި ސިއްހީ ދާއިރާއަށް ހެޔޮ ބަދަލުތަކެއް ގެނެސްދޭނެ ކަމުގެ ޔަގީންކަން ރައީސް އިބްރާހިމް މުހައްމަދު ސޯލިހު އިއްޔެ އަރުވައިފި އެވެ.
ސިއްހީ މަރުކަޒުތަކަށް އައްޔަންކޮށްފައިވާ އިސްވެރިންނާއެކު ބޭއްވެވި ބައްދަލުވުމުގައި ވާހަކަފުޅުދައްކަވަމުން ރައީސް ވިދާޅުވީ ސިއްހީ ދާއިރާގައި އަދިވެސް އިތުރަށް ރަނގަޅުކުރަން ޖެހޭ ކަންކަން އެބަހުރި ކަމަށެވެ. އެކަމަކު، އެ ދާއިރާއަށް މިހާރު ވެސް ބޮޑެތި ބަދަލުތަކެއް ގެނެސްފައިވާ ކަމަށް އެ މަނިކުފާނު ވިދާޅުވި އެވެ.
ރައީސް ވިދާޅުވި ގޮތުގައި މުޅި ރާއްޖޭގެ ސިއްހީ ހިދުމަތްތަކުގެ ފެންވަރު ރަނގަޅުކުރުމަށާއި ސިއްހީ ދާއިރާއަށް ގެންނަންޖެހޭ ބަދަލުތައް ގެނައުމަށް އަންނަ އަހަރު ހާއްސަ އިސްކަމެއް ދެއްވާނެ ކަމަށެވެ.
މިހާރު އެކި މަރުހަލާތަކުގައި ހުރި ސިއްހީ ދާއިރާގެ ބައެއް މަޝްރޫއުތަކުގެ އެންމެ ފަހުގެ މައުލޫމާތުތައް ބައިވެރިންނާ ހިއްސާކުރުމާއެކު، ކުރިއަށް އޮތް ދުވަސްތަކުގައި ސިއްހީ ދާއިރާއަށް ހެޔޮ ބަދަލުތަކެއް ގެނެސްދެއްވާނެ ކަމުގެ ޔަގީންކަން، އެ ބައްދަލުވުމުގައި ބައިވެރިވެވަޑައިގެންނެވި ބޭފުޅުންނަށް ރައީސް ވަނީ އަރުވައިފަ އެވެ.
އެ ބައްދަލުވުމުގައި ނައިބު ރައީސް ފައިސަލް ނަސީމް ވިދާޅުވީ ރަށްރަށުގެ ސިއްހީ ހިދުމަތްތައް ރަނގަޅުކޮށް، ފެންވަރު މަތިކުރަން މީގެ ކުރީ ސަރުކާރަކުން ނުދޭހާ ސަމާލުކަން މި ސަރުކާރުން ދެމުން އަންނަ ކަމަށެވެ.
މި ބައްދަލުކުރެއްވުމުގައި ސިއްހީ މަރުކަޒުތަކުގެ އިސްވެރިން ވަނީ މި ދައުރުގައި ސިއްހީ ދާއިރާއަށް ބޮޑެތި ކުރިއެރުންތަކެއް ލިބިފައިވާކަން ފާހަގަކުރައްވައިފަ އެވެ.
މީގެ އިތުރުން ހެލްތް ސެންޓަރުތަކުގެ ލެވަލް އަޕްގްރޭޑްކުރުމާއި މުވައްޒަފުން މަދުވުމާއި މޮބައިލް ލެބޯޓްރީގެ ހިދުމަތާއި ބޭސް ލިބުމުގައި ދިމާވާ ދަތިތައް އަދި ޕަބްލިކް ހެލްތް ޔުނިޓްތަކުގެ މަސައްކަތްތައް އިތުރަށް ހަރުދަނާކުރަން ބޭނުންވާ ބައެއް ކަންކަމާއި ދިމާވާ ދަތިތައް މި ބައްދަލުވުމުގެ ބައިވެރިން ވަނީ ހިއްސާކުރައްވައިފަ އެވެ.
ސިއްހީ ދާއިރާއަށް ހެޔޮ ބަދަލު ގެނެސްދޭނެ ކަމުގެ ޔަގީންކަން ރައީސް ދެއްވިއިރު، މި ސަރުކާރުން އަންނަނީ ފަސް ސަރަހައްދެއްގައި ޓާޝަރީ ފެންވަރުގެ ހޮސްޕިޓަލްތައް ތަރައްގީކުރުމުގެ މަސައްކަތްކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢެޑްމުންޑޯ
03 October 2022
ކުރީ ސަރުކާރުތަކުން އިސްކަން ނުދޭ މިންވަރަށް ސިއްޙީދާއިރާ ތަރައްގީ ކުރަން އިސްކަންދޭ ކަމަށް ބައިބު ރައީސް ވިދާޅުވީމާ ހުއްޓުން އަރާފައި މިހުރެވެނީ ، އެއީ އެވިދާޅުވާ ކުރުއެރުމެއް އަދި މިހާތަނަށް ނުފެންނާތީ !
އެމްސް
03 October 2022
ސިއްޙީދާއިރާއަށް އަންނަ ބަދަލުތަކަކީ މުޅިންވެސް ޢިމާރާތްތަކަށް ގެންނަ ބަދަލުތައް! މިސާލަކަށް ދަރުމަވަންތަ 25 ބުރިއަަށް ނެގުން! ސިއްޙީޚިދުމަތަކީ އަގުހެޔޮ ބޮންދު ލޭބަރުންނަށް އަދާކުރެވޭނެ ކަންކަމެއް ނޫން! އަހަރަކު ކިތައް ޑޮކްޓަރުން ތަމްރީނުވޭތޯ؟ ސަރުކާރު ކުންފުނިތަކުން އެތައްސަތޭކަ މިލިޔަން، ސީއެސްއާރު ބަޖެޓުންވެސް ހޭދަކުރާއިރު، ބީއެމްއެލް ފަދަ ތަންތަނުން، ކިޔަވާލޯނުގެ އިންޓަރަސްޓާއި މޯގޭޖް ފްރީކޮށްލަންވީ ނޫންތޯ؟ ކޮންމެ 1000 މީހަކަށް 10 ޑޮކްޓަރުން!
ށަވިޔަނި
03 October 2022
ހުރިހާ ވެރިންވާ ވައުދަކަށްވީތީ ކުރި ވައުދަކަށް ނުވިއްޔާ ކިތަންމެހާވެސް ރަނގަޅު.
ރެޓޭ
03 October 2022
ރައީސް މިހާ ހީކުރަނީ ސިއްހީ ދާއިރާއަކީ އަތުރާލާ ޓެންޓެއް ކަަހަލަ އެއްޗެއްކަމަށް! ޓެންޓެއް ގެނެސް އަތުރާލެވިދާނެ 3، 4 ގަޑިއިރުން! މިދައްކަނީ ދެމެހެއްޓެނިވި އިތުބާރު ހުރި ހަރުދަނާ ސިއްހީ ނިޒާމެއް ޤާއިމްކުރާވާހަކަ! 1 އަހަރަކުން ތިޔަކަމެއް ނުވާނެ، އަމުދުން އެ ކޮލެޓީއެއްވެސް ނެތް ސަރުކާރުގަ ތިކަމާ ހަވާލުވެފަތިބި މީހުންގެ!
ޑިސްއޮނަރަބަލް ޑީޑީ
03 October 2022
ދެން ފައިބާ. މިހާރު ފުދިއްޖެ. ފުދިގެން އިތުރުވެސްވެއްޖެ.
އަހްމަދު
03 October 2022
ސޯލިހު ތިޔަބުނާ ހެޔޮބަދަލު މިއޮތީ އައިސްފާ. އިތުރަށްދެން ގެންނާނެ ބަދަލެއްނެތް. ކުރީގެ ސަރުކާރުން ހުރިހާ ރަށަކުން ލިބުނުސިއްޙީ ޚިދުމަތާއި ފާމަސީ ތަކުގެ ޚިދުމަތް ހުއްޓިއްޖެ. ކުރިން މިނިސްޓަރު ކަމުގައި ހުރި މީހާ މުސްކުޅިކަމުން މަގާމުން ވަކިކޮށް ޒުވާން މިނިސްޓަރަކު ލުމަކީވެސް ހެޔޮބަދަލެއް. ހޮސްޕިޓަލުގައި އެކަނިއޮވެ ވިހެއުމަކީވެސް ހެޔޮބަދަލެއް. މިކަހަލަ ހުރިހާ ބަދަލެއް މިވަނީ ގެނެސްފައި. އިތުރަށް ބަދަލު ގެންނަން ދެން ނޫޅުއްވާ. މީހާވާނީ އޮރިޔާން.
ޖުކި
03 October 2022
ދަރުމަވަންތަ ތަޅާލައިގެންތަ އެބަދަލު ގެންނަނީ. ވެރި މީހާ ހިތައެރި އެއްޗެއް ނޫންތަ މީ
ބޮޑުމީހާ
03 October 2022
ދެން ތި ބޭއްވި ބައްދަލުވުމުގަ ތިބި މީހުންވެސް ތިބޭނީ އަތްޖހަން. 4 އަހަރު ނިމުނު އިރު ކުރަންއުޅޭ ކަމެއްގެ ކޮޅެއް މެދެއް ނުފެނޭ. ދެން އިންތިހާބު އޮންނަ އަހަރު ތިއުޅެނީ އަނެއްކާވެސް ރައްޔިތުން ދަރުވަން
ގުދުގުދުލީބެއްޔާގެ ތެދުބަސް
03 October 2022
4 އަހަރު ދުއްވާލީ އަޗާތެޅުމުގާ. 1 އަހަރަށްވީމާ ތެޅިފޮޅެނީ.
އެމްސް
03 October 2022
ހަތަރު ފަސް އަހަރަކުން އެމްބީބީއެސް ވެސް ނުނިއްމޭނެ! އެމްބީބީއެސް އަށްފަހު ވަކި ރޮނގު ރޮނގަށް ޚާއްސަވެ ތަޖުރިބާ ހޯދާލަން މަދުވެގެން 10 އަހަރު ނަގާނެ! ސުވާލަކީ، ސިއްޙީ ދާއިރާ ރަގަނޅުކުރަން އަހަރަކު ކިތައް ޑޮކްޓަރުން ތަމްރީނަށް ފޮނުވޭތޯއެވެ؟ 1 މިލިޔަންގެ އާބާދީއަކަށް ބަލައިގެން ރާވަންޏާ ކޮންމެ އަހަރަކުވެސް 100 ޑޮކްޓަރުން ތަމްރީނަށް ފޮނުވަންވާނެ! އޭރުން އޭގެ 10 އަހަރު ފަހުން ކޮންމެ އަހަރަކުވެސް މަދުވެގެން 50 ނޫނީ 75 ސްޕެޝަލިސްޓުން ދާނީ އަންނަމުން!
ާއުނިމާ
03 October 2022
ބާކީ 1 އަހަރާ ފޮއެ ދުވަސް..ހެހެ ދެން ތިޔަ ބުނާ ކަންކަން ކޮށްދެނީ ކޮން ހަޔާތަކުންތޯ؟