މިއަދު ކްރިމިނަލް ކޯޓުގައި ބޭއްވި އަޑުއެހުމުގައި ޝައުހުން ނިޝާން އާއި ފަޒްލޫން --
17 އޮކްޓޯބަރ 2022 - 10:26
15 comments
ގަލޮޅު ދަނޑުގައި ބޭއްވި ޔޯގާ ހަރަކާތާ ދެކޮޅަށް ހިންގި ހަމަނުޖެހުންތަކާ ގުޅިގެން ދައުވާކޮށްފައިވާ ދީނީ އިލްމުވެރިން ކަމަށްވާ ޝައިހް ފަޒުލޫން މުހައްމަދާއި އާދަމް ނިޝާނަށް ވަކީލުން ހަމަޖައްސަން 10 ދުވަހުގެ މުއްދަތެއް ކްރިމިނަލް ކޯޓުން މިއަދު ދީފި އެވެ.
މި އަހަރުގެ ބައިނަލްއަގްވާމީ ޔޯގާ ދުވަސް ފާހަގަކުރަން ދިވެހި ސަރުކާރާއި ރާއްޖޭގައި ހުންނަ އިންޑިއާ ހައި ކޮމިޝަން ގުޅިގެން ބޭއްވި ހަރަކާތް ކުރިއަށް ގެންދަނިކޮށް ބަޔަކު ދަނޑަށް ވަދެ ހިންގި ހަމަނުޖެހުންތަކުގެ މައްސަލައިގައި ހައްޔަރުކުރުމަށް ފަހު މިހާރު ދޫކޮށްލާފައިވާ ފަޒްލޫނާއި އާދަމް ނިޝާނަށް ދައުލަތުން ކުރީ ޓެރަރިޒަމްގެ އަމަލަކަށް ހިތްވަރު ދިނުމުގެ ކުށުގެ ދައުވާ އެވެ.
ނިޝާނާއި ފަޒްލޫންގެ މައްޗަށް ކުރާ ދައުވާތަކުގެ ފުރަތަމަ އަޑުއެހުމަށް މިއަދު އެ ދެ މީހުން ވެސް ކޯޓަށް ހާޒިރުވީ ވަކީލަކު އައްޔަން ނުކޮށެވެ. ދެ މީހުން ވެސް ބުނީ ކޯޓުން ހަވާލުކުރި ލިޔުންތައް ލިބިއްޖެ ކަމަށާއި ދެން ކުރިއަށް ދާން ބޭނުންވަނީ ވަކީލަކާއެކު ކަމަށެވެ.
ވަކީލަކު އައްޔަން ކުރަން 10 ދުވަހުގެ މުއްދަތެއް ދިނުމަށް އެދުމުން، މައްސަލަ ބައްލަވާ ގާޒީ ހުސައިން ފާއިޒު ރަޝާދު 10 ދުވަސް ދެއްވި އެވެ.
ދައުލަތުން މިއަދު ހަމައެކަނި ބުނީ މައްސަލައާއެކު ފޮނުވާފައިވާ ވަރަށް ގިނަ ސީޑީތަކެއް ހުންނާނެ ކަމަށެވެ. ދައުވާ ލިބޭ ފަރާތްތަކަށް ދީފައި ހުރި ސީޑީތައް މަސައްކަތް ކުރާކަން ކަށަވަރު ކުރަން ވެސް އެދުނެވެ.
ނިޝާނާއި ފަޒްލޫން އަށް ދައުވާކޮށްފައިވާއިރު، ޔޯގާ ހަމަނުޖެހުމާ ގުޅިގެން ރައްޔިތުންގެ މަޖިލީހުގެ ހޯރަފުށީ ދާއިރާގެ ކުރީގެ މެމްބަރު މުހައްމަދު އިސްމާއިލަށް ކުރަނީ ޓެރަރިޒަމްގެ އަމަލެއް ހިންގުމުގައި ބައިވެރިވުމުގެ ދައުވާ އެވެ. އޭނާއާއެކު، އިތުރު ހަ މީހަކަށް އެ ދައުވާ ކުރެ އެވެ. ޓެރަރިޒަމްގެ އަމަލެއް ކުރުމުގެ ދައުވާ ވެސް ހަ މީހަކަށް ކުރެ އެވެ.
ގާނޫނު ތަންފީޒުކުރާ މުވައްޒަފެއްގެ ވާޖިބަށް ހުރަސް އެޅުމުގެ އިތުރު ދައުވާއެއް 15 މީހަކަށް ކުރާއިރު، ހަތިޔާރެއް ބޭނުންކޮށްގެން މާރާމާރީ ހިންގުމުގެ ދައުވާއެެއް އެކަކުގެ މައްޗަށް އަދި ހަތިޔާރެއް ބޭނުން ކޮށްގެން މާރާމާރީ ހިންގަން އުޅުމުގެ ދައުވާއެއް ތިން މީހެއްގެ މައްޗަށް ކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޢަހުމަދު
17 October 2022
ދީނަށް ފުރައްސާރަކުރާ މީހުން ދޫވެފަ. ސަރުކާރުގެ އިސް މަގާމުތަކުގައި. މިސްކިތައް ބޮކަމު ދާ މީހުން ދޫވެފަ. ޝޭހުން ހައްޔަރުކޮށް އެތައް އަހަރަކަށް ޖަލަށް ލާން މަސައްކަތް އެކުރަނީ. ހައްޔަރުކުރި އެންމެން ދޫކޮށްލަން ޖެހޭ
އަހުމަދު އަބްޑޫލް
18 October 2022
މި މީހުން ޓެރަރިޒަމް ގެ އަމަލެއް ހިންގި ތަ؟
ނާޑުވާ
17 October 2022
އިދިކޮޅު ސިޔާސީ ޕާރޓީ ތަކުން ވެސް މިކަން ރާވާފަ މި މީހުންނަކާ ހަވާލެއް ނުވި. ށަބަބު ވަރަށް ސާފު. މުޖުތަމަޢުގެ ހަމަޖެހުން ނަގާލާ މާރާމާރީ ހިންގުމަކަށް އިސްލާމްދީން ބާރެއް ނާޅާ.
ބިސްތަކުރު
17 October 2022
އަދިވެސް ވަކީލަކު ނުހޯދާ. މީހުންގެ ގަޔަށް ބޮލަށް އަރައިގަންނަ ހިތް ހުންނަންޏާ އަބަދުވެސް ބަހައްޓަންވާނެ ވަކީލަކު ރެޑީ ކޮށްފަ.
ޙިނި
17 October 2022
ތިމީނުން ދޫކޮއްލާ، ތިޔައްވުރެ ރަންގަޅުވާނެ ދީނައް ފުރއްސާރަ ކުރާމީހުން ހުއްޓުވިއްޔާ. ޔޯގާ ހަދާނީ ގަލޮޅު ދަންޑަކު ނޫން ގޭގަ ތިބެގެން ހަދާބަލަ. ދީން ދިފާއުކުރަންޖެހޭ އެއީ ފަރުދީ ޒިންމާއެއް.
ސިލްސިލާ
17 October 2022
އެއީ ހަމަ އެކައްޗެއްގެ ދެ ފުށް. ދެބައި މީހުންނަކީވެސް ހަމަޖެހުމަށް ހުރި ނުރައްކަލެއް.
ހަރުކަށި
17 October 2022
ޔޯގާ ހަދާކަށް މަށަކަށް ނޭނގޭ. އެކަމަކު އެެެއީ "ޝިރުކޭ" ބުނީމާ މިމީހުންނަށް ޝިރުކަކީ ކޮބާކަން ހިސާބަކަށް އޮޅިފައިވާހެން ހީވަނީ. މިމީހުން ދަރިވަރުވީ މީގެ ދެތިން ގަރުނެއް ކުރިން ނަޖުދު ކަރައިން އުފެދި މުޅި އިސްލާމީ އުންމަތް ތަކުފީރު ކުރި ވައްހާބީންގެ އާލު ޝައިޚުން ކާރިން މިމީހުން ދަރިވަރު ވީ. މިމީހުންނަށް ޝިރުކާ ބިދުޢަ އާ މުޅިން ފެންނާނީ. ދީން ކިޔަވަން އަޒުހަރަށާއި ޒައިތޫނާ ފަދަ ތަންތަނަށްވެސް ކުދިން ފޮނުވަން ފަށަންވީ. މިމީހުންވެސް މުހިންމު. އެކަމަކު އެމީހުންގެ ހަރުކަށިކަން ބެލެންސް ކުރާނެ ބަޔަކުވެސް ބޭނުންވޭ.ބ
ދީނަކީ އިސްލާމް
17 October 2022
ކޯއްޗެއް ބެލެންސް ކުރަންތޯ ތިއުޅެނީ؟ މާތްﷲގެ ދީން ބާވާލެއްވެވީ ފުރިހަމަ ގޮތުގަ. ޝިރުކަކީ ކޮން އެއްޗެއްކަން އޮޅުވައެއް ނުލެވޭނެ މިޒަމާނުގަ. މައުމޫނުގެ އެ ޒަމާނަށް ދުނިޔެ ޓާޓާ ކިޔައިފި. މިހާރު ފޯނެއް އޮތިއްޔާ ޔޯގާގެ އަސްލު ދެނެގަނެވޭނެ. އަދި ސަލާމަތް ބުއްދި ނުވަތަ އަމިއްލަ ނަފުސަށް އޮޅުވާ ނުލަންޏާ އެނގޭނެ ވާނުވާ.
މަދުޚަލީ
17 October 2022
މި ދެމީހުންވެސް ތިބީ ފުކެއް މަތީގަ. މީހުން ތަކްފީރު ކޮށް "އަބަދުގެ އަބަދަށް ނަރަކައިގައި މުއްދަތު ޖަހަމުން" ދާ ދެމީހުން. ގައުމެއްގައި އުޅެވޭނީ އެތަނެއްގެ ގާނޫނުތަކަށްވެސް ކޮންމެސް ވަރަކަށް ތަބާ ވެގެން.
އެސްއެސްތޯ
17 October 2022
ދިވެހި ރާއްޖޭގެ ޤާނޫނު އަސާސީން ހުއްދަ ދޭ އެ ދަނޑު ބޭރަށް އެއްވެ ޝުޢޫރު ފާޅުކުރަން. ދީނީ ގޮތުން ވާޖިބެއް އެއީ އެކަމުގެ ނުބައިކަން ބުނެދިނުން. އެމީހުން އެކުރީ އެކަންތައް. ތަޅަން ވަންނާކަށް ނުގޮވާ. އަދި ނުވެސް ވަދޭމެ. ދެން ކޮބާ ފުކެއް ބޮޑުވަރުވެފަ؟ ތިބީދައިން ސިޔާސީ ހަމަނުޖެހުމުގެ ތެރެއިންވެސް ޖެހޭނެ ބައިވެރިނުވާ ސުލްޙަވެރި ބައިވެރިންވެސް ހިފާ ހައްޔަރުކުރަން؟!
މަގޭ ގައުމު. މަބުނާގޮތްވެސް އަޑުއަހަން ޖެހޭނެ!
17 October 2022
ތަނބިކައްޓަކަސް ފައިކޭޓަކަސް ގާނޫނުން މަތީގައި ނުހުރެވޭނެ. ކަމެއްވެގެން މި ގައުމުގަ މި ގަރުނުގަ ގާނޫނު ހަދައިގެން މިއުޅެނީ! އެގޮތް ކަމު ނުދައްޏާ ކަލޭމެންނައް ކަމުދާ ސަހަރަކައް ހިޖުރަ ކުރޭ!
ރާޔާ00
17 October 2022
ނޭގި ނަމަވެސް ދީނުގެ ކަންކަމަށް ފުރައްސާރަ ނުކުރޭ.
ރާޔާއަށް
17 October 2022
ހިޔެއްނުވޭ އޭނާ އެ ކޮމެންޓުކުރާއިރު ދީނަކީ ކޯއްޗެއްކަންވެސް އެނގޭހެނެއް.
އުމަރުބެ ބނޑދ
17 October 2022
ނިސާން އަދި ފަޒުލް އަކަސް ކާސިމަކަސް އިސްލާމް ދީނުގާ ނޯންނާގެ މީހުންގެ ގަޔައްބޮލައް އަރާ އަމިއްލަ އަމިއްލަޔައް ހުކުންއިއްވުމެއް ގަޔައްބޮލަކައްނެރޭނެ ގާނޫނީ އިމުގެ ތެރެއިން ކަންކަން ހުއްޓުވަންޖެހޭނީ ތިމަން މީހާބޭނުންވީމާ އަމިއްލަ ހުކުމެއްނުއިއްވޭނެ އިސްލާމް ދީނުގާ އެގޮތަކައްނޫން ހައްދުގާއިމް ކުރަނީކީ މިކަހަލަ މީހުންގެ ސަބަބުން އިސްލާމްދީނުގެ އަގުވެއްޓެނީ މީހުން ދީނައްކުރާ އިހުތިރާމުގެއްލެނީ
ލަވައަލީ
18 October 2022
ލަވައަލީ ތި ގޮތާ ނު ގަބޫލު